اسماء الرجال في جوالات زوجاتهم ((رد ))

[نجدية]

في البدايه اقدم

تحياتي للمتهور بصراحه اقدر شجاعتك اخوي المتهور اللي كاتبن مثل هالحتسي ومعك هالجمع من النسوه بس شكلك بايعها في موضوعك المردود عليه
ولو انك رقعت شوي في بعض المقاطع لاكن الشق اكبر من الرقعه معاد يمديك ياأبو الشباب

على العموم بما أني من هالنسوه قررت اني ارد عليك من أرض الواقع
فرحت لمكان يتجمعون فيه هالنسوه يالله لاتخلي عيني منهم ومن ملحهم وهات لشوووف نفس السؤال للجميع

اقول ياوخيتي ولاعليتس أمر وش اسم رجلتس في جوالتس

وهاكم الأجابات

مسميته ((الدعله)) <<<<<<<شكلها قافله معها منه يوم قالتها قالت في ذمتس منتيب من حمولتي قلت منيب من حمولتس ولا اعرفتس انا بنتقم لتس بغت تقص قصة حياتها وعييت عليها

مسميته ((المحقق كونان )) قلت ليش قالت قبله وين رحتو وين جيتو وشوله منهو له بتبطون ..بعد ان ماعقل سميته النشبه

مسميته ((هتلر)) سترك ياستار تقول من يدخل علينا نتنافض وعيالي ينشبون بالجدران ياالله اقشعهم اذا طلع

مسميته ((المزيون )) قلت لها ماشاء الله اجل ابو العيال اطخم فطست ضحك قالت امحق الا خلق الله حسن اقول تسذا طنزه

مسميته ((مامعي شئ)) ماتحتاج تفسير

مسميته (( الملحط)) <<< بنت نعمه وخذت ولد ابو نعيله

مسميته (( جروح الروح)) وهذي ياعيينتي ماتحتاج تفسير

مسميته ((ابو طلقه )) قلت وراه قالت مابقى لي في ذمته الا طلقه ويهددني كل ماقلت شئ قال طلقه

مسميته ((ولد امه ))

مسميته ((الضب )) هذي وحده نويعمه حتى اني مادريت انها متزوجه الا يوم قالته تقول من تزوجته وهو يروح للبر تسنه ضب

مسميته ((حبيب قلبي )) قلت اخس يالرومنسيه اكيد عروس قالت ايوه صح كيف عرفتي قلت لاني ذهينه بس عطيني الله لايهينتس رقمتس بتصل عليتس بعد شهر واشوف وش صار اسمه

مسميته ((يالله الهدايه )) شكلها مطوعه وهو شاقن بها


عاد مالكم بالطويله هذا العلم جاكم وماخبيت عليكم الا العلوم السنعه وافهم يافهيمa6 :crct: :509:

[مضارب وهارب]

مسميته ((يالله الهدايه )) شكلها مطوعه وهو شاقن بها



هههههههههههههههه

[al nader]

مسميته ((المزيون )) قلت لها ماشاء الله اجل ابو العيال اطخم فطست ضحك قالت امحق الا خلق الله حسن اقول تسذا طنزه

a6 :crct: :509:

الله عليك يأنجـــدية أثاريك منتي بهينه

{ لا للـعـنـصـــريـه }

لاكن المزيون قويه شوي

[ehtmam]

السلام عليكم
الرد جميل:)
==
عموما : برايك لو تزوجتي ونكد عليك ايش بتسميه:)

[نجدية]

الله عليك يأنجـــدية أثاريك منتي بهينه

{ لا للـعـنـصـــريـه }

لاكن المزيون قويه شوي

مايحتاج عنصريتي لوها ذهانه بالاسهم بدالها كان انا هاااموره

والمزيون صاادز قويه بس ياوخيي بيني وبينك البنت حلوه لو تاخذ الامير فزاع صار شين عندها <<<<<<الله من زين الذوق:crct:

[نجدية]

السلام عليكم
الرد جميل:)
==
عموما : برايك لو تزوجتي ونكد عليك ايش بتسميه:)

جمل الله اوقاتك ياباشا
وردك يبين انك منتب عنصري مثل حالاتي والا انك دبلوماسي وكل الحالتين ترفع اسهمك

وشكلي الله العالم ان صبرت عليه لاني امترش ماضنتي بصبر على اقشر

بسميه ((الحقنه )) ((هادم اللذات))((شيخ النكد)) ومن هذا وانت مدحدر
والاسم على حسب الحالهa7 a6

[نجدية]

8
8
8
اوجعني قلبي ياأهتمام على ابو العيال ولو انه مابعد جاء بس الظاهر قمة الزعل بسميه سي السيد واذا راضيه ......مشفر

[د. أحمد الخضير]

مسميته (( جروح الروح)) وهذي ياعيينتي ماتحتاج تفسير


مa6 :crct: :509:

هههههه


بالعكس هذي اللي تحتاج تفسير ;)

[ehtmam]

8
8
8
اوجعني قلبي ياأهتمام على ابو العيال ولو انه مابعد جاء بس الظاهر قمة الزعل بسميه سي السيد واذا راضيه ......مشفر
ههههههههههه
\ايش مشفر:cray:
ماعلينا: اعرف واحد:D اسمه بجوال المدام

( حبيب بابا) خخخخخخخخخخخ
اتاري بنته غيرت الاسمa6

[الــــذيــب]

بغيت اقول شئ وهونت


اخاف يهاجموني الرجال


والا يحسبوني اتميلح


لكن الحق يقال......النساء مظلومات.....ويطلب منهن السكوت وعدم الاعتراض دائما.


مهوب كلهم.....فيه قشرات.....لكن الغالبيه....مظلومات.


ولـــــــــــــــــــكن في هذا الزمن.....وخصوصا هالخمس سنوات اللي فاتت.......العكس هو الصحيح :D



والذهين يفهم :) ومهوب كلهم.

[الطحطوح 2005]

8
8
8
هذا الزمن هو اللي قالوا عنه
زمـن فـرنـدقـس *** تزرع فول يطلع عدس :D

[عبودي99]

في البدايه اقدم

تحياتي للمتهور بصراحه اقدر شجاعتك اخوي المتهور اللي كاتبن مثل هالحتسي ومعك هالجمع من النسوه بس شكلك بايعها في موضوعك المردود عليه
ولو انك رقعت شوي في بعض المقاطع لاكن الشق اكبر من الرقعه معاد يمديك ياأبو الشباب

على العموم بما أني من هالنسوه قررت اني ارد عليك من أرض الواقع
فرحت لمكان يتجمعون فيه هالنسوه يالله لاتخلي عيني منهم ومن ملحهم وهات لشوووف نفس السؤال للجميع

اقول ياوخيتي ولاعليتس أمر وش اسم رجلتس في جوالتس

وهاكم الأجابات

مسميته ((الدعله)) <<<<<<<شكلها قافله معها منه يوم قالتها قالت في ذمتس منتيب من حمولتي قلت منيب من حمولتس ولا اعرفتس انا بنتقم لتس بغت تقص قصة حياتها وعييت عليها

مسميته ((المحقق كونان )) قلت ليش قالت قبله وين رحتو وين جيتو وشوله منهو له بتبطون ..بعد ان ماعقل سميته النشبه

مسميته ((هتلر)) سترك ياستار تقول من يدخل علينا نتنافض وعيالي ينشبون بالجدران ياالله اقشعهم اذا طلع

مسميته ((المزيون )) قلت لها ماشاء الله اجل ابو العيال اطخم فطست ضحك قالت امحق الا خلق الله حسن اقول تسذا طنزه

مسميته ((مامعي شئ)) ماتحتاج تفسير

مسميته (( الملحط)) <<< بنت نعمه وخذت ولد ابو نعيله

مسميته (( جروح الروح)) وهذي ياعيينتي ماتحتاج تفسير

مسميته ((ابو طلقه )) قلت وراه قالت مابقى لي في ذمته الا طلقه ويهددني كل ماقلت شئ قال طلقه

مسميته ((ولد امه ))

مسميته ((الضب )) هذي وحده نويعمه حتى اني مادريت انها متزوجه الا يوم قالته تقول من تزوجته وهو يروح للبر تسنه ضب

مسميته ((حبيب قلبي )) قلت اخس يالرومنسيه اكيد عروس قالت ايوه صح كيف عرفتي قلت لاني ذهينه بس عطيني الله لايهينتس رقمتس بتصل عليتس بعد شهر واشوف وش صار اسمه

مسميته ((يالله الهدايه )) شكلها مطوعه وهو شاقن بها


عاد مالكم بالطويله هذا العلم جاكم وماخبيت عليكم الا العلوم السنعه وافهم يافهيمa6 :crct: :509:
هههههههههههههههههه والله مزعتي سبدي ياخيتي 00000

[نجدية]

هههههه


بالعكس هذي اللي تحتاج تفسير ;)

والله انك خطير ماوقفت الا عند النقطه اللي تردد اني افسرها تدري ليش اقولك <<< بدت سالفه الله يعينك
الجماعه ياطويل العمر اللي خذت منهم المعلومات متداولات بأحدى صالات البنوك يعني مارحنا بعيد عن الاسهم بهالموضوع
وهالآدميه قالت لي قصتها وحلفتني اكتم سر القصه مع ان صوتها عالي كلهم سمعوها بس عن قولت انها ماتبي احد يدري :504: :506: عاد جيت ابكتب القصه عند الاسم (جروح الروح ) وبعدين قلت اخاف انها تفتح المنتدى تقراه هي او زوجها ويلقون غسيلهم ناشرته نجديه
وبعدين يغيروني من نجديه لحبشيه

[نجدية]

ههههههههههه
\ايش مشفر:cray:
ماعلينا: اعرف واحد:D اسمه بجوال المدام

( حبيب بابا) خخخخخخخخخخخ
اتاري بنته غيرت الاسمa6

مشفر يعني ادفع واشترك <<<صالح كامل:612:

حبيب بابا ياحلووها فديت البرائه ياناس

[نجدية]

: بغيت اقول شئ وهونت
اخاف يهاجموني الرجال


والا يحسبوني اتميلح


لكن الحق يقال......النساء مظلومات.....ويطلب منهن السكوت وعدم الاعتراض دائما.


مهوب كلهم.....فيه قشرات.....لكن الغالبيه....مظلومات.


ولـــــــــــــــــــكن في هذا الزمن.....وخصوصا هالخمس سنوات اللي فاتت.......العكس هو الصحيح :D



والذهين يفهم :) ومهوب كلهم.


هونت وبس؟؟تقوله صاااادز
مادريتاااااا ان المرأه مايقال لها تسذااا
مادريتااااا اني بطلع هالحتسي منك على الاقل نلاقي شخص اقتصادي وضد الدكتاتوريه الممارسه على المرأه
ماخذين فكره ان رجال الاقتصاد والبزنس من كثر ماهم مشغولين يمارسون الاضطهاد والتبعيه لزوجاتهم حتى يضمنون السيطره عليهم حتى في انشغالهم عن مسؤولياتهم <<<<<<<< لايكثر هرجتس يا نوال سعداوي

تسنك تالي حتسيك قلبت علينا والا انا واهمه:610:

[نجدية]

هههههههههههههههههه والله مزعتي سبدي ياخيتي 00000

لو ماجاء من هالموضوع ياعبودي الا وسع صديرك يالله ان توسع صديره بالايمان وطاعة الرحمن

تو مازان هالموضوع

[نجدية]

8
8
8
هذا الزمن هو اللي قالوا عنه
زمـن فـرنـدقـس *** تزرع فول يطلع عدس :D

مشاء الله ياطحطوح مثل لايشق له غبار:509:

[اشراقة قلم]

:

تسنك تالي حتسيك قلبت علينا والا انا واهمه:610:

:)

ياحبي لك نجديه

:dinmt: :dinmt:

[جنى الورد]

واااااااااااااااااو ما دريت إن فيه هجوم على بنات حواء http://www.aljayyash.net/modules/MSN/smile/36_1_17[1].gif
نجدية وينك ما دقيت علي أجيب مساعدة وأجيك http://www.aljayyash.net/modules/MSN/smile/36_6_7[1].gif http://www.aljayyash.net/modules/MSN/smile/36_6_7[1].gif http://www.aljayyash.net/modules/MSN/smile/36_6_7[1].gif
المهم أي مساعدة لا يردك إلا لسانك واحنا بالخدمة

[aboaml]

*****

ياحبي لك نجديه

[اكثر اشراقا]

اضحك الله سنك ....

[صغيره وعاقله]

موضوع جميل جدااااااااا ورئع
نجديه دوم تتحفناء وتنور المنتداء بطرئفها من جد حبوبه هى ((((النجديه)))) في كل موضوع احب اشوف كلامها واستانس منه نفسي اتعرف عليها اسماء مره ه ه ه ه حلوه هههههههههههههه بس ياحرام موكلهم بس يمكن مع الحياه الاخلاق تضيق المفروض يجددو حياتهم اول بي اول مو هلتر ووو قويه بس المزيون حلوه مومشكله بس يكون حلو وشخصيه جذابه ورجل ولا كل الرجال لزم اتصبح بوجه حلو مو وكمان الخلفه يجون الاولاد حلوين مو ناس حلوه وناس شينه

[بروف الأسهم]

مع انها ضدنا ,,,لكن بمووووووت من الضحك من جد كل مادخلت المنتدى ارجع اقراها ,,, وعلى فكرة فية رجال صدق يستاهلون من ذا وازود خخخخخخ,,,a7
وبالمقابل ترى فية حريم بعد لك عليهم ,,,
اتحفتينا يانجدية ووسعتي صدورنا الله يوسع صدرك بالعافية ,,,a7

[د. أحمد الخضير]

والله انك خطير ماوقفت الا عند النقطه اللي تردد اني افسرها تدري ليش اقولك <<< بدت سالفه الله يعينك
الجماعه ياطويل العمر اللي خذت منهم المعلومات متداولات بأحدى صالات البنوك يعني مارحنا بعيد عن الاسهم بهالموضوع
وهالآدميه قالت لي قصتها وحلفتني اكتم سر القصه مع ان صوتها عالي كلهم سمعوها بس عن قولت انها ماتبي احد يدري :504: :506: عاد جيت ابكتب القصه عند الاسم (جروح الروح ) وبعدين قلت اخاف انها تفتح المنتدى تقراه هي او زوجها ويلقون غسيلهم ناشرته نجديه
وبعدين يغيروني من نجديه لحبشيه


ههههههههههههه

اكتبي بالحبر السري :507:

شوقتينا للقصه


ولا تخافين الموضوع نحجبه عن للي عمرها تحت 24;)

[بنكر]

اقول لا مايجي من هالموضوع الا (اسلوبتس) يانجديه

طيب الاعضاء المتزوجين ليش مايعلمون وش مسمين زوجاتهم في جوالاتهم وكذلك العضوات

انا عزوبي بس اني مخزن اسم بدون رقم وكاتب عليه (شاغر للزوجه)

الله يرزقنا المراة الصالحه