بعد اذن الاداره احد نصبات الاتصالات السعوديه

[hap_660]

تذكرون موبايلي قبل 7 اشهر نزلت عرض على من يشترك في ذلك الوقت يعطونه سنه كامله بدون رسوم شبكه يعني رسوم الشبكه تخصم من الفاتوره لسنه كامله

الاتصالات السعوديه بعدها قامة بنفس العرض وصادف في الوقت نفسه انني ارغب في استخراج رقم جديد ذهبت لهم وسالوني اي عرض ارغب من العروض فاخبرتهم انني ارغب في عرض السنه بدون رسم شبكه

بعد سته اشهر تقريبا حسيت الفاتوره زايده في كل مره ماهي على اتصالاتي
وبالمصادفه اكتشف انه من بداية تاسيسي للخط الي الشهر اللي سددته الاخير وهم حاسبينها علي في الفاتوره واسددها ماهم خاصمينها ولا معطيني جوال 45 يعني 90 كل شهرين ومضيفيلي خدمه اسمها بريدي اللي الي الان ما ادري وشي ب 18

قدمت اعتراضا واللى الان واحنا في دوامه
يعني لو ما انتبهت لضاعة علي

ارجو ممن اسس هاتف جوال في وقت العرض التاكد والله يستر من عرضهم الجديد 5 دقايق والله ماتدري وش وراهم

وفيه سؤال دخل الاتصالات وارباحها زادة بعد دخول منافسين ايش السبب؟



بس انتهي واخذ حقي انا شخصيا محول محول زين او موبايلي

وعسى الله يوفقنا جميع
تحياتي

[عابرالسعوديه]

توك تبي تحول من شركة الاحتكار
اخ لو تجي شركة للتلفونات الثابته والدي إس إل وربي اسحب عليهم سيفون
انا أساسا ما أرتحت إلا بعد ما أسست في موبايلي ومن يومها عارف اللي لي
واللي علي اقول مير حول من الحين وبنفس الرقم لموبايلي تراها زينه

[متداول خليجي]

معليش اخوي

اسلوبك يدل على انك متحيز للشركات ( م ز) .

طيب ليش تقولنا انك راح تغير الشركة رح غير بدون ما تقول

شركة الاتصالات اعتبرها الشركة الام الان للجميع.

ولو استمرو بالعروض حقتهم صدقني راح يصكون على الاخرين و اولهم انت بترجع تدورهم.

يعني انت ما تشوف التلاعب الي تسويه (م)

ولا عرض (ز) نص عليك ونص علينا العرض خلص قبل لا ينزل السوق ( من الصدق).

كلهم شركات تدور الريال والايام راح تثبتلك.

[مستثمر11]

انا محول جواالي الى الاتصالات والى الان الرسوم مجانيه

....... فيه حركات لعب من كل الشركات لازم الشي هذا بس انهم ياخذوون رسوم اشتراك
هذي يبغالك تراجعهم

بالنسبه لأعلان الاتصالات الاخير بعد الدقيقه الخامسه مجاني نصب بنصب مفروض يقولون اذا كلمت خمس دقايق تقدر تكلم بعدها 34 دقيقه مجانا مو يضحكون على الناس ويقولون مجانا كل الدقايق
لأنهم اذا وصلت 39 دقيقه فصلو الخط..

اما شركة موبايلي وزين انا اشوف اعروضها افضل بكثييييييييييييير من الاتصالات
عروض الاتصالات تعطي للمشتركين بنج عشان ما ينسحبوون للشركات الثانيه
من رصيد سوا الاضافي الى العرض الاخير
اللي كلهم مدتهم شهر وشهرين..كلها تسكيت


متداول خليجي وش فيه عرض زين انا اشوفه اوكى وفعلا تكفلت بشهر وين الغلط وهوا افضل عرض من كل الشركات

[asszzrr]

بالنسبه لأعلان الاتصالات الاخير بعد الدقيقه الخامسه مجاني نصب بنصب مفروض يقولون اذا كلمت خمس دقايق تقدر تكلم بعدها 34 دقيقه مجانا مو يضحكون على الناس ويقولون مجانا كل الدقايق
لأنهم اذا وصلت 39 دقيقه فصلو الخط..
ياليت وصلت 39 وفصلوه ولكن عند 22 وفصلوووووووووووووه