مريت حي النرجس....مو معقول!!!

[blacktiger]

السلام عليكم.
قبل اكثر من اسبوعين كتبت موضوع عن رغبتي بشراء ارض في الرياض بسعر 800 ريال للمتر.وكثير من الاخوان جزاهم الله خير اشار على بحي النرجس.وبدء الحلم
المعادلة
مدينة الرياض+حي النرجس+سعر مناسب لي = سكن مناسب.

قررت ازور الحي والمكاتب.
سيارتي فورد.ولذلك اخذت سيارة جيب من احد الزملاء.وتوجهت لحي النرجس.ولما وصلت صكني راسي.
جبال السروات كلها في النرجس.ومافيه طبيعة مستوية.والمكاتب العقارية تسالهم عن قطعة يقولك مستوية كف...!! ياناس انتم عميان.المنطقة كلها جبال.شغلوا مخكم.
بكل صراحة ولوجه الله اوجه نصيحة,
الحي رائع من ناحية الموقع والتوزيع السكاني.ومن وجهن نظري افضل المواقع الجديدة بلامنازع لكن الطبيعة معليييييش.

سامحوني...ان ثقلت عليكم

[وضاح3]

كم سعر المتر بعد ما رحت للمكاتب


والله يعين الفرق في سعر الارض يروح في دقاق وشيول عشان تسوي الارض

لكن ممكن تساويها الان وبكره يجي الازفلت وتلقاه اعلى من البيت

وشكرا

[moghams]

انا مريتة كيلو 1 سعر المتر للزوايا1550 الى 1700 هذا بالنسبة لشرق طريق عثمان بن عفان
غرب عثمان بن عفان سعر المتر من 1100 الى 1250 شوارع سيئة اغلبها12م و 10م ولم يصل الخدمات للكل على ماظن

سعر غير جيد بالنسبة لمنطقة غير مؤهولة بالسكان

[moghams]

والمضحك سعر التجاري فوق2500 ولم يصلة الزفلت

[أناوبس]

أشتري في خطامة سدير مليون متر مربع بسعر أرض في البربس

[تركي فهد]

وش راي المغامس نشتري في الخطامة

[kalody]

لو عرف سبب بطل العجب
في ناس ما تبي ترحم تبي تاصل قيمة الاراضي هناك اكثر من 10 الالف ريال للسكني ؟ اصبرو عليهم
احد ملاك الاراضي هناك يملك اكثر من 4 ملايين متر مربع سكني في كيلو الاول
كبار العقاريين من اهل العقار متجمعين حول شارع الامير سلمان اكلو الاخضر واليابس من بداية طريق القصيم الي جامعة الاميرة نوره تم تقسيم الغلة هناك من سنه 2007 للصالح بعض الهوامير ودعم قوي من بعض شخصيات البارزه

[يد النجر]

انا مريتة كيلو 1 سعر المتر للزوايا1550 الى 1700 هذا بالنسبة لشرق طريق عثمان بن عفان
غرب عثمان بن عفان سعر المتر من 1100 الى 1250 شوارع سيئة اغلبها12م و 10م ولم يصل الخدمات للكل على ماظن

سعر غير جيد بالنسبة لمنطقة غير مؤهولة بالسكان

ههههههههههههههههههههههههههه

والله ما يشتري بهالأسعار اللي ما معه عقل ..

[أناوبس]

ههههههههههههههههههههههههههه

والله ما يشتري بهالأسعار اللي ما معه عقل ..

رزق الغشيم .............. من المهبل

[blacktiger]

بالنسبة للكيلو الرابع شرق طريق عثمان سعر المتر 1000 ريال والله على ما اقول شهيد

[mutaiam]

اعوذ بالله
حي الصحافه وكان فيه عمران قائم وسفلته وكهرباء قبل الجنون الي حصل اخر 4 سنوات كان المتر فيه 850 ريال للمتر

وهالبران والصحاري نرجس وغيره توصل 1100 ريال ولاكهرب ولاسفلت ولا ماء

[مبارك.سعد]

مكاين سنجر وصلت ل350 الف فما بالك باراضي

[blacktiger]

اعوذ بالله
حي الصحافه وكان فيه عمران قائم وسفلته وكهرباء قبل الجنون الي حصل اخر 4 سنوات كان المتر فيه 850 ريال للمتر

وهالبران والصحاري نرجس وغيره توصل 1100 ريال ولاكهرب ولاسفلت ولا ماء

فعلا العقار عامة والنرجس خصوصا اسعار مبالغ فيها على الفاضي

[faissssal]

ههههههههههههههههههههههههههه

والله ما يشتري بهالأسعار اللي ما معه عقل ..

طيب واللي عنده فلوس زايدة مايدري وش يسوي بها..؟


ناس عندها فلوس وبالكوووم والعقول مقفلة ولاكان ماشف عليها

طلب ولاشفت هالاسعار من الأساس .