الشعر له عندي بنوك ومفاتيح *** وجواهرٍ ترضي جميع الشرايح

[أليا صهل]

قالوا هواك وقلت في هبت الريح *** وكسب العلوم الطيبه والنصايح

وقلت هلا قدم الوجيه المفاليح *** والمال يا خزانت المال رايح

وصف الدلال المكرمات المدابيح *** على وجارن وأزرق العود فايح
وسوالفٍ ما جمعوها المداويح *** ولا جابها اللي بالكلام يتدايح

قصايدٍ تلحق قصايد شليويح *** فيها من السحر البيان الفظايح

وخوت صناديد الرجال الزحازيح *** وممشن مع الصمان والسيل طايح

بكور وسمٍ وشح الأرض توشيح *** جرايره تقول مسقى فلايح

جوه مغيم والرعد له تسابيح *** وبرقه وميض اللي شعرها سفايح

ترفع مقاديمه عن الوجه ويطيح *** مثل البروق مع السحاب أيتمايح

والشعر له عندي بنوك ومفاتيح *** وجواهرٍ ترضي جميع الشرايح

ولا هو غريب اليا شعلت المصابيح *** ثِلثٍ لجداني سوات الوشايح

قصايدٍ فيها من الحكم والتمازيح *** جتني تناقلها الرواة الصحايح

ويا هيه يناشدٍ تبي هبت الريح *** خاو الكريم ولا تخاو الشحايح

وقولت هلا قدم الوجيه المفاليح *** والمال يا خزانت المال رايح