اتجاه القبلة في منزلك

[شرواك]

الخطوات:

1. أدخل على الموقع http://www.qiblalocator.com

2. هذا الموقع يحتاج نسخة متقدمة من برنامج إنترنت إكسبلورر أو برنامج موزيللا للتصفح.

3. أختر Satellite لكي ترى الأماكن الفعلية مثلما ترى برنامج Google Earth.

4. حدد موقع منزلك أو المكان الذي تتواجد فيه.

5. ستجد علامة + في منتصف الصفحة ضع منزلك في منتصف العلامة.

6. ستجد خط أحمر بداية من العلامة + و نهايته عند الكعبة.

7. اتجاه هذا الخط هو إتجاه القبلة.

من فضلك ساعد في نشر هذه الرسالة فهناك الكثير حول العالم يحتاجون لمعرفة الإتجاة الصحيح للقبلة


وهذا الموقع سيساعدهم كثيرا فاحتسب هذا في ميزان حسناتك.

[dalaal]

جزاك الله خيرا أخي الكريم ..

نسخت الموقع واحتفظت به .. لحاجتي الفعلية له .. حيث اني كثيرة الأسفار ..

[ليلى *]

رائع جزاك الله خيرا

[inizi]

اخي الكريم
جزاك الله خيرا على هذا الموقع
جعله في ميزان حسناتك

[نجدية]

الله يرحمها امي منيره كانت وحنا صغار كل مارحنا مكان مانعرف القبله فيه قالت حطو الشمس على حاجبكم الايسر وصلوو
مدري عنها الله يسكنها الجنه هي صادزه والا ماعندها سالفه المهم اني خذت كلامها في كل بلد اسافر له عاد مدري قصدها بالرياض بس والا بالسعوديه والا بكل متسان المهم اني احط الشمس ع حاجبي الايسر اروكع حتى لو ماتطلع
الشمس برضوو احطها ع حاجبي الايسر واصلي
لان امي منيره اصدق عندي من البوصله aa1:506:

[haifa2]

الله يرحمها امي منيره كانت وحنا صغار كل مارحنا مكان مانعرف القبله فيه قالت حطو الشمس على حاجبكم الايسر وصلوو
مدري عنها الله يسكنها الجنه هي صادزه والا ماعندها سالفه المهم اني خذت كلامها في كل بلد اسافر له عاد مدري قصدها بالرياض بس والا بالسعوديه والا بكل متسان المهم اني احط الشمس ع حاجبي الايسر اروكع حتى لو ماتطلع
الشمس برضوو احطها ع حاجبي الايسر واصلي
لان امي منيره اصدق عندي من البوصله aa1:506:



نجدية مانمتي وش مسهرك
طيب واذا وصلتوا المكان والدنيا ليل ومافيه شمس وش تسوي امك منيرة

[نجدية]

نجدية مانمتي وش مسهرك
طيب واذا وصلتوا المكان والدنيا ليل ومافيه شمس وش تسوي امك منيرة

أمي منيره ماااش نين غابت الشمس ضاعت علومها والا بالنهار خذي حرمه جعلها في الجنه

وش ينومني ياهيوفه هالحزه توني مصبحه وقايلتن ياهادي

[haifa2]

أمي منيره ماااش نين غابت الشمس ضاعت علومها والا بالنهار خذي حرمه جعلها في الجنه

وش ينومني ياهيوفه هالحزه توني مصبحه وقايلتن ياهادي




انا مخربتها ويقالي سهرانة والا انا نظام شيبان اصلي العشاء وادور المخدة
كنا خربنا موضوع الرجال وصار سواليف

[نجدية]

لاماعيك ياهيفاء.. شرواك نمون عليه مهوب يخالف يعطينا المعلومه وياخذ اجرها بأذن الله
وباقي الموضوع يتركه للقراء

بس وراتس تنومين بدري اجل منتيب رومنسيه تنومين نين جاء الليل وهمسات النسيم

انا نظامي نظام سكيورتي دوامه مسائي

[سحابه خير]

نجدية مانمتي وش مسهرك
طيب واذا وصلتوا المكان والدنيا ليل ومافيه شمس وش تسوي امك منيرة

تحط الليل على حجاجها الايمن