مطلوب ارض في المهدية - ب 3

[suneee]

خرجت من العمل هذا اليوم ودخلت - عرقة - وبعدها صعدنا الى جبال المهدية
المهدية ارض مرتفعة وعجيبة
تمنيت لوعندي استراحة
توقعت الاراضي بسعر 60- 70 الف القطعة
وبعضهم يقول مخطط ب 3 رخيص وقريب
اتمنى ان اعثر فيه على ارض - استراحة

[suneee]

اذت لم يوجد في المهدية
نروح الى عرقة
العقار يتجه للحضيض

[أبوعبدالسلام]

طالما ان ليس هناك مضاربات مغريه
في سوق الأسهم ؛ فلا يتوقع نزول حاد في اسعار الاراضي
الشريطيه والمين يتصيدون لكل محتاج ليأخذوا ارضه و يصكون عليها
و لن يبيعوها الا بمكسب مجزي
فكيف تنزل اسعار الاراضي ؟
نسمع بالنزول و لكن لا تجد من يبيعك بالاسعار الي في بالك

[سهم هم]

اذت لم يوجد في المهدية
نروح الى عرقة
العقار يتجه للحضيض

ياخي انا ودي افهم هاللي يكتبون هنا ويقولون العقار نزل ومتجه للحضيض وين الحضيض
انا ودي اي واحد لما يكتب يذكر المخطط والقطعه وكيف كان السعر واليوم كم
اما اللي يقول يقولون فيه فله رخصت واللي يقول العروض ماليه المكاتب ولا فيه شرايين

طيب هل العقار نزل ولا لا

ياجماعه الخير لاتقولون واحد محتد ولا ارض بقلعة وادرين ولا كلها عيوب ويحكم على العقار

انا اتمنى نزوله وكل هالفتره الماضيه انا ادور واسئل وقريب من العقار مافيه شي يستاهل نزل ابد
واللي يقول فيه شي نزل يثبت بشرط ان الارض تستاهل او قريبه موبالربع الخالي

كم واحد يتمنى تملك ارض
كم واحد يريد يعمر فله له ولعياله

اذا جاوبنا السؤالين بمصداقيه عرفنا العقار راح ينزل ولا لا

[suneee]

[QUOTE=أبوعبدالسلام]طالما ان ليس هناك مضاربات مغريه
في سوق الأسهم ؛ فلا يتوقع نزول حاد في اسعار الاراضي
الشريطيه والمين يتصيدون لكل محتاج ليأخذوا ارضه و يصكون عليها
و لن يبيعوها الا بمكسب مجزي
فكيف تنزل اسعار الاراضي ؟
نسمع بالنزول و لكن لا تجد من يبيعك بالاسعار الي في بالك[/QUOT

أنا ياصديقي ابحث عن عرض من المالك نفسه لاني لو كنت اقدر اتحمل الشريطية وحقارتهم كنت رحت لهم في صنادقهم في الموقع
المالك سيبيع بالمبلغ الذي يخارجه دون لف او دوران

[suneee]

ياخي انا ودي افهم هاللي يكتبون هنا ويقولون العقار نزل ومتجه للحضيض وين الحضيض
انا ودي اي واحد لما يكتب يذكر المخطط والقطعه وكيف كان السعر واليوم كم
اما اللي يقول يقولون فيه فله رخصت واللي يقول العروض ماليه المكاتب ولا فيه شرايين

طيب هل العقار نزل ولا لا

ياجماعه الخير لاتقولون واحد محتد ولا ارض بقلعة وادرين ولا كلها عيوب ويحكم على العقار

انا اتمنى نزوله وكل هالفتره الماضيه انا ادور واسئل وقريب من العقار مافيه شي يستاهل نزل ابد
واللي يقول فيه شي نزل يثبت بشرط ان الارض تستاهل او قريبه موبالربع الخالي

كم واحد يتمنى تملك ارض
كم واحد يريد يعمر فله له ولعياله

اذا جاوبنا السؤالين بمصداقيه عرفنا العقار راح ينزل ولا لا



يا عزيزي أنا أبحث عن ارض منحة رخيصة
والاسبوع الماضي اشتريت منحة في نمار صاحبها كان اشتراها ب 60 الف قبل عدة اشهر واشتريتها منه لانه كان حادها ب سعر 40 الف علما انه شريطي لكنها جاءت عن طريق صديق
هذا مثال

[suneee]

يبدو ان ب 3 ليس عليه عروض
نروح الى ب 5 او اي ارض في ب تكون محدودة بسعر السوق الحالي

[sami abdullah]

يبدو ان ب 3 ليس عليه عروض
نروح الى ب 5 او اي ارض في ب تكون محدودة بسعر السوق الحالي

يوجد ارض في ب3 مساحتها 500 متر وشارعها 15 شمالي حدها 100 الف

و ارض في أ مساحتها 780 متر شارعها 15 جنوبي سعرها 120 الف

[suneee]

اذا في أ ب 120 ونفس المساحة 780 فأنا لي رغبة في الشراء ممكن تذكر الاطوال لو تكرمت

[suneee]

الاخ سامي عبدالله
ارجو التكرم بذكر اطوال الارض التي مساحتها 780 في أ وطبيعتها ورقمها لاني جاد

[sami abdullah]

تجده على الخاص جميع التفاصيل