للبيع ارض في عريض

[ابــوحــمــد(م)]

قطعة رقم 164/6 أ
مخطط 2746
مساحة480م
على شارعين شمالي15وشرقي17
والارض غيرمنزوعة وعليها سوم يوم الجمعة 110000ريال
ابوحمد0553126100

[الاسرار العجيبه]

والله انت ازين من غيرك انت لقيت واحد يسوم

[sami abdullah]

هل سيمت من المكاتب في عريض

[خالد ناصر]

بعض الناس كنه حصان إبليس في كل موضوع ينط ويشوش على الناس

[الاسرار العجيبه]

بعض الناس كنه حصان إبليس في كل موضوع ينط ويشوش على الناس

حصان بليس والله وجهك:mad: ماغلطت عليك انا قلت زين انك لقيت احد يسوم الايام هذي ولا كذبت

وماهو ذنبي يعلقونك الرجاجيل وتجينا معصب aa1 اقول الحق اللي سامها لاينحاش كانه سامها بعد:615: ومن ناحيه ننط الحمد يمكن انا فكينا ناس من تعليقات قبل شهور من المطبلين والنصابين وخاصه في عريض:rolleyes:

[abodlal10]

حصان بليس والله وجهك:mad: ماغلطت عليك انا قلت زين انك لقيت احد يسوم الايام هذي ولا كذبت

وماهو ذنبي يعلقونك الرجاجيل وتجينا معصب aa1 اقول الحق اللي سامها لاينحاش كانه سامها بعد:615: ومن ناحيه ننط الحمد يمكن انا فكينا ناس من تعليقات قبل شهور من المطبلين والنصابين وخاصه في عريض:rolleyes:
كيف تقول ماغلطة على الرجال تكسر سلعته وتقول ماغلطة الذي اختشوا ماتوا
عيب الكلام هذا لو انت مارضيت ورديت بردود اكثر من كذا خف الله في نفسك ان كان عندك مخافه من الله

[عابر الأوطان]

بعض الناس كنه حصان إبليس في كل موضوع ينط ويشوش على الناس

الحقيقة صحيح أحياناً تكون مرة بس لازم تتقبلونها .

[ابــوحــمــد(م)]

حصان بليس والله وجهك:mad: ماغلطت عليك انا قلت زين انك لقيت احد يسوم الايام هذي ولا كذبت

وماهو ذنبي يعلقونك الرجاجيل وتجينا معصب aa1 اقول الحق اللي سامها لاينحاش كانه سامها بعد:615: ومن ناحيه ننط الحمد يمكن انا فكينا ناس من تعليقات قبل شهور من المطبلين والنصابين وخاصه في عريض:rolleyes:

عيب عليك ياالاسرارالعجيبة انت عجيب مثل اسمك اذاوجهت لك كلام لك حق ترد وماطلبت رايك في شي والعرض للجادين موللحيالة والمنتدى للفائدة للجميع ماهو للاغراض الخاصة والاسرارالعجيبة والاهداف الدنيئة

[ابــوحــمــد(م)]

هل سيمت من المكاتب في عريض
السوم من مكاتب عريض الجمعة الماضية وعليها سوم قبل باكثرمن هالسوم واجد
وتقبل تحياتي

[الاسرار العجيبه]

عيب عليك ياالاسرارالعجيبة انت عجيب مثل اسمك اذاوجهت لك كلام لك حق ترد وماطلبت رايك في شي والعرض للجادين موللحيالة والمنتدى للفائدة للجميع ماهو للاغراض الخاصة والاسرارالعجيبة والاهداف الدنيئة

قاعد تغلط وتبينا نسكت عنك وثاني شئ وش فيك عصبت يوم قلت لك

زين ان ارضك انسامت :617: ثاني شئ اذا كانت اهدافي دنيئه وانا لي شهور

وانا احذر من العقار وش يصير اللي يطبل ويبي يصرف على الضعوف

العقار نزل بعد تحذيرنا في عريضك 50% ومازال للنزول بقيه يابو اهداف دنيئه :605:

[الاسرار العجيبه]

كيف تقول ماغلطة على الرجال تكسر سلعته وتقول ماغلطة الذي اختشوا ماتوا
عيب الكلام هذا لو انت مارضيت ورديت بردود اكثر من كذا خف الله في نفسك ان كان عندك مخافه من الله

ليه انت تشوف ان فيه احد يسوم الايام هذي واذا كانت انسامت

انا قلت زين ان انسامت لاني اعرف ناس عارضين اراضيهم وفي

احياء شمال الرياض ولهم شهرين ماكلمهم احد وهذا اللي خلاني اقول زين انها انسامت هذا اولا

ثانيا وضح وش انت مارضيت ورديت بردود اكثر ابغى جمله مفيده

اما كلامك ان كان عندك مخافه من الله وش شفت فيني عشان تقول ان كان عندك مخافه من الله ولا بس تذب كلام ولا تدري وش معناه

لكن الحمد لله ان عمل ابن ادم بينه وبين ربه عزوجل

[سهم مارق]

يا اخوي يا الاسرار العجيبة الكل يعرف ان العقار نازل ويتوقع نزوله أكثر والله العالم يتوقعون ولايعلمون الله هو العالم قد يرتفع ولا ينزل , لذا لايمنع أن تبدي رأيك عن العقار بصفة عامة سواءً بموضوع مستقل أو بالرد على أي أخ يطرح موضوع عام عن العقار ولكن الحق يقال أنت بدخولك على موضوع الرجال الذي عارض أرضه للبيع وترد بهذا الرد قد أخطأت عليه ولا أحد يرضى أن يرد عليه بمثل هذا الرد أنا وأنت وغيرنا لايرضى هذا لنفسه .أرجو أن تتقبل هذا بصدر رحب . والله يرزق صاحب الأرض بالبيعة التي تسره وشكراً .

[ابــوحــمــد(م)]

قاعد تغلط وتبينا نسكت عنك وثاني شئ وش فيك عصبت يوم قلت لك

زين ان ارضك انسامت :617: ثاني شئ اذا كانت اهدافي دنيئه وانا لي شهور

وانا احذر من العقار وش يصير اللي يطبل ويبي يصرف على الضعوف

العقار نزل بعد تحذيرنا في عريضك 50% ومازال للنزول بقيه يابو اهداف دنيئه :605:

اناماغلطت عليك الي كتب لك بعض الناس كنه حصان بليس ..... عضواخر (خالدناصر)ماتكلمت معك ولا وجهت لك كلام وانت وجهت كلامك لي وبديت بالغلط لانك كنت جالس على عيونك وماشفت من الي رد عليك وارفع نفسي اني ادخل معك في نقاش وجدال وسواء انزلت ولاخسفت ولاقعدت ولاارتفعت ولاانباعت راس مالها ورقة ام ريال ماخسرت فيهاشي الحمدلله

[الاسرار العجيبه]

اناماغلطت عليك الي كتب لك بعض الناس كنه حصان بليس ..... عضواخر (خالدناصر)ماتكلمت معك ولا وجهت لك كلام وانت وجهت كلامك لي وبديت بالغلط لانك كنت جالس على عيونك وماشفت من الي رد عليك وارفع نفسي اني ادخل معك في نقاش وجدال وسواء انزلت ولاخسفت ولاقعدت ولاارتفعت ولاانباعت راس مالها ورقة ام ريال ماخسرت فيهاشي الحمدلله

اجل ماغلطت والاهداف الدنيئه وش تسميها لكن الله اعلم من اللي اهدافهم دنيئه

لكن الله يعطي كل على نيته وانا هنا اتوقف عن مناقشتك لاني ارفع نفسي عنك :rolleyes:

ماادري ليه معصبين ذا الايام واحد يقول حصان بليس وشكله يشبه له:612: والثاني ابو اهداف دنيئه

لا مبين ان حالتكم صعبه :mad: مع اني ماقلت شئ غلط لكن الحقيقه مره

[تركي فهد]

الله يعينك يا صاحب العرض ما قول الا بيبض الله وجهك

[خالد ناصر]

حصان بليس والله وجهك:mad: ماغلطت عليك انا قلت زين انك لقيت احد يسوم الايام هذي ولا كذبت

وماهو ذنبي يعلقونك الرجاجيل وتجينا معصب aa1 اقول الحق اللي سامها لاينحاش كانه سامها بعد:615: ومن ناحيه ننط الحمد يمكن انا فكينا ناس من تعليقات قبل شهور من المطبلين والنصابين وخاصه في عريض:rolleyes:

سبحان الله كاد المريب ان يقول خذوني

خلنا نتجاوز هذا النقاش وانا مسامحك على تعليقك الغير لائق

الان انت تحذر من انهيار العقار وتنصح الملاك انهم يبيعون أراضيهم وبزعمك تريد لهم الخير
طيب الطرف الثاني اللي هو المشتري طبعا كل بائع يكون مقابله مشتري المشتري هذا اللي تبغانا نبيع عليه ماله من حب الخير نصيب والا تبي توهقه في الارض
يا اخي الواحد اذا جاء يعلق او يطرح موضوع يكون متوازن وصريح بعيد عن التناقض وحب المصالح
شكرًا لسعت صدرك يا محب للخير

[الاسرار العجيبه]

سبحان الله كاد المريب ان يقول خذوني

خلنا نتجاوز هذا النقاش وانا مسامحك على تعليقك الغير لائق

الان انت تحذر من انهيار العقار وتنصح الملاك انهم يبيعون أراضيهم وبزعمك تريد لهم الخير
طيب الطرف الثاني اللي هو المشتري طبعا كل بائع يكون مقابله مشتري المشتري هذا اللي تبغانا نبيع عليه ماله من حب الخير نصيب والا تبي توهقه في الارض
يا اخي الواحد اذا جاء يعلق او يطرح موضوع يكون متوازن وصريح بعيد عن التناقض وحب المصالح
شكرًا لسعت صدرك يا محب للخير

تحذيري بعدم الدخول بالاسعار هذي وانا دايم اقول ان العقار للبيع وليس للشراء

يعني بعقلك اذا نصحت بالبيع وشاف واحد كلامي وهو مقتنع بكلامي بيشتري

كيف الحين صار الكلام متوازن طال عمرك :D اما كلامك بزعمي اريد لهم الخير

كنت احذر من رمضان من العقار يعني لو باع احدهم بناء على تحذيري خاصه للاحياء اللي

نزلت 50% هل كنت اريد له الخير ولا الشر واللي كان يوصيهم الايام اللي راحت بالشراء

وش كان يريد لهم تحياتي لك

[ابــوحــمــد(م)]

والله ياجماعة ماتوقعت اني احصل عقلية اقتصادية نادرة وتحلل في اسواق العقاروالاسهم وعلى علم بمستقبل واسرارالاسواق المالية واوقات انهيارها وركودها عقلية عجيبة والوم معالي وزير المالية على عدم الالتفات لمثل تلك العقليات وتركهامدفونة في المنتديات حتى اصبحت تسأل وتجيب في وقت واحد وتحول العروض الى نقاشات بعيدة كل البعدعن صلب الموضوع في محاولات بائسة ويائسة ومن يتمعن في مشاركات وطرح هذة العقلية العجيبة وتوجهاتهاسوف يكشف اسرارها وتتضح لة ميولها واهدافها وحبها للخيرالذي عم جميع اعضاء وزوارهذاالمنتدى واسهمت مساهمة فعالة وناجحة في عكس مؤشرات حياتهم من الفقرالى الغنى !!! ببيع البيت والارض وبفتح لي محفظة وش احسن شركة ؟؟؟؟؟؟؟؟؟ لوسمحتو لحديعلمني خلوه لومرة يحس ان احدسألة اواقل شي يكون جاوب على شي موجة له يمكن يعقل

[الاسرار العجيبه]

:617:والله ياجماعة ماتوقعت اني احصل عقلية اقتصادية نادرة وتحلل في اسواق العقاروالاسهم وعلى علم بمستقبل واسرارالاسواق المالية واوقات انهيارها وركودها عقلية عجيبة والوم معالي وزير المالية على عدم الالتفات لمثل تلك العقليات وتركهامدفونة في المنتديات حتى اصبحت تسأل وتجيب في وقت واحد وتحول العروض الى نقاشات بعيدة كل البعدعن صلب الموضوع في محاولات بائسة ويائسة ومن يتمعن في مشاركات وطرح هذة العقلية العجيبة وتوجهاتهاسوف يكشف اسرارها وتتضح لة ميولها واهدافها وحبها للخيرالذي عم جميع اعضاء وزوارهذاالمنتدى واسهمت مساهمة فعالة وناجحة في عكس مؤشرات حياتهم من الفقرالى الغنى !!! ببيع البيت والارض وبفتح لي محفظة وش احسن شركة ؟؟؟؟؟؟؟؟؟ لوسمحتو لحديعلمني خلوه لومرة يحس ان احدسألة اواقل شي يكون جاوب على شي موجة له يمكن يعقل


حالتك تصعب على الكافر عريض ومايسوي:D:617:احس وجهك وانت تكتب مثل كذا:eek:

وسع صدرك وثاني شي مانصحت من يبيع يشتري اسهم هذي جايبها من عندك اما من ناحيه

اني محب للخير الله يعلم بالنيات والله يعطيكم على نياتكم

[الاسرار العجيبه]

:617:


حالتك تصعب على الكافر عريض ومايسوي:D:617:احس وجهك وانت تكتب مثل كذا:eek:

وسع صدرك وثاني شي مانصحت من يبيع يشتري اسهم هذي جايبها من عندك اما من ناحيه

اني محب للخير الله يعلم بالنيات والله يعطيكم على نياتكم

ثاني شي قاعد تتريق واني محلل اقتصادي واعرف متى الدخول والخروج

ياخي لو تسأل طفل في الابتدائي عن العقار قال غالي وبيطيح والاسهم رخيصه وبترتفع

بس شكل عيونك وقتها:crhod::crhod::crhod::crhod::605: انا هنا اقف عن مناقشتك

والله يرزقك البيعه الطيبه سلام

[ياربي خيرك]

الله يعطيكم العافية ويبارك بطرحكم وتعاونكم

[خالد ناصر]

نعتذر لصاحب الموضوع من إخراجه عن صلبه

[ابــوحــمــد(م)]

نعتذر لصاحب الموضوع من إخراجه عن صلبه
مافية الاالخيراخوي خالدلاكنك خليتني احب الاسرارالعجيبة اول شخص احس عندة حساسية من طاري العقارولوبيدي اغلقت قسم العقارعشانة

[ابــوحــمــد(م)]

ثاني شي قاعد تتريق واني محلل اقتصادي واعرف متى الدخول والخروج

ياخي لو تسأل طفل في الابتدائي عن العقار قال غالي وبيطيح والاسهم رخيصه وبترتفع

بس شكل عيونك وقتها:crhod::crhod::crhod::crhod::605: انا هنا اقف عن مناقشتك

والله يرزقك البيعه الطيبه سلام
والله العظيم ياالاسرارالعجيبة اني بديت احبك وليتك من البداية قلت الله يرزققك االبيعه الطيبة كان قلناجزاك الله يخيرودعينالك بالمثل وماطالت السالفة وعشان تستانس ماني من اهل العقاروالاراضي ارض جايتني منحة وببيعها وبتنباع قريب ان شاالله وتفتك مني

[الاسرار العجيبه]

والله العظيم ياالاسرارالعجيبة اني بديت احبك وليتك من البداية قلت الله يرزققك االبيعه الطيبة كان قلناجزاك الله يخيرودعينالك بالمثل وماطالت السالفة وعشان تستانس ماني من اهل العقاروالاراضي ارض جايتني منحة وببيعها وبتنباع قريب ان شاالله وتفتك مني

افتك منك وش دعوه يابو حمد هو اولا واخيرا نقاش ويمكن اكون غلطان في كلامي

اما من ناحيه اني عندي حساسيه من العقار عشان تكون في الصوره انا ساكن بيت ملك لي

ووالدي عقاري ويملك عقارات واقسم بالله اني اقوله بيع وكان رافض ومتحسف الان بس اللي صار في العقار ماهو طبيعي وبيكرر سيناريو الاسهم الله لايعيدها وثاني شي الشعب متذمر من العقار واكثر الشعب يسكن ايجار يعني بالعربي اللهم امنا في اوطاننا

[ابــوحــمــد(م)]

افتك منك وش دعوه يابو حمد هو اولا واخيرا نقاش ويمكن اكون غلطان في كلامي

اما من ناحيه اني عندي حساسيه من العقار عشان تكون في الصوره انا ساكن بيت ملك لي

ووالدي عقاري ويملك عقارات واقسم بالله اني اقوله بيع وكان رافض ومتحسف الان بس اللي صار في العقار ماهو طبيعي وبيكرر سيناريو الاسهم الله لايعيدها وثاني شي الشعب متذمر من العقار واكثر الشعب يسكن ايجار يعني بالعربي اللهم امنا في اوطاننا
الله يبارك لك ببيتك ومالك جزاك الله خير

[ابــوحــمــد(م)]

قطعة رقم 164/6 أ
مخطط 2746
مساحة480م
على شارعين شمالي15وشرقي17
والارض غيرمنزوعة وعليها سوم يوم الجمعة 110000ريال
ابوحمد0553126100
ومن الجنوب ممر5م نسيت اذكرة من البداية

[ابــوحــمــد(م)]

سبحان الله وبحمده سبحان الله العظيم

[لا تلوح للمسافر]

الله يرزقك من اوسع ابوابه

[ابــوحــمــد(م)]

الله يرزقك من اوسع ابوابه

وياك والمسلمين اجمعين

[ابــوحــمــد(م)]

مازال العرض قائم وان طاح العقارفالعرض معة

[بوذكرى]

الرجالس عارض اضة للبيع ويبى السووم الزين وقلبتو الموضوع وكلام ماله داعى صاحب الموضوع احسن الغى عرضك وعضة مرة ثانية والله يكسبك ولا يخسر مسلم

[ابــوحــمــد(م)]

الرجالس عارض اضة للبيع ويبى السووم الزين وقلبتو الموضوع وكلام ماله داعى صاحب الموضوع احسن الغى عرضك وعضة مرة ثانية والله يكسبك ولا يخسر مسلم

جزاك الله خير بوذكرى

[abodlal10]

كم وصل السوم الانننننننننننننننننن

[خمس مائة مليون]

ابو احمد الله يرزقك البيع الطيب و لا يهمونك الحنشل و الرخوم اعريض مقبل على خير لو الله يقدرك و تصبر سوف يرتفع اكثر من السابق بعد شهرين بإذن الله لأن فيها تطوير وزفلته و الرياض كل سنة يزيد عدد السكان أكثر من مليون شخص يعني و ين يسكنون

[لا تلوح للمسافر]

تسليم طرق الرياض الحوطة بعد 90 يوم
ادعس هنا لمعرفة تفاصيل اكثر
حوطة بني تميم - خالد المضحي
بدأ العد التنازلي للتسليم الأولي لأعمال مشروع طريق حوطة بني تميم - (الحائر) الرياض المزدوج المرحلة الأولى بطول (68) كلم والذي يجري تنفيذه من شركة ابن جار الله للمقاولات، (الجزيرة) رصدت عن قرب بعض الأعمال الجاري تنفيذها حيث يجري إنجاز ملحوظ بزيادة عدد الفرق التي تعمل من معدات وآليات في تنفيذ أعمال المشروع وتم الانتهاء من زرع الأعمدة للتقاطع الواقع على طريق الخرج - حوطة بني تميم وأعمال الردم للمداخل والمخارج للكوبري وكذلك أعمال الردم لطبقات الطريق والقطع لبعض الجبال التي تقع ضمن مسار الطريق وأعمال السفلتة.

المصدر جريدة الجزيرة 15/5/1433
الخبر كامل هنا
http://pda.al-jazirah.com.sa/20120407/fe26d.htm

[m-sarrah]

يعطيك العافيه على مجهوداتك

[ابــوحــمــد(م)]

كم وصل السوم الانننننننننننننننننن
السوم واصل125000 وفية رجال كلمني اليوم وبيشوفها العصرعلى كلامة ويمكن يفرق السوم والله اعلم

[ابــوحــمــد(م)]

ابو احمد الله يرزقك البيع الطيب و لا يهمونك الحنشل و الرخوم اعريض مقبل على خير لو الله يقدرك و تصبر سوف يرتفع اكثر من السابق بعد شهرين بإذن الله لأن فيها تطوير وزفلته و الرياض كل سنة يزيد عدد السكان أكثر من مليون شخص يعني و ين يسكنون
الله يجزاك خير ويرزقنا وياك والمسلمين

[ابــوحــمــد(م)]

تسليم طرق الرياض الحوطة بعد 90 يوم
ادعس هنا لمعرفة تفاصيل اكثر
حوطة بني تميم - خالد المضحي
بدأ العد التنازلي للتسليم الأولي لأعمال مشروع طريق حوطة بني تميم - (الحائر) الرياض المزدوج المرحلة الأولى بطول (68) كلم والذي يجري تنفيذه من شركة ابن جار الله للمقاولات، (الجزيرة) رصدت عن قرب بعض الأعمال الجاري تنفيذها حيث يجري إنجاز ملحوظ بزيادة عدد الفرق التي تعمل من معدات وآليات في تنفيذ أعمال المشروع وتم الانتهاء من زرع الأعمدة للتقاطع الواقع على طريق الخرج - حوطة بني تميم وأعمال الردم للمداخل والمخارج للكوبري وكذلك أعمال الردم لطبقات الطريق والقطع لبعض الجبال التي تقع ضمن مسار الطريق وأعمال السفلتة.

المصدر جريدة الجزيرة 15/5/1433
الخبر كامل هنا
http://pda.al-jazirah.com.sa/20120407/fe26d.htm
الله يجزاك خير ولايحرمك الاجر

[نايف إليريكي]

الله يبارك لك فيها

[ابــوحــمــد(م)]

السوم واصل 127000ريال صافي الثلاثاء18/5

[ابــوحــمــد(م)]

الله يبارك لك فيها
جزاك الله خير اخوي نايف

[ابــوحــمــد(م)]

للتحدددددددددددددددددددددددديث

[ابــوحــمــد(م)]

السوم واصل 132000ريال صافي السبت 7/6/1433هـ

[لا تلوح للمسافر]

السوم واصل 132000ريال صافي السبت 7/6/1433هـ

ما شاء الله
أول سومه بـ 110 الف
والحين بـ 132 الف
يعني زيادة بمعدل 20%
الله يزود ويبارك لك فيها

[ابــوحــمــد(م)]

ما شاء الله
أول سومه بـ 110 الف
والحين بـ 132 الف
يعني زيادة بمعدل 20%
الله يزود ويبارك لك فيها
جزاك الله خيروالله انها قبل تقريبا3شهور سيمت 160000 صافي وبتجيب اكثران شاالله

[نايف إليريكي]

القادم احلى يأخوي

[لا تلوح للمسافر]

ما يبيع في عريض ها الأيام الا محتاج او خواف