والله لا شبّ النار واصالي النار :: وادوس هّمات الشرور الشريره [الأرشيف]

أليا صهل

26-10-2016, 12:36 AM

أفتر دولاب الضّماير للأشعار
طولٍ بعرض قياس حبّه شعيره

وغدا لهن داكول ما ردوا مصدار
بيوت لهن عند المقابل نظيره

يا ( أبو عقيل) الطير لو طار بوار
ومن بورته تشكيه ناسٍ كثيره

ولولا فعولـه كان ما صار ما صار
ولا حط في رجليه سبق ومريره

ومريرةٍ توثق على السبق تحيار
و أيحط مجولها بعود النجيره

بالله عليك أنشد عن الطير صقار
حتى تعرف أنّه قريّب حضيره

أرسلت طير وخافق الريش غدار
يكسر ليا شاف العدنه الكبيره

والآف أنا علي لك واجب وكار
حقك علي ما والله اذخر ذخيره

أرسلت يم الطير تسعين دوار
طيور من (الطايف) ليا أقصى الجزيره

خمسين عقبانّ وثلاثين أحرار
وعشر شياهين الجبال الوعيره

والكل منهن مخلبه شنكار
وعينه مثل عين الرصد مستديره

وتلافحن بالرّيش من فوق الأوكار
وتخّيرن داره على كل ديره

وصارن على روس الشواهيق دندار
وداره غدت من بينهن تقل ديره

وإلى أن ذا خفّاق لاجي لـه بغار
عينه مثل عين العدنه الجحيره

وشافنّه وعرف أنهن جن يتدبار
ونسق ونس قال عميت 0000

وظفه عقاب وافي ضاف الأشبار
وجابه وجبته جعل بالأمر خيره

الطّير جاك ونشده ويش الأخبار
فآليا نشدتّه لا تخفّي السريره

لو أن مرسالك نصا القوم الأشرار
وهو بشر يقفي ويقبل بسِيره

هّيجت عيّال مشاكيل وأخيار
زحول تهوش بكل أماني قصيره

والله لا شبّ النار واصالي النار
وادوس هّمات الشرور الشريره

وأخطار ما تقدر مقادير الأقدار
والذّل ما يدفع ليالِ قصيره

لا شك ترسل طير والطير غدار
يكسر ليا شاف العدنه الكبيره

******************
الشاعر الكبير سويلم العلي رحمه الله