بسم الله ، متابعة تداول الاثنين 5/4 ، اللهم سلم سلم

[أبجديات]

المؤشر
5576.3

هناك أسهم شبه ثابتة مع هذا النزول ...

:)

[العضو المنتدب]

اسمحو لي اخوتي ان اقول بهذه المناسبه باننا رحنا ملح قصد ي خر خر

[ابو عبدالله 4]

السوق

[بوح]

الله كريم

[صفقات]

سمعتوا اللي سمعته






















كني سمعت نمله تكح

هههههههههههههه
وشذا الهدؤ حتىلو كحت نمله سمعنها

[what]

الكاتب الأصلي: أبجديات
الحمد لله ...

كيفك يا وات ؟

:)

اهلا اهلا يادكنور
اسعد الله مساك..
تصدق بالرغم لما يحدث انا متفاءل

قرب الفرج ان شاءالله

[king4499]

الكاتب الأصلي: ابو عبدالله 4
كيف ابيع اللجين

نفس المشكلة وانا اخوك
اصبر ما تدري يمكن الجمعية اليوم يأجلون وتلقى سعرها طار مرة ثانية

[ابو عبدالله 4]

السوق 2

[aghamdi]

-215

[العضو المنتدب]

هل نرى الراجحي نسبه ؟
سنتابع لنرى ماورانا شي ل سهمنا نسبه

[Diamond]

الكاتب الأصلي: هيمو
اص اص اص

هاموور يبي يتغر من اسهم الكهرب

اذا سمعتو التغره ادخلووووو وبكل قوه

يع

[what]

من اللي قال لنا اشتروا الكهرباء اليوم؟ وش قصده؟

[saleeem]

حسبى الله الذى لااله الاهو عليه توكلت وهو رب العرش العظيم




أعلم ان الله على كل شىء قدير وان الله قد احاط بكل شىء علما




وما تدرى نفس ماذا تكسب زماتدرى نفس باى ارض تموت


ياحى ياقيوم برحمتك استغيث فلاتكلنى الى نفسى طرفة عين


محبكم فى الله ابا عبدالله

[abu_fahad]

الكاتب الأصلي: ابو عبدالله 4
كيف ابيع اللجين

993333

[قنوع]

ربنا ولا تحملنا ما لا طاقة لنا به واعف عنا واغفر لنا وارحمنا انت مولانا فانصرنا على القوم الكافرين

[the lonely]

يا أخوان شالسالفة الموضوع مهو معقول بالمرة .. خلال اسبوع المؤشر يخسر حوالي 900 نقطة !! وش صاير بالبلـــــد !!!!!!! محد عنده راديو ويعلمنا وش صاير ؟؟ :)

[بوح]

من اقوى تصحيح

سبتمبر ولا ذا !!

[أبجديات]

الكاتب الأصلي: what
اهلا اهلا يادكنور
اسعد الله مساك..
تصدق بالرغم لما يحدث انا متفاءل

قرب الفرج ان شاءالله

أسعد الله مساءك بكل نور ...

وأنامثلك متفائل ...
لم يبق إلا القليل ...

ما بعد الشدة إلا الفرج إن شاء الله ..

:)

[الواابل]

-222.43

[البندري نجد]

ربنا ولا تحملنا ما لا طاقة لنا به واعف عنا واغفر لنا وارحمنا انت مولانا فانصرنا على القوم الكافرين

[Diamond]

الحين باقي الشركات وش تحتري علشان ما تقفل نسبه على النازل بعد؟؟

هي خاربه خاربه

[سعودية]

السلام عليكم ورحمة الله وبركاته

[واثق1]

الكاتب الأصلي: what
ويقولون اشتروا كهرباء....كان تبون (تفوزون) بالأرباح؟؟؟

الكهرباء زيها زي الزراعيات و المواشي وصدق ......

يرتفعون سوا وينزلون سوا

واللي قاعد يمدح في الكهرباء هم ملاك السهم ويحاولون يوهمون الناس إن سبب النزول

تضخم الخشاش و الغريب انهم الى ذا الوقت وبعد كم نسبة نزول للسهم قاعدين يحذرفون في كتاباتهم

وفق الله الجميع

[ممدي]

الكاتب الأصلي: أبجديات
المؤشر
5576.3

هناك أسهم شبه ثابتة مع هذا النزول ...

:)

أسعد الله مساك ومسا الحاضرين يادكتور

العقارية ثبات ممتاز

[saleh5005]

اللهم من اراد اموال المسلمين بسوء فأشغله بنفسه وسلط عليه في صحته وضيق عليه معيشته ولا تبارك له في ماله واجعله من افقر الفقرااء في الدنيا قبل الآخرة اللهم آمين
آمين
آمين
آمين

[العضو المنتدب]

يا اخوان الان والشركا اغلبها نسب ماذا يهمنا في المؤشر ان شاء الله الى 3000

[الواابل]

بدأ الأرتداد

[هيمو]

قسم بالله العظيم اني متوقع الي صااااااااااار

قاعد ينتظر ياصل العرض الى 500000 بالكهرب ورحت لمح البصر

[ابو عبدالله 4]

الكاتب الأصلي: بوح
من اقوى تصحيح

سبتمبر ولا ذا !!

يااخي تصحيح سبتمبر يوم حنا صار لنا ايام نصحح

[what]

منقول من نفس الموضوع ...الصفحة مدري كم:


السبع آيات المنجيات
بسم الله الرحمن الرحيم
" قل لن يصيبنا الا ما كتب الله لنا هو مولنا وعلى الله فليتوكل المؤمنون "
بسم الله الرحمن الرحيم
" وان يمسسك الله بضرفلا كاشف له الا هو وان يردك بخير فلا راد لفضله يصيب به من يشاء من عباده وهو الغفور الرحيم "
بسم لله الرحمن الرحيم
" وما من دابة فى الارض الا على الله رزقها ويعلم مستقرها ومستودعها كل فى كتب مبين "
بسم الله الرحمن الرحيم
"انى توكلت على الله ربى وربكم ما من دابة الا هو اخذ بناصيتها ان ربى على صراط مستقيم "
بسم الله الرحمن الرحيم
" وكأين من دابة لا تحمل رزقها الله يرزقها واياكم وهو السميع العليم "
بسم الله الرحمن الرحيم
" ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم "
بسم الله الرحمن الرحيم
" ولئن سألتهم من خلق السموات والارض ليقولن الله قل افرأيتم ما تدعون من دون الله ان ارادانى الله بضرهل هن كشفت ضره او ارادنى برحمة هل هن ممسكت رحمته قل حسبى الله عليه يتوكل المتوكلون "

[king4499]

والله الهوامير ماعندهم نية يشترون يا اخوان
وما يطلعكم بعد الله من هالورطة الا هم طبعاً
اذا اشتروا....
انا احس ان الاسعار الى الان لم تصل الى مستوى يسيل لعابهم فيهجموا على جميع المعروض من اسهمكم

[المداول الصغير]

مبروك بدأ الهجوم

[ahmad_zh]

بدات بارقة امل

[bj55661]

يا اخوان الان والشركا اغلبها نسب ماذا يهمنا في المؤشر ان شاء الله الى 3000
صح لسانك

[متمرس]

انسحب من العرض 500 الف في سهم الكهرباء صفقه واحده!!!!

[خرجاوي]

بالمناسبة .. على طاري النسب باسأل سؤال مناسب .. بالنسبه للنسبه كم نسبة الشركات اللي صارت نسبة للي ماهي نسبة ؟

[the lonely]

والله شكله يا شباب حنا من الناس اللي راح يدخلون التاريخ ... بتقولون لي وشلون ؟؟ اقولكم ان بعد كم سنة بيقولون عنك هذا اللي حاشه انهيار مايو 2004 لان ماراح يتكرر نزول مثل هالنزول ابــــد.

[ahmad_zh]

يا كريم فوق فوق

[السّهم الأبيض]

هل بدأ الارتداد أقول نعم بإذن الله هناك عروض سحبت

[abu_fahad]

الكاتب الأصلي: ابو عبدالله 4
كيف ابيع اللجين
--------------------------------------------------------------------------------



نفس المشكلة وانا اخوك
اصبر ما تدري يمكن الجمعية اليوم يأجلون وتلقى سعرها طار مرة ثانية

ليش تبيع بخسارة، وبعد 14 يوم لك احقيه سهمين لكل سهم بواقع 60 ريال لكل سهم
الصبر طيب او وش رليك؟

[اسعد]

السلام عليكم ورحمة الله وبركاته

أعان الله الجميع

[البندري نجد]

الين متي

والله طالت المسئله

اللهم صبرك

[قنوع]

ربنا افرغ علينا صبرا وثبت اقدامنا وانصرنا على القوم الكافرين


ربنا افرغ علينا صبرا وثبت اقدامنا وانصرنا على القوم الكافرين


ربنا افرغ علينا صبرا وثبت اقدامنا وانصرنا على القوم الكافرين

ربنا افرغ علينا صبرا وثبت اقدامنا وانصرنا على القوم الكافرين

[king4499]

الكاتب الأصلي: العضو المنتدب
يا اخوان الان والشركا اغلبها نسب ماذا يهمنا في المؤشر ان شاء الله الى 3000

الا تتفق معي انه كل ما قلت نقاط المؤشر قليلاً فتحت الشركات من نسبها اللي عشقتها الايام ذي؟

[صفقات]

الكاتب الأصلي: البروفسور
(( فقلت استغفروا ربكم إنه كان غفارا** يرسل السماء عليكم مدرارا**ويمددكم بأموال وبنين**ويجعل لكم جناتٍ ويجعل لكم أنهارا))
أستغفر الله..أستغفر الله..أستغفر الله ..أستغفر الله..أستغفر الله..أستغفر الله..أستغفر الله..أستغفر الله..أستغفر الله ..أستغفر الله..أستغفر الله..أستغفر الله..أستغفر الله..أستغفر الله..أستغفر الله ..أستغفر الله..أستغفر الله..أستغفر الله..أستغفر الله..أستغفر الله..أستغفر الله ..أستغفر الله..أستغفر الله..أستغفر الله..أستغفر الله..أستغفر الله..أستغفر الله ..أستغفر الله..أستغفر الله..أستغفر الله..أستغفر الله..أستغفر الله..أستغفر الله ..أستغفر الله..أستغفر الله..أستغفر الله..أستغفر الله..أستغفر الله..أستغفر الله ..أستغفر الله..أستغفر الله..أستغفر الله..

[what]

الأخ واثق1

جزاك الله خير وغفرلنا جميعا...

ما اقول الا... الله يفرجها...

[خرجاوي]

الجماعي عشق .. وربما يدحدر كما عشق

[هيمو]

ياااجماعة الخير

هنااااااااك 500 الف سهم نفذت في الكهرباء مره واحده عند سعر 132.5

[حرب الخليج]

وش رايكم
كل واحد يحط اسم السهم اللي متعلق به والسعر
علشان كل واحد يشوف مصيبة غيرة وتهون عليه مصيبته

[the lonely]

الكاتب الأصلي: king4499
والله الهوامير ماعندهم نية يشترون يا اخوان
وما يطلعكم بعد الله من هالورطة الا هم طبعاً
اذا اشتروا....
انا احس ان الاسعار الى الان لم تصل الى مستوى يسيل لعابهم فيهجموا على جميع المعروض من اسهمكم


خلهم لو يطقون .. ياللي ما بعت يوم كانت الخساير من الأرباح يبوني ابيع يوم الخسارة من راس المال .. لو يشوفوا حلمة ودنهم :mad:

[f2002f]

هذا احساسي


السوق فوق اليوم وغدا وبعد غدا



ونتظروا

[قنوع]

ربنا افرغ علينا صبرا وثبت اقدامنا وانصرنا على القوم الكافرين





ربنا افرغ علينا صبرا وثبت اقدامنا وانصرنا على القوم الكافرين





ربنا افرغ علينا صبرا وثبت اقدامنا وانصرنا على القوم الكافرين

[king4499]

الكاتب الأصلي: abu_fahad
الكاتب الأصلي: ابو عبدالله 4
كيف ابيع اللجين
--------------------------------------------------------------------------------



نفس المشكلة وانا اخوك
اصبر ما تدري يمكن الجمعية اليوم يأجلون وتلقى سعرها طار مرة ثانية

ليش تبيع بخسارة، وبعد 14 يوم لك احقيه سهمين لكل سهم بواقع 60 ريال لكل سهم
الصبر طيب او وش رليك؟

بعد 14 يوم يا ابو فهد؟؟؟
اللي اعرفه انها اليوووم
ولا انا غلطان؟؟
الجمعية اليوووم

[خرجاوي]

والله يا مكة فيها نشاط وتذبذب .. آآآآآآآآآآه لو كنت أجيد المضاربة ..
باقي شوي سيولة بس خااااااااااااااااااااااااايف

[متمرس]

هناك تنافس على سحب المعروض من الكهرباء

[العضو المنتدب]

دخول دعم مدري طعم قوي للكهربااااااء

[king4499]

دامك العقرب قاعدة تتمشى وتتمخطر حول النسبة تحت
صفقووووووووووووووووووووووووني يرتفع السوق

[what]

ياهيمو...الله يعطيك على قد نيتك

[هيمو]

اليووووووم انا متفاااااائل احس ان فيه شي حلوووووووو

انشاءالله

[هيمو]

الكاتب الأصلي: what
ياهيمو...الله يعطيك على قد نيتك

نورني حبيبي

[أبووليد]

الكاتب الأصلي: f2002f
هذا احساسي


السوق فوق اليوم وغدا وبعد غدا



ونتظروا

اشركك الاحساس

[البندري نجد]

الله كريم

[king4499]

للتو وصلت قيمة التداول
4 مــــليار
مهزلة ولا؟

[واثق1]

المؤشر 5555

بإذن الله لن يكسر 5400 وستبدأ رحلة العودة

[what]

على التفاؤل.....
تنشر التفاؤل بحماس....جزاك الله خير..

[abu_fahad]

الكاتب الأصلي: king4499
بعد 14 يوم يا ابو فهد؟؟؟
اللي اعرفه انها اليوووم
ولا انا غلطان؟؟
الجمعية اليوووم
الإجتماع اليوم لكن الإكتتاب بعد اسبوع من الشهر الداخل 7/6/2004م
والله اعلم

[ابو عبدالله 4]

السوق

[أبووليد]

عندي احساس ان اليوم هو الاخير لهذا النزيف

الان يضغطون المؤشر بالاتصالات

[ابو عبدالله 4]

السوق2

[what]

رسم المؤشر لمده يومين لو سمحتوا.....
مهمة جدا...

[حسن]

السلاااااااااااااام عليكم ..
ضاقت .. فلما استحكمت حلقاتها ** فرجت وكنت اظنها لا تفرج
" واقرب ما يكون العبد من فرج .. اذا يئسا "
تحياتي للجميع

[king4499]

الكاتب الأصلي: واثق1

المؤشر 5555

بإذن الله لن يكسر 5400 وستبدأ رحلة العودة

الله ذكرتني بأبو مرام الله يذكره بالخير
يوم قلت له المؤشر الى 5000 قال ورام ما خليتها الى 5555 وهذا هو المؤشر يصل الى 5555

[صفقات]

الكاتب الأصلي: حسن
السلاااااااااااااام عليكم ..
ضاقت .. فلما استحكمت حلقاتها ** فرجت وكنت اظنها لا تفرج
" واقرب ما يكون العبد من فرج .. اذا يئسا "
تحياتي للجميع


وعليكم السلام

[راكان]

الكاتب الأصلي: واثق1

المؤشر 5555

بإذن الله لن يكسر 5400 وستبدأ رحلة العودة



الله كريم


C:\My Documents\My Pictures

[the lonely]

يا جماعة خلاص السوق شبع نزووووول ... يكفي قاعدوا يلفعون فيه لين ما نزلوا دمانه .. حرام عليهم

[what]

الاحوة الكرام ....جزاكم الله ...
ممكن نشوف
المؤشـر مع MACD و RSI
لمدة يومين....

[ابو عبدالله 4]

الكهرباء

[abu_fahad]

الكاتب الأصلي: حسن
السلاااااااااااااام عليكم ..
ضاقت .. فلما استحكمت حلقاتها ** فرجت وكنت اظنها لا تفرج
" واقرب ما يكون العبد من فرج .. اذا يئسا "
تحياتي للجميع

حياك الله أخوي حسن وجميع الحاظرين

[f2002f]

هذا احساسي


السوق فوق اليوم وغدا وبعد غدا



ونتظروا


ابكررها

والله العظيم بالرغم شرائي المواشي 144
سيسكو 180
ساسكو 187

عندي امل فيه ارتفاع بنسب فوووووووووووووق
ليه ماتخذونها بالعكس كل يوم نزول ليه مافي كل يوم ارتفاع

لاتنسون نتائج الربع الثاني


الله يفك تعليقتي وتعليقتكم

[f2002f]

عفوا المواشي 114

[saleh5005]

الكاتب الأصلي: حسن
السلاااااااااااااام عليكم ..
ضاقت .. فلما استحكمت حلقاتها ** فرجت وكنت اظنها لا تفرج
" واقرب ما يكون العبد من فرج .. اذا يئسا "
تحياتي للجميع


عليكم السلام


هلا بك ابو علي ودي اروح انام بس ودي اشتري وايش رأيك ابو علي:)

[ابو مرام]

السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله

[ابو عبدالله 4]

الكاتب الأصلي: king4499
الله ذكرتني بأبو مرام الله يذكره بالخير
يوم قلت له المؤشر الى 5000 قال ورام ما خليتها الى 5555 وهذا هو المؤشر يصل الى 5555

الله يالدنيا انا كنت حاضر المتابعه في ذلك اليوم وكنا مبسوطين دنيا دنيئه

[متمرس]

الكاتب الأصلي: what
رسم المؤشر لمده يومين لو سمحتوا.....
مهمة جدا...

يبين نقطة ارةداد....

[taj_rase]

انا اتوقع الدخول غدا صباحا والطلب بالنازل سيكون انسب من الدخول اليوم
لاني اعتقد ان السوق اليوم خلالالالالالالالالالالالالالالالالالالالالالالالاص واضح انه دمااااااااااااااااااااااااااار ونسب دنيا
لذا من يشجعني على ادخال اوامر صباح الغد بسعر اقل من اقفال اليوم يعني بنزول 5 الى 8 % اتوقع اننا نقدر نبيع بربح 15 % بالقليل
من يؤيدني

[king4499]

الكاتب الأصلي: f2002f
هذا احساسي


السوق فوق اليوم وغدا وبعد غدا



ونتظروا


ابكررها

والله العظيم بالرغم شرائي المواشي 144
سيسكو 180
ساسكو 187

عندي امل فيه ارتفاع بنسب فوووووووووووووق
ليه ماتخذونها بالعكس كل يوم نزول ليه مافي كل يوم ارتفاع

لاتنسون نتائج الربع الثاني


الله يفك تعليقتي وتعليقتكم

ابغى اعرف شي واحد بس
متى وصلت المواشي ل 144؟

[daloolh1981]

الكاتب الأصلي: حرب الخليج
وش رايكم
كل واحد يحط اسم السهم اللي متعلق به والسعر
علشان كل واحد يشوف مصيبة غيرة وتهون عليه مصيبته

انا متعلقه بالكهرب بسعر 185 ريال

[الواابل]

-225.14

[classic]

indx

[what]

الاخوة الكرام ....جزاكم الله ...

ممكن نشوف

المؤشـر مع MACD و RSI

لمدة يومين....

[وافي]

الكاتب الأصلي: ابو مرام
السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله



هلا بالغالي

يسعد مساك

وبسعدك دوم ويرحم والديك

[ابن دارم]

يا خوان ما تلاحظون طلبات كبيرة على السيارات وش تفسرونها

[ابو عبدالله 4]

انظروا الى طلبات الكهرباء الله اعلم طلوع للسوق

[saleem]

الكاتب الأصلي: ابو مرام
السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله
=========================

بشرك الله بالخير يابو مرام ...لوحدك في وجه العاصفة ..كثر خيرك على الاقل نحس معنا احد

[saleeem]

الكاتب الأصلي: ابو مرام
السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله

الله يسمع منك قولوا اميييين

[ابو زياد2]

للمرة الألف
الكهرباء بدون طلبات

[king4499]

الكاتب الأصلي: ابو عبدالله 4
الله يالدنيا انا كنت حاضر المتابعه في ذلك اليوم وكنا مبسوطين دنيا دنيئه

هذا الكلام صار امس يا اخوي ابو عبد الله :)

[البندري نجد]

السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله


والله يطمنا وجودك ابو مرام

الله يعطيك العافيه والجميع

[واثق1]

أخرتنفيذ الوقت المؤشرالعام القيمة عدد الصفقات كمية الاسهم
% التغير الحالي السابق
5:18:50 PM 5:19:57 PM -3.91 -225.74 5551.78 5777.52 4090183.075 24903 24108554

[abu_fahad]

الكاتب الأصلي: ابو مرام
السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله

وعليكم السلام ورحمة الله وبركاته الخير في طلتك يا ابو مرام وش الأخبار؟

[المداول الصغير]

الكهرب نسبة من جديد

[واثق1]

الكاتب الأصلي: ابو عبدالله 4
الله يالدنيا انا كنت حاضر المتابعه في ذلك اليوم وكنا مبسوطين دنيا دنيئه

وإن شاء الله تكون حاضر للمتابعة و المؤشر 7000

[راكان]

خاص لمشتركي سامبا
من أراد المشاركة في اكتتاب الصحراء هل يعبي الطلب ويتم الحسم من الحساب الاستثماري أو لا بد من تحويل المبلغ إلى الحساب الجاري والحسم منه ؟؟؟؟؟

[saleh5005]

حسن

ابروح انام اذا فيه شئ بالله عطني الو

[ابو مرام]

quote:
--------------------------------------------------------------------------------
الكاتب الأصلي: king4499
الله ذكرتني بأبو مرام الله يذكره بالخير
يوم قلت له المؤشر الى 5000 قال ورام ما خليتها الى 5555 وهذا هو المؤشر يصل الى 5555
--------------------------------------------------------------------------------



الله يالدنيا انا كنت حاضر المتابعه في ذلك اليوم وكنا مبسوطين دنيا دنيئه












كانت مزحة و طلعت حقيقة الله لا يعيدها

اجل بنتكلم بجد

من اجل ها الخبلان هوامير السوق

يأخذون كلامنا بجد

يالله المؤشر 7777

[the lonely]

يا سلام سلم على هالسوق .. الأتصالات بدت دحدر .. صمام الأمان يبي من يسنده

[الغريب الاول]

ياعالم ياهوووووووووووووووووووه ....

وش الحل باللي عنده الجوف بـ 154 ريال .....!!

[الأدهم]

what

وش السالفه

[المداول الصغير]

هل تتوقعون الارتداد اليوم أو غدا ؟

[classic]

الكاتب الأصلي: what

الاخوة الكرام ....جزاكم الله ...

ممكن نشوف

المؤشـر مع MACD و RSI

لمدة يومين....

[حرب الخليج]

الكاتب الأصلي: daloolh1981
انا متعلقه بالكهرب بسعر 185 ريال



الهرباء

ماعليك خوف بس 185 بعيدة شوي

الله كريم

خلي السوق يتعدل وتهون ان شاء الله

[النوور]

الكاتب الأصلي: ابو مرام
السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله

فيه شي اكيــــــد :confused:

[f2002f]

الكاتب الأصلي: king4499
ابغى اعرف شي واحد بس
متى وصلت المواشي ل 144؟


تراني عدلتها قبل ماترد 114

[ابو عبدالله 4]

الكاتب الأصلي: ابو عبدالله 4
انظروا الى طلبات الكهرباء الله اعلم طلوع للسوق

للاسف خاب الظن الكهرباء نسبه تحت

[what]

ان شاء الله بتزين الأمور

[شيخ الهوامير]

الكاتب الأصلي: ابو مرام
السلام عليكم و رحمة الله و بركاته

و

مساكم الله بالخير جميعاً







استعدوا لارتفاع السوق


وارتداده الى الافضل ان شاء الله


وعليكم السلام
والله انا اتفائل بوجودك ونرجو منك والاخوان الدعاء لي حيث اني خسرت اكثر من 500 الف ريال والحمد لله على كل حال
الله لا يخسر مسلم ابدا

[the lonely]

الكاتب الأصلي: الغريب الاول
ياعالم ياهوووووووووووووووووووه ....

وش الحل باللي عنده الجوف بـ 154 ريال .....!!


ايوه يا هوه .. وانا كمان المواشي على 113.5 وبكرة مدحرة للستين يا هوه ... خللك طبيعي يا هوه

[صفقات]

king4499
مساهم نشيط

تاريخ التسجيل: Jul 2003
البلد:
المشاركات: 2342


quote:
--------------------------------------------------------------------------------
الكاتب الأصلي: ابو عبدالله 4
الله يالدنيا انا كنت حاضر المتابعه في ذلك اليوم وكنا مبسوطين دنيا دنيئه
--------------------------------------------------------------------------------



هذا الكلام صار امس يا اخوي ابو عبد الله
------------------------------------------------------------------------------



انا ملاحظ بس ما حبيت افشل الرجال

[ابو مرام]

الكاتب الأصلي: الغريب الاول
ياعالم ياهوووووووووووووووووووه ....

وش الحل باللي عنده الجوف بـ 154 ريال .....!!



انا مشتريها فوق الــ 156


حسبي الله عليهم

[daloolh1981]

الكاتب الأصلي: حرب الخليج
الهرباء

ماعليك خوف بس 185 بعيدة شوي

الله كريم

خلي السوق يتعدل وتهون ان شاء الله

هذا احنا صابرين الله يكون بالعون

[ابو عبدالله 4]

الكاتب الأصلي: king4499
هذا الكلام صار امس يا اخوي ابو عبد الله :)

انا اسف يا اخي حضرت متابعه وقال احد الزملاء رقم مثل رقمك واجابه احد الاخوه برقم مميز كان ذلك يوم طلوع السوق وكنا مبسوطين ( ربما دخلت غلط اطلب السموحه )

[أبووليد]

في الكهرباء تجميع يوحي بشئ ما

[راكان]

25 شركة بدون طلب

[king4499]

الكاتب الأصلي: ابو مرام
quote:
--------------------------------------------------------------------------------
الكاتب الأصلي: king4499
الله ذكرتني بأبو مرام الله يذكره بالخير
يوم قلت له المؤشر الى 5000 قال ورام ما خليتها الى 5555 وهذا هو المؤشر يصل الى 5555
--------------------------------------------------------------------------------



الله يالدنيا انا كنت حاضر المتابعه في ذلك اليوم وكنا مبسوطين دنيا دنيئه












كانت مزحة و طلعت حقيقة الله لا يعيدها

اجل بنتكلم بجد

من اجل ها الخبلان هوامير السوق

يأخذون كلامنا بجد

يالله المؤشر 7777

صحكهم بخمسة اراقام خلهم يتأدبون يا ابو مرام
يعني زي كذا
11111
:D :D :D

[وافي]

مرة اخرى


5555

[العضو المنتدب]

الكاتب الأصلي: the lonely
ايوه يا هوه .. وانا كمان المواشي على 113.5 وبكرة مدحرة للستين يا هوه ... خللك طبيعي يا هوه

:D :( :)

[حسن]

الكاتب الأصلي: salah5005
عليكم السلام


هلا بك ابو علي ودي اروح انام بس ودي اشتري وايش رأيك ابو علي:)
روح نام .. اذا فيه شي بدق عليك ..
نوم العافيه

[البندري نجد]

وش الحل باللي عنده الجوف بـ 154 ريال .....!!

مثلك اخوي الغريب

والسيارات والتعمير وصدق

ويااااااقلبي لا تحزن

[king4499]

الكاتب الأصلي: ابو عبدالله 4
انا اسف يا اخي حضرت متابعه وقال احد الزملاء رقم مثل رقمك واجابه احد الاخوه برقم مميز كان ذلك يوم طلوع السوق وكنا مبسوطين ( ربما دخلت غلط اطلب السموحه )
ولو يا اخوي انت تمون وعلى العين والراس
جل من لا يخطأ سبحانه

[وافي]

تلاحظون انهم لم يستطيعوا انزال المؤشر اكثر من 228 نقطة

وهذا بداية فشلهم

[راكان]

سؤال لمشتركي سامبا
من أراد المشاركة في اكتتاب الصحراء هل يعبي الطلب ويتم الحسم من الحساب الاستثماري أو لا بد من تحويل المبلغ إلى الحساب الجاري والحسم منه ؟؟؟؟؟

[king4499]

يا اخوان فيه حاجة احنا مو فاهمينها
اللي هي في الكهرب
ولا وش السر انهم ينتضرون تجمع الطلبات على النسبة تحت
ويقحشونها
واذا ارتفعت شوي ما احد طلب منهم بسعر عالي
هل ناوينها رفعة للسوق بكرة الصباااح ؟؟
يمكن

[هيمو]

الكاتب الأصلي: راكان
سؤال لمشتركي سامبا
من أراد المشاركة في اكتتاب الصحراء هل يعبي الطلب ويتم الحسم من الحساب الاستثماري أو لا بد من تحويل المبلغ إلى الحساب الجاري والحسم منه ؟؟؟؟؟

حسب معلوماتي انه يتم الحسم من حسابك الاستثماري

[abu_fahad]

شبه اتفاق في إجتماع اوبك في بيروت على اقتراح سعودي في زيادة الإنتاج بحدود 2 مليون برميل محاولة لإستقرار الأوضاع

الله يجيب الي فيه خير

[raul]

600الف سهم معروض من المواشي ولا أحد يبه
وياقلبي لا تحزن

شلة المتعلقين

[taj_rase]

شباب تبون الجد
من خلال تجربتي الفترة الماضية حققت ارباح تصل الى 100%
والان راحت كل الارباح وما بقي الا 5%
وشكلها بكرة بتروح
المهم من خلال هالتجربة توصلت الى قناعة ان الواحد ماينام وفي بطنه سهم
يعين اذا شفت السهم بادي يدحدر وعليه حركات رش وغيره عطهم اياه يشبعون به
ونقطة اخيرة
انا اقول كل ما ربح الواحد 20% من راس المال طلعها برى السوق
والله يهي مريحة
انا مثلا طلعت كل راس مالي بعد التصحيح الاول
واشتغلت بارباح
صح تنقهر لما تروح
بس اهون من راس المال
راس مالي وزعته بمساهمات عقارية
والله انها اريح واظمن
بس المشكلة من دخل الاسهم صعب يتركها
والمشكلة من شاف الارباح وقادم يدقدق بالالة الحاسبة وقت الارتفاعات صعب يطلع
لكن لابد ان الواحد يتخذ قرارات جرئية وصعبة لانه سيجد انها سليمة في مثل هالاوقات

[وافي]

الكاتب الأصلي: راكان
سؤال لمشتركي سامبا
من أراد المشاركة في اكتتاب الصحراء هل يعبي الطلب ويتم الحسم من الحساب الاستثماري أو لا بد من تحويل المبلغ إلى الحساب الجاري والحسم منه ؟؟؟؟؟


من حساب التداول

اكيد

[f2002f]

آلووووووووووووووووووووووووو



























مادري انا وين اسلي نفسي ونفسي تتسلي في

[المداول الصغير]

هل تتوقعون اكهرب تقفل على النسبة ؟
لأنها ستحدد مسار السوق غدا

[واثق1]

يا شباب تبون سالفه تضحكون عليها كاتبها شخص في منتدى ثاني

[السهل]

الظاهر اليوم مافيه امل للرتفاع

[هيمو]

المؤشر متوقف

[f2002f]

شافوا ساسكو وش به

[هيمو]

بالله احد يتابع مع طلبات الكهرباء شووفو وشلووووون تلهط بلمح البصر

[أبو ملاك]

السلام عليكم ورحمة الله وبركاته


مساكم الله بالخير والمسرات

واسأل الله ان يعوض الجميع وأن يبدل خسائركم أرباح مضاعفة


بالنسبة لي اتخذت اليوم القرار الصعب (( متأخر جداً )) وبعت كل شيء والعوض من عند الله

لاحول ولا قوة إلا بالله حسبي الله ونعم الوكيل

[صفقات]

الا و هنا اللي له مع الناس مدلاه ........ وانا لو ادوج ما سلى القلب يا كافي

[هيمو]

الكهرباء اعتقد والله اعلم انها تحت التجميع

[حسن]

الكاتب الأصلي: أبو ملاك
السلام عليكم ورحمة الله وبركاته


مساكم الله بالخير والمسرات

واسأل الله ان يعوض الجميع وأن يبدل خسائركم أرباح مضاعفة


بالنسبة لي اتخذت اليوم القرار الصعب (( متأخر جداً )) وبعت كل شيء والعوض من عند الله

لاحول ولا قوة إلا بالله حسبي الله ونعم الوكيل
عليكم السلام .. حيا الله ابو ملاك ..
والله ما ودي بعت اليوم .. على الاقل تنتظر الارتداد :rolleyes:
لكن يالله نصيبك .. ولا يفوتك ... اضرب واهرب مع الارتداد

[raul]

واثق عطنا السالفة

[ممدي]

الأخ what

هل مازلت معنا بالمتابعة؟

[الغريب الاول]

الكاتب الأصلي: ابو مرام

انا مشتريها فوق الــ 156


حسبي الله عليهم

مادام إنك معي فأنا مطمئن ....

هل تنصح ببيعها غدا بأي سعر .... فوالله بدأت أقلق بشكل كبير وليس لدي ما اخسره من الأسهم غيرها ...؟؟

[صفقات]

الكاتب الأصلي: أبو ملاك
السلام عليكم ورحمة الله وبركاته


مساكم الله بالخير والمسرات

واسأل الله ان يعوض الجميع وأن يبدل خسائركم أرباح مضاعفة


بالنسبة لي اتخذت اليوم القرار الصعب (( متأخر جداً )) وبعت كل شيء والعوض من عند الله

لاحول ولا قوة إلا بالله حسبي الله ونعم الوكيل


وعليكم السلام حياك الله ابو ملاك
الله يعوضك خير

[f2002f]

سمعتم عن رايق الشر


يقول خم اي سهم مقفل على النسبة


هههههههههههههههههههههههههه

ورطني بالمواشي 114
وبعد ماطلبت منه الحل فيها حذف معرفي

لكن خسره الله في حياته وعجل له بمصائب الدنيا

[daloolh1981]

من 8 مليون الكميه المتداوله الى ازيد من عشر ملايين وهي على النسبه

[ابو مرام]

الكاتب الأصلي: الغريب الاول
مادام إنك معي فأنا مطمئن ....

هل تنصح ببيعها غدا بأي سعر .... فوالله بدأت أقلق بشكل كبير وليس لدي ما اخسره من الأسهم غيرها ...؟؟


ما تعودت ابيع الا بربح

[king4499]

صدق اللي قال:
احنا دايم نحب نشتري ودايم نكره نبيع

[راكان]

من بداية الأسبوع هذا

ماشفنا ارتفاعات



الله يستر

[حسن]

الكاتب الأصلي: f2002f
سمعتم عن رايق الشر


يقول خم اي سهم مقفل على النسبة


هههههههههههههههههههههههههه

ورطني بالمواشي 114
وبعد ماطلبت منه الحل فيها حذف معرفي

لكن خسره الله في حياته وعجل له بمصائب الدنيا
لا يجوز لك اخي الكريم هذا الكلام ..
تراه ما مسك على يدك الا تبيع .. صح والا لا ..
وفقك الله

[ابو مرام]

المؤشر وصل الى الـــ 5555.55

[abu_fahad]

مع احترامي لجميع الإقتراحات للفترة الحالية لكن لي وجهة نظر خاصة قد يقتنع بها البعض وقد يرفضها البعض الأخر وهي:
اجدها فرصة لمن هو خسران أن يبيع ويعاود الشراء في اللجين اليوم بالتحديد لأنه سوف يمنح فرصة للإكتتاب بسهمين تقريباً لكل سهم ومن هنا يمكن تعويض شاءً من الخسار وهدا ما فعلته انا والله يوفق الجميع

[what]

الكاتب الأصلي: ممدي
الأخ what

هل مازلت معنا بالمتابعة؟

نعم اخي ممدي ... شكرا لسؤالك واهلا وسهلا بك

[المؤشر اليومي]

الكاتب الأصلي: أبو ملاك
السلام عليكم ورحمة الله وبركاته


مساكم الله بالخير والمسرات

واسأل الله ان يعوض الجميع وأن يبدل خسائركم أرباح مضاعفة


بالنسبة لي اتخذت اليوم القرار الصعب (( متأخر جداً )) وبعت كل شيء والعوض من عند الله

لاحول ولا قوة إلا بالله حسبي الله ونعم الوكيل

الله يعوض عليك أخي
وليا سلم العود الحال يعود
والحمد لله إن الخساره ماهي في الدين أو العرض أو النفس

[حسن]

الكاتب الأصلي: ابو مرام
المؤشر وصل الى الـــ 5555.55
ابو مرام..
انت مشرف وانا احترمك ..
رجاءا لا تنشر جوالي على العام .. ماني ناقص ازعاج ..
:D :D

[taj_rase]

الكاتب الأصلي: حسن
عليكم السلام .. حيا الله ابو ملاك ..
والله ما ودي بعت اليوم .. على الاقل تنتظر الارتداد :rolleyes:
لكن يالله نصيبك .. ولا يفوتك ... اضرب واهرب مع الارتداد

حبيبي
طيب قل وش تنصح اليوم نشري والا بكرة
وما افضل اسهم الارتدادات

[راكان]

الكاتب الأصلي: ابو مرام
المؤشر وصل الى الـــ 5555.55






رقم مميز

بس لو يدرون الاتصالات عنه أضافوا له صفر

[f2002f]

الكاتب الأصلي: حسن
لا يجوز لك اخي الكريم هذا الكلام ..
تراه ما مسك على يدك الا تبيع .. صح والا لا ..
وفقك الله


لكن ليه يطبل لها ب 123في ذاك اليوم
ويدعي انه محرك السوق !

[مبروك]

دخووووووووووووووول طلبات قويه على الاتصالات

[غصن الزيتون]

الكاتب الأصلي: هيمو
بالله احد يتابع مع طلبات الكهرباء شووفو وشلووووون تلهط بلمح البصر




هذا الشئ هو مهبل بي عروض بمئات الالوف تلهط وطلبات بمئات الالوف تنفذ


تداول الكهرب جنان حوالي 11 مليون والظاهر انها محفظة كبيرة تصفي ولا قضت


ولا هوب مرتفع السوق الين تقضي الله يعين


الا على فكرة كم اسهم الكهرب

[ghالتركيgh]

اخوي f2002f مايجوز تدعي على اخوك المسلم
الله يهديك ويعوضك بالي خسرته

[absaad]

الأخ أبو مرام
أنا خسارتي تقدر بأكثر من 200000 ريال هل أبيع مع الأسف الإنتظار صار ممل

[raul]

اما انا لن ابيع حتى ولو صارت الاسهم ورق

وجهة نظر اخرى :)

[king4499]

الكاتب الأصلي: ابو مرام
المؤشر وصل الى الـــ 5555.55

:) :D :)

[أبو فهد ج]

الكاتب الأصلي: daloolh1981
من 8 مليون الكميه المتداوله الى ازيد من عشر ملايين وهي على النسبه

ويبدو والله اعلم انها ستقود السوق للارتداد

راقبيها الان

[المداول الصغير]

شكل المؤشر إلى 5100 تدرون ليش ؟

[king4499]

يووووووووووه
فيه طلب على الاتصالات مهوب صاحي
الله ينفع به ان شاء الله

[حسن]

الكاتب الأصلي: taj_rase
حبيبي
طيب قل وش تنصح اليوم نشري والا بكرة
وما افضل اسهم الارتدادات
فيه اخبر مني معنا لكن ,,
اذا شفت ارتداد اليوم او بكره .. اشتر واعرض على طول بمكسب يرضيك ..
احسن من الطمع .. تراه شيييييييييين

[راكان]

25 شركة

بدون طلب

[المداول الصغير]

الكاتب الأصلي: المداول الصغير
شكل المؤشر إلى 5100 تدرون ليش ؟


لأن إبراهيم الراجحي يوم يصرح قبل أشهر قال إن المؤشر إلى 5100

تراه مهب بعيدة وصلناه

[ابو مرام]

الكاتب الأصلي: حسن
ابو مرام..
انت مشرف وانا احترمك ..
رجاءا لا تنشر جوالي على العام .. ماني ناقص ازعاج ..
:D :D




طيب اذا هذا رقمك اكيد انك اللي في بالي

يا اخي ارحمنا وارفع المؤشر



:D :D :D :D

[الغريب الاول]

أكثر من مليونين سهم عقرباء اشتريت على النسبة

هل يعني شيئا ام ان اللذين اشتروا مجرد مغفلين ...!!

[راكان]

الكاتب الأصلي: المداول الصغير
شكل المؤشر إلى 5100 تدرون ليش ؟



أمر متوقع

[ابو عهود]

الكاتب الأصلي: حسن
لا يجوز لك اخي الكريم هذا الكلام ..
تراه ما مسك على يدك الا تبيع .. صح والا لا ..
وفقك الله

حسن كيف تقول ما يجوز وراعي الاحلام والكوابيس يدلس على سلعته ويبطنها بالدجل والخزعبلات

آلآ يجوز ونصف a2

[raul]

700 سبعمية الف سهم مواشي معروض ولا احد يبيها

شلة المتعلقين

[king4499]

دخول طلب ايضاً على الراجحي عساه يرفعه
تراه مخنبقنا هو بعد

[ابو مرام]

الكاتب الأصلي: absaad
الأخ أبو مرام
أنا خسارتي تقدر بأكثر من 200000 ريال هل أبيع مع الأسف الإنتظار صار ممل



والله ان خسارتي عشرة اضعاف خسارتك

ولم افكر في البيع

[taj_rase]

عروض صدق غريبة
103.50 11,111 2
103.75 11,111 1
104.00 11,111 4
104.25 11,111 1


وش قصدهم ب 11.111

[حسن]

الكاتب الأصلي: ابو مرام
طيب اذا هذا رقمك اكيد انك اللي في بالي

يا اخي ارحمنا وارفع المؤشر



:D :D :D :D
خلاص .. برفع المؤشر " احدعشر الف" بس شركاتكم .. نسب تحت يوميا .. حتى تصير بالناقص .. واللي يبي يبيع .. يدفع 100 ريال عن كل سهم
خخخخخ

[راكان]

باقي نصف ساعة

-213

[واثق1]

الكاتب الأصلي: raul
واثق عطنا السالفة

الموضوع كان لواحد يسأل وش يقول لشايب شاري له اسهم عام 1998

وان ذا الواحد حسب للشايب اسهمه وقاله تسوى 3 ملايين

قال الكلام قبل نزول السوق المهم الرد المضحك كان لعضو ثاني

و هذا رده

((..... لكن بلاك اللي أخذ 80 الف من عجوز ، ياليتها امي ، المشكلة خالة الوالدة الله يرحمها ، وتسمع اني اطقطق بالاسهم واغراها بعض الناس بالاسهم وقالت مهنا غير سويفت ، رفضت بالبداية لكنها قالت عيب وانا خالتك ترفض لي طلب وانا ماعرف بالسوق ، أخيرا اخذتها قلت اخليها عندي شهر وارجعها بالمقسوم 5% 10% وحتى اكثر ان زانت الأمور

صار اللي صار ودرت وقامت تدعي وتشحي وماتركت أحد بالعالئلة اللي من طرفها ما فضحتني عنده ، انا أخذتها من قاصرها وسحبت لها 80 الف كاش ووديته لها وقلت ياخاله اللي صار مهوب بيدي ولا بيدك ، وعلى كل حال أرجوا وقف الدعاية المضادة وترى هذي فلوسك ما نقص منها ريال ، تصور وش ردها ، قالت : وبس مير ؟ هذا اللي يقولون فيد اسهم . قلت خالتي : جزاك الله خير والله يرزقك والوجه من الوجه أبيض ، أنا خسايري بمئات الألوف ياخالة ورجعت لك راس مالك وانتي ما تركتي أحد ما حشيتيني عنده ، وانتي تبين أرباح والدم الين الركب ، روحي نامي بس .))

إن شاء الله تعجبك بس :)

[السعودي]

الغريبة يا شباب الطلب بالجماعي 732 مايتغير والعرض يزود لا وفيه طلب 137.75 من افضل خمس طلبات

[عبدالرحمن]

الكاتب الأصلي: الغريب الاول
أكثر من مليونين سهم عقرباء اشتريت على النسبة

هل يعني شيئا ام ان اللذين اشتروا مجرد مغفلين ...!!

يعني الكثير .. وهذا اول بوادر الارتداد ان شاء الله !!

[أبو ملاك]

جزاكم الله خيراً جميعاً


والله يعوضنا وإياكم

وأنا من النوع الذي يمل بسرعة وألا فإنني أعتقد ان الصبر الآن أفضل

[ممدي]

الكاتب الأصلي: what
نعم اخي ممدي ... شكرا لسؤالك واهلا وسهلا بك

كيف قرأت مؤشرات اليومين الماضية؟

[قنوع]

اللهم ان كان مضارب الكهرباء يتعمد خسارة الناس - وانتهى تداول عصر هذا اليوم الاحد ولم يرفعه

اسالك يا جبار ياعظيم يا من لا يحب الظلم - ان تسكن فيه ما تحرك وان تحرك فيه ماسكن وان

توقف الدم في عروقه وان تجعله ينظر الى مااخذه من الناس فلا يستطيع ان يرفع منها هلله واحده

انك انت الكريم الجبار

[أبو فهد ج]

الكاتب الأصلي: المداول الصغير
لأن إبراهيم الراجحي يوم يصرح قبل أشهر قال إن المؤشر إلى 5100

تراه مهب بعيدة وصلناه

قل يا الله ..

جعله بنفخ ببطنه من كبره ما يشوف اصابع رجليه

الله يعطيه على نيته ويجازيه بافعاله



a4

[king4499]

يوووووووووووه وش ذاااا اللي في صدق؟؟؟؟؟؟؟؟
والله سوق غررررررررررريب

[الغريب الاول]

يالله سولفوا عن خسايركم وش ورانا ....

أنا خسران الاسبوع هذا والاسبوع اللي راح حوالي

600000
ستمائة الف ريال

[رائـــــد]

الكاتب الأصلي: taj_rase
شباب تبون الجد
من خلال تجربتي الفترة الماضية حققت ارباح تصل الى 100%
والان راحت كل الارباح وما بقي الا 5%
وشكلها بكرة بتروح
المهم من خلال هالتجربة توصلت الى قناعة ان الواحد ماينام وفي بطنه سهم
يعين اذا شفت السهم بادي يدحدر وعليه حركات رش وغيره عطهم اياه يشبعون به
ونقطة اخيرة
انا اقول كل ما ربح الواحد 20% من راس المال طلعها برى السوق
والله يهي مريحة
انا مثلا طلعت كل راس مالي بعد التصحيح الاول
واشتغلت بارباح
صح تنقهر لما تروح
بس اهون من راس المال
راس مالي وزعته بمساهمات عقارية
والله انها اريح واظمن
بس المشكلة من دخل الاسهم صعب يتركها
والمشكلة من شاف الارباح وقادم يدقدق بالالة الحاسبة وقت الارتفاعات صعب يطلع
لكن لابد ان الواحد يتخذ قرارات جرئية وصعبة لانه سيجد انها سليمة في مثل هالاوقات



صدقت 100% وانا قاليل هالكلام اول تصحيح صار a1

[taj_rase]

الكاتب الأصلي: ابو مرام
والله ان خسارتي عشرة اضعاف خسارتك

ولم افكر في البيع

معقولة الاستمرار والنظر الى الخسائر تزداد

انا والله قررت قرار متاخر جدا وهو بيع النصف لتوفير سيولة
لو قدرت ادخل مضاربة واخرج بسرعة
الشكوى لله

[abuayad]

الكاتب الأصلي: أبو فهد ج
قل يا الله ..

جعله بنفخ ببطنه من كبره ما يشوف اصابع رجليه

الله يعطيه على نيته ويجازيه بافعاله



a4

ههههههههههههههههههههه
يعني يصير عنده كرش

[الغريب الاول]

شوفوا الارقام المميزة بصدق .... على الاقل اشتروا رقم مميز اذا مانتم شارين أسهم ...


سعر العرض كمية أفضل عرض عدد
103.25 151,111 138
103.50 11,111 2
103.75 11,111 1
104.00 11,111 4
104.25 11,111 1

[king4499]

الكاتب الأصلي: قنوع
اللهم ان كان مضارب الكهرباء يتعمد خسارة الناس - وانتهى تداول عصر هذا اليوم الاحد ولم يرفعه

اسالك يا جبار ياعظيم يا من لا يحب الظلم - ان تسكن فيه ما تحرك وان تحرك فيه ماسكن وان

توقف الدم في عروقه وان تجعله ينظر الى مااخذه من الناس فلا يستطيع ان يرفع منها هلله واحده

انك انت الكريم الجبار
اليوم الاثنين وانا اخوك
سلامات

[saleem]

الكاتب الأصلي: ابو مرام
والله ان خسارتي عشرة اضعاف خسارتك

ولم افكر في البيع



والى متى ؟؟؟؟ ممكن تعود الامور الى نصابها

[مبروك]

كل واحد يقول لنا كم خسارته ياشباب

[f2002f]

الكاتب الأصلي: ابو عهود
حسن كيف تقول ما يجوز وراعي الاحلام والكوابيس يدلس على سلعته ويبطنها بالدجل والخزعبلات

آلآ يجوز ونصف a2



عساه ماورطك بس يقول خم عساه بخمه من المصائب

[غصن الزيتون]

غدا يوم آخر






































مسلسل قطري احد شافه:D :D :D

[راكان]

الوقت الآن مميز 5:55

الصفحة مميزة 55

[السهل]

الكاتب الأصلي: عبدالرحمن
يعني الكثير .. وهذا اول بوادر الارتداد ان شاء الله !!
واحد من اثنين يالي باعو مغفلين او الي شرو مغفلين

[حسن]

الكاتب الأصلي: ابو عهود
حسن كيف تقول ما يجوز وراعي الاحلام والكوابيس يدلس على سلعته ويبطنها بالدجل والخزعبلات

آلآ يجوز ونصف a2
لم يجبرك على بيع وشراء ..
حرااام .. حرام ..

[مكتوف]

السلام عليكم


أدعوا لرب العالمين أن تنجلي الغمة

[أبو فهد ج]

الكاتب الأصلي: قنوع
اللهم ان كان مضارب الكهرباء يتعمد خسارة الناس - وانتهى تداول عصر هذا اليوم الاحد ولم يرفعه

اسالك يا جبار ياعظيم يا من لا يحب الظلم - ان تسكن فيه ما تحرك وان تحرك فيه ماسكن وان

توقف الدم في عروقه وان تجعله ينظر الى مااخذه من الناس فلا يستطيع ان يرفع منها هلله واحده

انك انت الكريم الجبار

اللهم امين ..

الله يشغله بنفسه ..

الله يجعله يدور الرحمه عند الناس ما يلقاها .

[ابن دارم]

الكاتب الأصلي: الغريب الاول
يالله سولفوا عن خسايركم وش ورانا ....

أنا خسران الاسبوع هذا والاسبوع اللي راح حوالي

600000
ستمائة الف ريال




الدعوى حول بعض



أنا خسران من الأثنين إلى الأثنين 1420500



وكسبان في الفترة نفسها من خلال التذبذب حوالي 800000

[abuayad]

كلما عظمت المصيبة كلما اقترب الفرج

[f2002f]

المواشي 114
سيسكو 180
ساسكو 187
رصيد المتبقي مايسدد الفاتوره

ياناس واسوني
اضحكوا علي قولوا بيرتفع السوق الى 6363

[راكان]

159 ألف

عرض في الكهرب

[عبدالرحمن]

الكاتب الأصلي: السهل
واحد من اثنين يالي باعو مغفلين او الي شرو مغفلين

الاول ;)

[king4499]

الكاتب الأصلي: راكان
الوقت الآن مميز 5:55

الصفحة مميزة 55

يعني بيصير شي؟؟؟؟؟؟:o

[what]

الراجحي كم؟

[ابن دارم]

اشتري السيارات 125.75 وإلا أصبر لبكرة

[ابو مرام]

الكاتب الأصلي: taj_rase
معقولة الاستمرار والنظر الى الخسائر تزداد

انا والله قررت قرار متاخر جدا وهو بيع النصف لتوفير سيولة
لو قدرت ادخل مضاربة واخرج بسرعة
الشكوى لله



لكي تصدقون هذه الاسهم المعروضة على الــ 102

هذه اللي املك وسوف الغيها بعد لحظات

بس طمئنوا قلوبكم لا للبيع

[saleem]

الكاتب الأصلي: حسن
لم يجبرك على بيع وشراء ..
حرااام .. حرام ..
=======================
ياحسن .. لم يجبر احد على البيع او الشراء.... لكن تمسحه بالدين والدعاء ...الاتعتقد انه استهزاء ودجل ...انما لم يكن شعوذة


حسبي الله ونعم الوكيل

[صفقات]

الكاتب الأصلي: راكان
الوقت الآن مميز 5:55

الصفحة مميزة 55


والمؤشر مميز 5555

[king4499]

الكاتب الأصلي: غصن الزيتون
غدا يوم آخر






































مسلسل قطري احد شافه:D :D :D

ما اتذكر انه كان فيها غداً

[أبجديات]

أحبائي في الله ...

ذهب الكثير ولم يبق إلا القليل ...
صبرنا على النزول الكبير ولم يبق إلا القليل هذا لو واصل السوق نزوله ...
يعني الآن أقصى عدد من النقاط وهذا في أسوأ الاحتمالات سيصله السوق هو 400 نقطة فقط لا غير ...

فتفاءلوا بالخير وستجدوه ...

فجميع الكروت بدأت تحترق ..
ومرحلة التجميع الجديدة على وشك البدأ ...

:)

[حسن]

الكاتب الأصلي: مبروك
كل واحد يقول لنا كم خسارته ياشباب
هلا مبروك .. وش لون سماهر .. عساها طيبه ..
انا يوم بعت .. بقي لي الف ريال فقطططططططططططط على راس المال .. يعني بغوا يشلحوني .. :)

[king4499]

الشراء توقف تماماً على الكهرباااااء
ماا لسر يا ناااااس.؟

[حسن]

الكاتب الأصلي: مكتوف
السلام عليكم


أدعوا لرب العالمين أن تنجلي الغمة
هلا مكتوف .. عليكم السلام ..
اسال الله ان يفرج كل كرب ..

[what]

اخوي ممدي....

اقول ندعي الله تكون 5400 نقطة قوية .... السوق عليه اليوم بوادر تحسن خلال النصف ساعه القادمه

ولكنها وقتية...لأن الرسم بالدقائق

بعد مايصك السوق نشوف الصورة مره 2

[king4499]

سلموا لي على مضارب الفنااادق
ما يحب يشوف شركته مقفلة نسبة تحت
يقول عيب في حقها وحقي

[الغريب الاول]

الكاتب الأصلي: ابن دارم
الدعوى حول بعض

أنا خسران من الأثنين إلى الأثنين 1420500
وكسبان في الفترة نفسها من خلال التذبذب حوالي 800000

الله يعوضك خيرا منها .....

وغيره ... ليه مستحين تقولون خسايركم ... قولوها على الأقل تبعدون العين عنكم ....!!

[ابو عهود]

الكاتب الأصلي: حسن
لم يجبرك على بيع وشراء ..
حرااام .. حرام ..


الحمد الله على نعمة الدين والعقل

نعم لم يجبر احد ولكن التدليس على السلعه وش رائك فيه والمصيبه انه يلبس عبائة الدين .

الحمد الله اني الم اسمع قوله الهزيل .

المدعو مجرد بوق دعايه

[raul]

واثق :D
من جد حلوة

يشباب نبي نصاب يقول لنا ان السوق بيرتفع


شلة المتعلقين بالمواشي
760 الف سهم معروضه ولا احد يبيها

[أبجديات]

لنلقي نظرة على الأسهم القيادية ...

الكهرباء عند نقطة دعم قوية اخترقها السهم بكميات كبيرة وانطلق من بعدها إلى التسعينات بعد المئة ...

سابك والاتصالات أيضاً ...
الاسمنتات قطاع يعتبر أقل المتضررين من النزول وما يمر به حالياً هو تجميع على كامل القطاع ...

البنوك لا أتابعها وهي في حقيقة ما تخيفني فربما يستخدمونها للضغط على السوق أكثر ...

:)

[taj_rase]

الكاتب الأصلي: ابو مرام

لكي تصدقون هذه الاسهم المعروضة على الــ 102

بالجوف

هذه اللي املك وسوف الغيها بعد لحظات

بس طمئنوا قلوبكم لا للبيع

اي شركه

[saleem]

الكاتب الأصلي: أبجديات
أحبائي في الله ...

ذهب الكثير ولم يبق إلا القليل ...
صبرنا على النزول الكبير ولم يبق إلا القليل هذا لو واصل السوق نزوله ...
يعني الآن أقصى عدد من النقاط وهذا في أسوأ الاحتمالات سيصله السوق هو 400 نقطة فقط لا غير ...

فتفاءلوا بالخير وستجدوه ...

فجميع الكروت بدأت تحترق ..
ومرحلة التجميع الجديدة على وشك البدأ ...

:)

جزاك الله خير ... الصديق وقت الضيق ...مشكورة وقفتك معنا

[f2002f]

الكاتب الأصلي: king4499
الشراء توقف تماماً على الكهرباااااء
ماا لسر يا ناااااس.؟


والله قالها كاتب اذا ارتفعت الكهرباء اهرب من السوق

[what]

راقبوا سعر الراجحي...الفتره هذي هو تريموميتر السوق

[abuayad]

الكاتب الأصلي: ابو مرام

لكي تصدقون هذه الاسهم المعروضة على الــ 102

هذه اللي املك وسوف الغيها بعد لحظات

بس طمئنوا قلوبكم لا للبيع

اي شركة تقصد يا ابومشاري

[ابو مرام]

الكاتب الأصلي: ابو مرام

لكي تصدقون هذه الاسهم المعروضة على الــ 102


الجوف الزراعية



هذه اللي املك وسوف الغيها بعد لحظات

بس طمئنوا قلوبكم لا للبيع




سوف اقوم بالغاء العرض الان

تأكدتوا ان البيع مرفوض

[ممدي]

الكاتب الأصلي: what
اخوي ممدي....

اقول ندعي الله تكون 5400 نقطة قوية .... السوق عليه اليوم بوادر تحسن خلال النصف ساعه القادمه

ولكنها وقتية...لأن الرسم بالدقائق

بعد مايصك السوق نشوف الصورة مره 2

إذاً
سننتظر منك اليوم بإذن الله موضوع في هذا الشأن على الصفحة الرئيسية..

قل تم

[king4499]

الكاتب الأصلي: حسن
هلا مبروك .. وش لون سماهر .. عساها طيبه ..
انا يوم بعت .. بقي لي الف ريال فقطططططططططططط على راس المال .. يعني بغوا يشلحوني .. :)

انت صديقي يا حسن
تعال ابيك على جنب












تسلفني الالف وارجعها اذا تعدينا ال 7000 نقطة؟؟

[الواابل]

-230

[abu_fahad]

يا أخوان ادا سلم العود الحلال يعود

الحرف (د) بنقطة لا يعمل عندي فعدراً ههههههههههه

[قنوع]

اللهم ان كان مضارب الكهرباء يتعمد خسارة الناس - وانتهى تداول عصر هذا اليوم الاحد ولم يرفعه

اسالك يا جبار ياعظيم يا من لا يحب الظلم - ان تسكن فيه ما تحرك وان تحرك فيه ماسكن وان

توقف الدم في عروقه وان تجعله ينظر الى مااخذه من الناس فلا يستطيع ان يرفع منها هلله واحده

انك انت الكريم الجبار

[حسن]

الكاتب الأصلي: king4499
انت صديقي يا حسن
تعال ابيك على جنب












تسلفني الالف وارجعها اذا تعدينا ال 7000 نقطة؟؟
لا والله معطيك اياها ..
اصلا انا بفرحتها انها بقيت كنت خايف على راس المال .. بروح اشتري لي سيكل .. :)

[مكتوف]

حسن

ممدي

هلا وغلا والله وجودكم يخفف الهم

[abufares]

السلام عليكم
اخوكم متعلق بطيبه بكل الغله عند 191 الان طيبه ب148 وليس لي نيه بالخروج من السوق بتاتا البته لكن هل الأفضل البيع الان والدخول بسهم اخر قريب من نفس السعر واسرع انطلاقا في حالة الأرتداد اما ارضى بقردي وانتظر...

[taj_rase]

ياخون نشتري كهرب والا ننتظر بكرة

لان السحب حسب ما يقول المتابعين كان كبيييييييييييييييير جدا

[king4499]

الكاتب الأصلي: abu_fahad
يا أخوان ادا سلم العود الحلال يعود

الحرف (د) بنقطة لا يعمل عندي فعدراً ههههههههههه

خخخخخخخخخ طالع كنك اثرم
ضحكتني وانا متضايق
الله يرزقك بحرف ذال:D :D ووراه مليوين ريال
ذذذذذذذ <<<< بيقهرك تبي واحد منها؟؟
سو لها نسخ ولصق:D

[المداول الصغير]

باقي 23 دقيقة وعرض الكهرباء يقارب النصف مليون

هل تسحب ؟

ننتظر ونرى ونتمنى ذلك

اللهم يارب يا كريم يا منان يا أرحم الراحمين ويا أجود الأجودين ما لنا حيلة إلا دعاؤك وليس لنا رب سواك فندعوه اللهم اجعل سوقنا يرتد ويتحسن يارب العالمين