متاعبنا ومشاكلنا اليومية ~~~~

[مضارب وهارب]

اليوم قالوا لي البزارين طلّعنا للبر مبطين عنه ومن زمان ماشفناه
قلت يالله تولموا واركبوا نبي نروح لسهلة ٍ نظيفه خابرها
وحنا نشيل الاواني وانا اشغل الهايلكس وهم يركبون وهي تركب امهم وحنا نحرك من الرياض بعد صلاة العصر ومع طريق خريص القديم شرق وحنا نصفط عند اقرب محطه وناخذ قرطاسين ثلج وجركلين ماء ومن هالشغلات الخفيفه بسكوت ابو ولد وفصفص بريال J ومن هالاكلات التراثيه احبها انا يوم اروح للبر... المهم :
يوم وصلنا دون المكان بشوي
وحنا نروح مع هاك الخطيط الاقيشر
وهو يلف يمين وانا الف معه
اثريها تغريزه وانا مادريت ماشحطت السياره
وهي تغرز ذيك التغريزة القشرا وهي وتحوس كفراتها بالتراب لين قالت بس
ومن اليوم وانا شيل ابوك حط ابوك بهالدفينه
ولاطلعنا الا قبل تغيب الشمس بشوي
عاد المكان صاد عن الناس وفيه البعد شوي
المهم
يوم طلعنا وانا مبغض البر وترابه aa1
والورعان وامهم خايفين ومتروعين ومبغضين العيشه :613:

إلين السياره اللي مافيها دبل ماتنفع ولافيها خير مع البر

عاد يالله أي واحد يواجه مشكله لوهي صغيرونه يجدعها هنا
ودنا ناخذ علوم بعضنا كل يوم
وسلامتكم

[ام الغالي2008]

أمحق
حظ
تغريز
بالسياره
وفي
الاسهم
:506: :506: :506:


بشر عنك
عساك استفدت من ارتداد السوق

[مضارب وهارب]

أمحق

حظ
تغريز
بالسياره
وفي
الاسهم
:506: :506: :506:


بشر عنك
عساك استفدت من ارتداد السوق

ايوالله حظي مدحدر وكل يوم وهو مخربها معي
اليوم محصل خمس وسبعين ريال بس اللي قبله خسران ميتينaa1

[فداالخالد]

بيوم من الايام بعد تخرجي من الجامعة حبيت اعزم كل البنات على عيد ميلادي عندي بالبيت و صار

و كانوا من البنات من اكتر من منطقة و المهم كانت الطريق لبيتنا بيعملوا نفق جديد و الدنيا شتاء و برد عاصف وضباب و ضاعوا بالطريق وما عرفوا كيف ييجوا المهم بعديها و اخيرا وصلوا و كانت الساعة تقارب ال11 مساءا و الامر المضحك اول ما خلوا على البيت انقطعت الكهرباء و طولت و لكن بالنهاية احتفلنا و سهرنا على ضو الشموع و كانت من اجمل الايام

الاخ مضارب طلبت نحكي عن همومنا و مشاكلنا اليومية و لكن احببت ان يكون ماهي المقالب التي حصلت معنا ان لم يكن لديك ادنى مانع

[ريـــمــاس]

لاتقلب علينا المواجع

تحياتي لك

[الطبيزه]

طيب هاااااااااك ياخيو هذي اكبر مشكله واجهتنى وتعبتنى واهى دخولى وتسجيلى بالمنتدي

طبعن الأخت بالله دوبها دوبها بالكمبيوتر فيوم سجلت بهالمنتدي غير بواسطات وحركات وتشرط على منا ومنا وتنازلت عن اشياء كثيره منشان اتسجل حتى والله العظيم لدرجة الإسم تفاجاءت فيه وقلت يالله ماعلى

فيوم تم تسجيلى صيرت انا انتظر التفعيل من الإداره وامكن والله لى فتره وانا انتظر انهم يفعلونى حتى انى ادخل وابي اشارك وافرح لناظرت المربع حق المشاركه موجود واكتب ولجيت اسوي ارسال للرد تجينى قائمه بأنى مااملك ولا لى صلاحيه للرد الا لوافقة الإداره على تفعيلى

حتى انى والله سويت العجايب منشان اتفعل ولكن كلها خن بط بالهواء هههههههه

فأمس فتحته وقلت للى سجلتنى تعال حاولى انك تسوين اي شي منشان يفعلونى ورافضه ورفض من كل ناحيه بعد ههههه فجلست افكر افكر وشلون اتفعل

وانا انزل للقائمه اللى اسفل عند انتقل الى...... واضغط عليها واناظر بالأقسام الا طبت عويناتى على قسم مشاكل وتسجيل العضويه وانا انقر عليها

الا جانى انى اكتب موضوع وانا اطير من الفرحه واكتب كل اللى ودي فيه وسويت اعتماد للموضوع وصيرت متابعه انتظر الرد

والا شوي الإداره راده عليه وحاطتلى رابط واتبع التعليمات وارسل وشوي والا اثرينى مفعله ويسلاااااااااااام سلم وانا اطير من الفرحه واجلس ازاااااااعق بالصاله فعلونى فعلونى لأنى والله مانى مصدقه انى طلعت بنتيجه هههههههه وهااااااااتك مشاركات

والحمد لله وسجلت معاناتى ومشكلتى اللى ملازمتنى من فتره ههههههههه