تعالوا نتعرف على بعض اكثر

[faten]

بما اننا اعضاء في منتدى واحد ومانعرف عن بعض سوى اسم المستخدم فتعالوا نتعرف على بعض اكثر اكثر
يللا كل واحد يجاوب على هذه الاسئلة :
الاسم :
العمر:
الحالة الاجتماعية:
المهنة:
السهم المفضل:
سبب اختيار اسم المستخدم:
من اقترح عليك بالدخول في الاسهم:
عدد سنوات الخبرة في الاسهم:
اكبر مكسب حصلت عليه ومن اي شركة:
اكبر خسارة حصلت عليه ومن اي شركة:
موقف ما تنساه سارلك في الاسهم:

وانا اول وحدة بجاوب على الاسئلة:
الاسم: بحط اسم الدلع لاني متعودة ينادوني فيه (لولي)
العمر:18 سنة
الحالة الاجتماعية: آنسة
المهنة :توني متخرجة من الثانوي
السهم المفضل: سابك
سبب اختيار اسم المستخدم : لانه اسم ماما وغالي علي
من اقترح عليك بالدخول في الاسهم:ماما الي اقترحت علي عشان ما احس بفراغ
عدد سنوات الخبرة في الاسهم:من اول ما تخرجت يعني ما كملت سنة
اكبر مكسب حصلت عليه ومن اي شركة: اكبر مكسب 11 ريال في السهم ومن شركة سابك
اكبر خسارة حصلت عليه ومن اي شركة: اكبر خسارة 40 ريال في السهم ومن شركة حائل (ومازلت متعلقة فيها )
موقف ما تنساه سارلك في الاسهم: ما اذكر شي

[saleh5005]

اللهم اني صايم استغفر الله العظيم....

[faten]

يالله ليش وش سويت ليش كذا تحسسني بذنب يعني بس انت الي صايم كلنا صايمين ولله الحمد

[الساهرنت]

مررررررررررررررررررحبا
والله يحيك في المنتدى بس تعرفين الناس هنا مايحبون يكشفون اسرارهم
بالنسبة لسبب اختياري للاسم حبي الشديد للسهر وحبي للانترنت ماحب اشتغل على الكمبيوتر في اي وقت الا في اخر الليل يعني
السهر + الانترنت =الساهرنت احتفظ بحقوق الملكية من اول ما دخلت الانترنت السعودية اااااااااااااااي
وهلا فيك
السهم المفضل كل الاسهم اللى في القائمة النقية من الربا
العمر 2000 سنة - 1976سنة =..{....}..... (اكمل الفراغ)

[الغاط]

الاسم :غااااااااطي
العمر: ربع قرن
الحالة الاجتماعية: متعلق
المهنة: فلاااااح ورجليني كلها شطوب
السهم المفضل: ميشوووو
سبب اختيار اسم المستخدم: لأني غاطي
من اقترح عليك بالدخول في الاسهم: واحد الله لايجزاه بالخير
عدد سنوات الخبرة في الاسهم: اشهر
اكبر مكسب حصلت عليه ومن اي شركة:اقصاد البنك
اكبر خسارة حصلت عليه ومن اي شركة: مكة وتسع شركات بعدها
موقف ما تنساه سارلك في الاسهم: موقف ما انساااااااه سارلي احححح صار لي؟؟؟؟ ماصار لي شي

[ابوخمايل]

انا بصراحه الحين ما اقدر اجاوب الا على سهمي المفضل وهو :
ســـــــــــــــــــــــــــــــــــــــــــــــــ ــــــابك
والسبب لتحقيق اكبر مكسب فيه
والى الان مستثمر
والباقي من الاسئلة بعد العيد
:609:

[faten]

بصراحة اشكر الساهر نت والغاط وابو خمايل على الرد لان بصراحة لو ما رديتوا كان حسيت اني مسوية شي غلط بس انا اشوف ان في كل منتديات الاسهم فيها نفس الشي بس ما ادري ليش في ناس يفهمون غلط واتمنى ان اي احد يقرى الموضوع يرد عشان احس ان عادي مو بس مجاملة

[مؤشر الشمال]

بسم الله الرحمن الرحيم
السلام عليكم ورحمة الله وبركاته

العمر:
مدري كم وثلاثين ..
الحالة الاجتماعية:
ابو حازم
المهنة:
موظف
السهم المفضل:
جميع الاسهم النقية
سبب اختيار اسم المستخدم:
لاني ابن الشمال
من اقترح عليك بالدخول في الاسهم:لا احد بل صدفة التقسيط
عدد سنوات الخبرة في الاسهم:سنتين
اكبر مكسب حصلت عليه ومن اي شركة:
18 الف في الكهرباء
اكبر خسارة حصلت عليه ومن اي شركة:
الاحساء 13 الف
موقف ما تنساه سارلك في الاسهم:
كنت حاط امرين لسهم حائل واحد شراء والاخر بيع بنفس الكميه
وجاهزه ما يبقى الا الرقم السري للامرين..
وعندما شفت السهم بدأ بالنزول فكرت بالبيع وقمت بتنفيذ الامر وادخال الرقم السري ..
وقاعد اراقب السهم علشان اشتريه لما ينزل وانشغلت بالماسنجر مع احد الاصدقاء
لاني متطمن بعت .. وبعد 40 دقيقه نزل السهم 7 ريال ..
رجعت ابي اشتري عملت امر شراء والا الرصيد صفر ..
وقعدت محتار ايش اللي حصل .. ورجعت لكشف حساب الاسهم لقيت الكميه مضاعفه ..
اثري اللي حصل اني نفذت امر شراء مع العجله ..
بس الحمد لهه بعد ثلاث ايام انفكت التعليقه ولله الحمد والمنه ..

تحياااااتي الى جميع الاخوان اخوكم ومحبكم في الله ..
http://www.geocities.com/alopidan/opidan2004.JPG
مؤشر الشمال

[faten]

[موقف ما تنساه سارلك في الاسهم:
كنت حاط امرين لسهم حائل واحد شراء والاخر بيع بنفس الكميه
وجاهزه ما يبقى الا الرقم السري للامرين..
وعندما شفت السهم بدأ بالنزول فكرت بالبيع وقمت بتنفيذ الامر وادخال الرقم السري ..
وقاعد اراقب السهم علشان اشتريه لما ينزل وانشغلت بالماسنجر مع احد الاصدقاء
لاني متطمن بعت .. وبعد 40 دقيقه نزل السهم 7 ريال ..
رجعت ابي اشتري عملت امر شراء والا الرصيد صفر ..
وقعدت محتار ايش اللي حصل .. ورجعت لكشف حساب الاسهم لقيت الكميه مضاعفه ..
اثري اللي حصل اني نفذت امر شراء مع العجله ..
بس الحمد لهه بعد ثلاث ايام انفكت التعليقه ولله الحمد والمنه ..

تحياااااتي الى جميع الاخوان اخوكم ومحبكم في الله ..
http://www.geocities.com/alopidan/opidan2004.JPG
مؤشر الشمال

[/color][/size][/font][/align][/QUOTE]
هههههههههههههههه يالله على ذا الحايل كلنا نعاني منها

[امير النت]

الاسم :
امير
العمر:
32
الحالة الاجتماعية:
راعي مسؤليه
المهنة:
تاجر
السهم المفضل:
كل الاسهم النقيه
سبب اختيار اسم المستخدم:
اختاره لي اصدقائي
من اقترح عليك بالدخول في الاسهم:
صديق
عدد سنوات الخبرة في الاسهم:
مستجد
اكبر مكسب حصلت عليه ومن اي شركة:
مادقق اطلب ريال ونص وامشي الحال
اكبر خسارة حصلت عليه ومن اي شركة:
الجماعي 6 ريال بالسهم
موقف ما تنساه سارلك في الاسهم
لا يوجد

[تاجر كبير]

الأسم :عبدالعزيز (أبو سعود)
العمر 32
رجل أعمال
أفضل سهم :نادك ولقيت فيها خير كثير
أسوأ سهم :اللجين ومتعور منها بالحيل
دخلت الأسهم مع أكتتاب الصحراء (يعني فريش)
والله العالم بعد اللي شايفه من الأسهم أني حترك المضاربه وأشتغل عالأستثمار (أروق وأربح للي مثلي دمهم حامي)
واخيرآ لله يوفق الجميع..

[الكاغد]

يمكن للاعضاء الدخول على هذين الرابطين لمزيد من التعارف


http://tdwl.net/vb/showthread.php?s=&threadid=25936

معرفات الاعضاء ومعانيها (http://tdwl.net/vb/showthread.php?s=&threadid=43752)

http://tdwl.net/vb/showthread.php?s=&threadid=43752

[faten]

مشكور اخوي الكاغد على هذه الروابط
بس في شي ابي اقوله ليش صاحب الفكرة هذي ما تهزأ مثلي ولا عشاني بنت يتشطرون علي ( :fly: )

[mazinf16]

الاسم : مازن..
العمر: مواليد 1976..
الحالة الاجتماعية: أعزب..
المهنة: أعمال حرة..
السهم المفضل: مكة للإنشاء والتعمير..
سبب اختيار اسم المستخدم: لعشقي لطائرة الـ F16 المقاتلة :rolleyes: ..
من اقترح عليك بالدخول في الاسهم: الصدفة البحتة..
عددسنوات الخبرة في الاسهم: سنتين..
اكبر مكسب حصلت عليه ومن اي شركة: 40 ريال من حائل الزراعية :) ..
اكبر خسارة حصلتعليه ومن اي شركة: 10 ريال من النقل البري "مبرد" وكل مالها بتزيد..
موقف ما تنساه سارلك في الاسهم: لا يوجد..

[faten]

مشكور اخوي مازن على مرورك والله يوفقك ان شاء الله ويوفق جميع المسلمين

[خالد المنصوري]

اللهم اني صايم استغفر الله العظيم....

ممكن نعرف يا اخ صالح ماهي المشكلة لديك على هذا الموضوع ؟؟!


نريد فقط ان نعرف لربما تكون انت ترى وتفهم امور لا نفهمها نحن.:615:


وشكرا اختي فاتن على الموضوع الخفيف اللطيف. وبالنسبة لي, فمعرفي هو اسمي الحقيقي وانا مهندس في احدى الشركات و مسجون في قفص ذهبي وفي العقد الثالث وسهمي الحبيب رغم تفريطي فيه هو التصنيع.


ولا يضيرك من ينظرون الي نصف الكوب الفاضي!


والله الله بالوالده http://www.tdwl.net/vb/images/smilies/smile.gif

[faten]

ههههههههههههههههههههههههههههههه
مشكور يا اخ خالد على مرورك ودفاعك

[م ح م د]

الاسم : محمد

العمر: 34

الحالة الاجتماعية: متزوج ولا مانع من التعدد

المهنة: مدرس (( قوموا لي وفوني التبجيلا ))

السهم المفضل: الاسهم النقية من الربا

سبب اختيار اسم المستخدم: حروف اسمي

من اقترح عليك بالدخول في الاسهم: الاستاذ عبد الله هههههههههههههه

عددسنوات الخبرة في الاسهم: اشهر

اكبر مكسب حصلت عليه ومن اي شركة: 10 ريال من مكة

اكبر خسارة حصلتعليه ومن اي شركة: 30 ريال من الكهرباء :(

موقف ما تنساه سارلك في الاسهم: لايوجد

[faten]

مشكور يا محمد على مرورك وترى بعلم عليك المدام ههههههههههههههههههه
والله يوفقكم جميعا

[هدد]

الاسم : هدد

العمر: 34

الحالة الاجتماعية: متزوج ثلاث

المهنة: رجل اعمال

السهم المفضل: الاسهم النقية من الربا

سبب اختيار اسم المستخدم: تعلقي بطيور الصيد والهدد هو انهداد الطير على الصيدة

من اقترح عليك بالدخول في الاسهم: اخي

عددسنوات الخبرة في الاسهم: سنتين

اكبر مكسب حصلت عليه ومن اي شركة: 70 ريال من الاتصالات السعودية

اكبر خسارة حصلت عليها ومن اي شركة: 30 ريال من الكهرباء

موقف ما تنساه سارلك في الاسهم: ادخلت امر للمكيرش وانا كنت اقصد شركة ثانيه والحمد لله قمت وغيرت الامر

الحمد لله خلصنا

[faten]

مشكور ياخوي هدهد على مرورك والله ان شاء الله يخليلك زوجاتك الثلاث وان شاء الله انك تكون عادل بينهم

[الرابح]

اعود للموضوع بعد مشكلة كهرباء الخميس

[faten]

ان شاء الله على خير