مين قدك ياشايب!!!

[عبدالله15]

قصيده لبنت حبت لها شايب

حبيت شايب لا تقولـون لـي ليـه

لقيت عنده ما أبـي العـزّ والجـاه

ولقيت عنده حبّ من قلـب يعطيـه

هو حبّي الاول ولاخر وانـا افـداه

قرب على التسعين لا شـي يشكيـه

سلفه يـدّق بـلا اشتـراكٍ وتحمـاه

مهما طلبتـه قـال حاضـر ولبّيـه

يركض على شاني ولا همّـه شـراه

لو هو لبـن عصفـور لابـدّ لاقيـه

يفرح اذا من قلـت يـارب تجـزاه

وان ضاق صدري بان حزنه بعينيه

ورحت اتمشـى فالبساتيـن وايّـاه

يجمع لي أجمل ورد من نقوة ايديـه

والشوك عن دربـي يشيلـه بيمنـاه

واذا رجعنا البيـت فالأنـس يحييـه

شال الهجيني والرقـص دوم يهـواه

وان كان ابي "ديسكو" فلا هوب خافيه

"البريك داون" يضبطـه مـا تعنّـاه

يا بنـت خـوذي شايـبٍ لا تعدّيـه

خاتـم بيـدّك والمخاليـق بحـمـاه

وش لك بـورعٍ تايـهٍ فـي مفاليـه

امـا سهـر والا دشـاره وبـلـواه

والا فقيـرٍ راتبـك مــا يخلّـيـه

والا غنـي والبخـل دوم بخـطـاه

والا مطـوع وحـدةٍ مـا تكفـيّـه

ولو هي وحيده تنتهي مـن سوايـاه

حتيش لو دينه عـن الغـي ينهيـه

سيارته مـن كثـر كرفـه تشكّـاه

ولا تاخذي شاعرترى العشق يغريـه

يا سرع مـا يقلـب لحـبٍ تحـرّاه

(ولا تقبلي راعي "تـداول" وتشريـه)

(فكره مـع الاسهـم عشيـقٍ وليـلاه)

فالشايب اللـي كبـر جـدّك تمنّيـه

لو قدّر الله مـات فالـورث ذكـراه

من بعدهـا تشريـن زوجٍ وتغنيـه

دام الشبـاب اليـوم فقـره توطّـاه

ويصير لـك ظـلٍ وتيـسٍ تربّيـه

برويتبٍ مثل الموظـف ولا احـلاه








12 18 20

[الكناني]

اضحك الله سنك :)

[حسن]

شكرا لك .. لكن بعض الابيات اشمأزت لها نفسي ..
وددت لو لم تنقلها .. اظنك عرفتها

[الكاغد]

شال الهجيني والرقـص دوم يهـواه

وان كان ابي "ديسكو" فلا هوب خافيه

"البريك داون" يضبطـه مـا تعنّـاه


!!!!!!!!!

[ابو هيثم]

يجب وجوباً ويلزم لزوماً أن يعاد تنقيح هذه ألأبيات وبسرعه قبل أن يطلع عليها العامه وتصاغ بحيث يكون الشيبان مافيه أحسن منهم ولو هم حقين تداول بسرعه... وبسرعه ..لاتنومون إلا مصلحينها... ترانا شيبان في حاجة فزعة أهل الفكر والقلم ..