راكان``
08-02-2010, 09:33 AM
أسعد الله صباحكم ومسائكم بالخير والسعادة ...
جدتي تسلم عليــكمـ وتقول ..!
رجل من قرايا السر في نجد ، تزوج في اول شبابه ولا جاه الا ولد وطير مثل هالشباب الي يطيرون وراح حول الشركات يشتغل معهم ، وتوفت زوجته الاوله وجلس فترة مامعه حرمه ، ويكتب ربي ان يجيب هالحرمه وتكون من نصيبه وهاك الحرمه الصالحه والدينه والخيره متوفي عنها رجلها وتقدم لها وخذها وهو على كبر لكنها حرمه ذربه وظفرة بالحيل والناس حريصين من اول على الظفره ، وبعد فترة رزقه الله هاك البنية وبدت هالبنت تكبر والبنت يا ولدي دايم لها حنان خاص عند ابوها غير الولد .
يخرج هذا الرجل كل صباح ويرجع الضحى يجلس مع الرجال هالي يقعدون بالمجلس لكن هذا الرجل اموره راكده تسن عيني تناظره الحين !:cool: وبعدها يجي يدخل في هاك البيت الي له دهريز طويل بيوت الاولين ثم لا دخلت في اسفل البيت ولا مصباح عريض على ثلاث عمد وسدرتن قديمه وفيه حوشن مطموم نصفه ونصفه مكشوف فيه حطب ورمث وثلاث معزن مربوطه وجصته مليانه تمر وحيضانه مليانه رز وهذا شان الاولين الي مثل هذا قالو عنه غني ماهوب مثل ذا الوقت :rolleyes: عقارات واسهم وبنوك .
وحرمته مدللته ماشاء الله عليها من مدخال الباب من الدهريز الين اسفل البيت كله يقول تسذا ( وتحرك جدتي يدها يمين ويسار اي ان المكان نظيف جدا ):600: من يوم السنين الغابرة هاك الحين وهي ما تكنس الحوش الا بمخمة ليف لكن تحفره من قوى الكنس ، حتى الطبخ لا جت تطبخ شغلها مرتب ونظيف – القرصان لا جابتهم ولا هن ما فيهن مان زايد ولا هن بناشفات مره مهذن عليهن قرع على هالطويل تسذا ( وتقيس اصبعها السبابه )aa1 وهاك الجريش الزين واكلها طعم لين تخلي هالشايب اوجز الطعم براسه !! iconv وحرمته تحترمه تسنه ضيف لا جا لآنه تستقبله من الباب وتاخذ عصاه وعلقت بشته وتقعد قباله تقلط هاك القدوع الي يصرصر صرصره:toomad: مصبوبن عليه دبس غادن كنه روس قعران وقهوة وما تصب الا برخصه منه وليفتن جديدة وبيز جديد وتلزم عليه تسنها تلزم على ضيف – خذ وحيده بعد خذ تمره – الحاصل انه مدللته دلال كثير.
كبرت بنته ولا فيها جمال سبحان الخالق وامها معودتها على السنع من يوم انها صغيره ومعلمتها هالكلام السنع وكل بين كلمتين – جعلك في الجنه يا بوي – لا ناداها قالت : لبيه .مهنا البق منها دبجتن لبجه :603: ذيك البنيه ولا قعدت تتوزى ورى ظهر امها من الحيا ، وفيها جمال يهبل ما تقدر تناظره اكثر من ثلاث دقايق هاك المبسم الي يالله تدخل معه العنبه وايدياتها تسن مقرصها نمل:eek: ، عاد كثروا الي يسلمون عليه بالمسجد الي يحب راسه وياكثر هالي يحببون راسه والله يا جبهته حفرت من التحبب :D ، كلن قام يحتسي ما شاء الله يا بنتن عنده .
جا يوم من الايام الله لا يعيد الشر وعليهم ايام الشتا ولا الام شابتن هاك الجمر ، ارسلت البنت تجيب اعواد رمث ، قامت البنت ماخذه السراج في يدها اليسار ورايحتن للحوش تبي تلقط حطب وتوها ملقطتنا كم عود ولا هاك العود طويل بالحيل وطق السراج وينجعف ويكب قازه ويطفا ! قامت هي تتلمس بالحطب والله يدفع البلى وتقرص مع اصبعها :( وتجي معوده وتصبر وتالم وما تبي تبين لبوها عشان ما تزعجه وراح اول الليل ويوم زاد عليها الوجع وبعد ما حاولت الام والاب بمساعدتها جا نهار ثالث وتتوفى هالبنت الله المستعان:deak: ، ولا يوما حشت تسبد الابو وقعد يجي اربعة تشهر وهو مثل الجرح الي في صدره كل ما ذكرها تزفر هاك التزفر الي الله يجيرك وان ناظر الباب هذا ذكرها يومن واقفتن عنده وان قلطت الام مواعين فيها شي يذكرها يوم تجيبه هي ، ما عنده غير يهمر من هاك البتسا ويدعيلها ، لكن من فضل الله ان ايمانه قوي بالحيل وقال القصيدة هذي
عفا الله عن عين حلا النوم جافيها
كراها قليل وذارف الدمع محفيها
إلى قلت ألا ياعين هيدي وهودي
جرى دمعها الصافي وهلت عباريها
تبين فروع الصبح ماذاقت الكرا
ولا ألوم عين فارقت شوف غاليها
ولا زل يوم أو ليلة ماتعبرت
عن النوح أعزيها ولانيب قاويها
وأنا في رجاء جزل العطا عالم الخفا
يلطف بحال خافي الهم باريها
على نور عيني لب قلبي ومهجتي
تحن الضماير كل ماحل طاريها
حنين الخلوج اللي عن الضير فاختت
إلى غاب عنها ساعة ما يباريها
وأنا كيف ما أبكي طفلة غضة الصبا
حورية سبحان رب مسويها
نشت بالهدى والدين والحق والبها
فلو طالت الأيام مانيب ناسيها
فيها طبوع كاملات ححميدة
حنون على الجيران ووصال عانيها
عفيفة نظيفة جيب ماداست الخطا
ولا هوجست بالمذهب اللي يرديها
حشى مابها من خافي العيب ذارب
سوى حشمة الوالد فهذا هو فيها
كمل عمرها اثنين مع عشر واربع
سوى محترمها تسفهه لو يحاكيها
خذت هجرة بالبيت عندي قليلة
أمانة وأخذها الخير اللي عطانيها
فلانيب جزاع فلا شك ولعة
أعرف الأمانة مالها غير راعيها
فيا سامع دعواي في مظلم الدجى
تمحا خطاياها وتثبت حسانيها
وتجعل لها في جنة الخلد منزل
تقطف ثمر جنات طيبة وتجنيها
وتعوضها في ماقصر من شبابها
برضاك ياخالقها وأنت واليها
الهي ودودي دعوتي تستجيبها
على النفس كله من غلاها مبديها
الا وا تكدر خاطري من فراقها
ولولا غلاها ما تكلفت راثيها
سمية دموع المزن في غبة البحر
سوى البنك ما يدرك ثمنها ويشريها
وأنا ما أبي إلا يوم يطري سميها
عفى الله عن عين حلا النوم جافيها
وصلوا على من لا افترى سيد الورى
عدد ماجرا من رايح المزن واديهايها
ملاحظة : تم غيير بعض الكلمات وتخفيف اللهجة النجدية لتسهيل قراءة الموضوع.
تقبلوا تحياتي ...
.
جدتي تسلم عليــكمـ وتقول ..!
رجل من قرايا السر في نجد ، تزوج في اول شبابه ولا جاه الا ولد وطير مثل هالشباب الي يطيرون وراح حول الشركات يشتغل معهم ، وتوفت زوجته الاوله وجلس فترة مامعه حرمه ، ويكتب ربي ان يجيب هالحرمه وتكون من نصيبه وهاك الحرمه الصالحه والدينه والخيره متوفي عنها رجلها وتقدم لها وخذها وهو على كبر لكنها حرمه ذربه وظفرة بالحيل والناس حريصين من اول على الظفره ، وبعد فترة رزقه الله هاك البنية وبدت هالبنت تكبر والبنت يا ولدي دايم لها حنان خاص عند ابوها غير الولد .
يخرج هذا الرجل كل صباح ويرجع الضحى يجلس مع الرجال هالي يقعدون بالمجلس لكن هذا الرجل اموره راكده تسن عيني تناظره الحين !:cool: وبعدها يجي يدخل في هاك البيت الي له دهريز طويل بيوت الاولين ثم لا دخلت في اسفل البيت ولا مصباح عريض على ثلاث عمد وسدرتن قديمه وفيه حوشن مطموم نصفه ونصفه مكشوف فيه حطب ورمث وثلاث معزن مربوطه وجصته مليانه تمر وحيضانه مليانه رز وهذا شان الاولين الي مثل هذا قالو عنه غني ماهوب مثل ذا الوقت :rolleyes: عقارات واسهم وبنوك .
وحرمته مدللته ماشاء الله عليها من مدخال الباب من الدهريز الين اسفل البيت كله يقول تسذا ( وتحرك جدتي يدها يمين ويسار اي ان المكان نظيف جدا ):600: من يوم السنين الغابرة هاك الحين وهي ما تكنس الحوش الا بمخمة ليف لكن تحفره من قوى الكنس ، حتى الطبخ لا جت تطبخ شغلها مرتب ونظيف – القرصان لا جابتهم ولا هن ما فيهن مان زايد ولا هن بناشفات مره مهذن عليهن قرع على هالطويل تسذا ( وتقيس اصبعها السبابه )aa1 وهاك الجريش الزين واكلها طعم لين تخلي هالشايب اوجز الطعم براسه !! iconv وحرمته تحترمه تسنه ضيف لا جا لآنه تستقبله من الباب وتاخذ عصاه وعلقت بشته وتقعد قباله تقلط هاك القدوع الي يصرصر صرصره:toomad: مصبوبن عليه دبس غادن كنه روس قعران وقهوة وما تصب الا برخصه منه وليفتن جديدة وبيز جديد وتلزم عليه تسنها تلزم على ضيف – خذ وحيده بعد خذ تمره – الحاصل انه مدللته دلال كثير.
كبرت بنته ولا فيها جمال سبحان الخالق وامها معودتها على السنع من يوم انها صغيره ومعلمتها هالكلام السنع وكل بين كلمتين – جعلك في الجنه يا بوي – لا ناداها قالت : لبيه .مهنا البق منها دبجتن لبجه :603: ذيك البنيه ولا قعدت تتوزى ورى ظهر امها من الحيا ، وفيها جمال يهبل ما تقدر تناظره اكثر من ثلاث دقايق هاك المبسم الي يالله تدخل معه العنبه وايدياتها تسن مقرصها نمل:eek: ، عاد كثروا الي يسلمون عليه بالمسجد الي يحب راسه وياكثر هالي يحببون راسه والله يا جبهته حفرت من التحبب :D ، كلن قام يحتسي ما شاء الله يا بنتن عنده .
جا يوم من الايام الله لا يعيد الشر وعليهم ايام الشتا ولا الام شابتن هاك الجمر ، ارسلت البنت تجيب اعواد رمث ، قامت البنت ماخذه السراج في يدها اليسار ورايحتن للحوش تبي تلقط حطب وتوها ملقطتنا كم عود ولا هاك العود طويل بالحيل وطق السراج وينجعف ويكب قازه ويطفا ! قامت هي تتلمس بالحطب والله يدفع البلى وتقرص مع اصبعها :( وتجي معوده وتصبر وتالم وما تبي تبين لبوها عشان ما تزعجه وراح اول الليل ويوم زاد عليها الوجع وبعد ما حاولت الام والاب بمساعدتها جا نهار ثالث وتتوفى هالبنت الله المستعان:deak: ، ولا يوما حشت تسبد الابو وقعد يجي اربعة تشهر وهو مثل الجرح الي في صدره كل ما ذكرها تزفر هاك التزفر الي الله يجيرك وان ناظر الباب هذا ذكرها يومن واقفتن عنده وان قلطت الام مواعين فيها شي يذكرها يوم تجيبه هي ، ما عنده غير يهمر من هاك البتسا ويدعيلها ، لكن من فضل الله ان ايمانه قوي بالحيل وقال القصيدة هذي
عفا الله عن عين حلا النوم جافيها
كراها قليل وذارف الدمع محفيها
إلى قلت ألا ياعين هيدي وهودي
جرى دمعها الصافي وهلت عباريها
تبين فروع الصبح ماذاقت الكرا
ولا ألوم عين فارقت شوف غاليها
ولا زل يوم أو ليلة ماتعبرت
عن النوح أعزيها ولانيب قاويها
وأنا في رجاء جزل العطا عالم الخفا
يلطف بحال خافي الهم باريها
على نور عيني لب قلبي ومهجتي
تحن الضماير كل ماحل طاريها
حنين الخلوج اللي عن الضير فاختت
إلى غاب عنها ساعة ما يباريها
وأنا كيف ما أبكي طفلة غضة الصبا
حورية سبحان رب مسويها
نشت بالهدى والدين والحق والبها
فلو طالت الأيام مانيب ناسيها
فيها طبوع كاملات ححميدة
حنون على الجيران ووصال عانيها
عفيفة نظيفة جيب ماداست الخطا
ولا هوجست بالمذهب اللي يرديها
حشى مابها من خافي العيب ذارب
سوى حشمة الوالد فهذا هو فيها
كمل عمرها اثنين مع عشر واربع
سوى محترمها تسفهه لو يحاكيها
خذت هجرة بالبيت عندي قليلة
أمانة وأخذها الخير اللي عطانيها
فلانيب جزاع فلا شك ولعة
أعرف الأمانة مالها غير راعيها
فيا سامع دعواي في مظلم الدجى
تمحا خطاياها وتثبت حسانيها
وتجعل لها في جنة الخلد منزل
تقطف ثمر جنات طيبة وتجنيها
وتعوضها في ماقصر من شبابها
برضاك ياخالقها وأنت واليها
الهي ودودي دعوتي تستجيبها
على النفس كله من غلاها مبديها
الا وا تكدر خاطري من فراقها
ولولا غلاها ما تكلفت راثيها
سمية دموع المزن في غبة البحر
سوى البنك ما يدرك ثمنها ويشريها
وأنا ما أبي إلا يوم يطري سميها
عفى الله عن عين حلا النوم جافيها
وصلوا على من لا افترى سيد الورى
عدد ماجرا من رايح المزن واديهايها
ملاحظة : تم غيير بعض الكلمات وتخفيف اللهجة النجدية لتسهيل قراءة الموضوع.
تقبلوا تحياتي ...
.