تكفون ياالهيئه نريد منكم ايقاف مهازل الشباب والبنات في سوق حياه مول بالرياض

[اقتصادي مجنون]

السلام عليكم ورحمة الله وبركاته

هذا مالاحظته اليوم تفحيط واغاني باصوات مرتفعه وغزل وتجمهر

والادها من هذا كله اعلام مكتوب عليها ((لااله الا الله محمد رسول الله)) مجدعه بالشوارع وتاطاها السيارات...اهكذا نحتفل باليوم الوطني.؟؟!!

والله ياليت مافي اجازه اذا العالم بتحتفل بهالطريقه السخيفه

روح جهة حياة مول وشوف البنات كيف يرقصون والى فالة شعرها

مهازل صارت

نبي فزعه الهيئه والشرطه لايقاف هذه المهزله في هذا السوق بالذات

[استاذ التمويل]

أعوذ بالله


والله يقولون كل وقت ما يستحي من وقته


انا استغرب وين اهل هالبنات ؟
وش اللي صار يا عالم وحنا مسلمين


والله شي يخزي والله شي يخزي


يالله سترك

الله يهديهم ويعرفون طريق الحق

[أبو روان]

والله الشرطة امس شغالة في شارع التحلية والعليا ماقصروا


ماغير يشيلون في هالسرمبت وعنهم باصين ياكبرهم قاعدين يعبون فيهم

وبعد السيارات الى مغير لونها والى حاط حركات او اعلام السطحات صافه تحمل وعلى الحجز

صراحة شى يثلج الصدر

[الكاغد]

هذا اليوم الوطني وما اردوا له ان يكون

الحمد لله جالس في البيت ولا افكر اطلع

فساد وبدعه بدأت من سنتين باسم التطور وتنمية الحس الوطني الله المستعان
مبروك لنا صار لنا عيد ثالث !!!!!!!!!!!!!!!!!!!!!!
الله لا يواخذنا بس
وين علمائنا من هذا العبث ؟؟؟؟؟؟؟؟؟؟؟؟؟؟؟