ياليتني مارحت ولاشفت

[نجدية]

صلخيرررررررررر

امحق صباح وشذااا في ديرتنا استغفر الله
مالكم بالطويله المويهم
رحت قبل ساعه مع فتاة من عائلتي الكريمه لجامعة الاميره نوره واااااااااااااااوك ياليتني مارحت
وشذاا الجامعه اللي يسمع بها وصيتها يقول جورج ميسون ع غفله
والله ماتقولون الا رايحين الصمان مساحات شاسعه غبره وتراب ووصخ حاطينها بيزرعونها والظاهر نسوهااا
مداخل تجيب الهم بالله البنات اللي بيدرسون فيها بأي نفس من مداخلها اغسلووو يديكم
همن اراضي فاضيه داخل السور كلها حصى وغبره وين الملايين الشعب السعودي وين
كلووو السمرمد فلوسها وبس ياليت الحكومه والاميره نوره مادفعوا كان اهون.. قلنا لنا عذر لكن تروح في بطون البطانه الفاسده وبناتنا يدرسون في هالعشش والزريبه وانتم بكرامه
اااااااااااااايه متكدره من شوفة هالجامعه اللي احسبها ياسلام سلم لانها جديده والا الباقين
عاصرتهم وشفتهم وتعبنا من الحكي فيهم
مع اني مواصله منيب نايمه ابروح اجيب فتاتنا اذا خلصت واذا ماكفشوني صورت لكم بعض البلاوي
ولنا عوده للموضوع عاد اما بصور او بشرح مفصل لاني اذا قدرت خذت لي لفه اوسع فيها وكملت التقرير

ماعني وعن الهجره

[نجدية]

رحت الساعه عشر وتركت نويمتي وصورت لكم وكملت التقرير وجبته بس وشو له اتعب نفيستي شكل الموضوع مايهمكم

ااااااااااايه الحمدلله ع نعمة الأمن والامان ووجود الرز والكابرس الابيض ولحمة البعير

شااااااااااو

[خطوات أنثى]

مراااحب نجديه ,,, عساك على القوة ويعطيك العافيه ... بس كملي معروفك ونزلي الصور

علشان يكتمل تقريرك ..

وان شاء الله بتشوفين تفاعل حلو بموضوعك ..

يشرفني اكون اول من ترد عليك ..

دمتي بكل التقدير والاحترام ..

[متداول اصيل]

الإخت نجديه
أُصبنا بالإحباط من كثر ماننقد ,
نقد بشكل يومي لوزارة التعليم , ووزارة الصحه , ووزارة الشؤن البلدية والقروية ووو ..
والقائمة تطووول

فياأختي الكريمه سؤالي . هل هناك جهه لم يطالها النقد ولم يحدث فيها قصور !!
ياليت وقف الأمر على جامعة الأميره نوره بل هناك جامعات لوشاهدتيها لرضيتي
على هذه الجامعه .

[أبو ركـــــون]

أنتظروا جامعه الاميره نوره الجديده قرب المطار عندي امل كبير انها بتكون غيرررررررر
واتوقع انها تخصلت في وقت قياسي عن اي مشروع حكومي
الصحه اللي اتمنى تطلع لنا بمستشفى 5000سرير لان ازمة الاسره في المستشفيات لازالت قائمه!!!