اددددد.. وش هالبرد

[هامور بدوي]

هـبت هبوب الشمال وبردها شـيني ..........مـا تدفي النار لو حـنا شعلناها

مـا يدفي الا حضن مريوشة العيني ..........وإلـيا عطشنا شربنـا من ثناياها



وفيه روايه وقدناها


حتى فيه مقولة أشبه بالمثل

( دخنها ولا ريح شمالها)


ننكتم بدخنة الارطى والحطب ولا تلفحنا الشمالية


********

اعوذ بالله وش هالبرد

يقولون الشيبان هالبرد مامر مثله الا عام 1409

يقولون كانو على اذان الفجر يروحون لأحواض الماء حقت الغنم يلقون الماء صاير قطعة ثلج وحده ويكسرونه بالفؤوس والمراكيب :toomad:

يادافع البلى




الزينه سالفة الخبل الله يستر عليه كان بمجلس رسمي

ومن عرض هالسوالف طرو سالفة البرد وموجة الصقيع على السعوديه
خوينا يبي يخش معهم بالسوالف جاب له مطمه كبر راسه وليته سكت ازين له

قال ايه والله يالربع واحدن من العيال بعرعر يقول من شدة البرد المواصير تنقط ثلج

ههههههههههههههههههههههه

المشكله ماحس بالبدليه الا يوم ضحكو الرجال

الله لايبلانا:509:


بالبرد اهم شي تدفى الرجلين الله يعزكم

وعليكم بالزنجبيل الطازج الي يبشر ويغلى يسوى مثل الشاهي

وتعصر قطعة ليمونه صغيره معاه

الليمون زين يسلك الحلق

والليمون على الريق زين للي فيه بلغم ومشاكل بالصدر

بس يكون عصر طازج بدون تضيف له سكر او ماء

والزنجبيل تقدر تحط معه شوي زعفران عشان اللون ويطعم


تدفو تدفو

ترى البرد اذا دخل بالركب مايطلع

[يد النجر]

ابو سعود ..

كل عام وانت بخير ..

http://www.tdwl.net/vb/showthread.php?t=217177

سير علينا في الرابط هذا ..

الشباب كلهم متجمعين فيه .. وكل واحد حاط لنا دبره للوقايه من البرد ..

والله يحييك معهم تراحيب السيل والمطر ..

[قطير البان]

عليكم بالزنجبيل الطازج الي يبشر ويغلى يسوى مثل الشاهي

وتعصر قطعة ليمونه صغيره معاه

الليمون زين يسلك الحلق

والليمون على الريق زين للي فيه بلغم ومشاكل بالصدر

بس يكون عصر طازج بدون تضيف له سكر او ماء

والزنجبيل تقدر تحط معه شوي زعفران عشان اللون ويطعم


تدفو تدفو

ترى البرد اذا دخل بالركب مايطلع



و الله عندنا نشمي بالاستراحة كل ما جينا قشر لنا الزنجبيل و غلاه مع الحليب :) الله يجزاه الخير

يبي لكـ إذا فضيت يوم تمر علينا تقهويكـ

[darkgreen]

البرد ضيف يعود في كل سنة ولكن يثقل دمه في بعض الأزمان لحكمة يعلمها الله

[رالي بعارين]

البرد مع ثقل دمه بعض الأوقات يضل أفضل من الصيف بكثير