شعراء يتغنون في سوق الاسهم الســـــــــــــعودي

[علي المزيني]

http://www.aleqt.com/karekpic/251.jpg



يازمان العجايب وش بقى ماظهر
كل ماقلت زانت نسبت من جدي
جيت ادور فلوسي نازله من شهر
قالوا اصبرترى السوق ارتدادة اكيد
ان عرضنا ندمناوان صبرنا قهر
وان شرينا خسرنا والحسايف تزيد
بين الناس تقول الهم زال الخطر
وبين ناس تقول السوق قاعه بعيد[/QUOTE]

[علي المزيني]

http://www.almubarak.net/poems-img/asmaai1.gif

[علي المزيني]

http://www.aleqtisadiah.com/picarchive/60.jpg

لاياضحايا سوق الاسهم حضرو عند الملـك
....................انخو الملك نخوت صويب المعركه تال النهار
قولو يابومتعب ترى ثلثين من شعبـك هلـك
....................بعد انهيار السوق منهارين اشـد الانهيـار
رحنا سمك في بحر لو مافيه بحر بلاسمـك
...................ولارزاقنا ميعاد في حلوق التماسيح الكبـار
نبا نصيد وفي النهايـه كلنـا صيـدت شبـك
....................هذا الدمار الشامل الي مايقارن بـه دمـار
رحنا وطي رحنا طعام جحوش مـالا نمتلـك
...................بلوا مصيبه كارثه توخـذ بعيـن الاعتبـار
احدن وقف وحدن برك مثل البعير اليا بـرك
...............وحدن فرك وحدن يسحب فروته حول المطار
والي ضحك تراه يضحك لاشعوري لوضحك
.....................تلقاه بعد ايام يكـت بلقلـم فـوق الجـدار
معاد ندري وش حصل لكن شـرن مشتـرك
.................يحول اليسرا يمين يحـول اليمنـى يسـار
والون الاحمر نكره كرهن قوي مافيـه شـك
...................يصيبنا هستيريـا وحبـاط لشفنـا الحمـار
اندور الون الخضر حتي علي جنوب التنـك
.............انجمع الجرجير والكراث من سوق الخضار
حتي ليا شفنا الطماط نحس شي من الضنـك
...............يازين لون الفلفل الاخضر ويازين الخيـار
وان كان مانحلت قضيتنا بعد هـا المعتـرك
.............ميتين في الميه دعاوينا انهيارن في انهيـار
انخو ولي العهد سلطان السعد عضد الملـك
...........يفتح لنا فرعين في البطحاء لمستشفى شهار

[علي المزيني]

http://upload.alzaeem.net/img/005/h1.jpg


(للفقر).لذه.في.عيون.الهوامير.ـ
ـ شوفو.وشلون.بفقرنا.شاركونا.ـ

ـ .دينارهم.يستـنسخونه.دنانير.ـ
ـ ولـو.هـو.طلـبناهـم.ماعـطـونا.ـ

ـ حسرة.قليل.المال.بكفوفهم.غير.ـ
ـ ولو.هو.ذهب.يمدي.خذوه.وخذونا.ـ

ـ الله.لايجزى.هاك.الطالع.بخير.ـ
ـ اللي.علـيه.بعافيـتنا.حسـدونا.ـ

ـ تجمعت.شرابة.الماء.على.البير.ـ
ـ ًياحليلً.عنه.الجماعه.حدونا.ـ

ـ جونا.(شتات.أصفر).تلقفهم.الطير.ـ
ـ بلوى.ياليت.بشـرهم.مـابـلونـا.ـ

ـ طاوع.معاهم.من.لقى.دهنة.السير.ـ
ـ والا.وش.اللي.سـكته.يـوم.جـونا.ـ

ـ ذقنا.على.يديهم.*هوان.المشاوير*.ـ
ـ ظيعهـم.الله.مـثلمـا.ظيـعـونا.ـ
ـ وش.صار.وش.بعد.باقي.يصير.ـ
ـ يـافاهمين.السـالفه.فهمـونا.ـ

ـ المشـ.ـكله.ياحـبـنا.للمعـاذيـر.ـ
ـ والناس.وصلو.للقمر.وسبقونا.ـ

ـ دايم.نسـوي.للخيـانـات.تـبريـر.ـ
ـ والظاهر.الخاين.طلع.كل.أبونا.ـ

[علي المزيني]

http://www.alriyadh.com/2006/02/27/img/272130=.jpg



في سوق الأسهم يوم طاح المؤشـر
شفت أكبـر التجـار حالتـه حالـه


إليـا نظرتـه ليـن وجهـه مكشـر
تقـول ميـت واحـد مـن عوالـه


نظرات عينـه بالسعـد مـا iiتبشـر
ومن القهر تصفـق يمينـه شمالـه


شوي وليا هو علـى الـدرب يشـر
ورأس مالـه مـن حلالـه نعـالـه


أقولهـا وأنـا بعيـد عـن الـشـر
طفـران لـكـن متـريـح ودالــه


أنـا بـدويٍ لـو نياقـه أتحـشـر
وسيع صـدر وونستـه رأس مالـه


وإن مـات لـه حقيـن ولا معشـر
تلاقـح أمـاتـه وجـابـت بـدالـه[/QUOTE]

[علي المزيني]

http://www.alriyadh.com/2006/04/22/img/224705.jpg



ألف : أولف وأول السوق نسبه
.....................نسبة تحت ما عاد تحتاج حسبة
سوق ضربنا فوق عشرين ضربة
..................والصبر زين إلا بسهم المواشي

والباء : بدينا وأشترينا وبعنا
.............................وياليتنا فيما كسبنا قنعنا
طرنا وتعلينا ولكن وقعنا
............... والصبر زين إلا بسهم المواشي

والتاء : توقعنا تزيد المكاسب
................ وقلنا نبي نشرب لذيذ المشارب
لكن ورطنا بين عارض وطالب
............. والصبر زين إلا بسهم المواشي

والثاء : ثبت عندي بعلم يقيني
.............. اني خسرت وراح ما في يميني
الله على تسديد ديني يعيني
............. والصبر زين إلا بسهم المواشي

والجيم : جمعنا سهوم كثيرة
............... ولا درينا أن الدعاوي خطيرة
حتى خسرنا والخسارة كبيرة
...........والصبر زين إلا بسهم المواشي

والحاء : حسافة يا جماعة فلوسي
............... حطيتها بأسهم وكسّرت قوسي
صحيح هالدنيا عطتنا الدروسي
........... والصبر زين إلا بسهم المواشي

والخاء : خلاص اقول توبه ولا أعود
........... لو كنت بالمكسب موصى وموعود
وهذا قرار ما علي فيه منقود
............والصبر زين إلا بسهم المواشي

والدال : دجينا بسهم المواشي
.............. نشريه غالي ثم نبيعه بلاشي
هذا جزاة اللي شرا بالخشاشي
......... والصبر زين إلا بسهم المواشي

والذال : ذاك اللي تسبب علينا
.................... ويلاه لو انه يطيح بيدينا
من دون ذبحه كلنا ما رضينا
.......... والصبر زين إلا بسهم المواشي

والراء : رمينا رمية دون رامي
...............وصابت وقلنا حرفنة ياسلامي
السوق طيب لين جانا الصرامي
.......... والصبر زين إلا بسهم المواشي

والزاي : زدنا يوم شفنا المرابح
.............. وقمنا مع العالم نزيد المطابح
ويمكن على بعض السهوم انتذابح
......... والصبر زين إلا بسهم المواشي

والسين : سوينا بها فاهميني
.......... نشري نقول السوق بكره يزيني
نبغى المكاسب وأثرنا خاسريني
........ والصبر زين إلا بسهم المواشي

والشين : شاري يومه السوق غالي
........... ما همني لو زاد فيها ريالي
لا والله الا راح باقي حلالي
....... والصبر زين إلا بسهم المواشي

والصاد : صدق اللي سهما منول
........ حول ميه وسبعين واليوم حول
ينزل الى ستين شي يهول
......... والصبر زين إلا بسهم المواشي

والضاد : ضاربنا بسهم الفنادق
.............لكن رمونا مثل رمي البنادق
حتى زبنا بالحفر والخنادق
........... والصبر زين إلا بسهم المواشي

والطاء : طمرنا طمرة دون داعي
........ نبغى النسب بالباحه أو بالجماعي
واليوم يكفينا حليب المراعي
.......... والصبر زين إلا بسهم المواشي

والظاء : ظلمني من نصحني بتعمير
........ ويقول لي هذا السهم مكسبه غير
وانا مطبح فيه من دون تفكير
......... والصبر زين إلا بسهم المواشي

والعين : عيوا يرفعون المؤشر
.......... يمكن سياسة سوق لازم يخسر
كم واحد من ذا المؤشر مدمر
......... والصبر زين إلا بسهم المواشي

والغين : غيّر يالمحافظ وبدل
......... موضوعنا حله وبالسوق عدل
نظامكم ما هو كتاب منزل
......والصبر زين إلا بسهم المواشي

والفاء : فتيحي مشترينه بطمعه
..........لكن جانا منه عشرين قمعه
ما اظن يستاهل حسابه وجمعه
......... والصبر زين إلا بسهم المواشي

والقاف : قالوا بكره السوق يرتد
............والوضع اشوفه كل يوم يتعقد
مقرود يامن طاع شور المقرد
........والصبر زين إلا بسهم المواشي

والكاف : كافي يا وزير التجارة
............ خمسين بالميه علينا خساره
ان كان تفهم في فنون الاداره
...... والصبر زين إلا بسهم المواشي

واللام : لبنى يوم أغارت بلا خيل
...... خذت بسطوتها سهوم الرجاجيل
وخلت مدامعهم تبل المناديل
..... والصبر زين إلا بسهم المواشي

والميم : ما تنفع سهوم العوايد
...........خسرانة وما عاد فيها فوايد
الفايده بالكاش لا صار زايد
.... والصبر زين إلا بسهم المواشي

والنون : نادوا من يعرف السلومي
....... وقولوا توجه يم شيخ القرومي
يحلها لا صار وقت اللزومي
.....والصبر زين إلا بسهم المواشي

والهاء : هروج كل يوم تعادي
........... كل يسوي فاهمواقتصادي
ياطيبكم عند العشاء والمنادي
..... والصبر زين إلا بسهم المواشي

والواو : وهقنا المسمى ابراهيم
.........يقول انا بقلب جميع المفاهيم
ياعزتيله علقوه الشغاميم
..... والصبر زين إلا بسهم المواشي

والياء : ياربي طالبك ترحم الناس
.....وان تنتقم يارب من فعل الأنجاس
ولا باس ياللي صابه الهم لا باس
......والصبر زين إلا بسهم المواشي ..!![/QUOTE]

[علي المزيني]

http://www.yabdoo.com/users/476/gallery/1410_p49261.jpg





ضاعت فلوس الناس مع كـل هامـور
.................... ومثلك يعرف البير ويعـرف غطاهـا

من سي لاسوأ وبين عاثـر ومعثـور
................. وسهمك وهو سهمك رموه بخلاهـا !!

كيف اشكي العله علـى كـل دكتـور
.....................والطب عندك وانـت تعـرف دواهـا

ماخافـو الله خالـق النـار والـنـور
.................... حتـى الأرامـل شاركوهـا بعشـاهـا

ياقلبـي اللـي فيـه نيـران وحـرور
.................. ضاقت علي دنيـاي وسكـر فضاهـا

سوقك بلون الـدم باسبـاب مغـرور
....................يضغط علـى سابـك وكسـر يداهـا

في عشر اواخر نرجي الذنب مغفـور
................... قامـوا علينـا قومـة ٍ مـا وراهــا

واعمار صارت دمهـا اليـوم منثـور
............. وخاب الرجاء باعمار واللـي رجاهـا

ياما بنينـا فوقهـا ابـراج وقصـور
.............وراحت سدى والسوق دحـدر معاهـا

كم شاب قال ابغى اتزوج مـن الحـور
.............. وافلس وبيره جف مـا شـاف ماهـا

وكم راعي أسره أصبح الصبح مفقور
.................العيـد بكـره واسرتـه مـا كساهـا

وقمت اتفكر وادرس الـراي والشـور
.............قلت ازبن لصقر العروبـه .. ذراهـا

بكلمه تجي من عنده اليـوم مسـرور
............ والسوق يرجع عشب يـروي ظماهـا

يادرعنا لا صـار بالكـون عاصـور
............. كم صرخـة ٍ للنـاس تسمـع صداهـا

يالحر00 يابن الحر00 والحر مخبور
............. قاد الحـرار الشامخـه فـي سماهـا

ما يلحقك يا سيـدي شـك وقصـور
............... لكـن رسالـه ياصـلـك محتـواهـا

انـك ابونـا والرجـا فيـك موفـور
.............عدلـك شمـل كـل الديـار وغشاهـا

جوني يعزوني على السـوق ماجـور
.............قلـت البقـا بالشيـخ يطفـي لظاهـا

ويرد لون السوق عشبـي ويخضـور
.......... مثـل علـم دار السعـود وصفـاهـا

خيرك عميم وشاكر النـاس مشكـور
..........ومـزن الحيـا عـم البـلاد وسقاهـا

انت الرجا بعد الولـي تدفـع الجـور
.......واسلم عساك تـدوم وتحمـي حماهـا[/QUOTE]

[علي المزيني]

http://alsoot.net/up/uploads/4d5488e387.jpg

[أبو ركـــــون]

دمعتي صارت بدل الدمعه دمعتين
والمحظه صارت خسارتها بدل الضعف ضعفين
يالمزيني هيجت المشاعر وقلبت المواجع مرتين
وتراني ماني شاعر بس خنقتني العبره وكتبت هالكلمتين

[السيل الهادر]

معاد لي في سوق الاسهم علاقـه = حتى ولو قالو ترى طـار جمـاز

من بعد ماحسّن براسـي الحلاقـه = وأصبحت بين الناس مفلس ومعتاز

بيسدّني خيمـه وعشريـن ناقـه = مع التمر والماء وفانوس بالقـاز

[رنياوي2]

دمعتي صارت بدل الدمعه دمعتين
والمحظه صارت خسارتها بدل الضعف ضعفين
يالمزيني هيجت المشاعر وقلبت المواجع مرتين
وتراني ماني شاعر بس خنقتني العبره وكتبت هالكلمتين
صح السانك وصح السان باقي الشعراء
اخي المزيني مشكور وماقصرت جمعت عدة مشاعر في موقع واحد جهد رائع يعطيك العافيه

[المهم$]

اثبت موقع التداول الافتراضي فشلة بإدارة ابوعبدالعزيز بعد ترك رائد للموقع وذلك بإيقاف التداول بدون سابق اعلان وسحب مبالغ باهضة من المحافظ واخذ اسهم ايضاُ من المحافظ بدون علم اصحابها بحجة التطاول على الادارة بقول الحقيقة المرة وايضاٌ تعطل السيرفر والكثير الكثير من المشاكل التي يواجهها المتداولون في الموقع .

[المهم$]

1111111111111111111

[المهم$]

222222222222222222

[المهم$]

33333333333333333

[المهم$]

444444444444444

[المهم$]

5555555555555555

[المهم$]

66666666666666666

[المهم$]

7777777777777777

[المهم$]

888888888888888

[المهم$]

9999999999999999

[المهم$]

الله يعطيك العافية

[دانة الاسهم]

اه واحنا ناقصين احزان يالمزيني

بس جهد وجمع رائع تشكر عليه

والله يسعد عمرك

[faissssal]

بعطيكـ العافية يالمزيني، وخذ مشاركتي.. قصيدة للشاعر محمد العضيلة..



تعبت من كثر السهر عيت عيونـي لا تنـام

والمشكله في كلمتيـن ولا عرفـت اعرابهـا

تعال ياوجه الصباح وشوف وش سوى الظلام

تعال ناظر علتـي يمكـن تعـرف اسبابهـا

تعال لاتبطي علـي ولا تكثـر فـي الكـلام

خلك علـى قـد الا مانـي لا تقفـل بابهـا

انا اعرف انك يا وسيع المعرفـه والاهتمـام

تعرف نهايـة قصتـي قـدام معـك ابدابهـا

قصه بديتها سوا يوم ان معهـا العـز قـام

عزاً ينفض من ثيـاب الفقـر ريـح ترابهـا

جينا لها مثل الطيور اللـي تسابـق للطعـام

متسابقين التجره اللـي مانعـرف حسابهـا

اللي رهن سيارته واللي جلب عفش المـدام

واللي معه بعض الدراهم في رصيده جابهـا

من سحرها حتى البدو اهل الغنم واهل الخيام

كلآ يشيل بقشتـه ويقـول مـن يرضابهـا

نبغا نبل حلوقنا مـن بعـد ماطـال الفطـام

على هذيـك الدلـه اللـي غشنـا صبابهـا

من قوة الضربه زبنا اللي لهم عرف ومقـام

ربعاً لهم في السوق نظره ما تخيب اهدابهـا

قالولنـا أنسـو سـوا يالله عساهـا لرحـام

الربح بالاسهم تراهـا مـا تضيـع اتعابهـا

هذي تحت ظل الحكومه وكل شيـا بالنظـام

موقعه بـوراق رسميـه وشـوف خطابهـا

جينا ندربي روسنا كلآ نـوى شـد الحـزام

نبغى نعوض حملتـا راحـت ظهـر قلابهـا

احدا اخذ في راتبـه قرضـا يسـده بنتظـام

وحدا على شان الفلوس عمارتـه ضحابهـا

ماهمنا كثـر الوقـوف ولا نفكـر بالزحـام

الا الخساير ياجماعـة خيـر مـا نرضابهـا

تسهلت في وجيهنا وسـار المؤشـر للامـام

ولكل منـا قصتـه لا هـل الوفـا يحكابهـا

قمنا نسولف في المجالس ونتفلسف ياسـلام

احدا يمسـح لحيتـه وحـدا يفـر اشنابهـا

في بالنـا ان القضيـه كلهـا خبـز ويـدام

اثر القضيه مبهمه والسـر عنـد اصحابهـا

جتنا هواميـر الربـا اللـي تحـب الانتقـام

اللي على ظلم البشـر دايـم تجـر اذنابهـا

غرتهم الدنيا وفعل ابليس في حـب الحـرام

ماعاد تعـرف ويـش صادقهـا ولا كذابهـا

ماعاد بقلوب البشر رحمه وضـاع الاحتـرام

بين الذياب اللي على الصيده تحـد انيابهـا

صار المؤشر في انحدار ومن عداما في عدام

يالين تعبت روسنا مـن كثـر هـز ارقابهـا

مسكين ياحظ الفقير اللي بنكبـه كـل عـام

طاحت عليه مصيبتين ولا عرف مـن دابهـا

صحيح من قال القناعه كنز لا يمكـن يظـام

وصحيح ما تعيش الصقور الا على مخلابهـا

والمعذره في كلمتـا بقولهـا قبـل الختـام

يانعنبوهـا تجرتـا مـا ينعـرف جلابـهـا

هـذى نهايـة قصتـي كتبتهـا قـدام انـام

مضمونها في كلمتيـن ولا عرفـت اعرابهـا


*

[أبوفهد10]

الله يعطيك العافيه


,,,,,,,,,,

[علي المزيني]

دمعتي صارت بدل الدمعه دمعتين
والمحظه صارت خسارتها بدل الضعف ضعفين
يالمزيني هيجت المشاعر وقلبت المواجع مرتين
وتراني ماني شاعر بس خنقتني العبره وكتبت هالكلمتين


صح لسانك أخوي أبوركون

http://abeermahmoud2006.jeeran.com/446-Thanks.gif

[علي المزيني]

http://www.alriyadh.com/2008/08/11/img/110545.jpg


أراك متداولا والـهًـا كالمتـيـم=تطوف بأبواب االبنوك متجهمى

أصابـك سهـم أم بُليـت بنسبةٍ=فمـا هـذه إلا سجيـة مـن رُمـي

على صالة التدوال نظرت بشاشة=فطالت علـى حسرتـي وتندمـي

فإن كنت مشتاقاً إلى نصف نسبة=تجد بربعها المال الكثير فأنـعـمى

أشيـر إليهـا بالبـنـان كأنـمـا=أشير إلى سهم االعوائد المعظـمى

خذوا بدمي من الهامور فاني قتيله =وكان مقصدي الا يجود وينعمى

ولاتقتولوه ان ظفرتم بقتله=ولكن سلوه كيف حل له دمي

وقولو له يامنيت النفس انني =قتيل البنوك والهامور لو كنت تعلمي

ولاتحسبوا اني قتلت بنسبة=ولكن خسرت من نسباته كل اسهمى

فنسبها تسعة وتسعين نسبة=مفرقة في الغاز والجبس وسبكمى

والله ثم الله ماهـذا سوق عـرفـتـه=فلا أك بالبهتان والزور متـهمى

ولكنني لما رأيت السوق اصبح نائـيا=وقد كان لي زندي وكفي ومعصمي

بكيت دما يوم انهياره فـمســحته=بكفي فأحمرت بناني من دمــــي

ولو اننى قبل الأنهيار بعت بمكسبً=لكنت شفيت النفس قبل التندمي

ولكن بكى غيرى فهيجني البكاء=بكاه فقلت الصبر للمتقدمي

بكيت على سوق مضيت زمانها=وليس له مثلا بعربي واعجمي

واخر قولي مثلما قلت اولاً=اراك متداولا والهاً كالمتيمِ

[صمت الوداع]

المواشي كلها مشتاقه لك ........ والقصيم اللي انرسم فيها خيالك

واللجين اللي سرى بروحي وجالك ...... ماهو بس عمو فتيحي

المواشي كلها مشتاقه لك ..


المصافي ماتذكرني بشي ....... حتى صدق ومعدنيه فيها شي

لو تغيب الجوف نادك ماتغيب ...... شوف حايل آه من تطري علي

المواشي كلها مشتاقه لك ..


المؤشر من نزوله ذاب فيني كل صوت ...... والتذبذب من جنانه ارتعد فيني السكوت

صرت خايف لاتجيني ........... نسبه يقفل فيها عرضي ................ وكل اموالي تفوت

آه لو تدري حسابي كيف ايامي بدونك ..................... تبقى في البنك وتروف

آه آه آه من ثمار وين الثمار

وانا قلبي من نزل ماعرف طعم الأمان ........... ليه كل ماجيت اسأل هالجهاز

أسمع الشاشه تقول.....ماهو بس عمو فتيحي ..... المواشي كلها مشتاقه لك

المبالغ اللي ضحيت انا فيها مقترض منها وابيها ..... بس لكن مالقيتك

جيت قبل العصر يذبل ............... قبل حتى يذوب في جنح الظلام

واشتريت ..


كنت اظن السوق جامد ......... يرتفع بس لو شوي

كنت اظن الربح واجد .......... واخذ معاهم شوي

كنت اظن وكنت اظن .......... وخااااااااب ظني

ومابقى برصيدي شي ....... وانتهيت ..

[صمت الوداع]

قال الذي في سوق الاسهم تغربل ... إندق حاله قبل ماله يدبَّل
شاروا عليّه ناسِ غشْمٍ مهبّل ... دبّل قروشك عام سبعه وعشرين
قلت اصبرو قدمت قرضٍ على البنك ... أُما شرولي رزّ ولاشرو زنك
والله يسهّلها على اللي شكا الضنك ... دبّل قروشك عام سبعه وعشرين
لكن أخاف السوق ياخذ خشوعي ... ما غير افكّر بالسهم في ركوعي
هذا نزل نسبه وذا في طلوعي ... دبّل قروشك عام سبعه وعشرين
حتى المجالس هرجة الناس الاسهم ... ضاعت حلاة الكيف والكل مهتم
أحدٍ تشوف السن وأحدٍ مغلدم ... دبّل قروشك عام سبعه وعشرين
واحترت مدري ويش اباخذ واخلي ... سهم ٍمعلي بس الاخر مدلي
محدن يجيب العلم محدن يدلي ... دبّل قروشك عام سبعه وعشرين
قلت المشوره قالو السهم سابك ... إمية سهم فالمحفظه من حسابك
هذي عروس السوق حظك رسابك ... دبّل قروشك عام سبعه وعشرين
ولاّ المصافي ياعريب الجدودي ... سَهْمَ الملوك وكلِّ يومٍ يزودي
لكن حذاري عن سهمْها تنودي ... دبّل قروشك عام سبعه وعشرين
وش رايكم في سافكو ياجماعه ... قالو بنيّة سابك من الرضاعه
إغرف مادام ان السهم وسْط قاعه ... دبّل قروشك عام سبعه وعشرين
قلت الخزف مافيه شكٍّ ولاريب ... والعالم اِني صرت في صيدته ذيب
قالوا موفّق والخزف يخْلِف اِبطيب ... دبّل قروشك عام سبعه وعشرين
قلت اُم عشْرينٍ وخمسين رمزه ... بنتٍ تعلّق قلب من شاف غمْزه
الدرّه اللي ما تغشّاه همْزه ... دبّل قروشك عام سبعه وعشرين
قلت اِبو عشرينٍ وستين طيّب ... قالوا مضاربها كريمٍ حبيّب
قلت الهدف قالو هدفها قريّب ... دبّل قروشك عام سبعه وعشرين
قلت الدوائيّه عساها تعيضي ... تشفي حظيظٍٍ له زمانٍ مريضي
قالوا لي ابشر سَهْمها ما يغيضي ... دبّل قروشك عام سبعه وعشرين
قلت النصيحه وش تقولون بالغاز... قالوا مصيبٍ فيه وابرك من القاز
ياما تخفّى في عباته من الغاز ... دبّل قروشك عام سبعه وعشرين
والجبس قالو سهْم خمسة نجومي ... باكر تشوفه فوق الالفينِ يومي
ياسِعْدِ من يمسك عليه ويصومي ... دبّل قروشك عام سبعه وعشرين
قلت الغذائيه وقالوا شِريْكه ... إنتاجها بالسوق خُبزٍ وكيكه
قلت احسبنّه بالصناعي مَليكه ... دبّل قروشك عام سبعه وعشرين
قلت اِِبو ألفينٍ وميّه وعَشْرَه ... قالو كلبشاتٍ تضرّك بِقِشْرَه
واِنْ كان تدعي قول ربي تحشره ... دبّل قروشك عام سبعه وعشرين
قلت اُمِّ ألفينٍ وميّه وعشرين ... قالوا لقينا الناس عنها مِقفّين
قلت البلا ؛ قالو تبِذّ المساكين ... دبّل قروشك عام سبعه وعشرين
قلت اشْتري صدْقٍ وقالو تركّد ... نخاف بكره من خبرها تنكّد
اصبر يجيك العلم عنها موكّد ... دبّل قروشك عام سبعه وعشرين
قلت الحسا ياناس ولاّ زجاجي ... قالوا علامك كنِّ فيك ارتجاجي
الحر الاشقر ما يعوّد دجاجي ... دبّل قروشك عام سبعه وعشرين
قلت اُم ألفينٍ وميّه وستين ... قالوا مضاربها يجيب الطواعين
ذا له سنه تطلع وتنزل ريالين ... دبّل قروشك عام سبعه وعشرين
قلت اللجين وسيسكو ودّي اقحش ... كلٍّ يوصّي قالوا اُوصاتنا اِنحش
من طبِّ فيهن حشّو اِرْجِيْلِته حش ... دبّل قروشك عام سبعه وعشرين
قلت المشوره ياجماعه بفيبكو ... الظاهر اِنّه ماتقادي لسيسكو
قالوا لي اِنشد عن نَتَاجه سدفكو ... دبّل قروشك عام سبعه وعشرين
قلت الحقيقه جايزن لي أنابيب ... مدري خطا ياناس ولاّاِنِّي اِمصيب
ولاّ نما ، قالو ترى لهْ طلاليب ... دبّل قروشك عام سبعه وعشرين
والمعدنيّه ، قالو اُمَّ المسامير ... جنِّب عنَه ما من وراها تباشير
ياما لِحقْنا مِن سَهَمْها مخاسير ... دبّل قروشك عام سبعه وعشرين
شاوَرْتُهُم بالكيمو اُمَّ الدناميت ... امضاربه لا هوب حيٍّ ولا مِيت
واللي شراها دبّل من التناهيت ... دبّل قروشك عام سبعه وعشرين
والزامل ومِن بعده اللي تسمّى ... مجموعةٍ واللغز فيها مِعمّى
من فاز فيهن راس ماله تنمّى ... دبّل قروشك عام سبعه وعشرين
قلت آخذ الصحرا و قالوا ترفّق ... لاتخدعك بالسوق ناسٍ تطفّق
ما كل رجالٍ يحلّل يوفّق ... دبّل قروشك عام سبعه وعشرين
قلت المراعي له دعايه وراعي ... آخِر سَهَمْ لي بالمجال الصناعي
ما قيل رجلٍ طبِّ فيها وجاعي ... دبّل قروشك عام سبعه وعشرين
قلت السِمنت وقيل حاز العلامه ... واللي عطاك العلم حشّم مقامه
لاشك نجمه لامعٍ باليمامه ... دبّل قروشك عام سبعه وعشرين
قلت الفنادق قيل مثل البنادق ... قلت العقاريه وقالو خنادق
قلت آخذ البحري وقالو صنادق ... دبّل قروشك عام سبعه وعشرين
قلت اِبشروا بالحج جاك الجماعي ... بين المشاعر ياهل العرف ساعي
ويزور ساسكو بنت عمّه رضاعي ... دبّل قروشك عام سبعه وعشرين
قلت الضحيه والضحيه مواشي ... قالوا توقّع لاتجي للخشاشي
قلت الله اكبر فيهِن الرزق ماشي ... دبّل قروشك عام سبعه وعشرين
مكه وطيبه مع عسيرُ وتهامه ... كلٍّ عليهن عضّ بِسْرة اِبهامه
الرابح اللي حطِّهِن في حزامه ... دبّل قروشك عام سبعه وعشرين
قالوا مبرّد يالسنافي تكسِّب ... والصادرات الهقوه اِنّه تنسِّب
وابعد عن التعمير باكر تِحسِّب ... دبّل قروشك عام سبعه وعشرين
قلت آخذ الباحه وشمس وثماري ... ولاّفتيحي مع جرير التجاري
حيث اِن له فضل على كل قاري ... دبّل قروشك عام سبعه وعشرين
قالوا وعدهن عقب عيد الضحيّه ... اِن كان لك رُوحٍ مع الناس حيّه
قلت السنه هذي علينا رِخيّه ... دبّل قروشك عام سبعه وعشرين
قلت آخذ الكهرب وقالوا عقارب ... شطّر عنه كنّك عن الداب هارب
الناس تدري وين عذب المشارب ... دبّل قروشك عام سبعه وعشرين
قلت الزراعه وش تقولون فيها ... قيل الصراحه كل عينٍ عليها
واخصِهن بيشه ونادك تليها ... دبّل قروشك عام سبعه وعشرين
والباقيات الخير فيهِن تبَيَّن ... وان طعت شوري في سهمهِن تليَّن
حقَّ النظر فيهن شويُّ وتعيَّن ... دبّل قروشك عام سبعه وعشرين
والاتِّي الثنتينِ فيهن وصايا ... واشوف بعض الناس عنهن قِصايا
والله لاصبر لين احقق رِجايا ... دبّل قروشك عام سبعه وعشرين
قلت البنوك وقيل عنهن حرامي ... غير البلاد اللي تورَّع وشامي
والراجحي قبله رفيع المقامي ... دبّل قروشك عام سبعه وعشرين
ما باقي الاّ وحدةٍ ما ذكرته ... وسمه عليها بس انا احرقت كرته
واللي شرح لي عن نشاطه شكرته ... دبّل قروشك عام سبعه وعشرين
هذي معاناتي على طول الايام ... واقول ما حصّلت يا كود الاوهام
ليتي مشطِّر عن غرابيل الاسهام ... دبّل قروشك عام سبعه وعشرين
ومن قبل اختم القاف عندي نصيحه ... واخص به كل الوجيه الفليحه
المال عند الناس مثل المنيحه ... دبّل قروشك عام سبعه وعشرين
زك وتصدّق لاتطوِّف زكاتك ... ما تدري ان الموت بطْرف عباتك
ما قيل مالٍ زخرفوا به حصاتك ... دبّل قروشك عام سبعه وعشرين
والخاتمه صلّوا على سيد الابرار ... ما غرّد القمري وما طايرٍ طار
واعداد ما يلفي على البيت زوار ... دبَل صلاتك قبل عرض الموازين

[صمت الوداع]

أيضاً " منتدى تداول " له حكايته الخاصة بتواجد الأعضاء خلال انهيار فبراير 2006 .

والصورة أكثر تعبير .


http://www.arb-up.com/files/arb-up-2008-6/B5N98743.jpg

[ياسر الياسر]

الأسهم غريبة وبسأل عنها شي ،، هي حرام أو حلال أو فيها شي
قرأت سألت سمعت عنها حلال ،، والكثير يقولون والله فيها شي
بس الحقيقة وين هل فيها شي ،، ومن الخساير أقول نعم فيها شي