سؤال الي بيسدد كامل "القرض " للبنك الراجحي هل تخصم كامل فوائد السنوات المتبقية ؟؟

[مسؤول متقاعد]

عندي سؤال


الان لو فرضنا الواحد اخذ قرض من الراجحي بـ 100 الف ريال على 10 سنوات بمرابحة 6%

يعني بيطلع اجمالي المبلغ المستحق عليك هو 160 الف ريال بواقع 6 الاف فائدة كل سنة يعني 60 الف ريال فوائد



طيب لو فرضنا انا واحد بعد مرور سنتين بغى يسدد القرض كامل

فهل تخصم فوائد الثمان سنوات المتبقية ام لا ؟؟


اتمنى الي عنده خبر يفيدنى ؟؟

[الـونيس$]

لااااااااااااااااااااااااااااااااااااااااااااااااا اااااااااااااا

اذا خصموا لك من فوائد الثمان سنوات المتبقية 1000 ريال انت محظوظ ..!!

ماراح يخصمون لك ..!!

اسأل مجرب ..!!

[ابو زياد رفحاء]

طيب اخوانا احد يفيدنا عن القروووض كم يعطونك يعني كم راتب؟؟؟؟

[نايف النايف]

بتالنسبة للراجحي مدري


بس غيره


الجواب نعم

والله أعلم

[mr_altmeme]

الراجحي ما يسوي لك أي خصم ولو تسدد بيديك ورجليك

واحد من الشباب سبق واقترض منهم ولما تيسرت أموره

رفضوا يعطونه أي خصم ولا حتى هللـــــة

بالنسبه للبنك البريطاني سوالي خصم

والله لايحوج احد لمنتهم

[المهندس وليد]

اعرف واحد اخذ من بنك الرياض ..

وفي بنك الرياض عندهم حسبة غريبة ..

حسبوا عمولتهم لثلاث سنوات وجعلوها في الاشهر الاولى كبيرة ..

يعني نفرض ان القسط الشهري 2000ريال ..

في الشهر الاول ياخذ البنك 1200 ريال من عمولته 800ريال تسديد للقرض

وفي الشهر الاخير ياخذ البنك 100 ريال فقط من عمولته 1900 تسديد للقرض ..

يعني لو تبي تسدد السنتين الاخير مثلا تلقى خصم عمولتهم بسيطة جدا ..