لمن اشتكي.....

[ما عاد بدري]

بسم الله والحمدلله والصلاة السلام على رسول الله

انا يا اخوان جاي ابغى مساعدتكم انا عارف ان كلم محتاجين المساعده بس ما اتوقع احد اكثر مني
نوينا الزواج واخذنا قرض من مصرف الراجحي وقدر الله وحطينا القرض بسوق الاسهم
وايام تروح وايام تجي وما اشتري الا الاسهم المحترمه ودبلنا خلا كم شهر وضمنا فلوس الزواج (بس كانت على ورق)
ويوم جا الانهيار وكنت ابغى ابيع لو بخساره بسيطه بس جاك الراجحي واضاف لي اسهم الصادرات وفتيحي بسعر 1480و410
وصار الرصيد بالسالب وما قدرت ابيع ولا سهم لاني اذا بعت اخذ خسارته مني والحين راحت الارباح وراس المال يالله يغطي حق البنك
والعرس الله يعينا نأجله اذا ما ارتفع السوق ..........حتى العنوسه صارت مرتبطه بالسوق (الايام هذي العنوسه نسبه فوق)
انا ما كتبت الموضوع هذا الا عشان الواحد ما يوخذ حقه ويسكت انا ابغى منكم مساعده كيف اشتكي الراجحي(لا احد يضحك)
والله انا ناوي الراجحي انا شاء الله سنه وانا وراه يعني فيه محامين اقدر اوكلهم والا اي اشي وين اشتكي بس دلوني تكفووون

والله مخي بينفجر الواحد ما يقدر يسوي شي حتى حلاله ما يقدر يتصرف فيه

[العقرب الشرقي]

أخوي ما عاد بدري
الله يفك تعليقتنا جميع
كثير هم من أثر السوق عليهم و أنا أولهم
ولكن ليس لنا الا الواحد الأحد ندعوه ليل نهار

[BROKENHEARTED]

الله يفرج همك ويرد لك مالك
والعرس نقول إن شاء الله كل تاخيرة وفيها خيرة
عليك بالصوم

[amn]

هذا الطمع ونتايجة
هذا اللي دمر سوقنا... كلّن قام ياخذقروض ويدربيها بالسوق
وفي الأخير كلوها... وراحوا يلومون البنوك والهيئة
عالعموم خيرها بغيرها... وكل طيحة فيها تعليمة

[سعد دوت كوم]

الله يعينك. وابشر بالخير وهون على نفسك.
القضيه نفسها صارت مع زميل لي. وعقب فتره كلمه البنك وقال تبي تخليها والا نلغيها قال الا الغوها وفكونا والحمدلله الغوها وارتاح.
ونفس الشي صار مع واحد ثاني وابيك تسوي مثله لان قضية زيه بحيث ان البنك ما كلمه وش سوى؟ قلت لي وش سوى

كلم على 8001245858
واطلب منهم الغائها لانك لم تطلبها وهذا خطاهم ويعدلون والله لايهين معهم احد. بيكتبون لك طلب وبيقلون اربع وعشرين ساعه ويجيك رد. وبتجلس اسبوع ولا احد معبرك. افا اجل وش الحل؟ تطلب من الموظف رقم فاكس الشكاوي وتكتب معروض (ترحم) بانهم يفكونك شر خطاهم وترسله على رقم الفاكس اللي اعطزك اياه. وعلشان تدبل كبودهم تروح لاقرب صالة تداول للراجحي وتشتكي على المدير وبيرسلك ايميل يتفداهم فيه بان يسحبوا خطاهم.
اتمنى ان تكون امورك تمام
اخوك سعد

[ما عاد بدري]

شكراً للأخوان المشرفين على تفاعلهم مع الموضوع ونقله الى استراحة المساهمين

انا سندي الوحيد بعد الله هذا المنتدى

واشكر الاخوان على التفاعل
بس اللي انا ابغاه الحين انا ابروح اشتكي وين اروح اروح للمحكمه والا موسسة النقد والا وين
يعني اي جهه مسؤوله عن خطأ البنك

[ما عاد بدري]

بارك الله فيك اخوي سعد

[ابوسند**]

انصحك بانك تذهب لمحامي وتشوف الاجراءت اذا النظام يسمح برفع قضية لو فيه جدوى من رفع القضية ولا لا
وصدقني لو نشبت لهم وشهرت فيهم راح يرسلون مندوبهم من تحت الطاولة ويعوضونك خسايرك وزيادة

[سعد دوت كوم]

تحت امرك طال عمرك. بس اصبر ولا تبيع لين يحلون المشكله.

[سعد دوت كوم]

ايه يابو سند الراجحي يفك شفرات كل المحامين. والله ماتاخذ معه لاحق ولا باطل الا اصبر وسايسهم لين الله يفرجها عليك. ويمك انها خيره. ما ندري وش الخير فيه

[ما عاد بدري]

انصحك بانك تذهب لمحامي وتشوف الاجراءت اذا النظام يسمح برفع قضية لو فيه جدوى من رفع القضية ولا لا
وصدقني لو نشبت لهم وشهرت فيهم راح يرسلون مندوبهم من تحت الطاولة ويعوضونك خسايرك وزيادة
انا هذا اللي افكر فيه لأنهم جمدوا محفضتي من بداية النزول وما اقدر ابيع ولا اقدر اضارب
يعني اقل ش يكون فيه تعويض عشانهم مجمدين الحساب

وياليت اذا فيه احد من الاخوان يعرف شي عن المحامين يسعفنا
لان اللي مثل حالتي كثير

[سعد دوت كوم]

وين ساكن جده الرياض وين بالضبط يمكن اوديك لمحام يجرح ويداوي

[ما عاد بدري]

تكفى يا سعد والله
ساكن بالدمام

[سعد دوت كوم]

والله يابن الحلال المحامي اللي اعرفه وهو صديقي وزميل دراسه (دراسات عليا) بجده. وانا في الخبر. بس اسمع شور يسمونه راشد. باكر كلم البنك وانا بكلم الرجال اذا لها حل من باب المحاماه ويمكن يجيك خير من وراها وكم تبي تكلفك ابدا فيها. وبالمره اذا مازبطت ذي لين ذي معها. وش رايك

[ما عاد بدري]

البنك مكلمهم من مده وقالوا سو شكوا لمؤسسة النقد
وفيه واحد قالي حول اسهمك للمحفضه ثانيه (عندي محفضتين بالراجحي) ورحت للبنك وقالي سو طلب وبعد اسبوعين تتحول والآن لي اكثر من اسبوعين ما اتحولت
على العموم بكره ابدق على البنك وابروح لفرع الرئيسي بالدمام عشان تحويل الاسهم واشوف وش صار
واعطيك خبر

بارك الله فيك اخوي وتعبتك معاي وتصبح على خير