حمــدان يا حمـــدان .. أمــك توصيـــــكـ

[يا متعبنـــــي*]

حمدان ياحمدان .............. أمــك توصيــــــــك

قصيدة كتبتها عجوز بعد أن اودعها ابنها في دار المسنين وطالت المدة لثلاث سنوات دون أن يزورها او يسأل عنها

ورغم كل هذا كانت القصيدة مليئة برحمة وعطف الأم

الله يخلي لنا امهاتنا يارب

ويارب تكون هالقصيدة درس للكثير من الأبناء

ودرس للزوجات اللي يحرضون الأزواج على عقوق أمهاتهم

وتذكـــر ... الدنيا دوارة

اترككــــ م مع القصيدة


وين انت ياحمدان أمك تناديك .. وراك ماتسمع شكايا وندايا

يامسندي قلبي على الدوم يطريك .. ماغبت عن عيني وطيفك سمايا

هذي ثلاث سنين والعين تبكيك .. ماشفت زولك زاير يا ضنايا

تذكر حياتي يوم اشيلك واداريك .. والاعبك دايم وتمشي ورايا

ترقد على صوتي وحضني يدفيك .. ماغيرك احد ساكن في حشايا

واليا مرضت اسهر بقربك واداريك .. ماذوق طعم النوم صبح ومسايا

ياما عطيتك من حناني وبعطيك .. تكبر وتكبر بالأمل يامنايا

لكن خسارة بعتني اليوم وشفيك .. واخلصت للزوجة وانا لي شقايا

انا ادري انها قاسية ماتخليك .. قالت عجوزك ما أبيها معايا

خليتني وسط المصحة وانا أرجيك .. هذا جزا المعروف وهذا جزايا

ياليتني خدامة بين اياديك .. من شان أشوفك كل يوم برضايا

مشكور ياولدي وتشكر مساعيك .. وادعي لك الله دايم بالهدايا

حمدان ياحمدان أمك توصيك .. أخاف من تلحق تشوف الوصايا

أوصيت دكتور المصحة بيعطيك .. رسالتي وحروفها من بكايا

ان مت لاتبخل علي بدعاويك .. واطلب لي الغفران وهذا رجايا

وامطر تراب القبر بدموع عينيك .. ماعاد ينفع الندم والنعايا



همســــة ..

القلب اللي ماله بديـل ولا مثيـل <<<<<<<<<<<<<<<<<<<<<<<<<<<<<<<قلب الأم :dinmt:


..

[الرمح 2002]

.....لعنة الله عليه من ابن -الله يرحم امهاتنا
كم تعبو علينا ......
لاحول ولاقوة الا بالله

[ابو زياد رفحاء]

لاحولا ولا قوة الا بالله