ما للزمن حيلة ...... قصيدة نبطية

[علي الشدوي]

هذه قصيدة من قصائدي هدية لكم جميع

امل ان تحوز على الرضى

وليس لها علاقة بالاسهم

تغيير جو والخروج من الاسهم وهمومها

وشكرا لكم


زين القوافي يا فهد تشـرح البـال = اسمع وسمعنـي قصايـد بديعـة
من شعر بن عدوان يبدع اذا قـال = يعطى الامل للى حصل له فجيعـة
ما مل قول الشعر حتى ولو طـال= نسهر اللين الصبح يبـدي لميعـة
مجلس به الاخيار ما جوه الانـذال = حتى السوالف فيه روعة فضيعـة
الله من قلبا شكى ثقـل الاحمـال =سـرا بقلبـي خفـت والله اذيعـة
ماللزمن حيلة على شـان نحتـال =ما طاعني واصبحت جبري اطيعة
هذا الزمن غدار فى كل الاحـوال = مر الشتا من غير نعـرف ربيعـة
رجال ودك فيه بالـروح والمـال = ورجال ودك بالرخاصـة تبيعـة
بعنا الذي خوان وفعاله اهوال =عساة ما يرجـع عسـاة القليعـة
لو هو من الاجناب والا من اخوال = اقول لامثالـة عساهـم قطيعـة
وانا اعرفك ياخوي عن الف رجال =فيك الكرم من جد جـدك طبيعـة
مشكور فيما شفت ياطيـب الفـال = فهد وربـي مـا نسينـا صنيعـة
رجال غامد فعلا اجـواد وابطـال =ابطال فى الماضى وحاضر طليعة