تسجيل الدخول

مشاهدة النسخة كاملة : جميله المكياج (قصيده حــــلوه كتير ...!!)

د. أحمد الخضير
06-10-2007, 05:51 PM
قصيده اعجبتني

يـا صانـع المكيـاج الله يجـازيـك

خليتني مخـدوع فـي شكـل خلـي

الله يحـرق مصنعـك مـع مبانيـك

والمعرض الموجـود في بيكاديلي

ادعي عسى تعمى وتنشـل رجليـك

هـذا دعائـي دوم لا جيـت أصلي

خليتني اركـض ورا البنت هاذيـك

وأشوفها أجمل غـرام ٍ حصـل لـقلبي

عشقها يا حبيبي توماتيك

وان شافها قلبـي يرحـب يهلـي

هي رحبت بـي وقالـت الله يحييـك

وقالت هلا باللي عشق زيـن شكلـي

وقالت أنا أجمل بنت في اللي حواليك

شف حسني الاخاذ وروجي العسلّـي

طالعتها ثـم قلـت هالقلـب يبغيـك

ومن شاف حسنك خلى غيرك يولـي

ابغي أشوفك دون مكيـاج يكسيـك

وابغـي أشوفك بالجمـال المحلـي

قالت تبينـي افـرك الوجـه تفريـك

وأشيل هالبـودر وروجـي وكحلـي

قلت أي نعم قومي عسى الروح تفديك

ابغـي جمالـك هالطبيعـي يهـلّـي

قالت دقايق راجعـه لـك واراويـك

ذاك الجمـال اللـي لعينـك يسـلّـي

ويوم رجعت لي شربكتني الشرابيـك

وحسيت الأرض تدور وانـا بمحلـي

الخد كنه يا حياتي سيراميـك

والوجه شارع مثـل شـارع حولـي

الوجـه كنـه بيـت كلـه شبابيـك

من هالحفر في وجهها اللـي يعلّـي

كلـه سبـب مكياجـك الله يجازيـك

خليتني مخـدوع فـي شكـل خلـي

ونصيحتي لكل شاب من غير تشكيك

لا لا أتسرع ثـم تنغـش مثـلـي

اللـي بـلا مكيـاج خلهـا حواليـك

واللـي تحـط مكيـاج خلهـا تولـي
مستور2005
07-10-2007, 02:24 AM
اللـي بـلا مكيـاج خلهـا حواليـك

واللـي تحـط مكيـاج خلهـا تولـي

أجل بنصير عزابيه ............ مشكور وما قصرت
wafyme
08-10-2007, 12:32 AM
مشكور على القصيده الحلوه

أبو محمد
السيل الهادر
08-10-2007, 05:13 AM
مشكوووور اخوي ابو مروان

ذكرتني لبيت واحد من الاصدقاء يقوووول :

حنا بلانا من الجمال الطبيعي == ولا ترى المكياج بالسوق ينباع

تحياااااااااتي للجميع
almozahimi
10-10-2007, 05:20 AM
صدقت ، ترى التي بالمكياج مثل البناء الخرب القديم المدهون بالدهان المحلول بالكيروسين ، شف وش تسوى به الشمس والااذا هطل المطر ، منظر تشمأز منه النفوس ، وأكره وأقذرمن من ذلك الرجل المتمكيج والمقشر وجهه أكرمك الله ، كلهم مثل الجيفه 0