تسجيل الدخول

مشاهدة النسخة كاملة : 120الف على طريق صلبوخ للبيــع

الشاايب
08-02-2009, 10:42 PM
السلام عليكم ورحمه الله وبركاته..


يوجد ارض على طريق على طريق صلبوخ للبيـــع



الموقع :-

على اليسار وانت متجهه شمال من طريق طريق صلبوخ بالمقابل لسكن مشروع سعودي أوجيه تعد ضمن حي الدرعية وقبل مشروع الرحاب وانت متجهه شمال



المساحة = 120 ألف متر مربع

الطول على صلبوخ = 200 متر
الداخل = 600 متر

داخل النطاق العمراني مع إمكانية إستخراج تصريح بناء 25 دور مثل مثيلاتها من مشروع دبي ليمتس واجمكان.
ابو ســعــد
09-02-2009, 06:58 AM
مساك الله بالخير يا الشايب ...

الارض عندك مباشر او انت المالك الخاص وهل سيمت الارض او لها حد

طبعا اذا انت ترحب بالوسطاء ؟؟
الشاايب
12-02-2009, 01:09 AM
مساك الله بالرضى والسرور يا أبو سعد


الأرض مباشره من راعيها وأقدر اخذ توكيل منه عليها بعد إذا بغيت .


إعمار حاطه عليها شيك قبل شهرين على 1100 ريال وانا مستعد اخلصها لك على 1050 ريال منه..


وانا اخوك الوسطاء وغيرهم لهم حق الله في الرزق وما امنع احد من قسمة ربي ورزقه وانا اخوك.
ابو ســعــد
13-02-2009, 08:59 PM
للتواصل تجد رقمي في الخاص ........


وتقبل تحياتي ,,,,,
اساطير
13-02-2009, 09:04 PM
هل هي الارض الواقعه بين جنوب مخطط الرحاب وشمال مخطط الرابية
THE_BEST
15-02-2009, 02:46 PM
الاراضي السكنيه في الرابيه اللي مساحتها من 750 الى 1200 متر اسعارها من 900 الى 1200
ان ماكانت ااقل

ابغى اعرف كيف خام مساحته فوق 100 الف بنفس السعر

زمن الطفره العقاريه خلص و زمن المبالغه في الاسعار انتهى

الناس تعرض اراضي تجاريه من 2000 الى 5000 متر في الشريط التجاري بـاقل من 20 % واكثر ولا فيه طلب

العالم في فيه ازمه اقتصاديه وتجار العقار يفكرون الناس ماتعرف وش يصير بالعالم يعرضون 100الف متر بسعار اراضي سكنيه

انصح مالك الارض (اذا عنده شيك من اعمار انه يبيع)!!!!!؟
سهم هم
15-02-2009, 03:14 PM
وشلون اعمار حاطه شيك عليها ب 1100 وانت تخلصها ب 1050 يعني اقل بخمسين ريال بالمتر يعني اقل بسته مليون

وشلون تجي هاذي
الشاايب
16-02-2009, 04:07 AM
وشلون اعمار حاطه شيك عليها ب 1100 وانت تخلصها ب 1050 يعني اقل بخمسين ريال بالمتر يعني اقل بسته مليون

وشلون تجي هاذي


يالذيب السومه قبل شهرين قبل الأزمه اللي صارت.


اذا انت ما تدري عن هالأمور لا تقعد تدقق ورى شغل مالك فيه صالح
سهم هم
16-02-2009, 06:56 AM
يالذيب السومه قبل شهرين قبل الأزمه اللي صارت.


اذا انت ما تدري عن هالأمور لا تقعد تدقق ورى شغل مالك فيه صالح

اول شي اشكرك على ردك

الشي الثاني اني ادري عن هالامور الحمد لله اكثر منك وليش ادري اكثر منك لانه العقار مانزل بالقيمه اللي انت ذكرت في الاراضي اللي تقع على طريق صلبوخ بعد الازمه العالميه

الشي الثالث انك انت عارض الارض في المنتدى وانا من حقي اني استفسر عن عرضك وعن ردك كنت انا شريطي او صاحب مكتب او اشتري بنفسي او مايسمون يتاجر شنطه

الشي الرابع انه ابعلمك ان الشغل هاذا وهو استفساري عن السومه لاتعلم انت انه لي صالح فيه او لا وحب اخبرك ان الارض اللي انت عارضها هاذي اعرف وشي واعرف كم سومتها واقدر اتصل بالمالك حقها من غير الرجوع لك بس لمعلوميتك

الشي الخامس الله يرزقك اخوي ونصيحه ولو انك شايب اكبر مني البيع والشراء بالعقار يبيله سعه بال خاصة من البايع اكثر من المشتري.

بالتوفيق وللمعلوميه لن اقوم بالرد
اساطير
17-02-2009, 12:16 PM
الاراضي السكنيه في الرابيه اللي مساحتها من 750 الى 1200 متر اسعارها من 900 الى 1200
ان ماكانت ااقل

؟


الأن الرابية نزلت لحدود 800 وفي طريقه للنزول أكثر من متابعه عن قرب لم اريد ان ابين ذلك واستفسرت عن تحديد الموقع للتأكد ولم يجب
صهيتو
17-02-2009, 09:19 PM
انا اشك في صحة هذا الموضوع واعتقد انه من نسج الخيال ...
(إعمار حاطه عليها شيك قبل شهرين على 1100 ريال وانا مستعد اخلصها لك على 1050 ريال منه..)!!!!!!!!!!!!!!!
دام اعمار سامتها بهذا السعر ليش ما بعت؟؟؟؟؟