تسجيل الدخول

مشاهدة النسخة كاملة : لغز..

عاشقة
12-06-2002, 01:44 AM
سلام عليكم...

تحذير رسمي من وزارة الصحه:ان هذا اللغز قديم ومغبر،،يرجى ارتداء الكمامات الوقائيه قبل قراءة هذا اللغز..واي كح او كحيح بعد هذا التحذير،،لسنا مسئولين عن علاجكم مجانا,,كل واحد يشوف له مستوصف خاص-محناب نكد على عميان


هذا لغز اذكره..واللي يعرفه من قبل الله لايهينه..يتسهل ويطلع ولا يخرب على الباقين..وفيه سن توب وتشبس عند الباب..خوذوا على حبه (ترضيه):p


يقولون فيه واحد لقوه مرمي بالصحراء وميت ومعه ورقه مكتوب فيها التالي
I8044days
وش معناته هالورقه؟؟
والا الورقه ذي بس كومبارس وطايره مع الهوا وماله سنع وداخله عرض؟؟

يللا من يعرف؟؟:confused:
المتفائل جدا
12-06-2002, 01:15 PM
هذا اللغز فيه انقليزى وتقولين قديم

مهوب حاله الا واحد من اهل التشيبس وسنتوب

واذا ماحد عرفه ارسليه لى على الخاص واعطيتس نص الجائزة ...والله انى كريم
المستشار
12-06-2002, 03:48 PM
الله العالم ان الرجال يوم مات عمرة 50 سنة


او انه ضايع له 22 سنة
تداول
12-06-2002, 05:35 PM
صععععععععععععععب

عجزت لا احله .. وش هالألغاز الصعبه ...
عاشقة
12-06-2002, 05:44 PM
واشوف اني عجزت ادخل موضوعي لانكم جالسين عند الباب تحترون الحل...
نطيت نط علشان اجي ارد..
تنرحمون...

المتفاعل جدا..لو سمحت كيس التشبس اللي بمخباتك ذا طلعه..
السرقه حرام-وانا قلت اللي يعرف اللغز ياخذه:mad:

المستشار..معليش بس ممكن تفهمن وشلون استنتجت هالحل..؟
مع انه -Not towards boulevard،،،<---يعني موب لم جاده...

تداول..لو تجيب سواق جيرانكم (البطل)a1 يساعدك..اغديك تعرفه؟؟

يللا نعطيكم فرصه ثانيه..فكروا..
والا بس جيدين تفكرون بالقروش ؟؟؟

الله لايفتنا الا بطاعته<--مع تحيات امي مضيوي:D
المتفائل جدا
12-06-2002, 08:15 PM
انتى ....يا هيه ....لاتظلمينى بسرق تشيبستس وسنتوبتس ...من زينهم .....

اولا ليش انقليزى...مايصلح عربى ...

وبعدين مسوى نفسه (الزير سالم ) عشان يكتشفون القتله - بعدين - بسبب هالوريقه

يمكن اسمه (دايس)ورقم حفيظته ثمان طعشر الف وثمانيه وثمانين...ومتوقع ارامكو اللى بتلقى الجثه

او خطة الجوهر مع المانيا ..4...4..1...ولا بيجى فينا ثمانيه

واخيرا ..............شكل الجواب بايخ.......ياله هاتيه

وانا عندى لغز طويل بس بقوله وترى ماخذه من واحد امريكى يعنى (ماتقدرون تقولون شى) ...اصلى... وفعلا فعلا صعب حتى جوابه مايفهم الا بشرح لواحد ذكى

بس اذا طلبتوا منى اللغز ...وبعد ماتحلون لغز بنت مضيوى
تداول
12-06-2002, 11:03 PM
تصدق اخوي المتفاعل ... على ما قالت عاشقه

تصدق انك شديد وتصلح مدير مدرسه
تداول
12-06-2002, 11:06 PM
بعدين اختي عاشقه

ارجوا عدم الطنزه ... ( تدوخ لين تعرف معناها )

كل شي الا ضياء الحق نور الدين .... لو سمحتي
عاشقة
13-06-2002, 02:23 AM
ماهقيت(ان البراقع يفتتني)-انكم ماتعرفون لها...

ايييييييييه...

يللا-بما اني من ذوات القلوب الرحيمه
<--تسذوب
علشان كذا منيب مماطلة بكم اكثر
عارفه انكم منتصين يحول عند الشاشه تحترون الحل-علشان تروحون تنامون...
مانمتوا من امس...

المهم اذا علمتكم الحل لاتنسون تكشخون به عند ربعكم بالاستراحه بكره..
شرط عقبه...ان...


















يشوتونكم انتم ولغزكم:D

يللا هاكم الحل..
I8044days

I8=I ate
يعني انا اكلت

O=nothing
يعني لاشيء

44days=for four days
لمدة اربعة ايام


يعني انه الميت ذا مات لانه لم ياكل شي لمدة اربعة ايام
I ate nothing for four days

حركه صح؟؟a1


يللا هات لغزك يالمتفاعل..
وجب معك كرتون ببس-تراي شبعت من السن توب(شربت الكرتون كله)-ابي اغير شوي:(
المستشار
13-06-2002, 03:04 PM
يعني انه الميت ذا مات لانه لم ياكل شي لمدة اربعة ايام
I ate nothing for four days



هههههه.

خوش رجال يتفلسف على الناس قبل ما يموت

طيب ليه ماكتب الجملة كاملة .

عشان يجيبون له اكل بسرعة هههههههههه

لان فلسفته الزايدة يوم كتب الرموز والارقام , خلتهم يتحيرون لين يفكون الكود .

ههههه وما يعرفون انه يبي اكل الا بعد فترة طويلة...


عموما حلي انا

i8044 قلت هذي عدد الايام اللي ضايع فيها بالصحراء وقاعد الرجال يحسبها

عشان يعرف كم له وقت ضايع


وقسمت 8044 على 365 يوم بالسنة وطلعت 22 سنة.
المتفائل جدا
13-06-2002, 07:27 PM
بصراحه لغتى الانقلازاويه كنها الترجمة حقت المسبار....لك عليها ...بس اعرف... (عنيد)
<<=== شكله من رواد المسبار (بدون حقوق حفظ يابنت مضيوى)
وبعدين ليش انتى كاتبه توقيعتس بالانقلازاوى......تعقيد ...ولا يعنى انى مثقفه
علمينى الحين
وشلون صارت o =nothing

بنسبة للغزحقى ودى اعطيكم الاجابة اول عشان تدرون انه مهوب بايخ ويحتاج (لخيال وتصور وان تضع نفسك داخل الحدث وماتستعجل فى اطلاق التهكم لان التهكم ينفى عنك صفة الذكاء) ...صحيح انى مؤدب وكلماتى رقيقه
<<<=== شكله مو واثق فى نفسه ولا فى اللغز
يالله خلصنا وقل
احدهم مسافر من الرياض الى الدمام واجه مفترق طرق ... طريق يؤدى الى الدمام وطريق يؤدى الى الخبر(غنى عن القول انه لايعرف الطريق الصحيح) التقى بشخصين لا يعرف الا ان احدهما كذاب لايصدق ابدا واخر صادق لايكذب ابدا(لاحظوا انه مايعرف منهو الصادق من الكذاب)..
وله ان يسأل سؤال واحد فقط لآيهما شاء(سؤال واحد) وبالفعل سأل سؤالا واحدا واخذ اجابة واحده واتجه بكل ثقه الى الطريق الصحيح
ملاحظه / اللغز ليس فيه تؤيلات او فذلكه ...وللتقريب هو عرف الطريق دون ان يعرف الكذاب من الصادق
واليوم مافيه لاسنتوب ولا ببسى ولا بطا....طس..اللى يعرف حتى من قبل يدخل ويجاوب
بنت ابن خيخي
14-06-2002, 01:53 AM
اصرخ واقول -هييييييه ياكذااااااب..

وهو الكذاب يبي يسوي حدا هالثنتين..
1-ياما يبي يلتفت..لانه عرف روحه
2-ياما يقول-لا وقسم حرام عليتس يابنت ابن خيخي..مافيه مثلي احد ولانيب نصاب..(لانه نصاب)


طيب ياخي بلا بخل..
هذاي انا الفقيره وزعت مرطبات وتشبس
وانت يالتاجر ولا شي ياكافي؟؟:confused:

طيب موب علشان شي-بس علشان نفكر زين؟؟؟


شكل الاجابه غلط-بس ابافكر به اكثر(ولو يحصل قريشات والا عشاء والا كوكتيل تسرع التفكير-ترا عادي
نو بربلم):D
المتفائل جدا
14-06-2002, 02:33 AM
عشان كذا ..............انتى فقيرة ...وانا غنى ...على قولتس

وعلى فكرة ترى انا ماقلت انى غنى ..لايجى بعدين وتدرين انى فقير مثلتس و تفضحينى تقولين انى قاعد اتميلح ........................انا غنى باخلاقى وبس (كما يقول كثير من الفقراء)........الف هاء انتهى .اااء

متفقين ؟

حلوا اللغز وخلوا عنكم الاشياء( الصخصية)

ادعس كلتش ياشديد
على طريا شديد
فيه كلب - اعزكم الله - خكرى عاض له على اللحمه قابله كلب- اعزكم الله مرة ثانيه- كلب بدوى قاله البدوى انت يالماخوذ وش اسمك قال :هااااااانى مير وتطيح اللحمه وياخذها ال( ..)البدوى ...ايه قال ال(...) الخكرى شو اسمااك(طلع لبنانى الكلب)....يبى اللحمه تطيح واثر مالك امل لان ال(كلب) البدوى قال اسمي

(شديّد)

حلوه بس قديمه ...
<<<<=====برضوه مش واثق
بنت ابن خيخي
14-06-2002, 03:36 PM
بعد تفكير مستفيض ومقطع بعضه من البارح..

خذ هالحل..ان شاء الله انه يكون صح او مقارب؟؟:rolleyes:

طبعا اول شي انا مفترضه ان الصادق داري ان الثاني يكذب
والكذاب داري ان الثاني صادق..:cool:


السؤال اللي نبي نساله هو

لو اباسال صديقك الثاني عن طريق الدمام وش يبي يقول لي؟؟

طبعا فيه حالتين للشخص..
ا-انه يكون الكاذب..ويبي يقول لي ان الثاني يبي يعطيك الطريق هذا..(وهو الخطا)
لانه كذاب

ب-انه يكون هو الصادق..وداري ان الثاني كذاب..يقوم يقول لي-يبي يعطيك الثاني الطرق هذا (وهو الخطا)

وبكل الحالتين يبون يعطونني نفس الطريق-سواء كان هو الكاذب او الصادق..

وعلى هذا..
اخذ الطرق الثاني..غير اللي قالوه كلهم-وهذا هو طريق الدمام...



هاه جبتها والا لا؟:confused:
المتفائل جدا
14-06-2002, 04:03 PM
ممتاز ....واشهد انك ذكية اذا كنت جاوبتى دون علم سابق .....فعلا فعلا ذكية جدا

بس قولى الصراحه وترانى اصدق بدون حلوف (انا صادق واصدق كل كلمه)...اجتهاد منك والا..؟..ترى الصراحه زينه
بنت ابن خيخي
14-06-2002, 07:01 PM
اول مره اسمعه هنا..وامس

بس اللي فوق هنا (مخ) موب تنكه:D
من البارح وانا اقلب جميع الاحتمالات..واستخدمت علم المنطق بالحل
وانا من النوع اللي اذا سمعت لغز ابتلش وادوخ المين اطلع الحل,,:D
المتفائل جدا
14-06-2002, 07:18 PM
اذا كان كذا ...

فانتى ثروة وطنية

واهنيك على هالتنكه(اسف) على هالمخ ...وعلى انى اصدق بدون حلوف بس ودي تحلفين هالمرة...........لانه لغز صعب جدا ...حتى على سمير.......اللى ماسمعنا له حس
الله يهديه ...........متواضع ..او انه مايشارك الا اذا فيه جوايز
على طارى الجوايز ..........الحمدلله ماحطيت جايزه:612:
المتفائل جدا
15-06-2002, 07:20 PM
لغز جديد
وعليه جايزة (كرسيدا مضللة)

ملك دخل يتفقد السجون وقعت من تاجه قطعة (فص) طاح منه شى وخلاص ...المهم

قال: من يجده تلغى عنه نصف المده من المحكوميه ...يعنى المسجون سنه ..يصير 6 شهور ...والمسجون 10 سنوات يسجن 5 سنوات وهكذا

وجد الفص رجل محكوم عليه بالسجن مدى الحياة ...فكر الملك ونجح فى ان جعله يقضى نصف المده فى السجن والنصف الاخر حارج السجن .........كيف؟

وزى مانتوا شايفين كل انواع المرطبات والكيك والشاهى والقهوة والبيبسى والسفن والميرندا ....................ماحطينا اليوم ....فيه كرسيدا مضللة وسواق الجيران معها وبس
بنت ابن خيخي
15-06-2002, 07:39 PM
خذ الحل الاولي..
قبل لا نشغل المخ..:D

وش رايك طيب ياقف بحيث انه رجل بالسجن..
ورجل برا السجن؟:D

<--تكلفتي على هالحل...

المهم الكرسيدا ذا منين شلحته؟؟
اعترف؟؟
شكلك سارقه من سمير.ومربطه وحالته الرجال بالبر
.ماله حس هاليومين:(


(لي عوده ان شاء الله مع الحل)-اباحاول:rolleyes:
بنت ابن خيخي
16-06-2002, 06:40 AM
يخليه بالسجن يوم..
همين يطلعه يوم (حر)
وبنهاية اليوم يقتله الملك...:rolleyes:

<---شريرة يانااااااااس

(يالله صباح خير قبل صباحي):confused:
المتفائل جدا
16-06-2002, 12:31 PM
a6 a6 a6

بس من دون وحشية ..........يخليه على هالحال يوم (حر) ويوم (مسجون ) الين يموت

ويتفضل الان الاخ سمير بتسليم مفاتيح الكراسيدا المضللة الى ..بنت ابن ........خيخى
تداول
16-06-2002, 10:32 PM
العذر والسموحه لعدم المشاركه خلال اليومين اللي راحوا ... كنت مسافر ابيع الكراسيدا في رماح ، لأني قررت اشتري فياقرا >>> عناد

اطمأني يا اخت خيخه الكراسيدا ما احد بغاها فقررت اعطيكيها هديه لعيون المتفاعل ... بس فيه كم مشكله :
اولاً : الأستماره مطوفه 15سنه وتحتاج مبلغ 1500 ريال للتجديد
ثانياً : لايوجد مكيف بسبب عدم وجود قطع غيار
ثالثاً : عدم وجود مسجل ورادو وذلك منعاً للأزعاج
رابعاً : السياره مصابه بعين قويه من احد اعيان مدينة الشماسيه ومعرضه للأنقلاب في اي لحضه .


والله ما تغلى عليك .... قولي تم
المتفائل جدا
16-06-2002, 11:31 PM
مرحبا تداول ...وماعليش حرجنا على الكسيدا فى غيابك ..(اغديها) تروح العين

هلا بك والله ...وابشرك ترى فيه ناس خلابين ردوا من السفر