مخططات شرق الرياض وعريض

[هللة]

السلام عليكم

مخططات شرق الرياض وعريض اين توجد وكم سعر المتر فيها


ارغب في شراء ارض رخيصة لبناء استراحة من يعرف اراضي رخيصة للالستراحات

[رندلا]

السلام عليكم

مخططات شرق الرياض وعريض اين توجد وكم سعر المتر فيها


ارغب في شراء ارض رخيصة لبناء استراحة من يعرف اراضي رخيصة للالستراحات


والله اختي هلله اذا تقبلين نصيحتي وش تبين في عريض كلها صرف صحي بتصير مو استراحه بتصير شي ثاني اذا رحتي هناك

وبالنهايه كل انسان له رايه واختلاف الراي لايفسد للود قضيه بالتوفيق لي ولكي اختي ولجميع المسلمين

[هللة]

هلا اختي رندلا انا ما اعرف وينها وهنا السؤال سمعت اراضي رخيصة قلت يمكن تنفع استراحة

ابي ارض رخيصة لاقامة استراحة اللي عنده في الشرق او الشمال يدلني

[اتحدى عاد]

شرق الرياض لا تباع بالمتر

تباع بالقطع والقطعة ( 900م ) تتراوح ما بين عشرة الأف واربعين بس بعيدة بعد مفرق رماح على طريق الشرقية

[رندلا]

هلا اختي رندلا انا ما اعرف وينها وهنا السؤال سمعت اراضي رخيصة قلت يمكن تنفع استراحة

ابي ارض رخيصة لاقامة استراحة اللي عنده في الشرق او الشمال يدلني

انا مااعرفها بس كان لنا ارض فيها وبعناها من زمان هي مكان للصرف الصحي عريض هذا اللي اعرفه وحبيت افيدك فيه

طيب ليه ماتروحين جهة استاد الملك فهد الدولي هناك بر بس عيبه لاصار فيه مباراة تعالي شوفي الزحمه والدوارت تعور القلب مافيه نظام ولاشي ناس تدخل على ناس مااحد ينتظر دوره وبالنسبه لاسعاره على مااعتقد الارض بحدود 250000الف ريال (مائتان وخمسين الف ريال)

وفيه استراحات على مخرج 8 اللي من عند جسر الفحص الدوري وحتى فيه استراحات للبيع شفت كذا وحده مكتوب عليهم للبيع تقدرين تاخذينها اذا كانت مناسبه وتسوين لها ترميم كامل وتقدرين تشترين ارض بس مااعرف اسعارهم الصراحه

وبالتوفيق لنا ولك اختي العزيزه الله يرزقنا بغير حساب امين