قصتي يوم بغيت انحرف (( صدزيه ))

[نجدية]

السلام عليكم ورحمة الله وبركاته

سلخيرررررررررررررررررررررر

فكرت وفكرت وفكرت اكتب قصتي هذي والا مااكتبها همن لقيت انه من مقتضيات المصلحه
العامه اني اقولها
بتقولون وش دخل ابو المصلحه العامه فيتس انتي وقصتس ؟؟ اقولكم : لااااا لها دخل ودخل مهم جداا
الا وهو العبره والعضه
عاد خبركم انا ع قد حالي بالكتابه وماعرف المقدمات المخمليه ولاعندي اسلوب تشويق واللزي منوو
انما اكتب ماحصل معي بكل عفويه <<< عفويه متعوب عليها
اليكم قصتي

في خريف عام 2002ق م خخخخ لا امزح
في خريف عام 2002 م كنت اعيش في ولاية فرجينيا انا والعائله السعيده طبعا ..المهم في احد الايام
طلعوا اهلي من البيت وكنت قاعده لحالي مصيخينه ومالي نفس اطلع مادريت الا جرس الباب تتررربن تررررربن قلت افتحي ياعنايات والا انتي ياتفيده وتذكرت ان اختي عنايات واختي تفيده طالعين مع اهلي قمت وفتحته الا وش اشوف
ماشوف قدامي الا ذيك البنت الطخمه اللي وجها الظاهر مساحة قطره متر في متر وابيض يلق ولابستن حجاب ابيض وملابس سوداء شكلها امريكيه
كلمتها انجليزي مادريت الاردت علي مرحبا كيفك قلت هلا والله قسيسه من ربعنا
قلت ..تفضلي اهلن وسهلن وبديت اخق وانا ارحب بها وصوتي ينتتع قلت اسفه بس اول مره اشوف قسيسه وجه لوجه قالت عندك مانع يااختي لو كلمتك عن ديانتا لا لشئ انما لزيادة ثقافتك
خبركم الشرافه عندي منها واجد قلت تفضلي هاتي مالديتس
قالت ديانتي المورمونية وقعدت تهرج هرج وش كثره وبدال مااقعد افحط لكم بقوقل انتم قوقلوو يامال العافيه واقرو عنها
الموهيم من ضمن حتسيها ان النبي حقهم اسمه جوزيف ويكرهون اليهود مثلنا ويحرمون
الاختلاط مثلنا ويحللون تعدد الزوجات مثلنا بس يحللون تعدد الازواج مهوب مثلنا وقعدت انا
وياها حقبة من الزمن <<< تسمع بالحتسي المنمق
قالت اقدر ارسل لك نسخه بالعربي من الكتاب المقدس وكتب عن الديانه على عنوانك قلت
لا تكفين تسان اصير عشاء لتسلب كاثلين بنت جيرانا انا ابجي واخذهم بنفسي
وخلصت وانا فاتحتن ثمي وسعابيلي تقوطر مهوب في حتسيها لااا في اسلوبها ابن التسلب
غادرت القسيسه بمثل مااستقبلت به من فهاوه وتنتيع بعد مااخذت عنوان الكنيسه
حقتهم لحب الاستطلاع ايضا
من باتسر لقط بعض اخواني وقلت عندي لكم مفاجأة لان مكانهم بعيد وخفت اروح لحالي
مشينا في امان الله واخواني هالضعوف اللي يقول بتودينا لمطعم واللي يقول بارك وامسك طريق واشنطن
قالو ايه بتودينا ل DC ويهرجون وانا ساكته فجأة الا لبقت بهم عند الكنيسه ماصدقوو
حرام وش انتي موديتنا له قلت انزلو ماعليكم وكلو الله



يتبع بس تعبت

[العادل 2010]

يومه يتبع ورى ماخليتيه كلها مره وحده


انا قرأت الموضوع وماشفت ولا زبده


سعابيل وحاله ,,, الظاهر ان الانسه الكريمه تبي تعلمنا انها راحت لمريكا .. هذه هي القصه

الصدزيه :) :506: :613:

[نجدية]

بكمل مادمتو هاجعين هالحزه لو ابي اطلع صك ملكيه للمنتدى طلعت ماحولي احد
هذي ميزة الاشتراك مع كبار السن

نكمل السالوفه

نزلت اخواني باستخدام سلطتي عليهم وشرحت لهم شوي عن الديانه وقلت لهم انها تابعه للمسيحيه
اقضبو انفسكم ولاأحد يتهور تراها زيادة ثقافه فقط لاغير
اقنعتهم باسلوبي الخايس ونزلنا عند هالكنيسه الي مبانيها تشوفها ع بعد كم كيلو وانت ع الهاي وي
دخلنا شفنا رجال عند البوابه ابيض ولابس بدله بيضاء وشاح ابيض لو انه مسلم قلت وجهه فيه نور الايمان
قال ممنوع تدخلون بس تقدرون تدخلون المبنى الثاني
المبنى الثاني كله عن الديانه شاشات عرض لقصة نبيهم وكمبيوترات فيها نشاطهم ومكتبه عنه ديانتهم
ونسخ من كتابهم المقدس بكل لغات العالم وصور قديمه لربعهم الالولين وهالمبنى
كله بنات اشكالهم تفتح النفس واسلوبهم شئ خطيرر
ومبنى الكنيسه شامخ وكبير وفخم ويجيب الرهبه شكله وحتى لبسهم وطريقتهم في المشي والترتيب
ترعب وتطقك ام الركب
وشفنا فيه شباب خليجيين اعمارهم من 16_25 واعتقد اغلبهم طلاب يوم شفتهم سألت صديقتي القسيسه
قلت فيه خليجيين وعرب معتنقين هالديانه قالت فيه كثير وشوفيني انا من ضمنهم
واصبحو مبشرين للديانه
المهم يوم شفت شرحهم واسلوبهم خفت ع المراهقين اللي معي وانحشت وبديت اسال اكثر عن هالديانه
هناك وتأثر شبابنا فيها بسبب نشاط اعضاء هالكنيسه واسلوبهم العجيب
ولو عندي اسلوب شرحت لكم اكثر عن داخل هالكنيسه بس اسلوبي خن بط
بتقولون وش طاري ذكرتيها دحينه
اقولكم للعضه والعبره هالحين عيالنا صارو يروحون يدرسون الثانوي بعمر 16 يعني صغار وممكن ينحرفون بسهوله
والكنيسه فيها نشاط عجيب وخصوصا للمسلمين العرب

وسترك ياستار

[نجدية]

يومه يتبع ورى ماخليتيه كلها مره وحده


انا قرأت الموضوع وماشفت ولا زبده


سعابيل وحاله ,,, الظاهر ان الانسه الكريمه تبي تعلمنا انها راحت لمريكا .. هذه هي القصه

الصدزيه :) :506: :613:


كلن على همه وماشفتاا زبده مشكلتك
همن يوم اني اعلمك اني رايحتن لامريكا ليه ؟؟
امريكا هالحين الجنه والاروحتها شفاقه كلن يروحها صارت مثل الدوادمي والزلفي الله يرحم حالك يروحونها في الويك اند وينك عايشن فيه
بس سبحان الله ابو طبيع

[أبو ركـــــون]

الله يستر على هالمبتعثين ياكثرهم في السنين التاليه
على وقتنا نفحط ونرسل للسفاره عشرين الف رساله ومعروض وكل مره اصبر بس اذا جا العيد قالوا
لنا كل ونتم بخير aa1
المهم قصتك يانجديه خطيره وتخوف وتنذر بالخطر على شبابنا اذا انتي بنت وخقيتي وسعبلتي من جمال القسيسه اجل شابنا وش بيصير فيهم؟؟؟ بيرحون ملح وسكر وكتشب مع بعض !!!!!!!
المفروض جميع المبتعثين يخضعون لدورات مكثفه في اللغه لاتقل عن ستة اشهر ودورات اخرى في الجانب الديني والسلوكي والثقافي والتعرف طبيعة البلدان والثقافات الاخرى حتى لايتعرضون لصدمات حضاريه وامور اخرى تنعكس سلبا وتعرض المبتعث للوقوع في المشاكل والمتاعب والفشل ,,,,

[نجدية]

حي الله ابو ركون

سطرينك الاخيره 100% نسبه فوق
المفروض يصير عند شبابنا لغه ماتقل عن المستوى الرابع ووعي وثقافه وياخذون دورات قبل يبتعثون وهالدورات تصير من شروط الابتعاث
لكن ياحيل الله يروحون بقراطيسهم فيذاك وتعال شف العجب
اجل تصدق وحده تقولي ان قريبها منموظفين الملحقيه الثقافيه وطالع يستقبل طلاب وسأل واحد منهم
عن معلوماته الشخصيه لانه مايعرف انجليزي يوم وصل عند الايميل قال الموظف للطالب وش ايميلك قال ايميلي عطيته اخوي الصغير في السعوديه ابغى اطلع ايميل من امريكا
يالله استلم هذا في المطار تسيف اذا دخل في وسط المعمعه

وافواج هالابتعاث الشبابي الغير مدروس ولا مرتب ولامجهز بس خذووه فغلوه وش سببه
تتوقعون ؟؟ <<< غمزه

[الــــذيــب]

http://i35.tinypic.com/2ebg6qg.jpg

[نوره222]

الله يعطيتس العافيه .. ولا يحرمن من قصصتس الصدزيه

[نجدية]

http://i35.tinypic.com/2ebg6qg.jpg


هههههههههههههههههاااااااااااااي

الله ياهي بعض الضربات موجعه http://www.pic.m3m2.com/data/thumbnails/6/rm%20(1).gif

[نجدية]

الله يعطيتس العافيه .. ولا يحرمن من قصصتس الصدزيه





الله يعافيتس يانوره ياللي لابسه التنوره ولايحرمن من وجودتس يالغلا

[د. أحمد الخضير]

لا إله إلا الله محمد رسول الله



التنصير شاد حيله في كل بقاع الأرض

[نجدية]

لا إله إلا الله محمد رسول الله



التنصير شاد حيله في كل بقاع الأرض


والابتعاث شاد حيله في مراهقيينا وسترك ياستار وليتهم مير ياخذون
معهم لو فقس والاابوفاس تسا ن اهون شوي

[khalid55]

السلام عليكم ورحمة الله

والله يالنجدية اني احب سوالفك واسلوبك المميز
اعتفد ان ال ( الفقس ) تقصدين ال ( الفكس ) صح ؟
بس ابو فاس وشو ؟

سلام

[نوره222]

السلام عليكم ورحمة الله

والله يالنجدية اني احب سوالفك واسلوبك المميز
اعتفد ان ال ( الفقس ) تقصدين ال ( الفكس ) صح ؟
بس ابو فاس وشو ؟

سلام
ابو فاس هذا هو

http://www.viafy.com/uploads/fa15695bc3.jpg

[نجدية]

السلام عليكم ورحمة الله

والله يالنجدية اني احب سوالفك واسلوبك المميز
اعتفد ان ال ( الفقس ) تقصدين ال ( الفكس ) صح ؟
بس ابو فاس وشو ؟

سلام

وعليكم السلام ورحمة الله وبركاته

الله يحبك وملائكته والتميز بحضورك طال عمرك <<< خقت

وانا لااعتفد <<< مالونته بالاحمر
والصدز اعتقادك بمحله الفكس =الفقس لكن خبرك لزوم اللهجه
اما ابو فاس فهذا سالفته سالفه وهو مامحطت الاخت نوره بصورته وهذا اقوى من الفقس ويستعملونه اصحاب الحالات الخاصه من كبار السن يالله يسكن اوجاع رجيلاتهم مثل نمونة الأخ اهتمام ماتشوف
من تجي الساعه ثنعشر وهالريحه تعجعج بهالمنتدى يحلفون انه تقل مسيل للدموع الكل يبتسي
تالي هالليول من ابو فاس اذا دهن به الشيخ اهتمام اثابه الله وابقاه ذخرا لمحبي الدموع:607: :607:

[khalid55]

وعليكم السلام ورحمة الله وبركاته

الله يحبك وملائكته والتميز بحضورك طال عمرك <<< خقت

وانا لااعتفد <<< مالونته بالاحمر
والصدز اعتقادك بمحله الفكس =الفقس لكن خبرك لزوم اللهجه
اما ابو فاس فهذا سالفته سالفه وهو مامحطت الاخت نوره بصورته وهذا اقوى من الفقس ويستعملونه اصحاب الحالات الخاصه من كبار السن يالله يسكن اوجاع رجيلاتهم مثل نمونة الأخ اهتمام ماتشوف
من تجي الساعه ثنعشر وهالريحه تعجعج بهالمنتدى يحلفون انه تقل مسيل للدموع الكل يبتسي
تالي هالليول من ابو فاس اذا دهن به الشيخ اهتمام اثابه الله وابقاه ذخرا لمحبي الدموع:607: :607:




ههههههههههههه بالله انا كاتبه كذا ( اعتفد ) والله مت من الضحك
الله مار يسلمك انتي والاخت نورة
ونورة ماقصرت حطت الصورة ,, الولد طيح الميانة نورة على طول بدون اخت او سيدة او انسة

المهم والله اني مافهمت وشو ابو فاس عاد انتي لا تضحكين علي التتنيحة مشكلة

عاد ماهو تبلشينن وتقولين وشي التتنيحة

[سهم القوافي]

هونت ماعادنى مسافركان معروض على زواج المسفار بس هونت لاجل قصتك يانجدية ههههههههههه

[نجدية]

ههههههههههههه بالله انا كاتبه كذا ( اعتفد ) والله مت من الضحك
الله مار يسلمك انتي والاخت نورة
ونورة ماقصرت حطت الصورة ,, الولد طيح الميانة نورة على طول بدون اخت او سيدة او انسة

المهم والله اني مافهمت وشو ابو فاس عاد انتي لا تضحكين علي التتنيحة مشكلة

عاد ماهو تبلشينن وتقولين وشي التتنيحة


مشكله انت ياخالد وابو فاس
انا اقولك وشلون تعرفه زين رح لأي صيدليه او عطار او حتى بقاله وقلهم ابغى ابو فاس لاهنت
وترى لاهنت ضروريه لو ماتقولها خربت السالفه
واذا عطوك اياه افتحه وصب لك نص الكاس ابو فاس ونصه ليمون واشربه الصبح ع فكة الريق
وباتسر تلاقي نفسك برعي قصدي تلاقي نفسك متنح وتفتك من غثا هالدنيا

وسلاموعليكم

[نجدية]

هونت ماعادنى مسافركان معروض على زواج المسفار بس هونت لاجل قصتك يانجدية ههههههههههه

انت توحي ياسهم القوافي ياوخيي اترك عنك زواج المسفار وخلك في زواج بين عشاوين
ترى العمر مش بعزئه باتسر ترجع لنا بعد التنصير وانت جوزيف القوافي انتبه واقضب ارضك

[خطوات أنثى]

هههههههههههههههههاااااااااااااي

الله ياهي بعض الضربات موجعه http://www.pic.m3m2.com/data/thumbnails/6/rm%20(1).gif


اوف قويه الضربه بس زين جت بالراس الحمدلله تعدت القلب سليمه مازلتي واقفه بلا دلع نجديه

مو مره توجع

يالله تعيشي وتاكلي غيرها علشان يطبق عليك المثل ضربتين بالراس توووجعععععع :506: :506: