دعوه للحوار هل العقار مقبل على انهيار مع مسلسل مكسيكي

[saud_h_h]

عندما رايت اسعار الاراضي والفلل والايجارات بارتفاع
تبادر الى ذهني هل من الممكن
ان ينهار العقار ام سيستمر بالارتفاع فاخد ت بالتفكير
لحال من يدعم العقار وهو المواطنين فهم من سيساهم باستمرار
عجلة العقار للارتفاع او التوقف عند حد معين مما يتسبب بهبوط العقار

فخرجت بالمحاوره بين هامور عقار ومواطن
واخرى بين هامور عقاري وحوت عقاري

هامور عقار :
وين ودك تسكن يامواطن وين تبي الارض فيه

مواطن :
ودي اسكن بالرياض بس ودي بارض
بموقع ممتاز ورخيصه ومساحتها حلوه

هامور عقار :
جاي تشحد انت موقع زين ورخيص ومساحه كبيره
دور غيرنا تلعب عليه

مواطن :
يابن الحلال اذا ماساعدتونا انتم وراعيتو ضروفنا
من يراعينا يااخي انت خيرك من هالبلد لابد ترد الجميل
لاهل هالبلد وتساهم باستقرار المواطن وتريحه نفسيا
مما يعود على هالبلد بالخير

هامور عقار :
طيب وش تبي اخلص علينا وين تبي ارضك ونعطيك السعر
اخلص علينا ماعندنا شغله الا انتم يالمواطنين

مواطن :
ابي ارض بمبلغ 300 الف ريال حصيله جمعتها خلال 15 سنوات
محرم نفسي وعيالي من جميع ملذات الدنيا من اجل اني اشتري ارض

هامور عقار :
المبلغ اللي معك يجيب لك ارض مساحتها من 300 الى 500 حسب الموقع

مواطن :
بس هالمساحه كنت مامل اكبر اقدر اوفر لعيالي مكان للعب بالحوش
طيب ماعلينا ابيها بشمال الرياض ممكن 500 متر

هامور عقار :
ها ها ها ها ها ها ها
وين عايش فيه انت 500 متر وبشمال الرياض
صدق انكم يالمواطنين ماتستحون ياخي دور
على قدك مادامك ماتقدر والا انطق بشقتك

مواطن :
لاحول ولاقوة الا بالله
طيب دور لي بمكان قد فلوسي

هامور عقار :
خذ لك 400 متر باي مكان ثاني غير الشمال
ويمكن ماتلقا هالمساحه الا باماكن محدوده وعساك تلقا
على فكره انت تقول المبلغ اللي انت مجمعه للارض
وشلون بتبني ارضك نازل اسمك بالصندوق العقاري

مواطن :
لاوالله الصندوق ماسكين سرا ويبيلي 10 سنوات سرا

هامور عقار :
وش بتسوي بتاخذ من صندوق التقاعد اللي نسمع عنه

مواطن :
لا صندوق التقاعد للي بيشتري بيت جاهز وشروطهم ماتنطبق علي

هامور عقار :
وش اللي ماينطبق عليك انت تقول موظف ولك 10 سنين تجمع يعني خدمتك زينه

مواطن :
من شروطهم انه مايكون عليك التزام عند جهات ثانيه وانا عندي التزام مع بنك الراجحي بمبلغ500 الف وقدامي 10 سنوات تسديد

هامور عقار :
طيب وين راحت هال500 الف لاتصير بهاالاسهم
ضيعتكم هالاسهم قلنا لكم العقار زين واستقرار

مواطن :
المشكله اني ماني راعي اسهم لكن البلوى مصيبه
اخذت قرض من بقالة الراجحي قصدي بنك الراجحي
مبلغ 400 الف لمدة 10 سنوات قلت نبي ناخذ هالمبلغ
ونبني فيه مع المبلغ المتوفر قيمة الارض لكن بدت الاراء
تاتيني من حدب وصوب الاسهم فيها مكاسب وتبي تساعدك
والعساف بنفسه طلع بالاخباريه وطمن عن سوق الاسهم
ادخل بس العساف بنفسه يدعم السوق وسمعت للراي العوج اللي ضيع تعب
15 سنه ورى و10 سنوات قدام اخذت القرض بالكهرب
من بنك الراجحي السهم ب 250 مايعادل بعد التجزئه 50 ريال
قلت ابصبر واببيعه ب300 اغديه يجيب حق الاثاث
والله يجيرك ويطيح السوق والكهرب معهم نبي بيع ونطلع لو ب75%
من المبلغ قالو لاتبيع بيرجع سعرك
الوليد والراجحي طلعوا بيدعمون السوق وين رايح انت
قلت رايكم نصبر ووعلى هالمنوال لاتبيعون لين صارت الكهرب حول ال10
يعني فلوسي صارت اقل من 100الف بعد ماهي 400 الف

هامور عقاري :
وجت على راسك هالطيحه شكلك مقرود

مواطن :
لا مثلي كثير ارجع لاحصائيات البنوك تحصل 80 % ماخذين قروض

هامور عقاري :
اجل صندوق التقاعد من بياخذ منه مادام 80% ماخذين قروض
ال20% الباقي منهم 10% ساكنين و10 % مو محتاجين للقرض

اها نبهتني على شي شي خطير مع السلامه

مواطن :
اصبر شوي تعال تعال يابن الحلال ماقضينا تعال ...

هامور عقاري :
وهو يهرول بعدين بعدين انا مشغول مشغول
رح دور لك ارض والا تدري ارجع لي بكره
اعطيك احسن ارض بالسعر اللي تبيه
مع السلامه

راح الهامور العقاري لهامور هوامير العقار
ونبي نسميه حوت العقار

هامور عقاري :
السلام عليكم
طال عمرك عندي لك خبر خطير
نبي نلحق اعمارنا قبل مايطير

حوت عقاري :
وش فيك جاي تركض صاير بالدنيا شي احد مات
هات علمك الله يكفينا شرك

هامور عقاري :
اقول اعتقد الله واعلم ان العقار بيطير فتره بسيطه
ثم يديور ويمكن يمسك خط الاسهم نبي نستغل الفرصه

حوت عقاري :
بينه وبين نفسه ((( امم هذا وش دراه عن خطتنا )))
ياشيخ العقار ماعليه الا العافيه لاتبيع شي امسك اراضيك

هامور عقاري :
بس يابن الحلال بيرتفع فتره لان الطلب اقل من العرض
ثم يجيك فتره العروض اكثر من الطلب لان الناس ماعندهم فلوس
وورطانين بسوق الاسهم وعليهم قروض بعضهم 10 سنين قدام

حوت عقاري :
بينه وبين نفسه ((( هذا لازم يسكت لاينتشر الخبر بين العقاريين )))
اسمع الكلام اللي قلته لي خله بيني وبينك وانا راح ادعمك بس
ابيك تطبل للعقار واحنا نبيع ونخلص اتفقنا لايدري ابن بشر
عن الكلام اللي صار

هامور عقاري :
ابشر طال عمرك حنا خيرنا من خيرك ابشر بالتطبيل



بعد هالمسلسل نبي ارائكم عن العقار
وهل من الممكن ان ينهار لعدم وجود الطلب
من قبل المواطنين لعدم قدرتهم الماديه
وغلاء اسعار الحديد والاسمنت وباقي ادوات البناء


القصه من نسج الخيال وانا كاتبها

[klavox]

العقار... يركد سنين ... ممكن

ينهار .... مستحيل

حيث أن المواطن الكادح... اللي ماراح يملك عقار... بيستأجر....

يعني اللي ما يبي رز كبسة... يبي قرص خبز

و مثل ما الكل ما يستغني عن لقمة العيش... الكل يبي الستر تحت سقف .... !!!

من هنا يستمد تجار الرز و الدقيق و العقار .... الإطمئنان....

لديهم سلع لا يستغني عنها الغني و لا الفقير .... ما دام حياً ...!!!!

الحمدلله... القبر ببلاش...

الله يستر علينا و على أولادنا.... دنيا و آخرة

[abo baseem]

السلام عليكم ورحمة الله وبركاتة

أخي الفاضل : طرحت موضوع العقار ، وكنت أتمني المشاركة في كذا موضوع عن العقار

إذا أردت الحقيقة الكاملة والإستثمار والشراء لغرض السكن أو غيرة فالعقار لاينهار ممكن يركد

قليل يعني يبقي على راس ماله فخبرتي في العقار تمتد لأكثر من 12 سنة هذا أولاً

إذا أردت الإستثمار فذهب إلى أراضي المنح وأشتر وغطي عليها تلقا نفسك فجأة عقارك بأسعار عالية

أما بخصوص تشتري أرض لغرض السكن على قد فلوسك مثلاً فالمساحات هي التي تتحكم بالأسعار

ومواقع الخدمات
فالعقار آمن بإذن الله في بلدنا

وتقبل تحياتي

[البياع1]

شوف مثل اللى قبلي العقار يمرض بس ما يموت ,,,,,, بعدين اكثر مالكين العقار هم من كبر السن وهذي لها دور كبير


في كيفيه البيع وطريقته " يعني الشراء بركاده والبيع بركاده "


وبعدين احنا في ا لسعوديه ما فيه شي اسمه ضريبه على الاراضي


وفيه اسباب كثيره

[saud_h_h]

انا لم اقصد بالانهيار

هو انهيار العقار بالكامل

انا قصدت الاسعار الحاليه للعقار

المتر الان تجاوز الالف هل سيستمر ويتجاوز الالفين

ام يعود تحت 500 ريال

[حمدوف اسلاموف]

صدقني من تجربه اكثر من 15 سنه العقار امن استثمار للقنوع الصبور بس اشتري وقت الشراء والرخص وبيع وقت التطبيل والهيصه وكل ما شفت رخيص اشتري وانسى الى حين
والاسهم كذالك من ناحية توقيت البيع والشراء ولاكننا قوم لا نستوعب الدروس:D :509:

[maradoona]

تبي الكلام

لاشفت العقار قيمته قفزت كذا نسبة في اقل من شهر اطلع قبل التصحيح :)

[ابو فاتن]

يعطيك العافية اخي الكريم،،

في رأيي العقار ينقسم الى قسمين

عقار داخل احياء قائمة واصلها جميع الخدمات

هذه تتاثر بالارتفاعات قليلا ولا يحدث لها انهيار وانما ركود وانخفاض لا يتجاوز 30%


القسم الثاني وهو المشكلة الكبرى الاراضي في اطراف المدن الكبيره وخاصة الرياض

هناك تلاعب كبير من هوامير العقار ورفع الاسعار خاصة في الشمال بشكل خيالي تجاوز 300%

هذه بدأت بوادر الانهيار فيها وانصح بالحذر منها

قد تصعد قليلا ولكن مشكلتها اكبر من الاسهم فلن تجد مشتري وقت الحاجة



بالنسبة للعقارات المعروضة للتأجير وخاصة العمارات والشقق السكنية

وصلني من من لديه خبرة كبيرة في العقار عندما شاورته بشراء او بناء عمارة سكنية

نصحني بالا افكر في ذلك مطلقا حاليا

فالكثير من العمارات والشقق التي اكتملت حاليا اواقتربت من الانتهاء لا يوجد عليها طلب لكثرة
المعروض بسبب التوجه المحموم للبناء في السنتين الماضيتين خاصة الثلاث ادوار

ويذكر ان الكثير لديهم شقق لم تؤجر منذ اكثر من ستة اشهر حتى الان


كما لا ننسى قرب اصدار تشريع يلزم اصحاب العقارات التجارية بسداد ضريبة على اراضيهم
لكن هناك مماطلة في اصداره وقد يكون بسبب بعض المقربين لحين اكماله تصريف ما لديهم

[مديرة لزوزة]

مافي مؤشر للعقار ؟

[محمد بن ابراهيم]

الأراضي تذكرني بضحكه الاسمنتات وهي على مشارف الــ1000

ولا فيه أرض المتر بــ400 ريال تصير بــ2800 ريال في سنتين

ولا بيشه:)

[saud_h_h]

نريد مزيدا من الحوار

والتشاور بوضع العقار

[قيادي بحت]

اللي سال عن مؤشرى العقار فهناك فعلا مؤشر يعتمد على كم صفقه تمت خلال اليوم من بيع وشراء

بالنسبه للعقار السكني فالقفزات السعريه كفيله بالتصحيح

بالنسبه للعقار التجاري .. بما انه هناك طفره اقتصاديه بالمملكه فلا خوف الا الان لانه الجميع يبي الوجاهه والاماكن المميزه فلا خوف خصوصا المكتبي

فمن يقول هل تصل الاسعار 2000 ريال

اقول ماسمعت عن حول 30 الف للمتر ؟ بالرياض

[قيادي بحت]

وعلى فكره فلو نظرنا الى الدول التي بها طفره عمرانيه

فاسعارنا زهيده وليست مرتفعه مقارنه بالدول الاخرى

وايضا بعضض الجهات المختصه قالت انه الحصان الاسود للسنه 2007 بالسعوديه هو لقطاع العقار

ولايخفى عليك بان السعوديه تاتي بالمركز الثاني بقطاع العقار ونموه بعد شنقهاي

يمكن الهوامير ياخذون هالسته الشهور المتبقيه من 2007 للتصريف.



تمنيت ان يكون موضوعك عباره عن حقائق وليس قصص من نسج الخيال

[هنا الرياض]

[COLOR="RoyalBlue"]بالنسبة للعقارات المعروضة للتأجير وخاصة العمارات والشقق السكنية

وصلني من من لديه خبرة كبيرة في العقار عندما شاورته بشراء او بناء عمارة سكنية

نصحني بالا افكر في ذلك مطلقا حاليا

فالكثير من العمارات والشقق التي اكتملت حاليا اواقتربت من الانتهاء لا يوجد عليها طلب لكثرة
المعروض بسبب التوجه المحموم للبناء في السنتين الماضيتين خاصة الثلاث ادوار

ويذكر ان الكثير لديهم شقق لم تؤجر منذ اكثر من ستة اشهر حتى الان




اللي شاورته ما قال لك الحقيقه

وهي خلاف ما ذكر تماما

قل له يدور لي شقه من اللي ما تأجرت من 6 شهور

ويقولون

حدث العاقل بما لا يليق فإن صدق فلا عقل له

[ahat]

زادو علينا الأجار 30% في ذالسنه

يعني الطلب أقل من العرض

وراعي البيت يقولي تبي ولا ضف وجهك

الرجال واثق انه بيأجر غيري

الله المستعان بس

بعدين من عرفنا الدنيا والأسهم في كل العالم ترتفع وتنزل...والعقار يرتفع ويركد
يعني ما ينزل

هوامير الأسهم كل ما جاهم مكاسب يبيعون
والسبب ان المكاسب سريعه وقويه

والعقار مايبيعونه
لأن ارتفاعاته تدريجيه وما ينزل

اغلب الشياب كل ما جمع له قرشين حطها في أراضي وبلكات
ولا يبيع لين يوصل العمران حوله بنسبه 60% اقل شي

وهو السر في تماسك العقار

العقار ما ينزل الا في حاله وحده
وهي الحروب
وذا جت الحروب كل شي بيروح فيها غير الذهب والنفط
مو بس العقار

[راعي الصحافه]

نزول العقار هذا أمر مستبعد
لكن ممكن يتوقف عند سعر معين لفتره من الزمن (لأي سبب من الأسباب) لكن سرعان مايعود للإنطلاقه ولكن هذه الإنطلاقه حسب المكان والزمان .. لأن العقار لاغنى عنه إما بالتملك للمقتدر أو بالإيجار لمن لايستطيع أن يتملك

[saud_h_h]

اشكر الجميع على

المرور والمشاركه

[سهم هم]

عااااااااادي اخوي لا يمكن ينهار لان العقاريين الكبار والشركات الكبيره تعمل على جعله مرتفع وأقرب مثال على ذلك دبي دبلت العقارات عندهم شي مو طبيعي ومازال يرتفع وانت يالداج قشر بصل.
فاعتقد انه راح نصير اردى منهم لاننا سعوديين وحنا دايما غير بكل شي.

[anasami1]

يامن يقول ان العقار يمرض ولايموت بيننا وبينكم سنه الىسنتين وبتشوفون انهيار على كيف كيفك الوعد قدام