الحئوووني..في بيتنا حمامه [الأرشيف]

مشاهدة النسخة كاملة : الحئوووني..في بيتنا حمامه

نجدية

21-10-2008, 12:39 AM

منيب كاتبتن مقدمات لاني خايفه ابقولكم الحدث ع السريع واطلب منكم المشوره وش السوات

في تمام الساعه الثامنه مساء جت حمامه مسرعه كن احد راميها من السماء وقعت في بيتنا وعلى نفس وقفتها الي كتابتي لكم لهاالموضوع اللهم انها تحرك عيونها وراسها عرفنا انها ماماتت خفنا نقرب لها شفناها اول ماهبطت كنها جامبو وبعدين نسينا موضوعها الا اننا الساعه 12 لقيناها بنفس موقعها وبعض الشهود بالبيت قالو شفناها كم مره بنفس الوقفه
وهذي صورتها لقطتها وجبتها لكم تتعرفون عليها
اتصلنا بحماية البيئه وماعندك احد مايردون ماردو المطافي في الحريق فيردون حماية البيئه
وش السوات من يعرف عن هالنوع شئ والا هل هو انفلونزا طاقتها والا ايش الهرجه

http://www.arb-up.com/files/arb-up-2008-6/T8i38286.jpg (http://www.arb-up.com/)

ehtmam

21-10-2008, 12:51 AM

هههههههههههههههههههههههههههههههههههههه
الحقيقة الواحد يخاف منجد من الامراض
لكن بسال سؤال؟
انتوا خايفين من الانفلونزا ليش حتاكلوها ولا ايش ؟ خخخخخخخخخخ
حمام محشي بالفريك هههههههه
=============================================
بحثت ليك بالنت وحصلت انواع الحمام
تفضلي
التركي

منقاره طويل غالباً وعيونه تتراوح ألوانها بين الأبيض والأسود والأصفر ، ويتميز بالسرولة (ريش في قدميه) ، ومن مميزاته أيضاً وجود خطين في جناحيه، أما بالنسبة للألوان فيتميز بتعددها فمنها: الأزرق أو الحرمي ، والأحمر ، والطحيني (البني الفاتح) ، والأصفر (الليموني) بخطين وبدون خطين ، والأبيض والأسود ، والرمادي الفاتح (الحليبي) والمبرقع ، ويتميز بعض أنواعه بالنجمة والغرة ، والمفضل عادة التركي القلاب المعقد وغير المعقد وموطنه الأصلي إنجلترا لكن يطلق عليه التركي لتوفره في تركيا بكمية هائلة.
وأخيراً يصنف السوري من ضمن النوع التركي وله نفس المميزات تقريباً.

الباكستاني أو الهندي

يتميز هذان النوعان بقدرتهما على الطيران لمسافات بعيدة ، وفترات طويلة ، وعيونهما بيضاء أو سوداء.
وبالنسبة للباكستاني فله جسم أبيض ورأس ورقبة بيضاء منقطة بالرمادي أو البني أو الأسود أو الرصاصي.
والهندي يعشق الطيران منقط بالأسود.

الهزاز أو الرقاص

ويتميز بذيله الذي يشبه المروحة وسمي بالرقاص لمشيته الراقصة على إيقاعات السامبا ويكون له في بعض الأحيان غرة. وله عدة أنواع هي:
الرقاص العادي: يكون بدون سرولة ومنقاره طويل ، وأحياناً يلاصق رأسه أطراف ذيله وله ألوان متعددة منها الأبيض والأسود والأحمر وغيرها.
الرقاص الأمريكي: يتميز بسرولته الفاخرة ومنقار طويل وألوان جميلة.
الرقاص الجاوي: يتميز بمنقاره القصير وأحياناً يكون له سرولة.

الكويتي

لهذا النوع منقار صغير وعيون سوداء وأحياناً تكون له غرة.

الكينج

ملك الحمام ، له جسم مستدير الشكل ، منقاره طويل ، عيونه سوداء أو أصفر غالباً وليس له سرولة ، ذيله قصير، شكل الذكر يدل التكبر والملوكية.

مودينا

نوع من الكينج حجمه أكبر قليلاً من الكينج العادي ، ويتميز بأن لون جناحيه وجنبي وجهه يختلف عن لون جسمه والذي غالباً يكون أبيض.

النفاخ

يتميز هذا النوع بحوصلته المنفخة ( لهذا سمي نفاخ ) وشكله جميل وبعض فصائله لها سرولة ومنقاره طويل.

شيرازي

للأسف لم يعد يوجد من هذا النوع تلك الأصول الجميلة والتي تتميز بشكلها الجميل والجذاب وذلك بسبب التهجين أما بالنسبة لشكله فإن له عيون سوداء ولون بطنه وسرولته وصدره أبيض في الغالب أما ظهره فيأتي باللون الأسود والرمادي والأحمر والبني ونادراً الأصفر.

البخارى

يتميز بغرته ونجمته الكبيرتين وسرولته المتشعبة إلى الجانبين وألوانه كثيرة وأنواعه متعددة.

الروماني

يتميز هذا النوع بقامته الممشوقة وألوانه الفراشية وعيونه حمراء أو سوداء وله سرولة جميلة ، منقاره صغير جداً وله غرة حادة الطرف.

السولو

من مميزاته سرولته المنبسطة التي تشبه الفرش ومنقاره الطويل وبقعة في رأسه ومجنح لون جناحيك ومقدمة رأسه واحد وبقية جسمه بلون غالباً أبيض وقد تكون له غرة أو بدون و حجمه صغير نسبياً.

الريحاني

رقبته لماعة باللون الأصفر أو الرمادي أو الأسود وبقية جسمه بلون آخر غالباً الأسود والبني وعيونه حمراء غالباً ليس له سرولة.

العبسي

حجمه صغير منقار قصير رقبته وصدره وأعلى جسمه بلون واحد غالبا بني أو أسود أو رمادي ورأسه وباقي جسمه أبيض وعيونه سوداء في الغالب وضعيف جداً.

العمري

لونه أبيض وله خطين سوداوين وله ألوان أخرى ، والمنطقة التي حول عينيه لونها أسود ولون عينيه عسلي أو برتقالي ، وليس له سرولة منقاره متوسط الطول وهو من الأنواع القلابية.

الهمر

يتميز هذا النوع بأنفه الكبير ورقبته الطويلة ، أشهر ألوانه الأزرق بخطين والأبيض والأسود وغيرها، أما لون عينيه فأسود أو برتقالي وليس له سرولة ويشبه شكله الحمام الزاجل ، وله سلالات عديدة تختلف قيمتها حسب فخامتها.

المفتل

اشتق اسمه من شكل ريشه المفتل الذي يشبه الدوائر ، له في الغالب سرولة لون عينيه أسود أو عسلي ، قد يكون له غرة أحياناً.

لونغ فيس (الوجه الطويل)

كما يظهر من اسمه فإن وجهه طويل عمودياً ومنقاره قصير ، جبهته عريضة له فصائل كثيرة منها ما له سرولة ومنها ما ليس له ، لون عيونه أبيض أو أسود أو برتقالي ، بعضها حجمه كبير وبعضها صغير.

السوداني

لون جسمه أبيض أما لون رأسه وذيله فهو أسود أو بني غالباً ، له غرة ، ليس له سرولة ، لون عينيه أبيض أو أسود عادة.

البومة ( كشك)

يشبه الكويتي في شكل الروجه لكنه يتميز بريش في صدره يشبه الوردة أو الكرافتة حيث يتفرع من مركز الصدر وليس له سرولة ولون عينيه عسلي أو أسود ، من فصائله البومة الصيني الموضح في الصورة والبومة الإيطالي.

برلين (سيلفر)

لون عينيه أبيض ناصع مثل الفضة لذا سمي سلفر (الفضة) ، وقفته جميلة منقاره قصير ، رأسه دائري قصير لذا سمي (شورت فيس) وعينيه واسعتان له سرولة وذيله مرتفع قليلاً عن الأرض.

لماع

سمي بهذا الاسم لألوانه اللامعة فلون جسمه عادة بني أو رمادي لامع والجناحين سوداء أو العكس لون عينيه أصفر له غرة وليس له سرولة.

البلجيكي

يتميز بالريش المحيط برقبته الممتد إلى الأمام ، ألوانه الأبيض والأسود والبني والرمادي والرأس أبيض ، لون العينين برتقالي أو أسود غالبا ، جسمه مائل للأسفل من الجهة الخلفية ، توجد منه سلالات فاخرة وأخرى عادية .

نجدية

21-10-2008, 01:02 AM

لا ياهتمام وش ناكل فيه والله لو انه حمام بركات اللي في ميدان لبنان بالقاهره <<<< قطرت سعابيلها

في مره من المرارير قبل كم شهر وحده من قريباتي طاحت ببيتها حمامها شوي وماتت الحمامه مهوب قريبتي المهم اتصلو بحماية البيئه قالو لهم احتمال يكون فيها انفلونز الطيور خذوها بمنطقه بعيده وحاولو تدفنونها او تحرقونها واغسلو مكانها بكلوريكس وديتول واللي بيرميها ويغسل مكانها لازم كمامات ويبعدون بقية اهل البيت عن المنطقه حتى تنشف وتطلع عليها الشمس نعنبوهم والا هم مهومب جايين يكشفون ويقومون بالمطلوب آآآآآآآآآآآخ لو اني بديرتن تقدرني تسان علوم

بس تدري يااهتمام اعتقد انها على هالاصناف اللي جبتها مشكور انها تكون من نوع ابوصروال التركي وياخوفتي مرسلها لي مهند ابروح اطل بجنحانها اخاف فيهم رساله <<< بعض الناس ودهم عشان يصير في الحمامه مرض وانعدي واموت ويفتك مني مقيوله والااقول اخافها جنيه بسم الله الرحمن الرحيم سكنهم مساكنهم ياالله
تراني من جد خايفه لايهمكم هذرتي وانتظر تجاوبكم

ehtmam

21-10-2008, 01:10 AM

الــــذيــب

21-10-2008, 01:14 AM

يمكن لاحقتها الهيئه.

صادقه انتي ؟؟؟؟؟؟؟

ومصورتها بعد ؟؟؟؟

جيبي قدر وفوحي المويه....همن سكين واشذبي رقبتها واجدعيها بالقدر مع بهارات وليمون اسود.

هذا رزق من الله.

نجدية

21-10-2008, 01:15 AM

البخارى

يتميز بغرته ونجمته الكبيرتين وسرولته المتشعبة إلى الجانبين وألوانه كثيرة وأنواعه متعددة.
===
اعتقد الي جاكم بخاري
ههههههههههههههههه
==
عموما ترا يهولون الموضوع وكلوركس وكمامات وهبااااال
والله لو انه نووي
صح الامان مهم بس مو لهالدرجة

بخااااري اجل تهقى يعرف يسوي منتو نقضبه المطبخ <<< ياحبها للأكل هالخاله

اللي محيرنا ليش ماطار ولاتحرك من محله5 ساعات او اكثر ؟؟؟؟

الــــذيــب

21-10-2008, 01:18 AM

بخااااري اجل تهقى يعرف يسوي منتو نقضبه المطبخ <<< ياحبها للأكل هالخاله

اللي محيرنا ليش ماطار ولاتحرك من محله5 ساعات او اكثر ؟؟؟؟

مكسوره رجلها او جناحها.

هاذي فيه احد مروعها وطارت بالليل....والحمام مايطير بالليل.

افتحي باب الشارع وشوتيها بوز....واذا رحمتيها وديها مستشفى التخصصي.

والله حاله

نجدية

21-10-2008, 01:23 AM

يمكن لاحقتها الهيئه.

صادقه انتي ؟؟؟؟؟؟؟

ومصورتها بعد ؟؟؟؟

جيبي قدر وفوحي المويه....همن سكين واشذبي رقبتها واجدعيها بالقدر مع بهارات وليمون اسود.

هذا رزق من الله.

يالله الخيره تسان الهيئه لاحقتها فأجل مهند نصاب تحت جنحانها رسايل لبنات الرياض كلهم مهوب انا لحالي والا تسان مالحقوها
والا اخاف عشانها من النوع الرقاصي تهقى جايتن من كابريه لاطتن لها كويس ومتنحه
معاد يندرى بهالزمن حتى الحمام مانوثق فيه خصوصا مع نزول الاسهم اخافها من اللي خسرانين بسافكو

همن يالذيب هذا وانت صصيقي في العمر والعجازه وحشهم فينا تاليتها تقول اطبخيه وسوي عليه كبسه <<< نصابه ماقال كبسه
اثرك مع من يتمونون موتي
لقد جئتي ايتها الحمامه لتخبريني من هو عدوي ومن هو صصيقي
اجل ليمون اسود وكبسه :mad:

ehtmam

21-10-2008, 01:24 AM

مكسوره رجلها او جناحها.

هاذي فيه احد مروعها وطارت بالليل....والحمام مايطير بالليل.

افتحي باب الشارع وشوتيها بوز....واذا رحمتيها وديها مستشفى التخصصي.

والله حاله
ههههههههههههههههههههههههههههههههههههه
5 ساعات ونجديه تراقب حمامه
تخيل الحمامه بايش تفكر؟
انا مستغرب النظرات والعيون الحمر خخخخخخخخخخخخخ

نجدية

21-10-2008, 01:27 AM

ههههههههههههههههههههههههههههههههههههه
5 ساعات ونجديه تراقب حمامه
تخيل الحمامه بايش تفكر؟
انا مستغرب النظرات والعيون الحمر خخخخخخخخخخخخخ

عيونها حمر من المكان اللي هي فيه قبل تجينا الله لايلومها وماهقيتها تفكر في شئ عايشه عالم ثاني متوقف التفكير فيه

همن لو تنكسر رجليها الثنتين وتمشي على منقارها ماقربتها لااشوتها ولا ابوسها في قريح هي وصروالها هاللي تسنه حق غوار

يمه تصدقون يوم قطعت اشباهها بالصوره خفت صدز ترووع

الــــذيــب

21-10-2008, 01:33 AM

انا مستغرب رجولها؟؟؟؟

اول مره اشوف حمامه رجولها فيها ريش وشعر ؟؟؟ سواق تريلا مهوب حمامه.

رجول الحمامه عصبه ومخالب صغيره مهوب ريش ؟؟؟

كنها رجول ملسون اللي في افتح ياسمسم.

نجديه....شوفي....اطلعي الحوش...وسوي كذا : تؤ تؤ تؤ تؤ <<<< صوت مناداة القطاوه.

همن يجن القطاوه من الجدران....دقيقه وحده وتختفي الحمامه.

اخاف انها الحمامه اللي بافلام كرتون اللي معها شنطه وبوق ويلحقونها اربع طيارات هههههههههههه

اللي معهم كلب ضحكته كذا " هئ هئ هئ هئهه"

<<< ضربت اسلاكه

صمت الوداع

21-10-2008, 01:36 AM

الــــذيــب

21-10-2008, 01:38 AM

عيونها حمر

اجل هاذي جايه من البحرين

نجدية

21-10-2008, 01:39 AM

تدري يالذيب خوفتني اكثر البارح جايتني هديه قطيوه وكنها عارفتن انها لي ماتعدى حضني كل ماتحركت لحقتني واليوم جتنا هالحمامه ياخوفي انهم جن والا سكن متواعدين عندي وش هالبليه يمااااااااااااااااااي طواعين طقتني ام الركب صدزززززز ياجماعه انقذوني ماحد عنده حل ترى ابروح ابخها بفليت وارتاح

ehtmam

21-10-2008, 01:41 AM

نجدية

21-10-2008, 01:47 AM

ههههه العنوان يصلح فيلم مصري من تمثيل سعيد صالح <<< يا قدمه منين طلعت هالاسم ههههه

والله اعتقد إن بعض أنواع الحمام ينام وهو واقف .

أقول ... إذا تبين الحل افتحي الباب وحطي لك عظم دجاجه علشان يجي قطو ويدخل ويشوف العظم والحمامه وساعتها هو وشطارته يا يختار العظم أو يختار الحمامه ويآكلها ويصير به انفلونزا وتفتكين منهم كلهم ههههه

ماتدري ياوخيي من اصبحت اليوم وانا حياتي افلام بس ماجبت لكم الا فيلم السهره حق الحمامه
اما من طرف القطيو فاليوم اذنت باذنه وسميته وباتسر بسوي له عزيمة عشاء وعزمت المعازيم حسوفتن ع الموت ولو انه جني اما من طرف هالحمامه التسلبه <<< وشلون حددي
فهذي ابحثو معي عن حل والا ان طلعت الشمس وهي فيه ابنحرها ماعلي منها نايمتن واقفه والا مبوبزه هذي مشكلتها من قالها تروح للبحرين ليلة دوام

الــــذيــب

21-10-2008, 01:56 AM

تبينها تروح؟

طلي بوجهها وقولي "دي"

صمت الوداع

21-10-2008, 01:59 AM

صارت حصان مو حمامة:501: :501:
هذي تغطي على نملة السيل ههههههههههههههههه

هههههه قويه شوي :D :D :D ... والله ما أدري شلون جتني هالفكره :501: .. قلت نهدي من خوف نجديه بأي شي وما لقيت إلا هالسالفه :eek: .

لا شكلي بروح أنام قبل لا تجي وحده أقوى ههههه :toomad: :toomad: :toomad: .

علي المزيني

21-10-2008, 02:26 AM

نجدية

21-10-2008, 02:27 AM

أأأأأأأأأأأأأأأريد حل
ياليتني كاتبتن العنوان في بيتنا جن يمكن تعطوني حل

نجدية

21-10-2008, 02:30 AM

تقوله صااادز يالمزيني غالية الثمن مهيب جنيه ولا سكنيه >>>> وين راح الخوف

اهااا يالمزيني وانفلونزا الطيور والا خلاص معدهناش <<< ودتس

والله ياهالصور اللي جبتهم تسنها هي

ehtmam

21-10-2008, 02:31 AM

المزيني عطاك حل
شيرازيه وغاليه
الرجول متشابهه
ام شرااااااااااااااااب هذي خخخخخخخخخخخخخ
النصيحة: كرتون حطي الحمامه فيه وبكره روشيها بدون شمبو خخخخخخخخ وعلى سوق الحمااام
انفلونزا تتعالجي منها بس الدراهم فرصه خخخخخخخخخخخ

ibibibib

21-10-2008, 02:36 AM

برقعيها يا نجديه

وبيعيها على أقرب ذيـــــخ في سوق الحمام

وقولي له هذا صقر فرنسي مريش

تطلعين اللي خسرتيه الاسبوع اللي راح

خخخخخخخخخخ

نجدية

21-10-2008, 02:46 AM

برقعيها يا نجديه

وبيعيها على أقرب ذيـــــخ في سوق الحمام

وقولي له هذا صقر فرنسي مريش

تطلعين اللي خسرتيه الاسبوع اللي راح

خخخخخخخخخخ

مادامت الدعوى فيها دراهم فالدراهم مراهم >>> هماتس تقولين وسخ دنيا
>>> حتسي العاقل يطيح نصفه اهااا بس
عاد اقولك اذا جاءالصبح وهي في محلها فلا رادها الا سوق الحمام والاربعاء باذن الله ابشقل لكم سابك بفلوس الحمامه بخليها تطق النسبه ولايهمكم

الــــذيــب

21-10-2008, 03:04 AM

غاليه ؟؟؟؟

اقول القطيها قبل لايجي قطو من قطاوة الرياض العرابجه ويبلعها.

خصوصا قطاوة نص الليل....راسه كله فلقات وذنبه مقطوع من كثر المشاكل

نجدية

21-10-2008, 03:18 AM

اااااااااااايه نامووووووووو وخلووووووني وحيدتن خائفه
اصارع الجوع والخوف
لخوفي من تلك الحمامه لااستطيع الخروج من غرفتي حتى اكل ولااحساسي بالجوع لااستطيع النوم ياألهي ماذا افعل هل اكل مخدتي ام بطانيتي انني اتضورو جوعااا<<<< يمديكم على اللغه العربيه بذمتكم ماانفع في مسلسل مكسيكي وامثل دور خوسيه االفريدو

دافور.نت

21-10-2008, 03:21 AM

صباح الخير على الجميع

الحمامه اللي عندتس ياخيتي شيرازيه وغاليه الثمن

وهذي نبذه عن الحمامه وموطنها

ترجع أصوله إلى مدينة شيراز الإيرانية، كما أنه اكتسب اسم حمام لاهور لشهرته لدى المربين في هذه المدنية شمال باكستان، وهو يتمي بكونه حمام بطئ الحركة قليل الطيران له ذيل طويل، وريش على القدمين، وأهم ما يميزه طريقة توزيع الألوان وترتيبها على ريشه إذ يكون وجهه وحلقه وصدره وبطنه ومؤخرة ذيله كلها بيضاء اللون، بينما بقية جسمه بلون واحد مغاير، فضي أو ذهبي أو أحمر أو أسود، أرجواني، عموماً الأصيل منه يكون كبير الحجم قوي الجسم وعريض الصدر

http://aradina.kenanaonline.com/photos/1173776/1173776290/large_1173776290.jpg

http://www.upcuae.com/pigeons%20list/lahore%20for%20list.jpg

http://pigeon2000.jeeran.com/shirazi.jpg

http://uaepigeon.com/upl/pic.php?u=8OnJSm&i=3116

اقول ماودتس تبيعينها ..... :D

اي والله يالمزيين شرازية ، صورة نجدية ااااااقصد حمامة نجدية مو طالعة معي لأن موقع تحميل الصورة محجووووب عندي :617: ..بس الصورة اللي انت حاطها فعلاً شرازية وجبت ماشاء الله كل الألوان اااااالله يا ايام اول كان عندي منها والجوز امممممممممممممم تقريباً بمئة ريال وعليها يعني يمكن 180 تقريباً .. وكان عندي شماسي مدري وش تسمونة بالرياض وعندي كوري بس الكوري دلوع يموت بسررعة :501: وعندي فراشة لا مو فراشة كنا نسمية اسم ثاني وش هوو يارب لحظة اسوووي تمارين للمخ :503: iconv :503: والله نست اسمة وعندي عراقي لونة احمر ..شووفي الريش اللي جااي على رجول الحمامة يانجدية هذا يسمونة (سروال) خخخخخخخ يعني الحمامة تحب الستر :501: والله اااااااااااايام ......
اذكر كان عندنا رجال شغلتة هي الحمام بس وكان معة سوزوكي حوض وبي ام دبليو اسود ، موظفيين ارامكو ماطلعوها :501:

ذكرتني يالمزييني بايام الحمام بس للأمانة كنت مربي فاشل :617: حملي صورة حمامتك على موقع المزييني

نجدية

21-10-2008, 03:25 AM

غاليه ؟؟؟؟

اقول القطيها قبل لايجي قطو من قطاوة الرياض العرابجه ويبلعها.

خصوصا قطاوة نص الليل....راسه كله فلقات وذنبه مقطوع من كثر المشاكل

تصدق يالذيب ماجاء في بالي ان ذيله مقطوع من المشاكل قد شفت قطو ذيله مقطوع وااااااااااعصل قلت طعنه وشبلا ذا تسذااا خالقه ربي ماله ذيل والا راعيه قاطعن ذيله عشان يعرفه والا عشانه اعصل <<< الله من زين التحليل روحي كلي مخدتس واخمدي وراتس سوق <<<< منيب ماكلتن مخدتي لقيت بشنطتي كتكات وكلته وشربت شاهي و حمدلله <<< الله من زين الوجبه من شفتس تحتسين بالفصحى غسلت يدي بديتول منتس

نجدية

21-10-2008, 03:28 AM

اي والله يالمزيين شرازية ، صورة نجدية ااااااقصد حمامة نجدية مو طالعة معي لأن موقع تحميل الصورة محجووووب عندي :617: ..بس الصورة اللي انت حاطها فعلاً شرازية وجبت ماشاء الله كل الألوان اااااالله يا ايام اول كان عندي منها والجوز امممممممممممممم تقريباً بمئة ريال وعليها يعني يمكن 180 تقريباً .. وكان عندي شماسي مدري وش تسمونة بالرياض وعندي كوري بس الكوري دلوع يموت بسررعة :501: وعندي فراشة لا مو فراشة كنا نسمية اسم ثاني وش هوو يارب لحظة اسوووي تمارين للمخ :503: iconv :503: والله نست اسمة وعندي عراقي لونة احمر ..شووفي الريش اللي جااي على رجول الحمامة يانجدية هذا يسمونة (سروال) خخخخخخخ يعني الحمامة تحب الستر :501: والله اااااااااااايام ......
اذكر كان عندنا رجال شغلتة هي الحمام بس وكان معة سوزوكي حوض وبي ام دبليو اسود ، موظفيين ارامكو ماطلعوها :501:

ذكرتني يالمزييني بايام الحمام بس للأمانة كنت مربي فاشل :617: حملي صورة حمامتك على موقع المزييني

منيب اخاف باتسر تقول حقتي طايرتن من بيتنا عارفتن الدوافير وتسذبهم

دافور.نت

21-10-2008, 03:38 AM

منيب اخاف باتسر تقول حقتي طايرتن من بيتنا عارفتن الدوافير وتسذبهم

هذا جزاء اللي ودة يفحصها لك بالمجان يشوف معاها فلونزا الطيور ولا فلونزا الحميررر:501:

يالله مقيولة سوى خير تلقى مش خير<< يعني وش هو >> اسكت انت لاتوهقنا >>طيب لاتقلد نجدية<<< :cool: بووووصرك

نجدية

21-10-2008, 03:51 AM

اقول بس فمان الله <<< منول يوم اني صغيره احسبهم يقولون ثمان الله وودي اعرف وش معناها

ماعلينا... اقولكم في امان الله ابروح ارقد لاني كما قولت سابقا جويعه ولقد تسذبت عليكم بالرد اعلاه بانني وجدت كتكات واكلته كنت اتوقع انكم قلقون من جوعي فقلت اطمئنهم بتسذبه مادريت انكم لم تجيبو خبري <<<< ياصبر الأرض

اي والله باتسر اذا ارتفع السوق تراني بعت الحمامه بشلقت دراهم ورفعت سوقكم لكم <<خبر للمعلوميه بس

رااانيا

21-10-2008, 04:08 AM

ههههههههههههههههههههههههه

السيل الهادر

21-10-2008, 10:17 AM

سلاماااااااااااااات وش فيكم ؟؟؟؟

لايهمكم نجدية تبينا نقول ياحراااااااام هالبنية الصغيره تخاااااااااف من الحمامه .

ولا ترى ماتخاف من الاسد وهي صغيره وشلون عقب هالعمر تبي تخوفها حماااااامه

قولي لها دي مثل ماقال الذيب وتطير ههههههههههههههه

يعني ننام عنكم يصير بكم كذااااااااااا
لا حول ولا قوة الا بالله

يابنت الحلال قولي دي وخلاص

مليون2009

21-10-2008, 10:36 AM

ذكرتيني بحلقة من حلقات توم & جيري :501:
http://www.youtube.com/watch?v=oHM6HSYYoKk

الــــذيــب

03-06-2009, 01:28 AM

للرفع

ثبت ان مسطت الحمامه المهاجره للبيوت والحوشه انها تسبب

خلل في اجهزة الكمبيوتر وتفقد القدره على الكتابه باللغه العربيه.

نجدية

03-06-2009, 01:54 AM

ههههههههههههههههههههههههههههههههههههههههههههه

اااااااايه الله يذكرتس بالخير يالحمامه كانت ايامون خواليااااا

بس ولو خل عنك ياابو مشعل ماركد سوقكم وتسنع الاعقب الحمامه يعني ثمنهاااا