هل انت .... او انت ....مااعتقد

[نجدية]

كشخة!!!


هل تعرفون معنى ((كشخة))؟هل تعرف معنى ذلك ؟لما نحب نبد اعجابنابشخص مهتم بشكله و لبسه نقول له ماشاء الله....

كشخه .... اليوم فلان كاشخ فهل تعرفون معنى كلمة كاشخ .......؟؟؟؟؟؟؟؟اسمعو هذي القصة '

في يوم من الأيام الشيخ محمد الراجحي سأل طلابه !!
احد فيكم ياشباب يعرف معنى كلمة ((كشخة ))؟؟إجابه أكثر الطلاب بأنها : بمعنى انها الشخصيةالتي يكون فيها الشخص في أحسن منظر وعلى هذا القياس أكثر الجمل ....
التفت اليهم وابتسم ابتسامة استغراب .. ..وقال ((طلاب شريعة ولاتعرفون معناها ))

فعرف الطلاب ان لها معنى غير الذي يتعارف عليه الناس فسأله أحد الطلاب : أخبرنا ياشيخ محمد ماهو معناها؟؟قال الشيخ : ((كلمة كشخة بمعنى ....... (مخنّث) أعزكم الله )) الشيخ محمد الراجحي مدرس عقيدة في جامعة الملك خالد بأبهاقسم الشريعة والله على ما أقول شهيد
...... أكيد الحين انتو مو كشخات أبد ......

ووهذي بعض نتائج البحث في الكتب التالية :

-1- معجم مقاييس اللغة لابن فارس لم يذكر شيئا عن الكلمة ولم يتطرق لوجود الكلمة أصلا.

-2- مختار الصحاح للرازي لم يتطرق للكلمة

-3- القاموس المحيط للفيروز آبادي قال: الكشخان الدّيوث, وكشّخ قال له يا كشخان.

-4- لسان العرب لابن منظور قال: الكشخان الدّيوث والله اني نصدمت من المعنى

الى هنا منقول


افتحو هالرابط واكتبو كلمة كشخه وشوفو معناها


http://www.baheth.info/all.jsp?term=كشخة


عاد انا يانجديه كتبت كلمة شاطر ويالله الخيره وش طلع لي

طلع معنى شاطر اللي اعيا اهله بكثر خبثهa8 a8
وطلع ملعوبن علينا من طرف ابلا عطيات وشلتها منول مغير شاطره شاطره وحنا نتشقق من الفرح تحلف الوحده مننا مبشرينها بمليون يورو واثرهم لاعبين علينامنهم لله

عاد الحين السؤال اللي يسدح نفسه

بننتهي عن كلمة شاطر وكشخه؟؟؟ <<<اشك واطرز بعد


وسلامتكم
مراسلتكم نجدية
منتديات تداول
قسم الاستراحه
مدخل النساء اول باب يسار ثاني لفه يمين:606:

[نجدية]

عاد اقولكم هذا معنى الكشخه... اجل الله لايعجزنا 111 متفرج شافوه عدد مميز كما يحبه السعوديين وكلن يطل ويروح http://www.alqosman.net/vb/images/smilies/00020073.gif محدن قال لو شووكرن مهوب لازم جزيلللن http://www.alqosman.net/vb/images/smilies/e070.gif

[دانة الاسهم]

هههههههههههههههههههه

ولا يهمك انا رديت

سمي

:dinmt: :dinmt: :dinmt:


:dinmt: :dinmt: :dinmt:

[نجدية]

ياحبي لتس انتي وهالوريدات اللي تفتح النفس بس وين تعليقتس دخلتي كركرتي وذبتي هالورد وماشفت الاغبارتس

[صغيره وعاقله]

http://www.viafy.com/uploads/8f4c9e7ac6.gif (http://www.viafy.com)

http://www.viafy.com/uploads/b37284e83e.gif (http://www.viafy.com)


http://www.viafy.com/uploads/fd3d211df0.gif (http://www.viafy.com)



ا بصرحه اختى نجديه اكثر من راائعه كاروعه علمك وفهمك وبصيرتك موفقه يارب

[دانة الاسهم]

ياحبي لتس انتي وهالوريدات اللي تفتح النفس بس وين تعليقتس دخلتي كركرتي وذبتي هالورد وماشفت الاغبارتس


انتي خابره مستحيه مدخل النساء قريب من مدخل الرجال

[نجدية]

صغيره وعاقله يالله لاتخلي عيني والروعه ردتس ياروحي انتي


دانه ماعليتس الرجال نايمين زاعقي على راحتس محدن موحيتس

[السيل الهادر]

حح حح حح

يابنات وش عندتسن هنا

[نجدية]

عندنا الموضوع اعلاه طال عمرك نجدية كاتبته وتعبتن عليه وادله وشواهد ولاحدن رد وتشرهت واذن وقم صل

[صغيره وعاقله]

حح حح حح

يابنات وش عندتسن هنا

تفضل اخونا الكبير متنقبات موضوع جدا مهم ونبي ريك فيه علشان نشوف ونفهم

والله طال عمرك نجديه جايبه معجم يترجم كلمات الى نقولها دون علم وفهم بعض الاحيان
كلمات عاميه ومنها كشخه وشاطره

[السيل الهادر]

عندنا الموضوع اعلاه طال عمرك نجدية كاتبته وتعبتن عليه وادله وشواهد ولاحدن رد وتشرهت واذن وقم صل


الله من الازعاج عندتسن والله الواحد مايقدر ينام

على فكره موضوعتس وشو

[نجدية]

الله من الازعاج عندتسن والله الواحد مايقدر ينام

على فكره موضوعتس وشو

ارقى للسطوح ارقد الله يحييك انت توحي <<<<تزاعق للشايب

[السيل الهادر]

ارقى للسطوح ارقد الله يحييك انت توحي <<<<تزاعق للشايب

الا بروح اصلي ابرك من مقابلتسن

حتى السطح فيه دانة وصغيره وعاقلة وبس قرقره .
اعوذ بالله >>>>>> زعل

[ولد الهيلا]

تدرين عاد وش احلى شي بالاستراحه ان الدعو اخليطي ماهيب عوايل ولا كان رحنا فيها وطي يالعزاب وماقدرنا نشوف مواضيك ونقراها


الله لاغير علينا

[الــــذيــب]

حح حح حح

يابنات وش عندتسن هنا

السيل ابتليقف شوي :D

يقال لمفرد النساء باللهجه النجديه : وش عندتس.

ويقال لجمع النساء باللهجه النجديه : وش عندكن.

وهكذا تم اختتام الجلسه.....انتهى

[نجدية]

السيل ابتليقف شوي :D

يقال لمفرد النساء باللهجه النجديه : وش عندتس.

ويقال لجمع النساء باللهجه النجديه : وش عندكن.

وهكذا تم اختتام الجلسه.....انتهى


شفت وش تاليتها ماكفاه لعب بموضوعي وهو ماعلق عليه وبعد يلعب بلهجتنا

بس ترى حتى انت غلط ترانا مانقول لجمع النساء وش عندكن نقول وعندكم ودي اجاملك بما انك من الكباريه وخبير سؤق واقول صح
مثل اللي قلبهم الامير بسيارته قالو حنا ماتمسكنا زين ياطويل العمر
بس وش عندكن قويه قويه على قولة سعد الفرج

وبعدين حتى انت ماعلقت على الموضوع نعنبو هالموضوع اللي محدن جازله :607: :607:

[الــــذيــب]

شفت وش تاليتها ماكفاه لعب بموضوعي وهو ماعلق عليه وبعد يلعب بلهجتنا

بس ترى حتى انت غلط ترانا مانقول لجمع النساء وش عندكن نقول وعندكم ودي اجاملك بما انك من الكباريه وخبير سؤق واقول صح
مثل اللي قلبهم الامير بسيارته قالو حنا ماتمسكنا زين ياطويل العمر
بس وش عندكن قويه قويه على قولة سعد الفرج

وبعدين حتى انت ماعلقت على الموضوع نعنبو هالموضوع اللي محدن جازله :607: :607:

هذا حتسي اهل نجد....وش عندكن....اما انتم فعاد مدري عن لهجتكم.

اسألي الحريم الكبار او الرجال الكبار علشان تتأكدين.

"وش عندكم" هاذي جايه مع الطفره الجديده :D

اما الأولين ماعندهم هالحتسي....يقولون " وش عندكم" للرجال....ويقولون "وش عندكن" للحريم.

"وش عندكم" جمعت بين الرجال والحريم حديثا ومن عهد قريب...ايام اكتتاب صافولا عام 1404

يوم كانت بنت المجماج تغني في برنامج الاطفال " في قلم الرصاصي "

[تميمية]

بس ترى حتى انت غلط ترانا مانقول لجمع النساء وش عندكن نقول وعندكم ودي اجاملك بما انك من الكباريه وخبير سؤق واقول صح
صح كلام الذيب>>>هذاتس قلتي خبير سؤق يزعل علينا يصكنا بكم برميل وش يفكنا عااااد :mad:


بس وش عندكن قويه
تبين الصدز عاد
حنا نقول وش عندكن>>>هذا وحنا تجميع الغربية بعد:crct:

نعنبو هالموضوع اللي محدن جازله

حطي مواضيع زينة عشان تجوز لنا>>>امززززززززح
موضوعتس زين>>>طيب احلفي انتس قريتيه



يسلمووووو نجدية

[نجدية]

تميمة انتي تجميع الغربيه ..وانا من الرياض تجميع الدرعيه يعني انا اقرب منتس ياقليبي والذيب اعتقد انه من ضيعة زحله بلبنان تذكرين ذيك السنه يوم يحجرونه فيذاك كان رايح لضيعتهم
صرت انا اقرب منكم ثنينكم
عاااد اقولتس
اقري الموضوع كويس تراه مفيد ومتعوب عليه تعبت وانا احرج على هالموضوع معاد بقى الا اضفه بونيت واوقف به في الدائري الشرقي ياالله ان الشكوى لك <<< قفلت معها

[نجدية]

تدرين عاد وش احلى شي بالاستراحه ان الدعو اخليطي ماهيب عوايل ولا كان رحنا فيها وطي يالعزاب وماقدرنا نشوف مواضيك ونقراها


الله لاغير علينا


الله يسلمك ياولد الهيلا والله انك انت اللي تقدر المواهب مهوب مثل غيرك ولايهمك اصلن لو معاد تصير خليطيه وتصير عوائل روحت لك في حافظه كل يوم من غدانا قصدي مواضيعنا <<< وش تبين توصلين له >>>> مدري انا تسذا اذا مدحني احد وخذني الطرب يضيع الحتسي واقط خيط وأبره

[تميمية]

والذيب اعتقد انه من ضيعة زحله بلبنان تذكرين ذيك السنه يوم يحجرونه فيذاك كان رايح لضيعتهم

خخخخخخخخخخخخخخخخخخخخ

عاااد اقولتس
اقري الموضوع كويس تراه مفيد ومتعوب عليه تعبت وانا احرج على هالموضوع معاد بقى الا اضفه بونيت واوقف به في الدائري الشرقي ياالله ان الشكوى لك <<< قفلت معها

خلاص لا تعصبين علينا

بقرااااه بحؤل الله بس ما اوعدتس متى>>>الله من الزواله اللي فيني :crct:

[نجدية]

خخخخخخخخخخخخخخخخخخخخ


خلاص لا تعصبين علينا

بقرااااه بحؤل الله بس ما اوعدتس متى>>>الله من الزواله اللي فيني :crct:

الله برضوووو؟؟ حتى انتي ياقلبي قلبااااااااااه

[السيل الهادر]

السيل ابتليقف شوي :D

يقال لمفرد النساء باللهجه النجديه : وش عندتس.

ويقال لجمع النساء باللهجه النجديه : وش عندكن.

وهكذا تم اختتام الجلسه.....انتهى


لقافتك كلها حلا يالذيب
بس ترى ماعندك سالفة حنا نقول لجمع النساء : وش عندتسن وخذ امثله بعد
وش فيتسن: اي وش فيكن
ابقولتسن : اي ابقولكن
وشلونتسن : اي وشلو نكن .................... وهكذا
ههههههههههههههه .... انتهى

[تميمية]

الله برضوووو؟؟ حتى انتي ياقلبي قلبااااااااااه
خخخخخخخخخخخخ
الله ياخذ بليسك

كنت احسب من شروط المنتدى ان الــ و تنكتب تسذا ؤ
ودورت الفيس الاخضر ابو كشرة ومالقيته
والا كنت بحطه عشان تعرفين اني امززززح

[السيل الهادر]

شفت وش تاليتها ماكفاه لعب بموضوعي وهو ماعلق عليه وبعد يلعب بلهجتنا

بس ترى حتى انت غلط ترانا مانقول لجمع النساء وش عندكن نقول وعندكم ودي اجاملك بما انك من الكباريه وخبير سؤق واقول صح
مثل اللي قلبهم الامير بسيارته قالو حنا ماتمسكنا زين ياطويل العمر
بس وش عندكن قويه قويه على قولة سعد الفرج

وبعدين حتى انت ماعلقت على الموضوع نعنبو هالموضوع اللي محدن جازله :607: :607:


انا عاد ابجامل نجدية واقول >>>> بصراحه موضوع جميل ولكن انا كسول بقراءة المواضيع الطويلة حتى الجرايد مهمتي اتفرج على الصور فقط .




وان جيتي للصدق موضوعتس >>>>> ماااااااااااااااله سنع : سنع = داعي .iconb

[تميمية]

نجدية معليش قلبنا موضوعك شات
بس حبيت اقولك اني قريت الموضوع>>>بشري امتس

ماشاء الله عليتس معلومات جديدة والله>>>طيب بدون حلف

واكيد بنبطل نقول هالكلمات دام اننا عرفنا معناها>>>شاطرين :crct:



خلاصة القووول موضوعتس كششششخة>>>من وين تفهمين ياتميمية a9

[السيل الهادر]

نجدية معليش قلبنا موضوعك شات
بس حبيت اقولك اني قريت الموضوع>>>بشري امتس

ماشاء الله عليتس معلومات جديدة والله>>>طيب بدون حلف

واكيد بنبطل نقول هالكلمات دام اننا عرفنا معناها>>>شاطرين :crct:



خلاصة القووول موضوعتس كششششخة>>>من وين تفهمين ياتميمية a9


بدينا بالمجاملاااااااااات
قولي الصدق ياتميمية ترى الكذب حرااااااااااام

[تميمية]

بدينا بالمجاملاااااااااات
قولي الصدق ياتميمة ترى الكذب حرااااااااااام

انا قلت الصدز

ان موضوعها كشششششخة :crct: >>>شكلك ماقريت الموضوووع موووو؟؟؟

[نجدية]

انا عاد ابجامل نجدية واقول >>>> بصراحه موضوع جميل ولكن انا كسول بقراءة المواضيع الطويلة حتى الجرايد مهمتي اتفرج على الصور فقط .




وان جيتي للصدق موضوعتس >>>>> ماااااااااااااااله سنع : سنع = داعي .iconb


امحق الله ومجاملتن تعرفها
ياويل تسبدي عز الله ماجايبن لي الجلطه لا انتم <<<<مااش صايرتن عصبيه من تالي

هالحين يوم انك نفرن زول وكسول ياعوصمان و ماتقراء ولاتحب القرايه وشوله تدخل الموضوع
وثانيااا اذا ماتقراء وش يعرفك بحتسي المثقفين امثالي
ثالثااا افرض مثلا مثلا يعني احد قابلك يوم ..وقالك السيل الهادر انت كشخه وش السوات ذيك الساعه وش ردة فعلك بتقول شوكررن؟؟ فله شووكرن ساااااد خله يسبك وانت ماتدري <<<عصبت ووقفت وهي تكتب الرد
والا بتقول له لو سمحت اخوي معنى الكلمه تعرفه يومك تقوله وتقعد تفلسف عليه واصير انا السبب في ثقافتك والا انتسان ماتدري عن شئ <<<قاصده التطويل عشان تعذبك بالقرايه يازول

[السيل الهادر]

انا قلت الصدز

ان موضوعها كشششششخة :crct: >>>شكلك ماقريت الموضوووع موووو؟؟؟

بصراحه : صح ماقريت الموضوع
وبصراحه الموضوع مايشجع >>> ماعنده مجامله ابد

[تميمية]

بصراحه : صح ماقريت الموضوع
وبصراحه الموضوع مايشجع >>> ماعنده مجامله ابد

بقولك الخلاصة اجل

اذا قال لك احد شاطر او كشخة لااا تفرح تراه يسبك :crct:
وصلى الله وبارك

[السيل الهادر]

امحق الله ومجاملتن تعرفها
ياويل تسبدي عز الله ماجايبن لي الجلطه لا انتم <<<<مااش صايرتن عصبيه من تالي

هالحين يوم انك نفرن زول وكسول ياعوصمان و ماتقراء ولاتحب القرايه وشوله تدخل الموضوع
وثانيااا اذا ماتقراء وش يعرفك بحتسي المثقفين امثالي
ثالثااا افرض مثلا مثلا يعني احد قابلك يوم ..وقالك السيل الهادر انت كشخه وش السوات ذيك الساعه وش ردة فعلك بتقول شوكررن؟؟ فله شووكرن ساااااد خله يسبك وانت ماتدري <<<عصبت ووقفت وهي تكتب الرد
والا بتقول له لو سمحت اخوي معنى الكلمه تعرفه يومك تقوله وتقعد تفلسف عليه واصير انا السبب في ثقافتك والا انتسان ماتدري عن شئ <<<قاصده التطويل عشان تعذبك بالقرايه يازول


نص كلاااااااامك هذا ماقريته مشكلة حتى بالردود تطولين

تصدقين مره جتني توصية على سهم ومن الكسل مافتحت المحفظه عشان اشتري وقفل نسبة هههههههههه
وبعدين كسلان احسن من اللي يلطش من هالمواضيع ولا يدري وش معناهن . لا وتقول مثقفة بعد

[نجدية]

نص كلاااااااامك هذا ماقريته مشكلة حتى بالردود تطولين

تصدقين مره جتني توصية على سهم ومن الكسل مافتحت المحفظه عشان اشتري وقفل نسبة هههههههههه
وبعدين كسلان احسن من اللي يلطش من هالمواضيع ولا يدري وش معناهن . لا وتقول مثقفة بعد

ساااااااد مدزدين فيك عقبال السبت تجيك مثلها وتروح عليك واجي اقولكhttp://smilies.roro44.com/crazy/019.gifhttp://smilies.roro44.com/crazy/019.gifhttp://smilies.roro44.com/crazy/019.gif