ماهي الطريقة لكي اشتري ارض بالتقسيط ويكون الصك بإسمي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[essa_net]

أخواني

بودي اشتري ارض بالتقسيط ويكون الصك بإسمي
لان أسمي بالصندوق العقاري طلع واريد اقدم الارض للصندوق العقاري لكي استلم الدفعة
لان فية طريقة في راسي اشوف انها الانسب
لدي مبلغ كاش 200000 ريال

لو ادفع هذا المبلغ في أرض قد لا اجد ارض مناسبة في مكان مناسب بهذا السعر
فكرت اني اشتري ارض بالتقيسط
واحط المبلغ الى معي مع مبلغ الصندوق لكي تكفي للبناء

للمعلومية
1- لدي تمويل من بنكي الى ينزل راتبي علية .
2- راتبي حوالى 10000ريال

وش رايكم في الفكرة

[سفن555]

فيه ارض مساحتها360 متر ب200000ريال

[متغربل]

اولا / صندوق التنمية العقاري مايقبل منك ارض الا وهي ملك لك .. لانه راح يرهنها منك وماينفع انه يرهن صك مرهون من بنك محلي ..

ثانيا / يمديك تأجل قرضك لسنه اخرى لحين ما تجمع نفسك وتشتري ارض بالمبلغ اللي معك ..

الخيار الثالث / انك تشتري ارض انت و احد اصحابك وتقسمها نصفين وتكتب النصف اللي لك بأسمك
وتدخله على صندوق التنمية العقاري وتبنيه بأذن الله .. بس لا تنسى انك تحتاج مبلغ علشان تكمل البناء
لانه اللي بيعطيك البنك على دفعات وما توفي معك .. العظم لوحده يحتاج منك حوالي 150 الف ريال

[essa_net]

أخي سفن 555

اين تقع الارض ؟؟؟؟؟؟؟؟
___________________________
اخي متغربل
بالفعل استعدني ردك فقد افادني
____________________________
لكن اي اجد الارض المناسبة بالقيمة التي لدي
سمعت ان فية حي اسمة النرجس اسعارة حلوة لكن ما ادري هل وصل لة الخدمات وهل فية بنيان ؟؟؟؟

[متغربل]

حي النرجس .. هو الملاصق لجامعة نوره ..

ممكن تحصل في الكيلو الثاني .. بأسعار ممتازه ومساحات مناسبة خاصه وان الكيلو الاول ارتفع سعره

اذا انت مطول انصحك فيه لكن اذا انت ناوي تبني خلال سنتين ماانصحك تشتري فيه لانه مابعد خطط على الواقع .. وهي مجرد ارض فضاء .. للكشته وبس