تسجيل الدخول

مشاهدة النسخة كاملة : وش اللي جنن المجنون .......

د. أحمد الخضير
22-09-2009, 11:40 PM
بسم الله الرحمن الرحيم
السلام عليكم ورحمة الله وبركاته

هذه القصيده من أشهر قصائد الشاعر البحريني الكبير الأستاذ / عبد الرحمن الرفيع





سمعت اهل الهوى يقولون

يقولون والكلام فنون

وش اللي جنن المجنون موهب لعيون
شنو لعيون ؟
بحر لعيون ؟
سماء لعيون ؟
اهي شي ؟ او اهي مليون ؟
في ناس تقول اهي الدانه
اهي اللؤللؤ اهي المحار
وفي ناس تقول اهي المجهول
نبع سحر نبع اسرار
يقولون هي قمــــــر شقاق
ويقولون هي محط لشـــــواق
واقول شنهو القمر لولاك
واقول شنهو البحر لولاك

شنو الالوان شنو الالحان شنو الكون
غير حصاء وصبان

وشنو الجوهر ولو مكنون

وسمعت اهل الهوى يقولون

يقولون والكلام فنون
وش اللي جنن المجنون

موهب لعيون

في عين تحكي ولا تنطق
وفي عين تبرق
وفي عين تعطي
وفي عين تسرق
وفي عين مثل الجمر تحرق

عقب عنتر ابن شداد

ابو زيد الهلالي انصاد

في عين تذبح ذبح عادي
وفي عين تذبح ذبح سادي
في عين تاخذك اخذ وردي
في عين تاخذك اخذ رعدي
وكل اسلاح وكل ذباح

(تبي تسلم من الذبحين) لا تفتح عين
ولا تتبع زين
بنت_الجزيرة
23-09-2009, 12:49 AM
قصيدة "وش اللي جنن المجنون" قصيدة قديمه لكنها رائعة جداً للشاعر البحريني / عبدالرحمن الرفيع

ولسماع هذه القصيدة و الاستمتاع بالقاء الشاعر الرفيع إليكم رابط الفيديو :

http://www.youtube.com/watch?v=4IStcGMYCHM

أحسنت الاختيار أخي البيرمول.

كل الشكر و التقدير
د. أحمد الخضير
23-09-2009, 02:31 AM
قصيدة "وش اللي جنن المجنون" قصيدة قديمه لكنها رائعة جداً للشاعر البحريني / عبدالرحمن الرفيع

ولسماع هذه القصيدة و الاستمتاع بالقاء الشاعر الرفيع إليكم رابط الفيديو :

http://www.youtube.com/watch?v=4IStcGMYCHM

أحسنت الاختيار أخي البيرمول.

كل الشكر و التقدير


الشكر لك على وضع رابط القصيده فسوف تسهل قراءتها

لأنها صعبه في طريقه نطق كلماتها بالهجه المحليه البحرانيه .

وعلى الرغم من أنها من قصائده القديمه إلا أنها تجدد دائما مع كل لقاء معه .

والمتعه للإستماع اليها بصوت الشاعر وروعه القاءه لها .

لك كل التقدير والإحترام
زيــنــه
23-09-2009, 03:52 AM
اختيار جميل وقصيدة ذات وصف أجمل للاسرار العيون سلمت لنا أخي الكريم

قصيدة جرح العيون لدايم السيف


الله أكــبر كـــيف يـــجرحن العــيون
كيف ما يبرى صويب العين ابد

احسب ان الرمش لا سلهم حنون
اثـر رمش العين مــا ياوي لحد

يـــــوم روّح لــي نــظر عــينه بـهون
فــزّ لــه قــلبي وصفّق وارتعد

لــفّني مـــثل السحايب والمـــزون
في عيوني برق وبقلبي رعــد

نــقّض جــروحي وجــدّد بي طعون
قلت يكفي قالت عيونه بـــعد

وانــعطف هـاك الشعر فوق المتون
وانثنى عـــوده وقفى وابــتعد

اشـــغلتني نـــظرة الـــعين الـفتون
حـــيّرتــني بالـــتوعد والـوعـد

هي تــمون الـــعين ولاّ مــا تـــمون
لى خذت قلبي وقفّت يا سعد
د. أحمد الخضير
23-09-2009, 01:30 PM
اختيار جميل وقصيدة ذات وصف أجمل للاسرار العيون سلمت لنا أخي الكريم

قصيدة جرح العيون لدايم السيف


الله أكــبر كـــيف يـــجرحن العــيون
كيف ما يبرى صويب العين ابد

احسب ان الرمش لا سلهم حنون
اثـر رمش العين مــا ياوي لحد

يـــــوم روّح لــي نــظر عــينه بـهون
فــزّ لــه قــلبي وصفّق وارتعد

لــفّني مـــثل السحايب والمـــزون
في عيوني برق وبقلبي رعــد

نــقّض جــروحي وجــدّد بي طعون
قلت يكفي قالت عيونه بـــعد

وانــعطف هـاك الشعر فوق المتون
وانثنى عـــوده وقفى وابــتعد

اشـــغلتني نـــظرة الـــعين الـفتون
حـــيّرتــني بالـــتوعد والـوعـد

هي تــمون الـــعين ولاّ مــا تـــمون
لى خذت قلبي وقفّت يا سعد


شكرا على مداخلاتك ومشاركتك في الكتابه

وإختيارك لقصيده تحتوى على أوصاف جميله للعيون الزينه

تقبلي تقديري وإحترامي يازينه
الفرانسي
24-09-2009, 01:21 PM
(تبي تسلم من الذبحين) لا تفتح عين
ولا تتبع زين

تسلم اخي البيرمول وكل عام وانت والجميع بخير
د. أحمد الخضير
25-09-2009, 02:10 AM
(تبي تسلم من الذبحين) لا تفتح عين
ولا تتبع زين

تسلم اخي البيرمول وكل عام وانت والجميع بخير



بسم الله الرحمن الرحيم
بارك الله بك , شكراً أخي الكريم