معي 80ألف وأبي أشتري أرض للمستقبل في الرياض.......وين تنصحوني؟؟ [الأرشيف]

مشاهدة النسخة كاملة : معي 80ألف وأبي أشتري أرض للمستقبل في الرياض.......وين تنصحوني؟؟

koogak

21-05-2008, 07:00 PM

السلام عليكم
مساء/صباح
الــــخـــــيــــر
عليكم جميعا
أخواني أنا ناوي أخذ لي قرض عن طريق البنك عشان اشتري أرض بقيمة 80,000 ريال
وراح أقدمها على الصندوق ومنها بعد إني أخليها للمستقبل كأستثمار
أقصد أنه ما راح أبيعها الا بعد 5 سنوات أو أكثر إذا الله أحيانا
فياليت تنصحوني بمناطق لها مستقبل في الرياض
أنا كنت أفكر في المهدية بس شكلها طارت من جد
والله يعطيكم العافية يارب

fahad.a

22-05-2008, 01:40 AM

بصراحه شف لك قطعه في نمار واذا وجدت تجاري قد فلوسك لاتتردد خذها وتوكل على الله الله يوفقك

قشاش الأسهم

22-05-2008, 01:49 AM

abumuteab

22-05-2008, 03:31 AM

^^^
انا معك ان العقار متضخم
ولازم ينزل
بس مافيه نزول بالعقار مثل نزول الاسهم !
العقار الناس لازم تعيش
بس الاسهم مهوب لازم الناس تتداول اسهم !
وطبعا الاراضي تفرق
مثل ماكانت الخشاش والقيادي تفرق بنسب النزول
سابك تنزل بقوة بس تلقى شراي
اما الخشاش نسب تحت مامن شراي ابد

بالنسبة لسؤالك اخوي اعذرني ماعندي لك جواب
بس اشوف الركادة زينة

ابوأحمد الحبيب

23-05-2008, 04:54 PM

اشوف ان 80الف لقطعة ارض بالرياض مستحيلة في هالوقت
كل شي دبل
حتى اللي ماكان احد يفكر به اليوم صار له فزة

الله يفرج همك

يمكن على قولتهم تنفجر هالفقاعة وتصير دريهماتك لها سنع

إكس هامور

24-05-2008, 07:56 AM

لا تستعجل ...
انتظر حتى انفجار فقاعة العقار ... واشتر على كيفك ...

قالو لنا زمان انتظروا حتى ينفجر سوق الأسهم واشتروا ؟؟ ما صدقناهم قلنا الان فيه هيئة سوق مال ومعالي وزير يحكمها ... وووو طبينا .. وانفجر وحنا فيه ...

هالحين صرنا نصدق النصائح .... فأقول لك .. انتظر حتى تنتهي فقاعة العقار .. وطب وتنق وانا اخوك ...

انا فلوسي جاهزه ... ولكن انتظر الفقاعه اللي يتكلمون عنها .. وتراها قريبه ... الله اعلم عن وقتها .. الله يستر على المسلمين ... فيه ناس تبي تنشل .. وناس تبي تدخل المستشفيات .. وناس .؟ وناس ... الله يستر بس ...
أحلم واستمر في حلمك!
قال فقاعة العقار قال!!!!!!!!!
ياحبيًبي العقار ماهو مثل خرابيط الأسهم، العقار مستحيل ..مستحيل ..مستحيل ينهار...ونصيحة لك ولغيرك، لاتتردد في الشراء الآن بأي سعر، لأنه خلال سنتين فقط ماتستطيع شرائه ب1000 ريال للمتر لن تطوله ب5000 ريال. العقار سينفجر نعم، لكن انفجار الى الأعلى.

المعاالي

24-05-2008, 11:08 AM

انا انصحك بالاستخارة والتوكل علي الله عزوجلا وعليك بنمااااااااااااااااااااااااار

مفلح

24-05-2008, 03:21 PM

اخي الكريم :
إذا انت تريد تشتري ارض لمجرد التقديم على الصندوق العقاري اشتر في رماح الاراضي هناك
رخيصه بعشر الاف تحصل ارض 900م وسراهم على سرى الرياض انا مشتري هناك وانوي
اشتري للابن الاكبر على شأن يصف طابور مع المواطنين ...
وباقي قريشاتك اشتغل فيهم احسن لك ولك الشكر .
اخوك / مفلح

ترانزيت

25-05-2008, 07:13 AM

دور لك في نمار ارض زوينه

وشاور عليها ولن تخسر بأذن الله

اهم شئ لاتخلي الفلوس معك

عقرقوف

25-05-2008, 10:13 AM

الله يوفقك ويوفقنا

عزي007

25-05-2008, 10:55 AM

رح خذ في اي مكان رخيص مدام الشغله استثمار
تحياتي

المهاجــر

25-05-2008, 01:43 PM

اذا على شان التقديم لصندوق العقار شوف لك ارخص ارض في عريض ولن تتعدى قيمتها 10000
عشرة الاف ريال

koogak

09-11-2008, 09:21 PM

شاكر لكم جميعا

<<<<بدري

ع الهباش

10-11-2008, 12:10 AM

نمار ولا تفكر ابد والله اني لك من الناصحين

fahad.a

10-11-2008, 01:48 AM

تبي ارض بـ80000الف اشتر في المهدية في ج او اشتر في
أ مساحة 400الى 450 ولاتشاور ولاتقول ابي اشوف وخل عنك الكلام اللي مايقدم ولاياخر واذا تبي في المهديه ارسل لي رقمك على الخاص وابشر باللي تبي انشاءالله والله يوفقك

ابن القصيم

11-11-2008, 05:43 AM

عقار دبي اذا صحح فجاءك الموت يا تارك الصلاة وتصحيح دبي يلوح في الافق منذ شهور والمحللين يشبهون التصحيح المنتظر كتصحيح سنغافورة نهاية التسعينات أي ما يعادل تصحيح 80% وكل مسئول عن قراره ودمتم على خير ,,

mnt001

11-11-2008, 08:22 AM

تجنب القروض وارضى بما أعطاك الله ، استثمر من حر مالك أو ابحث عن شركاء تستثمروا سويا

SNA

11-11-2008, 10:20 PM

ياالحبيب لاتشتري الحين .شوف ان عام 1980كانت هناك طفرة فب العقاروصلت الاسعار فوق 400%بعدين 3سنوات وان اخوك نهيارالي مليون صارت 200الف ؟الصابر زين وان اخوك بتخذ 80الف في الارضي الي 200الف الحين الصابر زين .بارك الله فيك

فهد9438

11-11-2008, 10:29 PM

كثير من العقاريين يتوقعون انخفاض الأسعار في الفترة القادمة

rhvlk

11-11-2008, 10:42 PM

اللي شاروا عليك بنمار على حق
وعلى كل حال لا تأخذ بكلامي حتى تمر على نمار خاصى القريب من الحدائق العالمية، والمخططات الممتازة هناك
بس شف وانا اخوك
انتبه
انتبه
لايبيعونك الشريطية ويشرونك وانت تناظر
ترى أكثرهم لك عليك الله يصلحهم

وإذا تبي الراي العاقل
خذ بكلام الأخ اللي قالك فوق: اقنع بما أعطاك الله وتجنب الدين... لاسميا في هذه الأوقات المشوشة
وإذا أنت تبي الراي الوسط إن شاء الله
اشتر أرض لا تزيد قيمتها على 20000 عشرين ألف ريال.. إن زادت فبها والحمد لله، وإن طاح العقار ما تهمك والحمد لله
اللـــــــــــــــــــــــــــــــــــــــــــــــ ـــــــــــــــــــــــــــــــه يوفقك