سبب النزول الحاد للسوق اليوم......

[الدايخ]

بسم الله الرحمن الرحيم

2006-04-10 18:22:33

تعلن شركة بيشة للتنمية الزراعية أنه لا يوجد لديها أي مشاريع جديدة في المرحلة الحالية ماعدا ما يتم دراسته لغرض زيادة رأس المال.

ربي يوفقكم

[النقيب..]

صحيح انك دايخ..يالدايخ

[سماوي]

اخوي الدايخ

حدث العاقل بما لايعقل فإن صدق فلا عقل له

[(ابوتركي)]

الله يعين بس ويعديها علي خير

ماودي اضحك والله:604:

مع انه شر البلية مايضحك:deak:

[الطنايا]

ياشباب الرجال جايبها مزحة

وشفيكم على طول صدقتوا......

[major]

والله اني قلته قبل لا افتح الموضوع

فعلا أنت دائخ
شوف وش يقول وش أحنا فيه ؟

["فتى الجنوب"]

يا شباب لا تضيع اخلاقكم زي ما ضاعت اموالكم رويدا رويدا

[abonaef]

يارب عفوك اكيد الاسهم تسوي كذا

[العازف.]

لاحول ولاقوة الا بالله العلي العظيم

[هامور بدوي]

ههههههههههههههه

والله إسم على مسمى

انت دايخ وانا دايخ وكلنا دايخين

والسوق دوخ أبونا


ضحكتني الله يسعدك مع إن تسبدي مولعه

[ابودودي]

ياأخوان سبب النزول الحقيقي هو اندلاع حريق كبير في مدينة ميرات في الهند نتج عنه وفاة اكثر من 100 مما يقد يسبب في نقص في اعداد العماله الهنديه القادمه للمملكه التي تعول عليها هئية سوق المال في الدخول في السوق ودعم استقراره وتم استغلال الخبر من قبل الهوامير لانزال السوق ـ هذا حسب ماقاله لي كومار وهو خبير اقتصادي - ويقوم احيانا باعمال مسانده احيانا في قيادة السياره وتنظيف الحديقه

[alnoor1010]

دام سبب نزول السوق الباحه عزة الله راحت فلوووووووسنا ملح


يارجال قل غير ذا الكلام .......بصراحه ياشباب انا اشوف اني انا اللي نزلت السوق لاني بعت المواشي اليوم ماااااركت وعلى النسبه ولحقوني الناس :timsah: يعني ابو التيوس هو اللي دحدر السوق

[ساميكو]

هذا الي تبقي يالدايخ
تسمع هذه الردود

[الميموني]

أتوقع أنها أجبرت على هذا الخبر الغبي جدا

واللي أجبرتها هي الهيئة

والسبب لا أدري

[وده يصير هامور]

ياأخوان سبب النزول الحقيقي هو اندلاع حريق كبير في مدينة ميرات في الهند نتج عنه وفاة اكثر من 100 مما يقد يسبب في نقص في اعداد العماله الهنديه القادمه للمملكه التي تعول عليها هئية سوق المال في الدخول في السوق ودعم استقراره وتم استغلال الخبر من قبل الهوامير لانزال السوق ـ هذا حسب ماقاله لي كومار وهو خبير اقتصادي - ويقوم احيانا باعمال مسانده احيانا في قيادة السياره وتنظيف الحديقه
هههههههههههههه
الله يرج بليسك على الرد

[الدايخ]

ياشباب الرجال جايبها مزحة

وشفيكم على طول صدقتوا......

الطنايا :601: :601: :601:

وغداً ان شاء الله خير.........وربنا يعوض الجميع خير :):)

[mnadi88]

بصراحه بديت اشك
يمكن اخونا الدايخ يكون واحد من الهيئه مممممممممممممممممممم
يمكن يكون الزووووم بما انه اعلامي
مممممممممممممممممممممم
لا لا اظنه جماز السحيمي ويحاول يرقع الشق وياكبر الشق
الأخ دايخ ...... اعترف انك جماز ترى عادي ماراح نسوي شي بس نرحب فيك هنا عضو ويمكن نرشحك رئيس هيئة منتدى تداول ترى ياخوك اصرف لك من رئاسة هيئة سوق المال جرب وتدعي لي قبل ما ادعي عليك:604:

[السوط]

اقول ياشباب


سمعوا الكلام اللي يجمد على الشارب مثل مايقولون وسجلوها على السوط



سبب النزول هو تسرب انباء عن صحيفة امريكية عن نية امريكا ضرب ايران بأسلحة نووية


وربي من سمعت بالخبر وانا عندي احساس بأن السووووووق هروووووووووب


يعني فعلا السبب نفسي


وكنت بحط موضوع عن هذا الخبر لكن ماعندي صلاحية بسبب الشروط التعجيزية اللي حاطينها فيذاhttp://www.tdwl.net/vb/images/icons/icon10.gif


نشوفكم على خير :605:

[ابوالعمائم]

لنتلمس العذر لأخينا الدايخ وفقه الله وأظن كل من رأى السوق يهوي هذه الهاوية اليوم قد أصابه شئ من الدوخ
فلعل أخينا الدايخ اختار العنوان وهو لم يركز
أخي الدايخ حبيت أن أفضفض معاك فلا تزعل حفظك الله

[إقتصاد]

هههههههههههههههههههههههههههههههههههه والله انك رهيب جبتها
اجل وش بيصير في مؤشر السوق اذا الدريس سجل نسبة تحت

[jamy20047]

[الله يعين العاملين باقسام الطوارى الليله :605: :605: :605:

[سوقان]

[QUOTE=النقيب..]صحيح انك دايخ..يالدايخ[/QUOTE
ههههههههههههههههههههههههههههه

[Green77]

ضيعت وقت اخوانك واخواتك بمزحه مثل وجهك

[سمسار الاسهم]

اخواني الكرام ارجو من الجميع عدم اللتلفظ بمثل هذه الالفاظ الغير عادلة والتي قد تكسر حاجز الاحترام والتقدير


الرجل مافعل شيء يحاسب به هكذا انه ابد رأيه واعتقد ان سبب النزول هي بيشه بما نزل من اعلان ولايحق على الجميع شن هجوم كلامي للاخ كاتب الموضوع نحن نحترم وجهات النظر ولسنا نحارب كل من يخطيء
بل نبين له الصائب من الخاطيء

الاخطاء واردة ويجب على الجميع احترام الاعضاء وعدم الاسائه لهم (( انا اعرف ان الانفعال الذي حدث من الجميع بسبب النزول وان كاتب الموضوع لم يقصد الى الاستهزاء بكتابه هذا الموضوع ))

تحياتي اخوكم سمسار

[jareeh4u]

اعذروني ياشباب
لو كنت اعرف ان 550 سهم بالمواشي بتنزل السوق
بهذا الشكل كن ما بعتها والله يغنيناa7

[هامـــــــــور]

وشفيكم ياجماعة الخير

ترا الدعوة سعة صدر السوق قفل انسوا السوق شوي

فرفشوا وكلها خسارة بالورق لاراحت ولا جت

وماله داعي كل هالتوتر طالعين كأنكم قنابل تحترون احد يضغط على الزر

((قل لن يصيبنا إلا ماكتب الله لنا))

اليوم تقولون سوقنا زقت وسوقنا مهوب سوق
وبكرة بمجرد ماتكسبون وتشوفون المحافظ خضراء بتقولون سوقنا مافيه احسن منه وسوقنا احسن سوق بالعالم

انقالت قبل وراح تنقال قريب

والدنيا دوارة

نرجع للمهم
انا بيني وبينكم اعتقد اعتقاد ان جماز هذا انسان خرافي ماله وجود عشان كذا ماحد قادر يشوفه ولا احد يصيده ولا ليه لحد الحين حي ؟؟؟

[هامور بدوي]

:615: :615:

تصدق كنت أحسب الدعوه مزحة؟؟

طلع الخبر صحيح في موقع تداول؟؟:615: :615:

وش هالمهزلة ياناس؟؟؟؟؟؟؟؟؟؟؟

تعلن شركة بيشة للتنمية الزراعية أنه لا يوجد لديها أي مشاريع جديدة في المرحلة الحالية ماعدا ما يتم دراسته لغرض زيادة رأس المال


2006-04-10 18:22:33

تعلن شركة بيشة للتنمية الزراعية أنه لا يوجد لديها أي مشاريع جديدة في المرحلة الحالية ماعدا ما يتم دراسته لغرض زيادة رأس المال



الرابط (http://www.tadawul.com.sa/wps/portal/!ut/p/_s.7_0_A/7_0_4A8?x=2&ANNOUNCEMENT_NO=8557)


http://www.tadawul.com.sa/wps/portal/!ut/p/_s.7_0_A/7_0_4A8?x=2&ANNOUNCEMENT_NO=8557

[فقيرة إلى الله]

أخشى إنك دايخ من كثرة طق الناس
:confused:

[ZOOZ الأسهم]

حسب ما وصلني منقول عن المضارب القحطاني :
بأن سبب الهبوط هو تسرب خبر إعلان تقسيم السوق لذلك خرجت السيولة من الأسهم التي ستحول إلى السوق الثانوي وتم استغلال الهبوط من مضاربي الأسهم التي ستكون في السوق الرئيسي ليزيدوا الضغط عليها ويجمعوا أكبر قدر منها وبأسعار أقل .


هذا ما وصلني

أعضاء المساهم الكرام أرجو من وصل إليه هذا الخبر ليؤكده لنا أكثر أو ينفيه

سلم الله البلاد والعباد من كل مكروه


منقول من المساهم

[ساري9]

ههههههههههههههههههههههههه
يعطيك العافية
في أغلب المنتديات نجد أشخاص يتمتعون بخفة الدم وتكون مواضيعهم شاطحة لكنها توسع الصدر ويقابلون برحابة صدر .
لكن عندنا تستغرب من بعض الردود عايشين بهم ونكد
أقول وسعوا صدوركم شوي خلونا نضحك يا عالم وإلا أنتم هيئة سوق ؟؟؟؟؟؟؟؟؟؟؟؟

[جيمي1]

السبب في نزول السوق الظاهر جماز مصفي محافظة

[المهاجر1]

ههههههه

والله جيت ماسح الطبلون افكر فيه اقالة احد من اللي على بالي

يسلمووووووو


تحيااااااااتي

[sniper-pro]

الله يوفق ملاكها

تحياتي

[بريق الامل]

السبب في نزول السوق

واحد
رهيب دخل السوق

ومن اول طقه ركعه

امزح

الخطه مرسومه
تبيع وتصفي
عفشك اليوم
وبكره
اصدر قرار يركع
السوق
اوه ماركع
اجيب قرار اخر

المره السابقه تحمل السوق
ثلاثه قرارات
هذي
واحد بقي عندهم خمسه
احتياط

ماهو الحل

الله يرينا فيهم عجائب قدرته
اعداء النجاح

[الدايخ]

ههههههههههههههههههههههههه
يعطيك العافية
في أغلب المنتديات نجد أشخاص يتمتعون بخفة الدم وتكون مواضيعهم شاطحة لكنها توسع الصدر ويقابلون برحابة صدر .
لكن عندنا تستغرب من بعض الردود عايشين بهم ونكد
أقول وسعوا صدوركم شوي خلونا نضحك يا عالم وإلا أنتم هيئة سوق ؟؟؟؟؟؟؟؟؟؟؟؟

انت اللي فاهمني.......يعطيك العافيه.

تووووووبه ما ينمزح مع جماعتنا هنا وخاصه بعد التداول مباشره يبغالها فتره حتى تبرد حرارة التداول.

وعلى كل اكرر اسفي اذا ازعجنا احد بهذه المشاركه وترانا في السوق بالكامل.

ربي يعوضنا واياكم.....وترى الدنيا فانيه .

:dinmt: