متابعة تداول الخير ليوم الثلاثاء الموافق 03/04/1427هـ الموافق 02/05/2006

[غفلان]

شكرا لك اخي الكريم لكن الرابط يقول:

الأسعار متوقفة حاليا ً...

http://tdwl.net/vb/showthread.php?t=189680&page=45
مجموعة روابط
تحياتي

[meme_moon]

ترى السوق ما يطمن الان
الهدوء اللي في المؤشر ترى بعد عاصفة

[مساهم السوق]

ياخبراء مندتدانا الرائع ....



نشتري او نلغي الطلبات الراي يالطيبين ...

[د/ كيف]

من الان العقاريه تحت المهجر

ماهو بعيد من راعي فيبكو نفس الاسلوب

العقاريه اليوم غير

[the sea]

بوادر ارتداد ان شاء الله



ساعه كامله وهو يدور عند 12910



0

[fdfdfd]

ترى السوق ما يطمن الان
الهدوء اللي في المؤشر ترى بعد عاصفة
ان شاء الله يكون ايجابي

[mahslj]

وش اللي صار المؤ شر رجع

[الحاضر]

اهل المواشي كلهم كلهم لافرق الله شملهم
هل المواشي كلهم كلهم لافرق الله شملهم
اهل المواشي كلهم خياله


ههههههههههههههههههه

الله يسعدك كلهم حياله :606:

[بحارنجد]

المؤشر يقدم الآن خدمه تاريخيه للزراعي وما يفعلها الا محترفون بجد

[د/ كيف]

ثبات المؤشر فوق 12900

استعداد لصعود

[نقطـة مقاومة]

المؤشر 12926

السيوله 14 مليار

اللهم لك الحمد

اللهم زد وبارك

[بارق الوسم]

للخبراء في مباشر برو


ما فائدة ((((((((((((((((((( أسهم ذات شروط )))))))))))))))))))

لها فائدة كبيرة ،
مثلا يمكنك وضع قائمة لمتابعة اسهم بشرط أن تتضمن هذه القائمة الاسهم التي إرتفعت بنسبة 2% ، أو ارتفعت بمبلغ معين أو كمية تداول معين

سوف تضم القائمة فقط الاسهم التي وضعت لها هذا الشرط

وهي مهمة كونها تنبه المضارب لحركة الاسهم المستهدفة بالشروط

[fdfdfd]

ما شاء الله الزراعيات شكلها تفعلت مع الاخبار الايجابية ان شاء الله بدايت الخير
ربي يرزق الجميع الرزق الحلال

[meme_moon]

ان شاء الله يكون ايجابي

يارب امين
نتمنى ذلك

[$النابوووش$]

مضارب الجماعي يسحب ويسوي خمسات


يا خوفي من دوريات الغفلة

[كريستااال]

ثبات المؤشر فوق 12900

استعداد لصعود
بقيادة من الله يسلمك يارب يكون الراجحى

[غفلان]

ارتداد خفي اطلبوالله

[bader15]

وش سالفة مباشر معطل الاهلي وحتى مباشر البطاقه كلهم معطلين عندي ؟

نفس الحال عندكم

[alsalamah1]

اشين شي لا جيت تسافر تحس انك ناسي شي او تحس باحساس غريب




انا احس ان المؤشر بيسافربي بس وين مادري وقاعد اولم عفش السفر مع المؤشر بس حاس اني ناسي شي

ناسين انتم شي قبل مانحرك؟؟:605:

[متولع بالحلا]

المباشر علق

برعاية الراجحي

[$$$نايف$$$]

السوووق اقلاع يا شباب اربطوا الاحزمة،،،

[د/ كيف]

الى 13000 الان من جديد

ثبات فوق 12900 يعطينا ابعد من 13000

[cazanova]

تحية اعجاب لمضارب عسير وبيشه انشهد انكم رجااااااااااال

[بحارنجد]

ارتداد باذن الله فيبكو

[baderm]

راعي الغاز ناوي النسبه :)

[ابو منصوور]

السلام عليكم ورحمة الله وبركاته


مساكم الله بالخير


مشاء الله تبارك الله مبروك عليكم يا اهل حايل المضارب الشهم

[the sea]

عسير نسبة



مبرووووووووووك




0

[New_Man]

السلام عليكم

كيف وضع السوق ؟

ندخل ولا نصبر

[الحاضر]

ياخبراء مندتدانا الرائع ....



نشتري او نلغي الطلبات الراي يالطيبين ...


اشتر في الاسهم الاكثر تماسك وقت النزول ووفر جزء للطواري والله يرزقك

[متولع بالحلا]

وش سالفة مباشر معطل الاهلي وحتى مباشر البطاقه كلهم معطلين عندي ؟

نفس الحال عندكم
والراجحي نفس الحكاية

الله يستر

[د/ كيف]

مبروك عسير مع النزول قلنا دخووووول

مبروك فيبكو


العقاريه رشني على النسبه مبرووووووووك :)

[بارق الوسم]

يبدو كسرنا الآن الترند الهابط

نقول إرتداد مع التحفظ


تم هذا التنبيه الساعة 5:03 بالتمام

الآن يبدو لي السوق سوف يغير إتجاهه ربما للأعلى

لكن لاحظ الفترة الزمنية التي إنقضت وهذا جيد :606:

[المتابع40]

ياااااااااااااااااااااااااااااا بارق يااااااااااااااااااااااااااااااااابارق

مكة مكة مكة وش فيه عسى ماهوب مريض له يومين على هالحاله







عسى ماروعتك

[alsalamah1]

:605: السوووق اقلاع يا شباب اربطوا الاحزمة،،،



يارب يارب
سهل ولا تعسر

[pango]

اللي كان يتابع طلبات الاتصالات يعرف ان الرجال قاعد يكون قاعدة طلبات قبل لا يشد السهم

[algali10]

100000مطلوبة علي النسبة من يفيدنا حائل ز

[متولع بالحلا]

كم سعر اسمنت العربية ياشباب

[كريستااال]

دلونى على سهم اطب فيه وش الراي بفيبكو جزاكم الله خير مقدما

[المتابع40]

طلب 900 الف سهم


ينسااااااااااااااب

[الشيحان99]

القيمة المتداولة 14,057,964,342.00

[cazanova]

عسير نسبة



مبرووووووووووك




0


الله يبارك فيك وعقبال بيشه ان شاء الله


:606: :606: a4 a4 a4

[بحارنجد]

السلام عليكم

كيف وضع السوق ؟

ندخل ولا نصبر
وضع السوق جدا مطمن شف السعر المناسب للسهم اللي انت مراقبه وتوكل على الله

[farhan2005]

والراجحي نفس الحكاية

الله يستر
شرحكم سرىالراجحي والاهلي

[سلمون]

شكراً لكل من رد علي بسؤالي عن أسهم ذات شروط وأخص
http://tdwl.net/vb/member.php?u=24890
بارق السهم

[ام ماجد]

صافولا رائعه

شريناها 120 الان 130


اللهم لك الحمد


ان شاء الله تلحقها اسمنت تبوك

[نقطـة مقاومة]

المؤشر 13064

السيوله 15 مليار وميتين حته

اللهم لك الحمد اللهم زد وبارك

[ينسابي]

صافولا بخمس دقائق من 123

إلى 132

.....

[الحاضر]

كم سعر اسمنت العربية ياشباب


133 ........................

[salem36]

ارتداد باذن الله فيبكو
انكانك من المتعلقين في فيبكو ابشرك قربت التعليقه تنفك \\\\سالم

[متولع بالحلا]

133 ........................
جزاك الله خير
:605:

[بارق الوسم]

مبروك لمتابعي مجموعة الواعدة
عسير
قصيم ز

باقي راعي مكة ، والله من الحقانه!

على فكرة تدخلت ونبهت على صافولا وهي حمراء وحكتني إيدي لكن الذي لا يكتب عسر

[رحاااال]

ايهم افضل للمضاربة اليوم


مكة

او



ينساب



رايكم اخواني

[البواسل]

قلت لكم من الصباح عند النزول:
عسير
بيشة
المواشي
السيارات

هيا الحقوها ذلحين

[alsalamah1]

انكانك من المتعلقين في فيبكو ابشرك قربت التعليقه تنفك \\\\سالم
يارب مشتراي 194
وطفشان منها:laughing:

[الحاضر]

السيولة اكثر من 15 مليار وباقي 40 دقيقة

[همس الشوق]

مبروك الغاز نسبه

اذن السوق بالف خير

الغاز ابو الالغاز اذا نسب هذا في السابق لكتن الان نراقب اليوم وغدا والخميس

[الــمفكر]

ياشباب اللي معاه سيوله وين يدخل

[pango]

الررررش قوي جدا في الاتصالات

[الحاضر]

ايهم افضل للمضاربة اليوم


مكة

او



ينساب



رايكم اخواني


مكة سهم قوي ونقي :605:

[متولع بالحلا]

:606: رجع مباشر الراجحي

[محمد الودعاني]

مبرةك الغاز نسبه

اذن السوق بالف خير

الغاز ابو الالغاز اذا نسب هذا في السابق لكتن الان نراقب اليوم وغدا والخميس


عســاه يستمر

تهقى وش وراه ؟؟

مهيب عادةٍ له والله


تحياتي

[النيروز]

السلام عليكم ورحمة الله وبركاته
مسااااااااااااااكم الله بالخير
مشاء الله السوق اليوم رووعه تزبزب ولا احلى :606:

[المتابع40]

مبروك لمتابعي مجموعة الواعدة
عسير
قصيم ز

باقي راعي مكة ، والله من الحقانه!

على فكرة تدخلت ونبهت على صافولا وهي حمراء وحكتني إيدي لكن الذي لا يكتب عسر


أخوي بارق راعي مكة ماهوب صاحي من أمس يضغط السهم لحد ماتتراكم العروض ثم ينقض عليها ويرجع من جديد


أو إن المسألة فيها تصريف؟

[New_Man]

وضع السوق جدا مطمن شف السعر المناسب للسهم اللي انت مراقبه وتوكل على الله

تسلم يا غالي

:)

[mahslj]

وش سالفة مباشر معطل الاهلي وحتى مباشر البطاقه كلهم معطلين عندي ؟

نفس الحال عندكم
مباشر برو شغال عندي

[رحاااال]

مكة سهم قوي ونقي :605:


هلا بأخوي الحاضر كيفك ان شاء الله بخير

يعني تنصحني بمكة مضاربة سريعه

[د/ كيف]

ثاني مره في تاريخ مباشر برو معاي يتعطل

[الحاضر]

اذا فيه ارتداد للمؤشر فعينك على سابك وغيرها يجيب الله مطر

[نقطـة مقاومة]

المؤشر 13041

السيوله 16 مليار الى حته

اللهم لك الحمد

اللهم زد وبارك

[بارق الوسم]

شكراً لكل من رد علي بسؤالي عن أسهم ذات شروط وأخص
http://tdwl.net/vb/member.php?u=24890
بارق السهم

بارق الوسم وليس السهم

بارق الوسم ، وهذي نثرية من أخونا ميتا ستوك يوضح جزاه الله خير معنى معرفي

عندما تجف الارض وتتمنى رشفة او قطرة من المزن او المطر
تجدها متشوقه له
عندما تقحل الارض ويصيبها القحط تجدها يابسة لا حياة فيها
لكن عندما تسمع ذلك البارق والراعد بالسماء
وعند قدوم ذلك الوقت من السنة اسالك بالله
كيف تكون الارض بعد ان وجدت ذلك المزن
وارتوت من ماء هذا البارق ؟؟
الا ترى الارض تخضّر وتزهر ويطلع لها رائحة النفل والياسمين والمشموم
نحن نسميها بنجد(الوسم)
تخضر الارض وتصبح ذات رائحة جميله

[ينسابي]

من حق الجميع أن يحذّر ..

لكن ليس من حق أحد أن يُرجف ..

الارجاف وقت عودة الثقة وفي قمة التفاؤل .. مشاركة في ( المؤامرة ) .

[عماد خضير]

شباب ايش رايكم بالمصافي على سعر 982

[saudi11]

السلام عليكم ورحمة الله وبركاته

مساكم الله بالخير جميعا

اسمنت تبوك للمراقبه

[الشيحان99]

القيمة المتداولة 15,653,824,672.00

[alsalamah1]

هل تتوقعون المصافـــــي

اليوم نسبـــــــه%%

[الحاضر]

هلا بأخوي الحاضر كيفك ان شاء الله بخير

يعني تنصحني بمكة مضاربة سريعه



ابشرك يسرك الحال :606:

مكة لاغبار عليها وفي الوقت الحالي خلك قنوع :605:

[tiger4444]

ياااااخوان وش الرااي نبدل المتطوره بالصادرات

[نقطـة مقاومة]

بارق الوسم وليس السهم

بارق الوسم ، وهذي نثرية من أخونا ميتا ستوك يوضح جزاه الله خير معنى معرفي


تبادلني بالمعرف :)

وازيدك سهم مصافي :616:

:605:

[the sea]

مباشر الراجحي شغااااااااااال


ولا لا







تو متش باد



0

[alsalamah1]

شباب ايش رايكم بالمصافي على سعر 982

من 977 ال 982 حلو ويوصل ال 989 او 990 ثم يرجع مره ثانيه

تراه زوين وومكن يطلع اكثر من كذا

وجهة نظر

[الخــالــد]

القيمه المتداوله لحد الان 16.285.985.169

[د/ كيف]

الف مبرووووك فيبكو


رجع مباشر

[أبوطيف3]

قصدك مباااااشر الزززفت


مو شغال

[سلمون]

فيبكو إلى النسبة


للمعلومية أملك في السهم

[pango]

أبشركم ياشباب تداول الراجحي بداء يقول خطاء في النظام هذا يعني ارتداد وقاعد يشتري لعمره

[الحاضر]

((دويتشه )) احد اضخم البنوك الالمانية يفتتح فرعا في الرياض


خبر اقتصادي
____________________________

خلاص مع السلامة يالراجحي

[د/ كيف]

فيبكو اختراق 180 فيه كلام كثير

[ام ماجد]

المصافي وراه شي

133


نتابع

[ينسابي]

الجماعي نسبة الا ...... شوي

[سلمون]

فيبكو شفط في العروض بشكل متسارع

[perenc]

مبروك بيشة نسبة
انا اشهد ان مضاربها سنافي
ولا ننسى مضارب الجوف و الباحة

[$$$نايف$$$]

مكة رش ير رشا
١٨:٠٤:٠٩ ٩٦.٥٠ ٩,٤٠٩ ١٥
١٨:٠٤:٠٩ ٩٦.٧٥ ٣,٥٦٠ ٦
١٨:٠٤:٠٩ ٩٧.٠٠ ١٢,٨٦٩ ١٦
١٨:٠٤:٠٩ ٩٧.٢٥ ٢,٣٠٦ ٨
١٨:٠٤:٠٩ ٩٧.٥٠ ٣٠٠ ١
١٨:٠٤:٠٩ ٩٧.٧٥ ٢٠٠ ١

[د/ كيف]

المؤشر

لابد من اختراق 13150 باذن الله

[ابن منقاح]

ماشاء الله تبارك الله على الزراعيات

املك في القصيم

لكن متعلق بعد ماقربت من سعر مشتراي


لكن الله يفرجها



مبروك لملاك الزراعيات ويارب كذا وزود

[بارق الوسم]

أخوي بارق راعي مكة ماهوب صاحي من أمس يضغط السهم لحد ماتتراكم العروض ثم ينقض عليها ويرجع من جديد


أو إن المسألة فيها تصريف؟

والله كان أعلمك لكن مباشر ادفانسد عندي مخبط اليوم على غير عادة ، لكن السهم مع الخيل يا شقراء ، عند نزول السوق خيل أصيله وعند الصعود يدبل السبد ، لكن نفك شفرته مثل ما فكينا شفرة عسير aa1

[نقطـة مقاومة]

القيمه المتداوله لحد الان 16.285.985.169


16 مليار و 800 مليون

اللهم لك الحمد

اللهم زد وبارك

يا اسد :606:

[تلابيب]

شباب ايش رايكم بالمصافي على سعر 982



النصيحة السوق الان اقرب للاستثمار منة للمضاربة استثمر بها والمدة مفتوحة حتى تحقق لك مو اقل من تدبيلة :616:



السيارات اجدها مغرية واسعار محببة

[د/ كيف]

المؤشر

يسجل اختراق 13150

[tiger4444]

المتطووووووووووووووره ياا اخواااااااااااان احد يفيدنا عنها

[عماد خضير]

مباشر الزفت ............. احد يقولي سعر المصافي دحين بالله ها ابيع ولا اصبر

[متولع بالحلا]

شباب غثني الراجحي تداول


البنك الجديد دويتشيه الالماني عنده تداول الاسهم السعودية
<<<<<<<<<<<<<<< يبي يفتح به حساب

[*المتوكل*]

ولله الحمد بدأ المؤشر في تقليص الخسائر

[SALMAAN]

المصافي وراه شي

133


نتابع

صافولا ،، مع تحيات مراقب المتابعه

[نقطـة مقاومة]

المؤشر

يسجل اختراق 13150


13211

اللهم لك الحمد :606:

[New_Man]

المتطووووووووووووووره ياا اخواااااااااااان احد يفيدنا عنها

ان شاء الله يفيدك فيها الاخوان

[أبو البركات]

أحبابي الكرام ... هل من خبر عن أرباح الجماعي .. نزلت وإلا باقي

[الحاضر]

المواشي تقود سوق السعودي للنسب العليا

موضوع منطقي :)

[ولد بدو]

من حق الجميع أن يحذّر ..

لكن ليس من حق أحد أن يُرجف ..

الارجاف وقت عودة الثقة وفي قمة التفاؤل .. مشاركة في ( المؤامرة ) .
كلام عين العقل
:601: :601: :601: :601: :601:

[ساري9]

[QUOTE=بارق الوسم]
والله كان أعلمك لكن مباشر ادفانسد عندي مخبط اليوم على غير عادة ، لكن السهم مع الخيل يا شقراء ، عند نزول السوق خيل أصيله وعند الصعود يدبل السبد ، لكن نفك شفرته مثل ما فكينا شفرة عسير aa1 [/QUOT
كككككككككككككفففففففففففففففففففففففففففوووووووووو وووووووو
ياملح المتابعة

[المذهول]

شرايكم يقفل اخضر

[شباز]

اخواني عندي انابيب ب 98 ريال السوق كيف وضعه اذا ماش نبيع واذا تمام نخليها لبكرة ابي نصيحتكم

[د/ كيف]

تداول اليوم رائع جداً رغم النزول تسجل الشركات اختراقات وارتفاعات

وكن السوق يوجه رساله كفايه ضغط


----------------------------------------------------------------------------------

نودع 13000 نقطه بلا جرعه باذن الله

[ام ماجد]

صافولا ،، مع تحيات مراقب المتابعه


امس عرضته على النسبه وبعت ورجعت اليوم اخذته من تحت


ممتردده اسوي كذا اليوم اخاف يطير


مين يشجعني ابيع نسبه

[نقطـة مقاومة]

المؤشر 13230

السيوله 17 مليار ونص

اللهم لك الحمد

اللهم زد وبارك

[نقطـة مقاومة]

المؤشر 13230

السيوله 17 مليار ونص

اللهم لك الحمد

اللهم زد وبارك

[الخــالــد]

القيمه المتداوله لحد الان 17.580.985.169

[الشيحان99]

مشـــــــــــــــاء الله

القيمة المتداولة

17.771.726638

[المستعينه بالله]

السلام عليكم ورحمة الله وبركاته aa1

كل ما فرحنا بأرتداد الســـوق وقلنا بنترزق وقف مباشر بوجيهنا

تقول بينهم اتفاقيـــــــه حسبي الله

يقفل السوق وانا احاول في مباشر :laughing:

[بارق الوسم]

عسير عشر طلبات
1 147.25 851
2 147.25 100,000
3 147.25 20,000
4 147.25 50
5 147.25 100
6 147.25 60
7 147.25 100
8 147.25 2,000
9 147.25 1,111
10 147.25 20,000

اللهم أدمها من نعمة واحفظها من الزوال
ما شاء الله تبارك الله
الحمد لله والشكر لله

[cmry1]

هل تبوك ز للبيع ام الانتظار احسن

[وهـ ياملحي]

فيبكو

وش فيها دحدرت يالربع

هههههههههههه

^_^

[الحاضر]

امس عرضته على النسبه وبعت ورجعت اليوم اخذته من تحت


ممتردده اسوي كذا اليوم اخاف يطير


مين يشجعني ابيع نسبه


انا لا اتابع السهم لكن من الخطأ بيع سهم على النسبة على نهاية التداول :605:

[ينسابي]

الاغلاق أخضر مسألة وقت .. بإذن الله

[SALMAAN]

امس عرضته على النسبه وبعت ورجعت اليوم اخذته من تحت


ممتردده اسوي كذا اليوم اخاف يطير


مين يشجعني ابيع نسبه

انا ما اشجعك ،،

[عماد خضير]

الله يلعن مباشر مليون مره علق الغبي وكانت المصافي 1015 وماني عارف ابيع ولا لا ودحين رجعت 980 اقل من سعر مشتراي ايش الحل معاهم ليش يعلق ابغى افهم ايش الضغط اللي عليه

[المتحد1]

اللي يحبون الخشاش ومالحقوا به
عندكم فيبكو ترى فرصة كبيرة
يقولون عنها انها كان عندها قاب وسكرتها وغيرت الكفر وغيرت الزيت وفللت بنزين من البنزين الرخيص
وتبي تمسك خط اربعة اسياد

[علي بن سعود]

ياجماعة الي يفهمون بالمضاربة اناا شريت وقت النزول وبعت مع الارتداد متى ارجع اشتري ثاني

[*المتوكل*]

زجاج للمتابعه 115.25 وسابك تزيد من الخسائر والمؤشر معها يتأثر

[شباز]

خدعوك فقالو المؤشر ارتد

[ينسابي]

مضارب طيبة ..

ماذا تريد بالضبط .. يا أخي شف الناس .. وينك عنهم !!

[النــــــــاصح]

يا أخوان هل مباشر عندكم يعمل الان ..؟؟؟؟؟؟؟؟

[tiger4444]

ووووووووووش اللي قااااعد يصير في المتطوووووره احد يفيدنا عنها

[متولع بالحلا]

الله يستر من الراجحي


ذبحني والله العظيم


<<<<<<<<<<<<< ذهبان من الراجحي

[محمد الودعاني]

يا جماعة الخير

الغاز وش علمه ؟؟

ما فيه ولا سهم عرض !!

ومرتفع !!

متعلق فيه مع كراعيني :(


وش أحسن طريقة للتعامل معه ؟؟

مضاربة ولا استثمـار ؟

[ام ماجد]

انا لا اتابع السهم لكن من الخطأ بيع سهم على النسبة على نهاية التداول :605:

صافولا عندي من زمان وبسعر مرتفع

قسمت الاسهم قسمين وبعت على نسبه امس ولا نفذ لي الا اخر التداول وفتح اليوم مرتفع ثم نزل

وبعدها اخذته من تحت يعني عدلت بعض الشي


وربي يسهل

[المذهول]

والله مو مؤ شر ضيع طريقه عجز يرسيله عللا بر

[بارق الوسم]

إذا دام مباشر خبق ، نراكم على خير غدا صباحا بحول الله

لا تنسونا من دعائكم الصالح، ولاتنسون الأهم وهو شكر الله عز وجل وبالشكر تدوم النعم

السلام عليكم ورحمة الله وبركاته

[fdfdfd]

السلام عليكم ورحمة الله وبركاته aa1

كل ما فرحنا بأرتداد الســـوق وقلنا بنترزق وقف مباشر بوجيهنا

تقول بينهم اتفاقيـــــــه حسبي الله

يقفل السوق وانا احاول في مباشر :laughing:
اختي لما يكون السوق ارتداد او تحسن يزيد الضغط على البنوك في البيع والشراء
المشكله في الخدمه الله يعين مع انا ندفع لهم في البيع والشراء عملوه مع دفع قيمة الاشتراك
ربي يرزق الجميع الرزق الحلال:dinmt:

[الحاضر]

هل تبوك ز للبيع ام الانتظار احسن

اقفال الزراعيات على النسب العليا يشفعلها بالبقاء في محفظتك :616:

[الشيحان99]

القيمة المتداولة

18.455.900.903

[الـــقــــلاصــي]

قــــــــــبل الاغـــــــــــــــــــــــــلاق ســـــــــــــابك شـــراء بقووووووة

[بحارنجد]

فيبكو وحتى 176 دخول امن باذن الله

[د/ كيف]

استاذنكم للصلاه

[الحاضر]

استأذنكم للصلاة


نراكم غداً ان شاء الله

[doven]

وقت الفارس الملثم الان
انتظرونااااااااااااااااااااااااااااااااا

[the sea]

لا زال مباشر


















رايح وطي



لا حول ولا قوة الا بالله



0

[*المتوكل*]

ولله الحمد فأسهمي في الغذائيه والعقاريه والدريس وندعو الله في الدقائق الخمس أن يقلص السوق من خسائره

[ali_030]

الله اكبر ..

اذن يااهل الرياض ..

[متولع بالحلا]

الله يرج الراجحي
تنفيذ زفت ولله الحمد

[mahslj]

مع الف سلامه الصلاه يا اهل الرياض

[SALMAAN]

ياجماعة الي يفهمون بالمضاربة اناا شريت وقت النزول وبعت مع الارتداد متى ارجع اشتري ثاني

مع النزول وبيع مع الارتفاع ،، جايب اقصاي انا :)

[الرابح]

تشبه الحــــــــــــــــــــــــــــــــــرب :)

[أبو البركات]

ما زال السؤال قائماً .... من يعرف عن أرباح الجماعي ... جاوبوني يا نااااااااااااااااااس

[الــمفكر]

والله وانا اخوك الجماعي ماشفنا منه الا خساير

لكن مانزل شي

[نقطـة مقاومة]

والله فنانين

13000

من جد ملكي

[fdfdfd]

الله يرج الراجحي
تنفيذ زفت ولله الحمد
اخوي انا كنت اشتر وابيع بعد ما شفت الراجحي زفت وقفت
ربي يرزقنا واياك الرزق الحلال
خلي روحك رياضيه هذا هو شعار الراجحي في التداول

[هتان النجار]

السوق لعبة الراجحي قلناها مليون مرة ماحد رضي يسمعنا بكرة شوفوا الحفلة المنتظرة باذن الله .

[متولع بالحلا]

ما زال السؤال قائماً .... من يعرف عن أرباح الجماعي ... جاوبوني يا نااااااااااااااااااس
والله ماادري عن الجماعي وارباحه

بس حبيت اتفاعل معاك:605:

[سلمون]

نستودعكم الله الذي لا تضيع ودائعه

[ام ماجد]

مدري مين اعطى صافولا عين اخر خمس دقايق نزلت من 133 الي 125

[المذهول]

ياسلام اغلااااااااااق
معلمين
على الشعره
فعلن السوق موزوووووووون

[baderm]

نشوفكم بكره ان شاء الله وسوقنا للأفضل بإذن الله :) تحياتي لكم جميعا

[محمد الودعاني]

ما زال السؤال قائماً .... من يعرف عن أرباح الجماعي ... جاوبوني يا نااااااااااااااااااس

ههههههههههههههههههههههههه

والله لو كنت أعرف الجواب جاوبتك

بس رح غير اسمك وحطه أم البركـات وتلقى كل واحد يجاوبك

[متولع بالحلا]

اخوي انا كنت اشتر وابيع بعد ما شفت الراجحي زفت وقفت
ربي يرزقنا واياك الرزق الحلال
خلي روحك رياضيه هذا هو شعار الراجحي في التداول
والله روحي رياضيه بقوة بس الهديم مصخها :617:

[خالد2121]

استودعكم الله يبي يقيم بالرياض

[alsalamah1]

13000 شطار يعرفون يلعبون

عقبال المرحله الجايه يالله حبايبي قومو صلوا وارجعو كملوا اللعبه بكره
ام تكلم عيالها الهوامير الي يلعبون بمؤشرنا

[pango]

الاتصالات سحب اكثر من 100 الف سهم في اخر ثانيتين

[الــمفكر]

هههههههههههههههه

والله اغلاق خنفشاري

نشوفكم على خير ياجماعه والمعذره ان غلطنا على احد

اخوكم

محمد النفيسه

[الخــالــد]

القيمه المتداوله بنهايه اليوم 19.281.071.761

سيوله ممتازه جدا يا اخوان

والاقفال تحسون جاي مركز

13000.64 :)

[fdfdfd]

مدري مين اعطى صافولا عين اخر خمس دقايق نزلت من 133 الي 125
مو انا عشان انا ما اعرف صافولا ولا عمري شريتها عشان مو نقيه
الله يرزقنا وياك الرزق الحلال

[الـــقــــلاصــي]

ما زال السؤال قائماً .... من يعرف عن أرباح الجماعي ... جاوبوني يا نااااااااااااااااااس


ايش تبغا بالضبط ... الارباح 60 هلله للسهم ... والى الان ما دخلت محفظتي أو حسابي

[New_Man]

الى اللقاء غدا ان شاء الله

مع التحية

ابو محمد

[نقطـة مقاومة]

من جد فنانين

مجرد رقم 13000

يدعوا للتفاؤل

لو انه 12999 تلاقي النفسيات ماهي مزبوطه

لكن شغل دكتره

[الخــالــد]

نشوفكم على خير يا اخوان

[ام ماجد]

مو انا عشان انا ما اعرف صافولا ولا عمري شريتها عشان مو نقيه
الله يرزقنا وياك الرزق الحلال

الشيخ الشبيلي عدها اسهم مختلطه من النوع الثاني وهي

النوع الثاني: شركات نشاطها مباح إلا أن لديها قروضاً أو تسهيلات بنكية أو استثمارات محرمة ولا تعد من نشاط الشركة فيجب على من ملك هذه الأسهم في يوم استحقاق أرباح الشركة - ( يوم انعقاد الجمعية العمومية )- أن يتخلص من العائد المحرم في كل سهم:

[fdfdfd]

من جد فنانين

مجرد رقم 13000

يدعوا للتفاؤل

لو انه 12999 تلاقي النفسيات ماهي مزبوطه

لكن شغل دكتره
فيه تحدي في الارقام المميزه عند الهوامير كل يوم واحد يمسك السوق يطلعه وينزله ويختار رقم حلو والي يكسيب
ياخذ كم سهم من صغار المستثمرين
الله يعين :617:

[fdfdfd]

الشيخ الشبيلي عدها اسهم مختلطه من النوع الثاني وهي

النوع الثاني: شركات نشاطها مباح إلا أن لديها قروضاً أو تسهيلات بنكية أو استثمارات محرمة ولا تعد من نشاط الشركة فيجب على من ملك هذه الأسهم في يوم استحقاق أرباح الشركة - ( يوم انعقاد الجمعية العمومية )- أن يتخلص من العائد المحرم في كل سهم:
جزاك الله الف خير ورزقنا واياك الرزق الحلال
انا شغال في مكه ونادك :605: