كــنـــا و صـــرنـــا !! و لاحول و لاقوة إلا بالله

[حلال2006]

كنا نقول .. هلآ .. حياك الله اقلط
والحين صرنا نقول أتصل عليّ .. قبل تجي


كنا نتفاخر عندنا .. جد وجدة بالبيت
والحين ...... الأب في دار للعجزة والمسنين


كنا نقول .. تفضلوا للعشاء أنتم وأهلكم جميعاً
والحين صرنا نقول .. نرجو عدم إصطحاب الأطفال


كنا نفرح .. إذا تعشينا من خارج البيت
والحين صرنا .. نفرح إذا تعشينا من البيت


كنا .. نفطر ونتغدى ونتعشى كلنا جميع
والحين صرنا .. كويس اذا كنا اثنين


كنا .. ناكل مرقوق وجريش
والحين صرنا .. نأكل اسبكتي وسندويش


كان .. طموحنا ندرس بأي جامعة عربية
والحين صار .. طموحنا ندرس بأي جامعة غير العربية


كنا .. ندرس كل طالبين بطاولة واحدة
والحين صرنا .. كل طالب له طاولتين


كان .. طموحنا الوظيفي نصير طيارين أو مهندسين
والحين صار .. طموحنا أي وظيفة نأكل منها عيش


كنا نفرح بنزول المطر ونشرب منه
و الحين صرنا ننحاش لا يوسخ ملابسنا


كنا نفرح إذا قالوا .. لنا قربت إلإجازة المدرسية
والحين صاروا .. نص عيالنا وبناتنا بإجازة على طول


كنا .. نهاب ونخاف ونحترم المعلم
والحين صار .. المعلم هو الي يهابنا ويخاف منا ويحترمنا



كنا وكنا وكنا وصرنا وصرنا وصرنا ويـــالـــيــــــت مـــــا صـــــــرنــــا

أترك لكم الباقي

[elliot]

كنا نمشي ونجري ونلعب كوره ونسبح في البحر ونطلع للبر ,,,,والحين الشباب يامسدحين في قهوه يشربون معسل ولا جالسين يلعبون بلايستيشن وقدام الانترنت ,,,جزاك الله كل خير

[وائل الروقي]

صدقت .. شكــــــــــر ا لك

[aramcooooo]

بارك الله فيك اخي

[حلال2006]

يــعــطــيــكم الــعــافــيــه جميعا

[شرواك]

الشكــر يزيد النعم، ويزيل النقم، ويُبلِّع المنى. إن الإيمان نصفان نصف شكر ونصف صبر، بل قد لا يبعد الأمر إذا قلنا إن الدين كله شكر، فمن شُكْر الله الاعتراف بوحدانيته، والإيمان برسله، والصلاة شكر، والزكاة شكر، والصوم شكر، والحج شكر، والذكر شكر، والعابد لله حقًُا شكر: ﴿ وَاشْكُرُواْ نِعْمَتَ اللّهِ إِن كُنتُمْ إِيَّاهُ تَعْبُدُونَ ﴾ ... [النحل: 114].

[mhm]

الحمد لله على كل حال

[واحد ريال]

http://www.l22l.com/l22l-up-3/c74c3c9adf.gif (http://www.l22l.com)

[أبو ركـــــون]

كنا نبي 40%زياده في الروتب والحين نبي 20%
كنا نبي فله ملك والحين نبي شقه بس نفتك من الايجار
كنا نقول نبي الحكومه تسدد الدين والحين ياليت الحكومه تركد الاسعار وتهبط الغلاء
كنا نقول بنتزوج الثانيه بعد كم سنه الحين خلاص نبي العافيه ونقول( عساها بحملها تثور)

[hp.h.1]

يــعــطــيــكم الــعــافــيــه جميعا

[الــــذيــب]

كنا قبل الاسهم اذا ربحنا في العقار 10% في السنه انبسطنا



واللحين عقب ماعرفنا الاسهم مانبي الا تدبيلات في الشهر.



القناعه كنز لايفني

[alhassem]

كنا نقول اللي عند الحكومه ما يضيع والحين نقول من شاف حكومه ضايعه

[التوباز]

كنا نستغرب على الشخص المدخن والآن يعاب على الشخص الغير مدخن ..
سابقا الرجل يبحث عن زوجه صالحة له والآن والد الفتاه هو الذي يبحث عن الشاب الطيب
يعاب على الشخص الذي يسافر خارج البلاد .والآن التباهي برحلات السفر وتوثيقها على الشبكة العنكبوتية

نعم هذا الواقع والحمد لله على كل حال

[حلال2006]

كنا نبي 40%زياده في الروتب والحين نبي 20%
كنا نبي فله ملك والحين نبي شقه بس نفتك من الايجار
كنا نقول نبي الحكومه تسدد الدين والحين ياليت الحكومه تركد الاسعار وتهبط الغلاء
كنا نقول بنتزوج الثانيه بعد كم سنه الحين خلاص نبي العافيه ونقول( عساها بحملها تثور)


يــعــطــيــك الــعــافــيــه

[ام الفزعات]

صدقت .. شكــــــــــر ا لك