محاوره بين الأجنبي وبين السعودي

[الخيَّال]

محاوره بين الأجنبي وبين السعودي
بخصوص سوق الأسهم السعودي


السعودي
يا مرحبا بالاجنبي يوم شرف
في سوقنا طب وتخير تصرف
عندك رقم سري وعندك معرف
والسوق زين وكل مطرود ملحوق


الأجنبي
امي تقول ابعد عن اهل الدسايس
وانته نفر مزبوط مررررة ونايس
رواتبك بتضيع في سوق خايس
والسوق زين وكل مطرود ملحوق

السعودي
بكرة بعد تشري ولا حد يغشك
وتشوف شغالة كفيلك ترشك
ومن بعدها يا طير ترجع لعشك
والسوق زين وكل مطرود ملحوق

الأجنبي
لي عندكم عامين رابط معاشي
ان كنت شايفني بعينك ولاشي
ابشتري سابك وارش المواشي
والسوق زين وكل مطرود ملحوق
السعودي
حتى ولو كانت قروشك شوية
جبنا لك الاسعار مثل الهدية
نخاف لا ترفع علينا قضية
والسوق زين وكل مطرود ملحوق

الأجنبي
صحيح لكن الرخيصة رخيصة
لا تدخلونا في مشاكل عويصة
اللي غشيم تبيعونه قميصه
والسوق زين وكل مطرود ملحوق
السعودي
الوقت ماهو وقت تحليل فني
يا الشيخ بن كومار خيبت ضني
لا تسحب لساني ولا تمتحني
والسوق زين وكل مطرود ملحوق


الأجنبي
والله لو ما اخاف يقطع لساني
لا اقول عما صار واظهر جناني
يوم الربوع في اخر اربع ثواني
والسوق زين وكل مطرود ملحوق
السعودي
ان كان تبغى العافية والسلامة
وتعود عند اهلك بثوب وعمامه
ابعد عن الموضوع عيش بكرامة
والسوق زين وكل مطرود ملحوق

الأجنبي
هذا موشر لازم يقفل اخضر
والشركات الثانية تنزل اكثر
حتى تتوب ويصبح نهارك اغبر
والسوق زين وكل مطرود ملحوق



للشاعر

محمد بن حوقان المالكي

[الهـــــدب]

صح الله لسان الشاعر ..

وخذ هذي معك للشاعر ناصر الاحمري


إنفجر ياسوق الأسهم وأنـت هافـي = أسهمـك يالسـوق طلـقـات وقـذايـف
بيّـن الله سّـرك الـلـي كــان خـافـي = مرجـفـه ومطبّـلـه والـعـرض زايـــف
فـاهـم وفـاهـي وكـــذابٍ ووافـــي = ماأسهل الروحه وياصعـب النكايـف
بيـع وإلقـط مـن تحـت بـارد ودافــي = محفـظـة نــواف مــن تـدبـيـر نـايــف
صالـه وشاشـه عليهـا الـكـل لافــي = ترتـفـع مــن بابـهـا كــل الـكـلايـف
أهـل الأسهـم كنّهـم وقــت التـلافـي = عاطليـن وسمـعـو بـطـاري وظـايـف
بعضهـم مايـدري انّـه وصـل حـافـي = غيـر هـذي البورصـه ماهـو بشايـف
الـتـداول يجـمـع سـمـان وضعـافـي = وأسهـمـه فيـهـا ثقـيـلات وخفـايـف
أسهم السـوق السعـودي الإحترافـي = من مصايفنا خـذت بعـض الوصايـف
سهـم سابـك قادهـا دون إختـلافـي = مثـل مـا الطايـف عـروسٍ للمصايـف
بورصتـنـا جـوهـا غـايـم وصـافــي = أوديتـهـا ويــن عــن روس النـوايـف
المـواشـي نسّـبـت يـعـنـي عـوافــي = والـدسـم منـهـا ونسبتـهـا نـشـايـف!
وأسـهـم مـبـرّد مضاربـهـا سنـافـي = مايـعـلّـق مسـتـضـيـف إلا بـضـايــف
والـزراعـيـات زرع ولـــه قـطـافــي = الله الله لايـحــوف الــــزرع حــايــف
والجماعي مركـب صغـار الكوافـي = ماهـو بكـايـف ولا مـشـراه كـايـف
ياسـلام الله عـلـى سـهـم المصـافـي = عنـد ممنـوع التجـاوز جــاك طـايـف
يـاتـداول سامـبـا وشفـيـك جـافــي = مـاتـنـفّـذ لـــــي لـعــلّــك لـلـتـلايــف
دعـم سهمـي نقطتـه فيهـا إلتفـافـي = لان وســط الـسـوق حرّيـفـة لـفـايـف
هيئتـك ياسوقـنـا فيـهـا إرتجـافـي = مـادرو بالـلـي يـحـط الـفـور فـايـف
سببـو سكّـر وضغـط مــع النكـافـي = والشـلـل كـلّـي ولاهــو بالنـصـايـف
ذي سوالفهـم مــع ســوق التجـافـي = قابـلـوه وجّـربـو طـعــم الحـسـايـف
أشغلـونـي السهمـجـيـه يامـعـافـي = فــي قـنـاه ومنتـديـات وصـحـايـف
فايروس الأسهم عجز عنه المكافي = خدمـة مباشـر تخلـي السـوق لايـف!
مجتمعنـا سهمجـي والـنـور طـافـي = طـايـفـه متـمـيـزه بــيــن الـطـوايــف
يأمن من اللون الأخضر مـن يخافـي = ويتـروّع لـو يشـوف أحمـر شفـايـف
هرجهـم كلـه تنـافـي فــي تنـافـي = ماأدري إش مترادفـاتٍ مـن ردايـف
طرف عيني ياهل الشاشـات غافـي = وخاطـري للبورصـه كـاره وعـايـف
الله يـبــل الـنـحـر بـعــد الـجـفـافـي = قـاسـم الأرزاق مـمّـن كـــل خـايــف
أمـا أنـا برضـاي سجّلـت إعترافـي = الأسهم ونفسـي حشـا ماهـم ولايـف
بصمة إبهامي علـى مرسـوم قافـي = وصـف جدّيـات فـي بــاب الطـرايـف

[اشراقة قلم]

http://www.alfrasha.com/up/1281496742442961352.gif


كل ما أصدر ابو متعب قــــــــرار =أخفسوا بالسوق من سو العمـــل
قصدهم يمحون من قلبي الــوقار=ومن قلوب الشعب يمحون الأمل
يدخلون السوق ساعات العمـــار =ويهبدونه هبدة ابيــــــــوت النمـل
أهدموا الأسواق وعاثوا بالدمار=فعلهم مايفعله ثور(ن) ثمـــــــــل
أعرفوا مهما فعلتوا بقـــــــــتدار =حب أبو متعب بقلبي مكـــــــــتمل
:)
http://home.att.net/~scorh3/Flower04a3.gif