سوالف بدو على جال نارهم ~~~~~

[مضارب وهارب]

السلام عليكم ورحمة الله وبركاته


كل عام والجميع بالف خير


ذكرني بكتابة هذا الموضوع ( ام حديجان في ليالي رمضان ) عنوان حلقات قديمة كنا نستمع إليها بالراديو )

ابغالي ثلاثة او اربعه او اكثر اذا امكن يتولون هالموضوع ويسولفون علينا سوالف قديمه لذكريات رمضان بس اهم شي يكونوا بدو ( سوالف الحضران مانبغاها ) :506:
لايجيني واحد حضري يقول الكلمة هاذي وش معناها اللي انا اقدر عليه احطه بين قوسين :)


================== يالله نبدأ على بركة الله ====================


قبل حوالي سنوات طويلة ايام ماكنا نعرف التلفزيون
كنا نعيش بالبر مع الذود والطرش مع المجاهيم والوضح ( الابل ) :)
ومع الحلال بانواعه النعيم والنجدي وامهات قرين ( الغنم ):) المهم:
كنا نحتري رمضان ومانصدق وهو يطل علينا على شأن نسمع ام حديجان كان البرنامج بالرادو يموتنا من الضحك وكنا ننصدم يوم يخلص حجار الرادو لكن جدي الله يرحمه يروح للبلد ويشري لنا حجار
مره من المرات راح جدي للبلد واهداه واحد حضري ديك استحى جدي لاياخذه بس الحضري حلف انه غير يأخذه معه وجامله جدي واخذ الديك
لما وصل جدي عندنا ربط الديك بطنب بيت الشعر
وابطينا وحنا نلعب على الديك والديك كان شرس شوي
كان الورع لما يقرررب عنده يرفس برجليه وجنحانه ثم يهرب اللي يقربه من الورعان
بس كان مشغلنا بصياحه الفجر
قلنا لجدي تكفا واللي يرحم والديك فـكنا من هالديك اللي يروعنا كل صبح
قام جدي وذبحه
وحنا نشويه وحنا ناكله هههههه

======انتهت السالفه يالله واحد بدوي يكمل ماعنده ========

[دانة الاسهم]

~~~~~~روعه الموضوع ~~~~~~~~

[دانة الاسهم]

لازم احداثها تدور في رمضان ؟

[مضارب وهارب]

لازم احداثها تدور في رمضان ؟

لالا هاتي اي شي يادانه
اطلقي للكيبورد عنانه :)

بس اكتبي بلهجه محلية مانبغى تنميق عبارات aa1

[نجدية]

موضوع شيق ورائع لواني بدوي كملت بس حضري وانا أخوك

ينفع ولو ؟

[مضارب وهارب]

موضوع شيق ورائع لواني بدوي كملت بس حضري وانا أخوك

ينفع ولو ؟

الله يغربل ابليسك انت علامك تنقلب وراك تقول تسذا

هيه وانا اخوك لامن السوالف قلصت هات اللي عندك

[د. أحمد الخضير]

بالفعل موضوع مشوق

اقولكم على طاري الروادي كان عندنا رادو ابو بطاريه كبيره تشبه بطاريه السياره لكن بها فيش

ولونها اازرق او مغلفه بازرق والراديو كبير ونسمع الاغاني والاخبار ونتسال كيف تتكلم هالحديد

وماعندنا سوالف الا ان هذا من علامات الساعه ان الحديد يتكلم المهم اللبد جنب الراديو وكان

اذا ما شفت احد عندي اقوم واوييق من فتحات هالراديو علي امل اشوف المذيع او الللي تغني .

وما اشوف اللي لمبات واسلاك واذا جت الوالده الله يرحمها تسالني وشتسوي اقولها ابغي اشوف

اللي يتكلمو بها الرادوي تضحك وتتركني اتسالي .

إذا جازت لكم ها السالفه والا علموني ماعاد اسولف معكم تروني ماني بدوي اصلي .

:)

اقروها بالعاميه
بدون اخطا لغويه
المخرج عاوز كده :506:

[مضارب وهارب]

بيكسر الرادو يشوف اللي يتكلمون ههههههه
سوالفك زي العسل يالبيرمول زدنا الله يوردك الجنه :)

[بنت_الجزيرة]

مضارب وهارب .. الموضوع في غاية الروعة لكن يبغى له قاموس لترجمة الكثييير من الكلمات :506:

البيرمول..سوالفك دايما تزيد المواضيع جمالاً...

بانتظار بقية الحلقات :613:

[فداالخالد]

موضوع حلو و بانتظار القصص الجميلة

[مضارب وهارب]

اشكر جميع اخواني واخواتي الذين اشادوا بالموضوع والفكرة

والله يااخواني لدي الكثير والكثير من القصص القديمة التي تستفزني ذكرياتها لأرويها لكم لكن اغلبها قصص محزنة وأليمة تعود لأيام اليتم الذي عشته منذ نعومة اظفاري لكن ودي ان تشاركوني انتم ايه الاحبة في قصصكم وذكرياتكم وسوف اقوم بسرد ذكرياتي لاحقا ان شاء الله

[د. أحمد الخضير]

اشكر جميع اخواني واخواتي الذين اشادوا بالموضوع والفكرة

والله يااخواني لدي الكثير والكثير من القصص القديمة التي تستفزني ذكرياتها لأرويها لكم لكن اغلبها قصص محزنة وأليمة تعود لأيام اليتم الذي عشته منذ نعومة اظفاري لكن ودي ان تشاركوني انتم ايه الاحبة في قصصكم وذكرياتكم وسوف اقوم بسرد ذكرياتي لاحقا ان شاء الله


ماشاء الله عليك

اقول شف لك موضوع غير إنك يتيم ترى كلنا يتاما ولكن تعرف وكانوا يقولون لنا
ليس اليتيم يتم الام والاب ...إن اليتيم العلم والإدب
وكل منا له ذكريات اليمه وحزينه ولكن في اشيئا لا تخلو من الطرافه .

علمنا اللي احزنك وآلمك يمكن نستفيد منها !!!

[مضارب وهارب]

ماشاء الله عليك

اقول شف لك موضوع غير إنك يتيم ترى كلنا يتاما ولكن تعرف وكانوا يقولون لنا
ليس اليتيم يتم الام والاب ...إن اليتيم العلم والإدب
وكل منا له ذكريات اليمه وحزينه ولكن في اشيئا لا تخلو من الطرافه .

علمنا اللي احزنك وآلمك يمكن نستفيد منها !!!
هلا والله ومليون غلا فيك ياخوك ودي علمكم بسوالفي يوم مات ابوي الله يرحمه
يوم كنا بالبر يقصفنا البرد والرعد والهبايب والعقارب تلدغنا كل ليله والذيابه تعوي من يميننا ويسارنا وكنا نتمنى ان الليل مايمسي علينا لكن ابي ابطل هالذكريات الحارقه وادور سوالف غيرها اكثر بهجة واكثر سلاسة وانسيابيه لعل وعسى تنال استحسانكم

- وانت الصادق اليتيم يتيم الادب والعلم وابشرك ان اخوك غني في كليهما

على العموم سولفوا علينا وخلونا نطقطق حنيكات بهالموضوع إلين ينتهي رمضان
يالله المايك بين يديك والا وخر عني ابي اهل السبحه aa1

[د. أحمد الخضير]

هلا والله ومليون غلا فيك ياخوك ودي علمكم بسوالفي يوم مات ابوي الله يرحمه
يوم كنا بالبر يقصفنا البرد والرعد والهبايب والعقارب تلدغنا كل ليله والذيابه تعوي من يميننا ويسارنا وكنا نتمنى ان الليل مايمسي علينا لكن ابي ابطل هالذكريات الحارقه وادور سوالف غيرها اكثر بهجة واكثر سلاسة وانسيابيه لعل وعسى تنال استحسانكم

- وانت الصادق اليتيم يتيم الادب والعلم وابشرك ان اخوك غني في كليهما

على العموم سولفوا علينا وخلونا نطقطق حنيكات بهالموضوع إلين ينتهي رمضان
يالله المايك بين يديك والا وخر عني ابي اهل السبحه aa1


لا حول ولا قوة إلا بالله العلي العظيم

يعني أنت متكي وتحرك المسبحه يمين وشمال وتبي سوالف وذاا جاك واحد ناديت عليه ياهلا والله تقهو وتحرك النار اللي في الوجار علشان الرماد اللي فوقها يروح وتسخن الدله اللي نصها اسود من النار .... اقول انا اشوف منادي يصلح لها الجلسه وترى المزيني عنده سوالف بدو كثيره السبحه عليك والسوالف عليهم !!.
أنا سوالفي سوالف حضر متبدونيين :)
انت ماعمرك صيدت طيور بفخوخ
اكيد تعرف وشهو الفخ !!
انت عمرك رقيت نخله تجبد تمر منها تهز القنو عاشان يطيح منه التمر المستوي !!
خلك من العلوم اللي تلخبط
علمنا وشهي السالفه اللي تبغي تقولنا اياها !!:506:

[الطبيزه]

الوضوع مره حلو بس عندي سؤال لك ياخيو

انتم كان عنكم طراطيع وصواريخ بالبران ولا لا

[نمولة]

والله السواليف مرررررررررررررره حلوة

بس احس .... ما عندكم ما عند جدتي

ها ؟؟؟ عجبتكم السالفة ؟

[الطبيزه]

والله السواليف مرررررررررررررره حلوة

بس احس .... ما عندكم ما عند جدتي

ها ؟؟؟ عجبتكم السالفة ؟



مره حلوووه سالفتك

تهبل تكفين كرريها هههههههه

[ابويحيى2009]

في قديم الزمان في السبعينات هجري تقريبا كنت عندجدتي وخالي الله يرحمهم وانا طفل صغير كان عندهم راد يواسمه باي علي بطاريه حجركبيره وكنت كل وقت استمع له وكانت جدتي رحمهاالله اذاحان وقت صلاةالظهراوالعصرتقول صك عليهم تلقاهم بعدالصلاةماهم طايرين بفكره انهم ينتظرونك

[مضارب وهارب]

انت ماعمرك صيدت طيور بفخوخ
اكيد تعرف وشهو الفخ !!
انت عمرك رقيت نخله تجبد تمر منها تهز القنو عاشان يطيح منه التمر المستوي !!
خلك من العلوم اللي تلخبط
علمنا وشهي السالفه اللي تبغي تقولنا اياها !!:506:

والله انك عزفت على اكثر من جرح
اذكر اني كنت اعذب ام سالم عند فروخها كنت ارتاح لما اشوفها ترف بجنحانها وتزحف مع الارض من خوفها على الفروخ الله لايكتبها علي خطيه

- اما قصتي مع النخل نخلنا كان صعول وكنا نروطشه بالحصى ونلقط الطياح ( عاد دورلك مترجم يعلمك معنى الجملة) :613:

[مضارب وهارب]

الوضوع مره حلو بس عندي سؤال لك ياخيو

انتم كان عنكم طراطيع وصواريخ بالبران ولا لا
لا لا مالحقنا على التطور حقكم كانت صواريخنا المقاليع والنبيطاتaa1

[مضارب وهارب]

والله السواليف مرررررررررررررره حلوة

بس احس .... ما عندكم ما عند جدتي

ها ؟؟؟ عجبتكم السالفة ؟

وبس هاذي سالفتك ياقطع يالبخل :506:

[مضارب وهارب]

في قديم الزمان في السبعينات هجري تقريبا كنت عندجدتي وخالي الله يرحمهم وانا طفل صغير كان عندهم راد يواسمه باي علي بطاريه حجركبيره وكنت كل وقت استمع له وكانت جدتي رحمهاالله اذاحان وقت صلاةالظهراوالعصرتقول صك عليهم تلقاهم بعدالصلاةماهم طايرين بفكره انهم ينتظرونك

اشوى اللي جاب لنا الله واحدن من اسننانا يارب انك تحييه من ممشاه الى ملفاه :)
الله يذكر ذيك الايام بالخير والله ياخي كانت ايام حلوة وجميلة وكان الناس في تألف كبير الآن الواحد مايدري عن الثاني والوقت يسرقنا ليتنا مثلنا اول قبل تستجد علينا معطيات هذا العصر اللي تفقع المراره :)

[الطبيزه]

لا لا مالحقنا على التطور حقكم كانت صواريخنا المقاليع والنبيطاتaa1


ههههههههههههه الله يالنبيطات عند جماعتنا مستخدمه عند وراعينهم للحين

والله العظيم ياصاحب الموضوع ان مره حضرنا فرح للجماعه وكنا ملزمين اننا نحضره ولا انا مااحضر عروسهم لأنى اعرفها كلها ورااااااعين وسماجه وحركات مالها داعى من غير انى اصلن مااهضهم هههههه ... الخ

فهذا الفرح كان فيه بزارين عمري ماناظرت فرح فيه بزارين كثر هالفرح

وعند الجماعه عيب تكتب هذي الجمله ممنوع اصطحاب الأطفال ولا جنة الأطفال منازلهم يقولون اللى مايبي وراعينا مانبيه ومايحضرون فلاحول ولا قوه

فحضرت الفرح وجالسه اتأمل بصنع الله الغريب واضحك الا شوي داخله الطقاقه وفرقتها والله العظيم انها ماوصلت مكانها وجلست وشبكت مقرفونتها الا والبزارين تفلتوا بوسط الطاولات ويمسكون السكر النبات المربعات حق الشاهى ويحطونه بطرف الملعقه البلاستيك ورمى فيهن ورمى فيهن هههههههههه هذا من غير الألفاظ اللى يقولونها يالتكرونيه يالعبده ي.....الخ الين بالنهايه مضاقن وجلسن يطالبن ام العريس وحلفت انها ماتدق لا هى ولا فرقتها الا لطردوا البزران من القاعه واام العريس ضعيفه لاحول لها ولاقوه وانبلشت مابين البزارين ومابين الطاقاقه وفرقتها والحريم هاتك ضحك

[د. أحمد الخضير]

والله انك عزفت على اكثر من جرح
اذكر اني كنت اعذب ام سالم عند فروخها كنت ارتاح لما اشوفها ترف بجنحانها وتزحف مع الارض من خوفها على الفروخ الله لايكتبها علي خطيه

- اما قصتي مع النخل نخلنا كان صعول وكنا نروطشه بالحصى ونلقط الطياح ( عاد دورلك مترجم يعلمك معنى الجملة) :613:


مضارب وهارب تذكرت من إسمك

قل لا إله إلا الله محمد رسول الله صلي الله عليه وسلم


كنا زمان مانعرف السهر كان كل وقتنا نقضيه خارج البيت في النهار .

ووقت الظهر ندور الظلال عند الجدران نجلس فيها نلعب لعاب خفيفه

نشوف من يقدر يغلب الثاني بالمضاربه وكلها حركات جاده ولكن بدون

أذيه للآخر.!!!
ويوم خطر علي بالنا الأذيه للسكان اللي بابهم قدام الظل اللي جالسين فيه !!

شفت كيف واحد فينا اقترح نرمي حجر على الباب حجر وراء حجر الين يطلع

صاحب البيت !!

ولا شفناها طلع هجينا علشان يلحقنا وكان الوقت قايله وسوينا المطلوب وطلع لنا

راعي البيت يزعق ويسب ويوم فتح الباب وحنا مثل الفريره هجينا طيران وهو ورانا

مسيكين ويالله نلفلف فيه من حارا لحارا (كانت الحواري قريبه )

وتوزعنا كل واحد بحاره وبعد وقت رجعنا لمكان الظل عرفنا أن الرجال رجع لبيته

وما مسك أحد منا .

كان هو عارف من حنا ووقت صلاة العصر شفناه في المسجد مع الجماعه

وصرنامراقبين بعد الصلاة ايش راح يسوي .:615:

وشو سوا !!!

اقولكم بعدين :)