كنك على فرقاي تفتح لـي البـاب :: وبتقطني من فوق متـن السحابـه

[أليا صهل]

البارحه ماهـي مشاريـه وعتـاب=لا والله الا البعـد كـشّـر بنـابـه
ياصاحبي وش مزعلك ويش الاسباب=يـومـأن حوّلـت الفـرح للكآبـه
كنك على فرقاي تفتح لـي البـاب = وبتقطني من فوق متـن السحابـه
وشفيك سكّرت الغلا بيـن الاحبـاب=وخليت قلبي منـك ينقـل صوابـه
ليتك سمعت اللي عوى بين الاحداب=ذيب ٍ عوى مـن غيبتـك للذيابـه
من غيبتك كن القمر بالسماء غـاب=وكل الليال السـود عقبـك تشابـه
ياصاحبي صاحبك مـن غيبتـك ذاب=عنوان حـزن الوقـت والا كتابـه
وين انت ياللي مالنا غيرك أحبـاب=مدهـال قلبـي بالغـلا وانتسابـه