خلاص نويت وعزمت تكفون وجهونــــي

[school]

رحت البنك وقال أن أكثر فلوس ممكن يعطيني هي 262ألف طبعا تمويل شراء أسهم

أنا محتار هل أخذ الفاوس كلها والأ لا خصوصا أني أحتاج فقط 150 ألف منها الان

لكن المشكلة أني لو خذت 150 بعدها أقدر اخذ من عندهم تمويل اخر قدره 46ألف بس

طبعا البنك هوبنك الراجحي

والتمويل متوافق مع الشريعة

والله مدري وش أسوي


بالله أن تنصحوني لأني متحير


يارب يا حي يا قيوم وفق واغنى من دلني على مافيه صلاحي واغفر له ولوالديه وارحمهووالديه انك سميع مجيب الدعاء

[school]

رد يا ناس

والله أني أدري أنكم مشغولين بس تكفون

[s3bool]

انا شخصيا ضد فكرة الاقتراض من اجل الدخول بالاسهم!! خطا ياخى ممكن تاخذ قرض لشى ضرورى زواج مثلا لكن قرض تشترى فيه اسهم هذى مغامره ,,,,, تحياتى

[school]

الأخ الكريم s3bool
شكرا لمرورك الكريم بس أنا ما ودي أطلع الفلوس عشان الأسهم

عشان أمور أخرى

بس محتار أخذ 150 الف ولا المبلغ المستحق كاملا

[علي الدوسري]

انا باشور عليك شورة وانت بهواك

اذا انت محتاج ال 150 الف اخذها ممتاز

اذا فكرت تاخذ زيادة فكر وش راح تسوي فيها قبل تاخذها ؟

فية مشروع في بالك ؟ في فكرة بتسويها ؟ في شي معين

لاتاخذ الفلوس ثم تفكر فكر اول ثم خذها

وان مالاقيت فكرة انصحك انك ماتزيد عن ال 150 الف الي محتاجها



>>>>>>>>> أسأل مجرب

[خالد المحيسن]

السلام عليكم
اخوي ان كانك ما بعد خذت الفلوس ف انصحك تاخذ قدر حاجتك ولا تزيد - شوري عليك لا تآخذ الا 150 الف وان كان بعد تقدر تآخذ اقل خذ اقل -
ترى الدين مذموم في كل الأحوال حتى الشهيد ما يطيح عنه الدين
- لا تزيد عن حاجتك عشان تفتك من الدين في وقت اسرع - عسى الله يبارك لك فيما عطاك وفي مالك ووقتك وعمرك ودنياك وآخرتك وللمسلمين اجمعين
والسلام

[صقار الاسهم]

أخي الكريم
فهمة من كلامك تقريباً بأنك سحبة الفلوس وصارت معك

أنا أقول لك نصيحة لوجهة الله شغلها في صنديق الاستثمار مثلاً في سامبا او البريطاني ،قصتك تشبه قصة واحد من الشباب أخذ قرض قبل شهر ونصف وأحتار فيها فا كانت نصيحتي له لك الأن وماشاء الله الرجل خايف يخسرها دخل في البريطاني في صندوق الامانه وصندوق المتاجرة تقريباً بحدود 22000 لكل صندوق، وبعد ستة أسابيع جاني وقال لي ربحت إلأ الأن فوق 8000 ريال هذا الكلام يوم الاربعاء الماضي 16/2/1426هـ طبعاً أخذ تمويل أسهم من الراجحي بحوالي190000 ريال ،
ترى الدين متعب لنفس ومخيف ، هذا نصيحتي لك بارك الله فيك

[ابن دارم]

إذا أنت محتاج فلا تأخذ أكثر من حاجتك وحاول قدر الأستطاعة أن تقلل عدد السنوات في السداد حتى تقل عليك النسبة .
هذا أمر والأمر الثاني إذا انت تبي تقترض من أجل تشتغل في الأسهم فأنصحك أن لا تشتغل بنفسك وإنما أدفعها لغيرك ممن عرف عنه أنه ناجح في المضاربة بالأسهم سوء بنوك أو أفراد لأننا في زمن العمالقة ولو أخذ جزء كبيرا من الربح فهو سيريحك ويحقق لك أرباح أكبر من الأرباح التي تحققها لنفسك.

وفقك الله لكل خير وصلاح[QUOTE]

[أبو لميس]

أخي الكريم
فهمة من كلامك تقريباً بأنك سحبة الفلوس وصارت معك

أنا أقول لك نصيحة لوجهة الله شغلها في صنديق الاستثمار مثلاً في سامبا او البريطاني ،قصتك تشبه قصة واحد من الشباب أخذ قرض قبل شهر ونصف وأحتار فيها فا كانت نصيحتي له لك الأن وماشاء الله الرجل خايف يخسرها دخل في البريطاني في صندوق الامانه وصندوق المتاجرة تقريباً بحدود 22000 لكل صندوق، وبعد ستة أسابيع جاني وقال لي ربحت إلأ الأن فوق 8000 ريال هذا الكلام يوم الاربعاء الماضي 16/2/1426هـ طبعاً أخذ تمويل أسهم من الراجحي بحوالي190000 ريال ،
ترى الدين متعب لنفس ومخيف ، هذا نصيحتي لك بارك الله فيك


إيوه بس غريبه كيف يربح وهو يسدد شهريا لي البنك حق القرض أقل شي 3000 ريال يعني يمكن إلي يطلع من الصناديق شهريا يزود عليه ويسدد القرض ... هل كلامي صحيح :601: وإلا في طريقه لي سداد القرض a4

[ssddff]

السلام عليكم ورحمة الله وبركا ته/ اخواني الاعزاء/ اخذت اسهم عن طريق الراجحي ب/130000 / وبعد ذللك قمت بعملية البيع والشراء في الاسهم بنفسي حتى شبعت من الخسا ئر يا الربع من يعرف احد الثقات يدلني عليه عسى نرجع الديون واشتري ارض لعيا لي/ amz2005@gawab.com

[Japan]

اخى العزيز | نصيحــــــــــــــه لله...لا تأخذ قرض من اى بنك ابدا ابدا ابدا.

وبعد انصحك اذا اخذتها فاعدها او ما تبقى منها فورا فورا فورا ولا تتردد ولن تندم باذن الله!!!

واسال الله لك ولنا ولكل من يفكر فى مثل هذا العمل ان يصرفه عنه وان تورط ان يخرجه منه عاجل غير اجل!

[ahmsaudi]

الأخ الكريم s3bool
شكرا لمرورك الكريم بس أنا ما ودي أطلع الفلوس عشان الأسهم

عشان أمور أخرى

بس محتار أخذ 150 الف ولا المبلغ المستحق كاملا
ياخي بالعقل لا تاخذ الا حاجتك وشلك والفلوس الزايدة