متابعة تداول الخير ليوم" الاثنين 28/ 6 / 1427 هـ الموافق 24/ 7 / 2006 م "

[عبدالله العلي]

اقول

ينفع أتداول من خارج المملكه ، أقصد شبكتهم تتوقعون سريعه :D

يعني ممكن يمشي معي موقع البنك ولا برضه يعلق :)


إذا ( نعم ) خلاص بمشي

[القـرم]

وصلت الرساله بارك الله فيك ..
صافولا = تسولف مع اسهم السيارات واسهم اليمامه الان ..
.
ممكن توضح يالغالي...

[مطفر افندي]

ثبات السوووق عجيب


بعد الثبات

ياصعووود محترم

ياهبوط محترم

وش تتوقعووون

[سفينة حرب]

كومااااااااااااااااااااااااااااااااااااااااندر وش السالفه يالذيب؟؟

أنا وباقي الجيش رحنا نفطر قريب وجينا ولقينا الدنيا معفوسه !!!!!!!!!!!!!!!!!!!!!!


النصيحه؟؟ للي متعلقين ومركبين لمبات ؟؟

[ابو الاشجان]

السلام عليكم ورحمة الله وبركاته


اسعد الله صباحكم باليمن والمسرات وسوقكم اخضر ان شاء الله
تحياتي للجميع :dinmt:

[قـرناس]

بالعكس الغيت امر وحطيت امر وماشي حاله
جرب اطلع وارجع من ثاني اخر الحلول

أكتشفت أن الأوامر المجمده لايمكن التعديل بها .. بينما الأومر الجديده يمكن التعديل فيها وماشيه تمام .. هذا في الفرنسي .

[الأميره]

حسبي الله عليهم

[يــوســف]

تمسكوا احس ان الاوامر بتقبل جميعها ونقفل نسبة فوووق

[أبو عبدالهادي]

الأوامر اللى من بدري لا تقدر لا تحذف ولا تعدل

لكن لو حطيت أمر شراء ثم قمت باللغاء يقبل

عجبي على هذه المهزله

[دافور.نت]

عند 10900 وحبتين يتكون عندنا نموذج ايجابي للمؤشر!!




وقولو مجنون ... فية شركة بتقفل نسبة اليوم ،،، ماني قال اسمها على شان ماصير مطبل




بالتوفيق للجميع

[الزعيــــــم]

ايها السادة المحللين

انني ومن هذا المنبر اقدر ابيع واشتري

سامبا عندي شغال عال العال

وش رايكم وش فيه شركه ناخذ فيها قاسمة الله

والا يتعلق امرنا معكم ونصير في الهوا سوا

[حظ نمله]

اقول

ينفع أتداول من خارج المملكه

يعني ممكن يمشي معي موقع البنك


إذا ( نعم ) خلاص بمشي




ينفع واحلا من اتصالنا اسئل مجرب a6 a6 a6

[khalid M]

امووووون او لا ما امووووون

الا تمووووووووووون ونص نايف

[سلطان الحزن]

يافرحه ماتمت يوم حطيت السيوله كلها علق من جديد الفرنسي الله يلعنه

[merit-55]

ثبات السوووق عجيب


بعد الثبات

ياصعووود محترم

ياهبوط محترم

وش تتوقعووون
السوق بخير ان شالله

[المستعين بالله3]

اخي ابوحنيين مارأيك في مكة عندي سيولةوودي اطب فيها والا اتركد احسن حفظك الله

[السهـــــم]

بوجوودك طال عمرك :crct:




الا وينك بجلسة العصرية مالك شوفة:crhod:


لا يكون مستلم خفارة:D :D

انا غير متواجد لا في الفتره الصباحيه ولا العصريه

وش معنى تسأل عن فترة المساء :D

ولكم وحشة يا اعضاء تداول لكن الظرووووف تمشيك مثل( الألف) :D

[يد النجر]

ممكن توضح يالغالي...


القرم بارك الله فيك ..

اقصد ان اسهم صافولا لا يمكن التفريط بها ابدا ..

هي واسهم اليمامه واسهم السيارات ..

[مــــــــــــــــــاريه]

بوجودك منور يالغالي وماشأالله شاد حيلك في المشاركات عساك على القوه

يالغالي


موفق


اهلين ابو حنين a4 منورالمتابعة

[نايف 2005]

اهلين اخي نايف

إن شاء الله جني ارباح ومن ثم يعود

والمفروض ان الواحد منا يحصل رزقه اول بأول

لا ينتظر من الهوامير ان يرفعو له السهم

علشان ما يتعلق

مثل ما انا متعلق في خمس شركات (حسبي الله عليهم)

ويحط رقبته في ايدي الآخرين

وتحياتي لك ولجميع الزملاء


بــارك الله فيك اخي

[سلطان الحزن]

أكتشفت أن الأوامر المجمده لايمكن التعديل بها .. بينما الأومر الجديده يمكن التعديل فيها وماشيه تمام .. هذا في الفرنسي .
لا انا الغيت امر قديم
وسويت امر والغيته وسويت امر وعلق :fly:

[أبو عبدالهادي]

أكتشفت أن الأوامر المجمده لايمكن التعديل بها .. بينما الأومر الجديده يمكن التعديل فيها وماشيه تمام .. هذا في الفرنسي .

هذا بلا بوك يا عقاب

[مطفر افندي]

بونوره

ريح بالك

وحول فلوووسك عندي

وروح برا المملكه وكلمني على الجوال واطلب اللي تبغاه وانا انفذه

وش رايك

هههههههههههههه

[khalid M]

سبحان الله وبحمده سبحان الله العظيم

[سوارالمجد]

نقاط الشراء

10850

10870

للمضارب السريع

[سلطان الحزن]

السهم جاب السعر الي طلبته فيه ولا نزل الامر معلق ارسال جديد
اهي اهي اهي

[fgs]

بصراحه اللي اشوفه الان

السوق اللي ناقصه السيوله فقط للصعود
ما يبون حسبي لله عليهم

اسعار ولا في الاحلام

a4 a4 a4

[السهـــــم]

اخي ابوحنيين مارأيك في مكة عندي سيولةوودي اطب فيها والا اتركد احسن حفظك الله

توكل على الله

الأن اشتري كميه على 78 او 77.75

اذا كسر او اخترق 78.5 بقوه زود حبتين بعد

اجني ارباحك اذا انك مضارب على نقاط السهم

82 اذا كسرها نقفل القاب على 85 يكون ممتاز لجني الأرباح

السهم بإذن الله للمستثمر فيه خير كثير

المضارب يمشي على نقاط السهم

موفق

[السيل الهادر]

السلام عليكم
وش السالفه
كنت نائمه توني اصحى
حصلت السوق توت
يعني اغيب شويه احصل السوق ملعوب فيه
يعني بلاشي ننام
هل طفوا الكهرباء مره ثانيه والا وش صار بالضبط
افيدوني
اللي صار طال عمرك بعض البنوك مسلفين هيئة السوق عداداتهم اليوم

[القـرم]

القرم بارك الله فيك ..

اقصد ان اسهم صافولا لا يمكن التفريط بها ابدا ..

هي واسهم اليمامه واسهم السيارات ..

مشكور .... يالغالي

[نايف 2005]

الا تمووووووووووون ونص نايف


طيب وش فيك معصب وحاط عشرين واوا

[ام ماجد]

السوق يشبه العاب الربورت

يسر خطوه ويعلق الظاهر البطارية فاضيه

[أبو عبد الملك *]

بصراحه اللي اشوفه الان

السوق اللي ناقصه السيوله فقط للصعود

فعلا صح
وقلة السيولة من خربطة البنوك

[ياتصيب ياتخيب]

بصراحه اللي اشوفه الان

السوق اللي ناقصه السيوله فقط للصعود

السيولة غريب وضعها


الساعه 11:10 كانت بحدود وال3 مليار وعليها


والآن حوالي ال4 مليار والساعه 11:35


ربما لاعطال البنوك دور في المشكلة وعدم دخول وتنفيذ الاوامر


يقولون المحافظ ابو 1000000 الف واقل يوقوفون عنهم التداول اذا فيه اعطال فنية


لا ادري ولكن اليوم السوق نايم ولا ادري ولكن ان شالله دخول سيولة تحركه

[السهـــــم]

اقول

ينفع أتداول من خارج المملكه ، أقصد شبكتهم تتوقعون سريعه :D

يعني ممكن يمشي معي موقع البنك ولا برضه يعلق :)


إذا ( نعم ) خلاص بمشي

حياالله ابو نوره

يمديك يالغالي بس لازم تمد سلك من خارج المملكه :D

[خالد بن عبد اله]

الكهرباء خروووووج وأقرأو

التقرير اللي يثبت كلامي



http://www2.f900f.com/pic/f900f.com_06051413074256588.jpg


هههههههه :D
هذا خطاب تحفة " تحفة " أضحك الله سنك و الله فطست من الضحك "

[قـرناس]

لا انا الغيت امر قديم
وسويت امر والغيته وسويت امر وعلق :fly:
جرب الآن .. عادت المشكله ..

أمرنا لله .

[gram2005]

يافرحه ماتمت يوم حطيت السيوله كلها علق من جديد الفرنسي الله يلعنه






:608: :608: :608:


لاتلعن

[يد النجر]

السيوله اربعه مليار فقط ..

باقي حوالي 23 دقيقه على التداول ..

[يــوســف]

انا غير متواجد لا في الفتره الصباحيه ولا العصريه

وش معنى تسأل عن فترة المساء :D

ولكم وحشة يا اعضاء تداول لكن الظرووووف تمشيك مثل( الألف) :D

والله ياخوك اغلب متابعتي مساااائيةa6

وفاقدينك بصرااااااحة:607:


لكن الغايب عذرة معه:D


اقول لتنا نصير مثل الالف:D

وين ما تروح دربك خضر ونحن في الخدمة ونا خوكa5

[ام ماجد]

وصلنا 4 مليار

بعد باقي من الفترة الصباحية 23 دقيقة

[khalid M]

طيب وش فيك معصب وحاط عشرين واوا
شكلي عصبت بجد
ترى بطلع عليك من الشاشه
خلني افطر ونتفاهم
خخخخخخخخخخخخخخ

[حظ نمله]

ما تشوووووفووووووووون شر

[حمد الناصر]

ياسلام يعني مافيه الا انا واهل سامبا نلعب بالسوق على كيفنا
نشتري ونبيع وماعندنا احد
وبين الفترتين بيصلحون الوضع ويصير محفز للسوق زي سالفة الكهرب
هههههه

[مــــــــــــــــــاريه]

ليه مكتوب تحت اسمي نكته
الرجال قال اشتروا وماشفنا الا غباره هههههه:fly:


يقطع ابليسك قصدي دمك خفيف a6

[سلطان الحزن]

:608: :608: :608:


لاتلعن


ابشر وعلى ذا الخشم
العذر والسموحه طال عمرك
لكن من القهر والله

[السهـــــم]

اهلين ابو حنين a4 منورالمتابعة

هلا والله امامه بوجودكم

ماشأالله عليكم متابعين اول بأول :509:

[الغرررريب]

[القيمة المتداولة 4056501194
الأسهم المتداولة 66022851
عدد الصفقات 109520
عدد الشركات المتداولة 81
عدد الشركات غير المتداولة 0
أسهم ارتفعت 16
أسهم انخفضت 60
أسهم على حالها 5

[يد النجر]

مبروك النسبه يا اهل السمك ..

[هراسي]

واكد الواكد على الأقتصادية يقول السوق بيجني ارباح حتى 10500 ومن ثم سيقفل السوق اخضر 11120 والرجل متابعه من فترة والقناة بصراحة لو استمرت بهذا المستوى مع التحسين ونوعية الضيوف ستسحب البساط من بقية القنوات ،، رايكم ؟؟


لو سمحتو كم تردد القناة على اي قمر لاتبخلو علينا

[مطفر افندي]

على فكره

الفرنسي

يطلع لك ( ارسال جديد)

ولكن امرك يكون موجود في السوق

تابع امرك في مباشر

[السهـــــم]

والله ياخوك اغلب متابعتي مساااائيةa6

وفاقدينك بصرااااااحة:607:


لكن الغايب عذرة معه:D


اقول لتنا نصير مثل الالف:D

وين ما تروح دربك خضر ونحن في الخدمة ونا خوكa5

تسلم والله والحمدلله على كل حال

بس ابشر اي فرصه تجيني بدخل المتابعه جناح ايسر :D

[الحاضر]

بصراحه قطاع الذهب هو القطاع الزراعي

[الخــالــد]

السلام عليكم ورحمة الله وبركاته

[سفينة حرب]

وش السالفه يا أهل الكيمو ؟؟ وين الجيش؟؟ أحسكم الفررررررررررررررررررررررررررركه


وهل الغاز للمتابعه عند 49 ؟؟ نتابع ؟؟

[سلطان الحزن]

قسم بالله صرنا مسخره
مره يعلقون ومره يقبلون وبعدها يرجعون يعلقون وثم يقبلون
ماصار سوق اسهم سوق حراج
على العموم اخر امر عندي قبل والله يستر من تواليها

[يد النجر]

السلام عليكم ورحمة الله وبركاته


عليكم السلام ورحمة الله وبركاته ..

حياك الله اخوي ..

[@ابومحمد@]

أكتشفت أن الأوامر المجمده لايمكن التعديل بها .. بينما الأومر الجديده يمكن التعديل فيها وماشيه تمام .. هذا في الفرنسي .

:601: :601: :601: :601: :601:

وكذالك الجزيره الان ينفذ الاوامر الجديده وتستطيع التعديل

ولكن الاوامر التي ادخلت عند الافتتاح لا تستطيع ان تلغيها او تعدلها

موضف البنك اتصلت عليه لالغاء الامر وقال لا نستطيع الغا الاوامر التي ادخلت اثنا تعطل النظام

قلت له والحل قال ننتظر الى قبل تداول الفتره المسائيه وان شاء الله تحل المشكله!!!!!!!!!!!

[gram2005]

http://www.3z.cc/sml/45/015.gif (http://www.3z.cc/sml)

[حمد الناصر]

مبروك النسبه يا اهل السمك ..

يقولون ان الهوامير بيشربون موية البحر عشان ينزلون السهم
صحيح الكلام هذا

[السهـــــم]

وصلنا 4 مليار

بعد باقي من الفترة الصباحية 23 دقيقة

ماشأالله السيده ( ام ماجد ) هنا

كيف حالك وخبرينا عن الوالده عساه بخير وصحه

[اخر ثلاث ثواني]

قد الله علي وشريت مبرد 79.5 ونزلت ابيع اواصبر للعصر

[يــوســف]

تسلم والله والحمدلله على كل حال

بس ابشر اي فرصه تجيني بدخل المتابعه جناح ايسر :D
ابشر بالتعزيزa5

فرق الكوماندز جااااهزة:D


اقول الهيتك عن متابعة السوق هه:D

دربك خضررررررa4

موفق يالغااالي

[السهـــــم]

أستأذنكم بالخروج

موفقين

[يد النجر]

يقولون ان الهوامير بيشربون موية البحر عشان ينزلون السهم
صحيح الكلام هذا


السمك .. كلام كبير ..

وهذي ثالث نسبه ..

[نايف 2005]

شكلي عصبت بجد
ترى بطلع عليك من الشاشه
خلني افطر ونتفاهم
خخخخخخخخخخخخخخ


هذا وقت فطوووووور الله يهداك
هذا وقت غداااااااء
لكن انتم يالعزوبية مشكلتكم مشكلة

[مطفر افندي]

10850


نقطه تحاول اثبات وجودها


ان شاء الله تصمد ومايقدرون عليها


لنرى الانطلاق باذن الله

اعجبتني النقطه

[دافور.نت]

مبروك النسبة ياسماكيين !!



باقي وحدة في الطريق بإذن المولى



والسوق اخضر بإذن المولى ايضاً





بالتوفيق ،،

[الشيحان99]

الصاعقــــــة



أين أنت


فرق المغامرين


على كامل الأستعـــــــــــداد


لعمل هجوم تكتيكي بري وجوي

[السهـــــم]

ابشر بالتعزيزa5

فرق الكوماندز جااااهزة:D


اقول الهيتك عن متابعة السوق هه:D

دربك خضررررررa4

موفق يالغااالي

الفلوس وصخ دنيا يالغالي

والأخوه خير من ريال مشقوق :D

عزيز وغالي

مع السلامه

[قـرناس]

:601: :601: :601: :601: :601:

وكذالك الجزيره الان ينفذ الاوامر الجديده وتستطيع التعديل

ولكن الاوامر التي ادخلت عند الافتتاح لا تستطيع ان تلغيها او تعدلها

موضف البنك اتصلت عليه لالغاء الامر وقال لا نستطيع الغا الاوامر التي ادخلت اثنا تعطل النظام

قلت له والحل قال ننتظر الى قبل تداول الفتره المسائيه وان شاء الله تحل المشكله!!!!!!!!!!!
مشكور على التوضيح .. والله لو أنني في منصب التويجري للقنت المتسبب درساً لن ينساه حتى لو كان من يكون .

[gram2005]

نستودعكم الله


سبحانك اللهم وبحمدك لاله الا انت استغفرك واتوب اليك




























































http://www.3z.cc/sml/45/017.gif (http://www.3z.cc/sml)

[د/ كيف]

اثبت حاجز 10850 قوته رغم قل السيوله

[ســـردين]

السوق موعود مساء بالخير

تفاؤلوا بالخير وابشروا به

ان شاء الله

[نايف 2005]

فــي أمان الله وتحية للجميع

تحية خااااصة لقائدنا المبجل


(( الصاعقة )) الحاضر الغائب


الله يوفق الجميع

ال 5 مليار سنشاهدها ان شاءالله صباحا

[حمد الناصر]

السمك .. كلام كبير ..

وهذي ثالث نسبه ..

الله يرزفهم ان شاء الله ونسب الى اخر السنه

[السهـــــم]

اثبت حاجز 10850 قوته رغم قل السيوله

توصيني شي يادكتور انا ماشي يالغالي

[#ALHARBI#]

اثبت حاجز 10850 قوته رغم قل السيوله
السلام عليكم
رأيك بالفتره المسائيه
لو تكرمت

[حمد الناصر]

السهم شو راااااااايك بمكه الان

[د/ كيف]

توصيني شي يادكتور انا ماشي يالغالي


تسلم يابو حنين صديقي :)

والله يسمح دربك وين ما رحت

[دافور.نت]

صعود المؤشر فوق 109000



ايجابي جداً


لنا موعد مع النسب مساء




السوق فوق اليوم بإذن الله


الله لا يخسر مسلم

[حمد الناصر]

توصيني شي يادكتور انا ماشي يالغالي

تعااااااااااااااااااال هنا يابويا
ايش رايك بمكه الان

[يــوســف]

الاقفااال بإذن الله اخضر



الغذائية شيل بالشيول

نرااااااااقب

[الحاضر]

كريم يالقطاع الاخضر :)

[السيل الهادر]

سحب على حاااااااااااااااااااااااااايل الان 49.75

[د/ كيف]

السلام عليكم
رأيك بالفتره المسائيه
لو تكرمت


نقول طلوع باذن الله

[مطفر افندي]

المضارررربين



لايغيب عن عيونكم الخزف في العصر


اعجبني اداء السهم

تابعووووه

[الزعيــــــم]

يا شباب عندي ثلاث ارباع سيوله
وربع اسهم
وش تنصحون ادخل

شكل السوق رجع وبيخضر ان شاء الله

وش ترون في السوق فرصه حلوه والمسئولية علي

[khalid M]

الاسماك

يحب مقوله خااالف تذكر

عنده مسكات عجيبه

يحبها قلبك

[السهـــــم]

السهم شو راااااااايك بمكه الان

هلاوالله حياالله الرجال

قلنا ممتاز

تشكيل دعم الأن على 78.25 استعداد لكسر 78.5 مره اخرى

اختراقها يعني بإذن الله 82 نشوفها بإمكانك المضاربه فيه

في حال عدم كسر النقطه الأنفة الذكر ( :D )

راقب 76 اصبحت مقاومه قويه يجب عدم كسرها

وبإذن الله لن يكسرها

موفق

[الخــالــد]

صار لي ساعه متعلقه اوامري كلها :)

[حمد الناصر]

ياجماعه ماتشوفون ان سهم البحري قوي حبتين

[almohammad]

وش رايكم في الدريس أو القصيم الزراعية ؟

تكفون أحد يجاوب ؟

[الشاهري]

أسباب قلة السيولة

تعطل الكثير من البنوك

ربما الفترة المسائية تتضاعف السيولة إن تم تشغيلها

والله أعلم

[khalid M]

كريم يالقطاع الاخضر :)

حبي للك اكبر من جميع التواصيف ***** حبي للك اكبر من كلام يقااالي

[يــوســف]

غذااااائية للمتااابعة اللصيقة الرجال ناوي النسبة قبل الاقفال

شوفوا طلباتة

[الأميره]

الحمد لله كان النوم راحه
اثاريه السوق نائم كمان

[سفينة حرب]

أيها الجيش الذي مع جنبها .. هل الكيمائيه للبيع عند 43.25 ؟؟

والوعد العصر ان شاء الله شيل من تحت؟

[السهـــــم]

تسلم يابو حنين صديقي :)

والله يسمح دربك وين ما رحت

تسلم يالغالي وراقب مكه تحصل خير بإذن الله

موفق

[مــــــــــــــــــاريه]

وين االــــــــــــــــــــقائد الصاعقة a6

بصراحة بقيت اصكك بعين انك نايم بس اشوى اني نايمة البارح شوي بدري

وش اخبار نما طلبتها على 50 وعلق الفرنسي

عدل ولا اغير الطلب

اخت اميرة وش اخبار فتيحي معك a5

[khalid M]

ان شاءالله حائل يعاانق النسبه اليووم
بمشيئه الله تعاالى

[khalid M]

حسبي الله على مضارب الجين
كئنه يغث

بس هين

[يد النجر]

الاسماك

يحب مقوله خااالف تذكر

عنده مسكات عجيبه

يحبها قلبك


السهم فيه خير ..

بس يبي له واحد يعرفه زين ..

[حمد الناصر]

هلاوالله حياالله الرجال

قلنا ممتاز

تشكيل دعم الأن على 78.25 استعداد لكسر 78.5 مره اخرى

اختراقها يعني بإذن الله 82 نشوفها بإمكانك المضاربه فيه

في حال عدم كسر النقطه الأنفة الذكر ( :D )

راقب 76 اصبحت مقاومه قويه يجب عدم كسرها

وبإذن الله لن يكسرها

موفق

تسلم حبيب قلبي سوقنا مخربها اليوم وانا بعد ههه
قصدك 76 دعم
وكل شوي يكسر 78.50 بس يتراجع عند ال80
بصراحه مسألة الكميات هذي مسببه لي قلق (تحوووووسني)

[الحاضر]

المضارررربين



لايغيب عن عيونكم الخزف في العصر


اعجبني اداء السهم

تابعووووه


اخوي مطفر باقي تضارب في الخزف !!!

ما شاء الله عليك عطنا علومه على دربك a6

[د/ كيف]

تسلم يالغالي وراقب مكه تحصل خير بإذن الله

موفق


تسلم يالغالي

:)

[bosaleh]

مع السلامه وأشوفكم بالمساء على خير
المضارب اليومي يكون حذر

[merit-55]

وش رايكم في الدريس أو القصيم الزراعية ؟

تكفون أحد يجاوب ؟
الدريس

ان شاالله فيها خير

[الأميره]

لمن سأل عن فتيحي
فرصه نائمه
سترونه محلقا قريبا

[ابوتركي k]

مدري هذا وقت شراء والا اية الحكاية؟!!!!!!!!!!!

http://www.l22l.com/l22l-up-4/1c4c47542e.jpg

[قطب الورد]

صعود المؤشر فوق 109000



ايجابي جداً


لنا موعد مع النسب مساء




السوق فوق اليوم بإذن الله


الله لا يخسر مسلم



109000

:501: :501: :501:

مع السلامه نشوفكم على خير

[ياتصيب ياتخيب]

البنوك لعبتها صح

[ام ماجد]

ماشأالله السيده ( ام ماجد ) هنا

كيف حالك وخبرينا عن الوالده عساه بخير وصحه

حياك الله اخي ابو حنين

الحمدالله الوالده بخير شكرا لسؤالك

[المتنومس]

الكهرباء خروووووج وأقرأو

التقرير اللي يثبت كلامي



http://www2.f900f.com/pic/f900f.com_06051413074256588.jpg



قد اعذر من انذر

[الشاهري]

يا أعزاء

من أراد أن يضارب فليضارب في شركة أو شركتين ويستمر معهما كل يوم حتى يحفظ اسلوب المضارب

أما التنقل بين الشركات فهي طريقة خاطئة في المضاربة والخسارة فيها أقرب من الربح

[السهـــــم]

تسلم حبيب قلبي سوقنا مخربها اليوم وانا بعد ههه
قصدك 76 دعم
وكل شوي يكسر 78.50 بس يتراجع عند ال80
بصراحه مسألة الكميات هذي مسببه لي قلق (تحوووووسني)

مؤشر الإستوكاستك ممتاز

والسهم في مناطق تجميع ممتازه

مؤشر تدفق السيوله متوسط

والقوه النسبه متوسط

والسهم ارتد من دعم تاريخي 70

يعني كبر الوساده موفق

[الحاضر]

حبي للك اكبر من جميع التواصيف ***** حبي للك اكبر من كلام يقااالي


انا اقصد القطاع الزراعي مو المنتخب :D



وينك طاب ياذيبان في اي من مناطق الممكله a6

[د/ كيف]

استاذنكم

في امان الكريم

[حمد الناصر]

لمن سأل عن فتيحي
فرصه نائمه
سترونه محلقا قريبا

الله يالدنيا صار فتيحي فرصه منسدحه قصدي نايمه
عجبي......سلميلي على قروبات باشا افندي

[يد النجر]

سبحانك اللهم وبحمدك .. اشهد الا اله الا انت .. استغفرك واتوب اليك ..

الصلاة الصلاة وما ملكت ايمانكم ..

[نوافN]

الله يسهل الفتره الثانيه>>>>>>>>>>>>>>>>>>>>>>>>>>>

[موسى789]

في امان الله

سبحانك اللهم وبحمدك واستغفرك ربي واتوب اليك0

[نوووووف]

حياك الله اخي ابو حنين

الحمدالله الوالده بخير شكرا لسؤالك

نرجو التركيز على المتابعة اليومية و عدم الخروج عن الاسهم

تبادل التحايا و الاطمئنان على الاهل و الاصدقاء سيحول المتابعة اليومية للشات كتابي

لا اقصد الاخت ام ماجد فهي ثرية بمواضيعها المهمة لكن اتكلم بشكل عام :)

[الأميره]

سيوله تعبانه
ان شاء الله يعوضنا الله في الفتره
المسائيه

[د. أحمد الخضير]

تقليعه جديده
هل وصلت لكم
رسائل الجوال
لأداره المحافظ صار فيها
اسلوب يدل علي غباء من يديروا هذه المحافظ

أمثله
اداره محافظ 5 مليون فما فوق الأرباح 30 % ونتعهد .

اداره المحافظ دبل راس مالك خلال شهرين .

ندبل راس المال خلال 45 يوم .

والرساله العجيبه

الاتصال فقط للمفاهمه علي كيفيه نستلم المحفظه وليس لأستفسارات أخري a5

اترك هذه الرسائل لتعليكم ورائكم المبجل .

[مطفر افندي]

اخوي مطفر باقي تضارب في الخزف !!!

ما شاء الله عليك عطنا علومه على دربك

الحاضر والله السهم جيد

واليوم كان ثابت والشراء واضح فيه

ويعجبني فيه سرعة انطلاقته
وقلة طلباته وعرضه يعني تقدر تشرتي بسرعه وتبيع بسرعه مافيه زحمه عليه مثل بعض الاسهم

اتمنى السوق اليوم يعطي ليعطي السهم


ولكن الصراحه

السوق اليوم كله في ضاهره لاحظتها

طلبات كبيره تدعم الاسهم وفجاءه يتم سحبها

[السهـــــم]

حياك الله اخي ابو حنين

الحمدالله الوالده بخير شكرا لسؤالك

لاشكر على واجب

موفقه

[ابو ماجد111]

سبحانك اللهم وبحمدك اشهد ان لا اله الا انت استغفرك واتوب اليك

[نوافN]

السهم فيه خير ..

بس يبي له واحد يعرفه زين ..

وش عنده الله يبارك فيك خسران الى راسه ماعنده غير هالنشمي مضاربه

[حمد الناصر]

مؤشر الإستوكاستك ممتاز

والسهم في مناطق تجميع ممتازه

مؤشر تدفق السيوله متوسط

والقوه النسبه متوسط

والسهم ارتد من دعم تاريخي 70

يعني كبر الوساده موفق

بس ياحوده احرجتني
خلاص طبينا فيه قبل نشوف الاستوكاستيك ههههه
بارك الله فيك يالحبيب

[يــوســف]

الشاهري صح لسانك



بالله رااايكم في طلب الغذائية وش مقصدة 100الف

الان الان

[السهـــــم]

تسلم يالغالي

:)

شوف استهبال راعي مكه

يدري ان المقاومه عند 78.5 طيب هذي وش هي :D

http://www.t7mel.com/Files/32cfe6f0fb.JPG

[ام ماجد]

نرجو التركيز على المتابعة اليومية و عدم الخروج عن الاسهم

تبادل التحايا و الاطمئنان على الاهل و الاصدقاء سيحول المتابعة اليومية للشات كتابي

لا اقصد الاخت ام ماجد فهي ثرية بمواضيعها المهمة لكن اتكلم بشكل عام :)

شكرا على اهتمامك بالمتابعة وان شاءالله ما نخرج عن سياقها

[khalid M]

انا اقصد القطاع الزراعي مو المنتخب :D



وينك طاب ياذيبان في اي من مناطق الممكله a6

اما المنتخب كثر منها
خلاص بطلنا ناقصين فضايح

8
وبعدها
4

والقادم اكثر

نععم اقصد حائل والقصيم وجيزان
حبيبات البي

[الأميره]

تقليعه جديده
هل وصلت لكم
رسائل الجوال
لأداره المحافظ صار فيها
اسلوب يدل علي غباء من يديروا هذه المحافظ

أمثله
اداره محافظ 5 مليون فكا فوق الأرباح 30 % ونتعهد .

اداره المحافظ دبل راس مالك خلال شهرين .

ندبل راس المال خلال 45 يوم .

والرساله العجيبه

الاتصال فقط للمفاهمه علي كيفيه نستلم المحفظه وليس لأستفسارات أخري

اترك هذه الرسائل لتعليكم ورائكم المبجل .

عملية نصب جديده

[khalid M]

سبحانك اللهم وبحمدك واستغفرك ربي واتوب اليك0

[مطفر افندي]

سيوله قليله

فيه خوووف
ولكن فيه ايضا تفائل بالصعود وهذا جيد

ولكن

السوق جيد نوعا ما للمضارب

اسهم خضراء
اسهم حمراء

يعني

تابع سهم وادرس طريقة المضارب
واجلس على السهم وضارب معاهم
انشب للمضارب على الريال والنص ريال
ولاتطمع كثير

تربح ريال اكثر من مره افضل من انك تنتظر وتنتظر وتحرق اعصابك في انتظار نسبه فوووق او ربح كبير

[الشاهري]

الشاهري صح لسانك



بالله رااايكم في طلب الغذائية وش مقصدة 100الف

الان الان

دفاع مستميت عن الغذائية من مضاربها

كلما نزلت وضع طلبات كبيرة

هناك شيء ما يريده

ما هو

الله أعلم

أعتقد يريد النسبة

ولكن الأهم هل يثبت عليها أم سيصرف عليها

أما هو ناويها ناويها

والله أعلم

[صالح سمنودي]

سبحانك اللهم وبحمدك واستغفرك ربي واتوب اليك0

[الأميره]

سبحانك اللهم وبحمدك واستغفرك ربي واتوب اليك0

[مطفر افندي]

سبحانك اللهم وبحمدك واستغفرك ربي واتوب اليك0


في امان الله

نشوووفكم

[يــوســف]

الله العالم انة يريد النسبة

نشوف العصر وش يسوي

مشكوور يالشاهري

نراااكم عصرا
إن شاء الله

[د. أحمد الخضير]

بس ياحوده احرجتني
خلاص طبينا فيه قبل نشوف الاستوكاستيك ههههه
بارك الله فيك يالحبيب

كنت فاكر أنك منينا لكن طلعت مشمنينا :crct:

بوشطبيت علشان نطب بعد العصر :fly:

[almohammad]

توكلنا على الله وخذينا في الدريس ب 170 !

[نجلااء الرياض]

"السلام عليكم ورحمة الله وبركاته"
،،،،،،،،،

[نوافN]

الفرنسي تعبني اليوم بدلت الكيبورد ثلاث مرات ولا اشتغل اثري الماوس خربان " محشش يحاكي خويه "

[نواف334]

مشكورين ياغالين

ان شاء الله السوق في المساء يعطي اكثر

سؤال وش رايكم في اللي حاصل في الكيميائيه

هل هناك حرب بين هامورين ولا ايش السالفه


نوووووووووووواف

[الشاهري]

كنت فاكر أنك منينا لكن طلعت مشمنينا :crct:

بوشطبيت علشان نطب بعد العصر :fly:


وش ها للغة ترى ما فهمت شي هههههههههههههههههههههه

[الصبر حلو]

ان شاءالله حائل يعاانق النسبه اليووم
بمشيئه الله تعاالى


انا عندي احساس انهاااااااااااا نسبة اليوووم

لكن لو طلعت نسبة استعدوووا لتوصيات

مني ,,,,,احم ,,,,,,احم


الله يسعدك دنياااااااااااا واخره

ويرزقناااا ويرزقكم من حيث لانحتسب

[الشاهري]

"السلام عليكم ورحمة الله وبركاته"
،،،،،،،،،


وعليكم السلام ورحمة الله وبركاته

لكن هل هو سلام دخول أو سلاااام خروج ؟؟؟

[حمد الناصر]

كنت فاكر أنك منينا لكن طلعت مشمنينا :crct:

بوشطبيت علشان نطب بعد العصر :fly:

الاخ من وين
هذا لغز ولا بيت شعر ههههههه
ابو حنين يطبل لمكه اليوم ارجع للصفحات الي ورى تلقى تفصيل حول سعر مكه ومقاومته ودعمه
صفحتين بس يمكن ورى يا سوداني كل هذا كسل
مع السلاااااااااامه
انا بصراحه اعجبني البحري وتحت ال42

[مــــــــــــــــــاريه]

سبحانك اللهم وبحمدك واستغفرك ربي واتوب اليك0

[نوافN]

مشكورين ياغالين

ان شاء الله السوق في المساء يعطي اكثر

سؤال وش رايكم في اللي حاصل في الكيميائيه

هل هناك حرب بين هامورين ولا ايش السالفه


نوووووووووووواف

هلا نواف ابرد عليك عشانك سميي اللي حاصل سلمك الله قروب صدق والمعدنيه طلعوا وطبوا في الكيمو بس مايعرفون

مضاربها " انجس مضارب على وجه الارض ياويلك لوتقرب سهمه " الحين يبون يطلعون من السهم فقط وتوبه

[الصبر حلو]

استغفر الله ,,,,,,استغفر الله ,,,,,,استغفر الله

مع السلامة


ودمتم سالمين

[نجلااء الرياض]

وعليكم السلام ورحمة الله وبركاته

لكن هل هو سلام دخول أو سلاااام خروج ؟؟؟




:dinmt: :dinmt: :dinmt:
،،،،،،،،،،،،،،،،،،،،،

[د. أحمد الخضير]

دفاع مستميت عن الغذائية من مضاربها

كلما نزلت وضع طلبات كبيرة

هناك شيء ما يريده

ما هو

الله أعلم

أعتقد يريد النسبة

ولكن الأهم هل يثبت عليها أم سيصرف عليها

أما هو ناويها ناويها

والله أعلم
حسب مرئياتي
المقاومه الأولي عند78.5 وهي نسبته

وربما يصلها مع نهايه تداول الفتره المسائيه

وتحرك هذا السهم سريعه ومضاربه بحته

وبالتوفيق ان شاء الله

[حمد الناصر]

وش ها للغة ترى ما فهمت شي هههههههههههههههههههههه

لاتدقق ابو عبدالله ههههههههه

[الشاهري]

:605:
سلاااااام مربع
،،،


إذا أنتي جاية متأخرة خليك واقفه عند الادارة

وتتفاهم معك المديرة ههههههههههه

[نوافN]

عموما اول نصف ساعه الفتره المسائيه تبين صح توجه السوق مع اني غير متفائل بالتحسن وطبعا غير متوقع الأسوأ

[نجلااء الرياض]

إذا أنتي جاية متأخرة خليك واقفه عند الادارة

وتتفاهم معك المديرة ههههههههههه

:617: :617: :617:
،،،،،،،،،،،

[الشاهري]

حسب مرئياتي
المقاومه الأولي عند78.5 وهي نسبته

وربما يصلها مع نهايه تداول الفتره المسائيه

وتحرك هذا السهم سريعه ومضاربه بحته

وبالتوفيق ان شاء الله


إذا أغلقها على النسبة في أواخر الفترة المسائية ف رايته بيضاء

[حمد الناصر]

إذا أنتي جاية متأخرة خليك واقفه عند الادارة

وتتفاهم معك المديرة ههههههههههه

اقول ان شافتها المديره فصلتها
دائما متأخره وكل يوم كفشه بحوش المدرسه

[نوافN]

لقطه فنيه >>>>>>>>>>>>>اذا اراد المضارب ان يصرف سهمه خوفا من نزول السوق او متوقع خبر ما غير جيد للسهم

دعم السهم بطلبات كبيره في الاسفل وترك الناس تطلب فوق طلباته وهو يصرف عليهم حتى نفاذ الكميات المحدده لديه

ثم يقوم بسحب كمياته وبعدين دور السهم بعدها ما تلاقيه...........

[ستااار بروووكر]

السلام عليكم

مساااااء الخير تداااااااااول:509:

السيولة ضعفة

الفرص تتجدد و الكاش ما يتعوض

[د. أحمد الخضير]

الاخ من وين
هذا لغز ولا بيت شعر ههههههه
ابو حنين يطبل لمكه اليوم ارجع للصفحات الي ورى تلقى تفصيل حول سعر مكه ومقاومته ودعمه
صفحتين بس يمكن ورى يا سوداني كل هذا كسل
مع السلاااااااااامه
انا بصراحه اعجبني البحري وتحت ال42

قبل اغلاق أمس سألت كم وزني ...a6

ولا انتظرت جواب :o

واليوم بعد الفتره الصباحيه تسأل الأخ من وين :

وتقول هذا لغز والا بيت شعر :607:

وبعدها مع السلامه

ممكن اعرف متي اجاوبك .:509:

[ستااار بروووكر]

حسب مرئياتي
المقاومه الأولي عند78.5 وهي نسبته

وربما يصلها مع نهايه تداول الفتره المسائيه

وتحرك هذا السهم سريعه ومضاربه بحته

وبالتوفيق ان شاء الله


هلا و غلا حبيب قلبي البير مول

اعتقد بيوصلها 88 وناويها:509:

[نواف334]

هلا نواف ابرد عليك عشانك سميي اللي حاصل سلمك الله قروب صدق والمعدنيه طلعوا وطبوا في الكيمو بس مايعرفون

مضاربها " انجس مضارب على وجه الارض ياويلك لوتقرب سهمه " الحين يبون يطلعون من السهم فقط وتوبه


الله لايحرمنا منك ياسمي

انا عارف كل واحد اسمه نواف ذيب :)

الله يسهل الامور مع الكيمو في المساء

تحياتي يا غالي

نوووووووووووواف

[د. أحمد الخضير]

لقطه فنيه >>>>>>>>>>>>>اذا اراد المضارب ان يصرف سهمه خوفا من نزول السوق او متوقع خبر ما غير جيد للسهم

دعم السهم بطلبات كبيره في الاسفل وترك الناس تطلب فوق طلباته وهو يصرف عليهم حتى نفاذ الكميات المحدده لديه

ثم يقوم بسحب كمياته وبعدين دور السهم بعدها ما تلاقيه...........

بصراحه لقطه فنيه مفيده
يعني مثل اللي يحط يده أول واحد ويقوموا البقيين يحطوا ايديهم فوق يده واحد بعد الثاني
يقوم هو يسحب يده من تحتهم
واللي يحصل
ان بقيه الأيادي تطيح من بعد ه
صح كذا والا لا ؟

[د. أحمد الخضير]

هلا و غلا حبيب قلبي البير مول

اعتقد بيوصلها 88 وناويها:509:

هلا فيك نور عيني

نقول ان شاء الله

لكن المضاربه فيه حلوه مع مرتداته

لك كل الود والأحترام

[المضارب المدلل]

الي عملاء سامبا مبرووووووووووووووووووووك لا توجد اوامر معلقة ولله الحمد ما نفذولي؟؟؟؟؟؟؟؟؟؟؟؟؟

[khalid M]

السلام عليكم ورحمه الله وبركاته
مساء الخير

[alhassem]

مدري هذا وقت شراء والا اية الحكاية؟!!!!!!!!!!!

http://www.l22l.com/l22l-up-4/1c4c47542e.jpg


ان ماتغير طبع مضارها رايي البسيط انه ليس وقت دخول لها والله اعلم

اكرر راي شخصي فقط

[مهاتي]

مساء الخير للجميع

ايش توصون عليه في الفتره المسائية

الله يعطيكم العافية

[الشاهري]

مساء النور للجميع

[نواف334]

مساء الورد والفل والكادي

مساء مايليق الا (بأابو عبدالله)

مسائك عطر يا غالي:)

مساء الورد للجميع

نووووووووووووووواف

[المبتسم1]

كيف السوق المساء ان شاء الله طيب

[الشاهري]

مساء الورد والفل والكادي

مساء مايليق الا (بأابو عبدالله)

مسائك عطر يا غالي:)

مساء الورد للجميع

نووووووووووووووواف

تسلم نووووووووووووووواف

[نوووووف]

كيف تتصرف إذا حطيت أمر بيع و تعداك السعر و ما تنفذ أمرك

و قالوا لك سامبا ان النظام عطلان

ماذا تفعل بالحالة التالية ؟

[khalid M]

نووووووووووووووف

ارفعي يدك لسماك وادي ربك يعوضك

والشكوى لغير الله مذله

[khalid M]

انا طالع اتغدى احد بيخاويني
مطعم مكسيم بخربها اليوم
بيفقدني مطعم البخاري اليوم
هههههههههه

[نوووووف]

مكسيم ، وين هالمطعم ؟

[khalid M]

بشارع النخيل

الحمد لله رحت وتغديت خلاص
مافيه غدى
هههههههههههههههههههههه

[س الراجحي]

مارايكم في سهم السيارات

[nma]

السلام عليكم ورحمة الله وبركاته

[nma]

بشارع النخيل

الحمد لله رحت وتغديت خلاص
مافيه غدى
هههههههههههههههههههههه


صحة وعافية

أسعد الله أوقاتك

[الصبر حلو]

انا طالع اتغدى احد بيخاويني
مطعم مكسيم بخربها اليوم
بيفقدني مطعم البخاري اليوم
هههههههههه
السلام عليكم
تصدق طلعت وراك واناااااااا من شارع لشارع وانا ادور عليك

ومالقيتك في المطعم اكيد اخذ طلب سفري وهاربت من المطعم

ماتدري اناااااااااا وراك وراك

وخاصة لاصار الواحد جوعاااااااااااااااان

[عبدالله العلي]

انا طالع اتغدى احد بيخاويني
مطعم مكسيم بخربها اليوم
بيفقدني مطعم البخاري اليوم
هههههههههه



الغالي

أطلب ( السلطة ) سلطة مكسيم

واللي ياهي خياليه صراحه :) من جد شي

بصراحه هي اللي عجبتني وشكلك من جد رسمي :509:

[الصبر حلو]

اهاااااااااااااا ياهو ذبحني اليوم هالفرنسي

مايصلح من يخاويني وندورررر على بنك غيره

ماداااااااااام السووووق مقفل

[عبدالله العلي]

لقطه فنيه >>>>>>>>>>>>>اذا اراد المضارب ان يصرف سهمه خوفا من نزول السوق او متوقع خبر ما غير جيد للسهم

دعم السهم بطلبات كبيره في الاسفل وترك الناس تطلب فوق طلباته وهو يصرف عليهم حتى نفاذ الكميات المحدده لديه

ثم يقوم بسحب كمياته وبعدين دور السهم بعدها ما تلاقيه...........


إشرح

او واحد يشرح بلغه الأرقام

أبي السعر يكون أقل من المعروض بطلبات كبيرهـ ، يعني

[khalid M]

السلام عليكم
تصدق طلعت وراك واناااااااا من شارع لشارع وانا ادور عليك

ومالقيتك في المطعم اكيد اخذ طلب سفري وهاربت من المطعم

ماتدري اناااااااااا وراك وراك

وخاصة لاصار الواحد جوعاااااااااااااااان


داق لطمه وانا اتغدى مشان الحساب
بخيل خخخخخخخخخخ

[khalid M]

الغالي

أطلب ( السلطة ) سلطة مكسيم

واللي ياهي خياليه صراحه :) من جد شي

بصراحه هي اللي عجبتني وشكلك من جد رسمي :509:

يا اخوي انا لدخلت المطعم هاذى يعجبنى جوه
بصراحه راااايق مررررره
وكل مافيه حلو

[الصبر حلو]

داق لطمه وانا اتغدى مشان الحساب
بخيل خخخخخخخخخخ


توقعت ذلك حتى انك غصيت باللقمة وتاكلهااااااااااااا وتلطم

هههههههههههههههههه

[khalid M]

الصلاه ياعباد الله
وبعدها ناخذ طقه بليستيشن

من الي وده يلعب معي واكسر راسه
بس الله يستر لا يكسر راسي

يعني اذا مره مره مره مره هزمني
مايجيب اكثر من درزن واتحداه

امحق تحدى خخخخخخخخ

[khalid M]

توقعت ذلك حتى انك غصيت باللقمة وتاكلهااااااااااااا وتلطم

هههههههههههههههههه

ذكرتني بايميل جاني
اذا كانه مره عليك الشخص الي عند بقاله وبيسدد عن طريق البطاقه يغطي راسطه والجهاز حقت ادخا الرقم السري بشماغه
هههههههه

[لتين1]

ياشباب انا مشترك بسيبيريا في dslوبصراحة شركة تعبانه
تنصحوني باي شركة اشترك
لان اشتراكي مع سيبيريا بيخلص اليوم

[الصبر حلو]

khalid M
فريق المتابعةاليومية - عضو ذهبي


ومن يتجرأ ويكسر راسك وانت فريق باكمله وبعد عضوووو من ذهب


غلطان ,,,,غلطان الي يباريك

[B ALMALKI]

يسعد مساكم جميعاً
وش التوقعات لسهم طيبه والجماعي بالفترة المسائية

[محمدحسين]

السلام عليكم
تصدق طلعت وراك واناااااااا من شارع لشارع وانا ادور عليك

ومالقيتك في المطعم اكيد اخذ طلب سفري وهاربت من المطعم

ماتدري اناااااااااا وراك وراك

وخاصة لاصار الواحد جوعاااااااااااااااان



اشفيكم يا شباب ضيعتو الموضوع " تداول الخير ... "

ولا تبون تكثرون مشاركاتكم

الي عنده سوالف رجاء يروح للمسنجر :D

وهناك وسع صدرك a6

[khalid M]

khalid M
فريق المتابعةاليومية - عضو ذهبي


ومن يتجرأ ويكسر راسك وانت فريق باكمله وبعد عضوووو من ذهب


غلطان ,,,,غلطان الي يباريك

تحمست اباريك
يالله من سهم بجزونتي
هههههه

[khalid M]

اشفيكم يا شباب ضيعتو الموضوع " تداول الخير ... "

ولا تبون تكثرون مشاركاتكم

الي عنده سوالف رجاء يروح للمسنجر :D

وهناك وسع صدرك a6

بصراحه احرجتنى
خلاص شباب

ويش تبيني اقول
سامبا متعطل
الجزيره متعطل
الاهلي متعطل

الاوامر ممعلقه
السيوله تفشل جدا

ويش تبيني نقول خلنى نوسع صدورنى ياشيخ
طفشنى السوق اليوم

[ايلاف87]

السلام عليكم ورحمة الله وبركاته

[لتين1]

ياشباب انا مشترك بسيبيريا في dslوبصراحة شركة تعبانه
تنصحوني باي شركة اشترك
لان اشتراكي مع سيبيريا بيخلص اليوم

[ايلاف87]

هل يوجد احد من فريق المتابعة حاليا ؟

[khalid M]

هل يوجد احد من فريق المتابعة حاليا ؟
مافيه احد بس نقدر نقوم بالواجب
ههههههههه ترى توي متغدى
لا احد يكثر اسئله
هههه

[ابوفــهــد]

السلام عليكم ورجمة الله وبركاته

ابي اسئل عن الكيمو اخذتها 43 مدري ابيعها والا تبي ترتفع

[khalid M]

ياشباب انا مشترك بسيبيريا في dslوبصراحة شركة تعبانه
تنصحوني باي شركة اشترك
لان اشتراكي مع سيبيريا بيخلص اليوم
للاسف عندى اشتراك ارامكو وافكني من الاشتراكات
الي كل واحد اسوء من الثاني
لا تتوقع بتلاقي شركه ممتازه بمعنى ممتازه
كلو مثل بعظو

شباب الي عنده خبره يقول لرجال

[الصاعقة]

السلام عليكم ورحمة الله وبركاته

[khalid M]

السلام عليكم ورجمة الله وبركاته

ابي اسئل عن الكيمو اخذتها 43 مدري ابيعها والا تبي ترتفع

انت من جيش الكومندوز حق الصاعقه امس

اذا رحبت في سهم في هاذا الوقت طيربرزقك ولا تاخذ رئي احد
والكيمو عثيثثثثثثثثثثثثث بقوه لا اطيقه لا هو ولا اميانتيت ولا ينساب
ياهم عللللللللللللللللللله

[منهل]

السلام عليكم مساء الخير

اخذت فره على المنتدى واشوف التشائم متمكن من الشباب اليوم سلامات

[khalid M]

ابشر بقائد الكيمو حضر

جاوب يال الصاااعقه

[الصاعقة]

ههههههههههههههههه خالد

[ايلاف87]

اخوي خالد انت فيك الخير
بس لاني ماكنت متابعة للفترة الصباحية كنت ابي اسالك وش تتوقع للفترة المسائية بناء على الفترة الصباحية

[B ALMALKI]

اقول الحين بتردون على سؤالي في رأيكم في الجماعي وطيبه الفترة المسائية
وإلا أحوس لكم السوق اليومa6

[khalid M]

السلام عليكم مساء الخير

اخذت فره على المنتدى واشوف التشائم متمكن من الشباب اليوم سلامات
لا ابد والله
جانى غبار امس بالرياض
وجاء الهندى ينضف مكتب التويجري وفصل الفيش
طبعا مشان يشبك فيش المكنسه المهم الهندى خلص
وراح ونسى يشبك فيش التداول
وحاسنى امس الله يهديه

[khalid M]

اقول الحين بتردون على سؤالي في رأيكم في الجماعي وطيبه الفترة المسائية
وإلا أحوس لكم السوق اليومa6
من اي ناحيه ياخو
بتشتري بتبيع متعلق وضح

[khalid M]

اخوي خالد انت فيك الخير
بس لاني ماكنت متابعة للفترة الصباحية كنت ابي اسالك وش تتوقع للفترة المسائية بناء على الفترة الصباحية

اذا زانت اوامر البيع والشراء فالسوق ممتاز
اذا استمر الخراب فلا وراه الا خراب
وخللك زراعي في كلى الحالتين العصريه ان شاء الله

[B ALMALKI]

اثاريكم ماتجون إلا بالعين الحمرا
لا والله اخوي خالد ابغى اشتري:D

[ايلاف87]

اخوي الصاعقة
ابي اسالك ليش يجب على الاعضاء الجدد ان تتجاوز مشاركاتهم الخمسين مشاركة حتى يستطيعوا ارسال رسائل خاصة؟
مع العلم ان اكثر من يحتاج المساعدة هم الاعضاء الجدد
وشكرا

[ابوفــهــد]

انت من جيش الكومندوز حق الصاعقه امس

اذا رحبت في سهم في هاذا الوقت طيربرزقك ولا تاخذ رئي احد
والكيمو عثيثثثثثثثثثثثثث بقوه لا اطيقه لا هو ولا اميانتيت ولا ينساب
ياهم عللللللللللللللللللله


الف شكر عمي وماقصرت

وانتظر جواب اخوي الصاعقه

[khalid M]

ههههههههههههههههه خالد

اقول لا توهقني تراى مادخلت الا مشانك
ياويللك لو تصرف على

عموما العصر بخليها وبرشك
لا تقول خالد ماقال
ههههههه

[FORD]

السلام عليكم ورحمة الله وبركاته

[khalid M]

اثاريكم ماتجون إلا بالعين الحمرا
لا والله اخوي خالد ابغى اشتري:D

انصحك بالزراعيات العصريه
فيها خير ولا تقول ابي طمع
ريال وفيه بركه في المضاربه
وبذات في هاذا الوقت
الي ماعاد نعرف روسنا من رجولنا

[منهل]

لا ابد والله
جانى غبار امس بالرياض
وجاء الهندى ينضف مكتب التويجري وفصل الفيش
طبعا مشان يشبك فيش المكنسه المهم الهندى خلص
وراح ونسى يشبك فيش التداول
وحاسنى امس الله يهديه

هههههههههههههههههههههههه

اشوى ماخذا الفيش معه ابوهنود عاد رح دور فيش تداول بحراج بن قاسم

[ابوفــهــد]

اخوي الصاعقه
السلام عليكم ورجمة الله وبركاته

ابي اسئل عن الكيمو اخذتها ب 43 ريال مدري ابيعها والا تبي ترتفع

[khalid M]

شوفو عروض القصيم ز
وحائل ز

نفس بعض بالتمام والكمال
شى يحير

[khalid M]

سبحان الله وبحمده سبحان الله العظيم

[ام شوووق]

اخذت حايل 45 ابيعها 50؟؟؟؟؟؟؟؟؟؟؟؟؟؟؟؟

[khalid M]

اخذت حايل 45 ابيعها 50؟؟؟؟؟؟؟؟؟؟؟؟؟؟؟؟
رئيي دامك كسبان وماشا الله مكسب طيب
بعيها وضاربي فيها
السوق غير مطمئن
معى اني اتوقع
حائل نسبه اليوم والله اعلم
بس الاحتياط واجب يشتغل التداول وتنفيذ الاوامر ويبدء الصغار برش السهم

[سلطان الحزن]

لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير

مساء الخير على الحلوين
نقول مساء موفق باذن الله ومن دون اي عطل

[khalid M]

راعي القصيم

واصللك واصللك الله لا يعوق بشر ان شاءالله

والوعد يفتح التداول

[ابوريم11]

وش رايكم بالدريس يا شباب بكم اعرضها

[مهاتي]

رايك اخوي خالد اطلب حايل على كم

وكم نسبتها

[ابوفــهــد]

اخوي الصاعقه
السلام عليكم ورجمة الله وبركاته

ابي اسئل عن الكيمو اخذتها ب 43 ريال مدري ابيعها والا تبي ترتفع

مع العلم ان عليها عرض 3الاف سهم بسعر 42.75

انتظاااااااااااااااااااااااااااااااااااااااااااااا ار

[ايلاف87]

ارتفع إقبال الشركات والمستثمرين في منطقة الخليج على شراء الذهب خشية تصاعد العدوان الإسرائيلي على لبنان واتساع المواجهات العسكرية, ونتيجة لتخوف المستثمرين من انعكاس الأزمة على الاقتصادات الإقليمية في ضوء توقع استمرار تراجع قيمة الدولار الذي ترتبط به كل عملات دول مجلس التعاون الخليجي العربية. ..
خبر على قناة العربية

[عطر الاريج]

السلام عليكم ورحمة الله وبركاته

مساء اخضر

[khalid M]

ابو فهد

اخذ عجراء وروح لمقر الشركه تحصل الصاعقه

وكم صكه علا راسه وتعال
هههههههه

امزح طبعا

[ابو عبدالله 4]

السلام عليكم ورحمة الله وبركاته

[amesh1384]

السلام عليكم ورحمة الله وبركاته

مساء الخير جميعا ..............يارب توفيقك .

[khalid M]

رايك اخوي خالد اطلب حايل على كم

وكم نسبتها
نسبتها 52.5

راقب المؤشر اذا طلع بيع واذا نزل اشتر
وبي سعر تبيها شيلها افضل 49تزيد نقص انت وكرمه وحضك

[أبو عبدالهادي]

السلام عليكم ورحمة الله وبركاته

مساء الخير للجميع

شباب سبق وأن مرة على أحد منكم هذه المشكلة

المشكلة عند أدخال أمر يقول تم بنجاح وعند الذهاب للأوامر القائمة لا أجد أي أمر :(

تداول العربي

تحيتي للجميع

[سلطان الحزن]

مع العلم ان عليها عرض 3الاف سهم بسعر 42.75

انتظاااااااااااااااااااااااااااااااااااااااااااااا ار


يالغالي اعتقد انها راح تعطي اليوم ان شاء الله لقيت لها توصيه من كذا شخص وان شاء الله انهم ثقات
ومعنا كلامك شاريها برتفاع ربع ريال ان شاء الله تعديها
والراي الاول والاخير لك الحلال حلالك

[راجية عفو ربي]

لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير

[khalid M]

وعليكم السلام ورحمه الله وبركاته
حياك الله جيماااااااااا

[الامبرطور]

لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير

مساء الخير للجميـــــــــــــع

[هايم في الاسهم]

السلان عليكم ورحمة الله وبركاتة

بنك الرياض الفترة الصباحية كيف معاكم

يشجع نضارب الفترة المسائية ولا يعلق ويقول جاري ارسال الامر

لم اتواجد الفترة الصباحية ولو احد جرب يعطيني رايه

["محمد1"]

السلام عليكم ورحمة الله وبركاته

[fahd1381]

السلام عليكم ورحمة الله وبركاته

[ابوفــهــد]

ابو فهد

اخذ عجراء وروح لمقر الشركه تحصل الصاعقه

وكم صكه علا راسه وتعال
هههههههه

امزح طبعا


وش دراك اني عصبي انا اذا عصبت ما ارحم توصل اني اقبص قبصه يحبها قلبك

هههههههههههههههههههههههههههههههههه

[سلطان الحزن]

نقول
بسم الله
بنبداء ولا بدينا

[سفينة حرب]

السلالالالالالالالالالالالالالالالالالالالالالالال الالالالالالالالالام عليكم ..

يالي تسأل عن الكيمو معاك عميد الجيش يتحدث الكيمو قاعدين فيه الله لا يعوق الى أجل غير مسمى ..

وترى أعطى اليوم أكثر من سعر مشراك والله يرزقك ..


خااااااااااااااااااااااااااااااااااااااااااااالد وش عنده القصيم ؟

خل نطب معاك قائدنا نايم ما صحى وماعندنا مشكله في توزيع الجهد الحربي