شباب ودي اتداول عن طريق الجوال ... وش تنصحون

[ماس]

شباب ودي اتداول عن طريق الجوال
مع العلم اني في بنك سامبا

تكفون اذا فيه احد يعرف الطريقه كيف
وايش الاجهزه الاحسن
يعلمني ولا يبخل علي
تراني من جد محتاجه
وياليت اللي جرب يقولنا
وش احسن شي فيه
ووش اسوء شي فيه


تحياتي لكم

[المهندس الواصل]

اهلين ماس
انا جربت التداول عن طريق الجوال في اوقات الضرورة فقط والطريقة هي كالاتي :
الاشتراك في جوال نت عن طريق 902 والافضل هو جوال 25
في 3 طرق وهي الافضل للاتصال بالانترنت عن طريق الكمبيوتر :
1 - عن طريق الجوال الاتصال بالبلوتوث وافضل جهاز جربته هو نوكيا 6600 او نوكيا 3230
2 - عن طريق الجوال الاتصال بالكيبل ولكن هذ مشاكلة كثيره وما انصحك فيه .
3 - عن طريق جهاز ال GPRS متوفر في جرير وايضا هذ طريقته صعبة
الافضل هي الطريقة الاولى
وبعدها تسوي اعدادات الاتصال في الجوال عن طريق موقع جوال نت وتسوي اعدادت الكمبيوتر واعدادات الكمبيوتر ايضا سهلة
واذا احتجت شرح اكثر ممكن تظيفني ماسينجر واشرحلك اكثر

[ماس]

الله يعطيك العافيه اخوي المهندس الواصل

بس تراني مافهمت وشلون بلوتوث

انا ودي اتداول عن طريق الجوال
ماعندي لا جهاز ولا يحزنون

ياليت تشرح اكثر
الله يعطيك العافيه

[ما عاد بدري]

اخوي انت تبغى تتداول بالجهاز العادي.....نفس خدمت الراجحي يعني تسوي اوامر بدون ما تشوف الاسعار
وبدون ماتدخل على الانترنت يعني رسائل عاديه

او بتشتري جوال كفي وتدخل على الانترنت وتبيع وتشري مثل (الايميت وسوني اريكسون)
اوضح اكثر

[ماس]

او بتشتري جوال كفي وتدخل على الانترنت وتبيع وتشري مثل (الايميت وسوني اريكسون)

بالضبـــــــــــــــــــــــــــط

سوري ركاكه عنيفه بالشرح
:):)

[ما عاد بدري]

اشترك بخدمه عاجل اللي يقدمها الراجحي لأنها والله منا سبه خصوصاً للي عندهم دوام الصباح
اما الجوالات الكفيه ما انصحك فيها لأنها والله ما تستاهل قيمتها ولا خدمة الاتصالات بالنت البطيئه والمعقده وتكلفت النت العاليه جداً
يعني لا تفكر انك اذ اشتريت جوال كفي انك بتشوف الاسعار زي الكمبيوتر ومباشره لا (انا ماجربتها بس مره حاولت ادخل على الراجحي تخيل الدخول استغرق 3 دقايق فما بالك بتنفيذ الاوامر)
اذ انك ملزم اشتر كمبوتر محمول احسن لك او اشترك بخدمة عاجل

واي استفسار انا حاضر

[ما عاد بدري]

وهذا الموقع يفيدك اذا بغيت تستطلع زياده عن الأجهزه الكفيه
http://www.ce4arab.com/vb7/forumdisplay.php?f=62

[ماس]

الله يعطيك الف عااااااااااااااااااافيه
وبيض الله وجهك ماقصرت

[المهندس الواصل]

عن طريق الجوال ما لك الا الايميت ولكن مشكلته البطْء ولازم تركب برنامج المتصفح العربي عشان تقدر تنفذ الاوامر