من بكرة إن شاء الله ..... توقعك ... وماذا سوف تفعل فبيت شعر .... وكلمتين بس

[السويلمي 1]

:619:


الفكرة :

أقول بيت شعر أو اثنين يوضح توقعي للسوق أو ماذا سوف أفعل غداً دون تردد .

بالنسبة لي سوف أعلنها مدويه وبكل ثقة ومقدم على ذلك بمشيئة الله تعالى .

اكفخ بجنحــان الســعـد لاتدرا *** فالـعمـر ما ياقاه كثر الـمــداري .

مــافي يد المخلوق نفع وضرا *** ما قدر الباري على العبد جاري .

( شراااء حتى الثمالة )


أرجوا من المشرفين الكرام المشاركة بترشيح أفضل بيت شعر ...

[الكينغ]

آآآآآآآآآآآآآآآآآآآآآآآآآه آآآآآآآآآآآآآآآآآآآآآآآآآآآآآآآه !!!!

[الكينغ]

أقول :

[أخضر .. ياخضر الزيتون يامن وده شـرا ........... تراني بياع وقلبي تنتف وموجع جراحه
شيل ببلاش ياهمور واهتف سرا ســــــرا ........... تخير في صدق والا اللجين وحلي بباحه
تخير ياهامور الغفله تخير ... والبس الفرا ........... ترا عندي بعد قادة وصناعة والزراعــه

[مضمون]

اقول
ياراكب فوق ددتسن غمارتين **** رح للهامور وقله بكره ترا
نزل التصنيع لستميه وتسعين **** ولاتقول بعدها مضمون ماشرا
( التصنيع غدا بكامل السيوله )

[الكينغ]

تخير ياهامور الغفله تخير ... والبس الفرا ................... ترا عندي بعد قادة وصناعة والزراعه

[xجسارx]

اصبر على رزقك واصحى تجرا00000الرزق ما يلحق بشيل السوارى
جــســار ينشدك الركاده تحرا0000وماقدر الباري على العبد جاري

[متفاهم]

لا للتشاؤم وانما للحذر


اذا رايت انياب الليث بارزة= فلا تظننا ان الليث يبتسم

[مايهاب]

وش تنتظر وش ماسكك وش تحرا ***** دامك عرفت وصرت بالوضــــع داري
طب الحراج وسوم والســـــــــوم برا **** والبيع كان الله كتب . جاك شــــاري
وان كان ربــــك كتبن لك مســـــــرا**** تصبح خضــــار الدار لو هي غـــفاري

[jernas]

اليد ما طاعت تفتح الموقع *** خايف الا شفت الخسارة اودع


والله يا جماعه ما ني قادر افتح موقع البنك وشوف المحفظه
امس كانت في اللحم والشحم واليوم ابشركم وصلت للعظم
الله كريم

[ريان77]

تكفى على مهلك وريح وهدا 000000 السوق ماهو زين انكنت شاري
افطر فطورن زين حتى تغدا 000000 ولاًً ترى موعدك قسم الطواري

[الكينغ]

يقولون لا تشائم .. هذا سوق قــــدام وورى ............ وان نزل اليوم .. بكره يبي يغرد ويدمل إجراحه
واقول مايو يلوح لي مسكين غيري مادرى ........... ياكل الاخضر واليابس ويعرمش الدامي بمشراطه


لا إله إلا الله

الحمد لله على كل حال

الله يعوضنا ويعوض جميع الأخوان .. ويكتبلنا الأجر إن شاء الله
الحمد لله على الصحة والعافية .. والستر .. اللهم لك الحمد حتى ترضى ... ولك الحمد بعد الرضى
أنت أعطيت وأنت أخذت ... لك الحمد الشكر ... وان شاء الله نشوف الخير قريب !!!

[ابوالبيان]

وانا بعد شراي ومن غير شرا وراي اخاف السوق واخشى واداري



ياسوق ابومتعب ترى الدرب خضرا تفضل وكمل طريقك اخضاري


ألف ألف تحيه وتحيه .

[شجن26]

مــــع التحية :

البارحه بالليل قمت اتطرا ××× ومن سوقنا ياكثرها هالطواري
بحلت باللي راضين ويتحرا ××× يبي يبيع السهم. ومافيه شاري



تحياتي

ابو شجن :606:

[سعودي نت]

أخي السويلمي 1 سلمه الله
تحية وبعد :
هذان البيتان الجميلان - الذي أحسنت إختيارهما - هما من قصيدة للإمام تركي بن عبدالله آل سعود - رحمه الله تعالى .

:bear: :bear: :bear: :bear: :bear: :bear: :bear: :bear:

[سعودي نت]

الأخ السويلمي 1 وفقه الله
تحية وبعد :
يصعب على أي شاعر أن يأتي بمثل هذين البيتين اللذين أحسنت إختيارهما - رعاك الله .

:614: :614: :614: :614: :614: :614:

[ريـال الفسحه]

الأخ السويلمي 1 وفقه الله
تحية وبعد :
يصعب على أي شاعر أن يأتي بمثل هذين البيتين اللذين أحسنت إختيارهما - رعاك الله .

[كنج الصحاري]

اكفخ دخيلك انت وش اتحرا0000000000000نبفا على العشرين وذيك المحاري
خلك عزيز انصحك لا لا تخرا0000000000000هذي نصيحه كنج كل الصحاري
00000000000000000000000000000000000000000000000000 0000000
شاعر الصحراء الاول000كنج الصحاري