نادين العربية * الفوزان * الجفري * واشياء اخرى

[مقفل نسبة]

الحدث : برنامج تحليل الاسهم بقناة العربية للمذيعة نادين
النتيجة : هذه المشاعر التي تعكس مشاكل السوق

مع التحية للجميع


على صوت البداية والنهاية كل شي يبين. . . . عسى غيم النسب فالسوق الأسود تصدق امزانه

علامك ما تبدين الكلام الزين يا نادين . . . . لنا أكثر من شهر - تصحيح مايو- تعزف الحانة

يواصل سوق الأسهم من عطاه وننتظر بعدين . . . . لأن عقول كل الناس بالتحليل بلشانه

تفاؤل راشد الفوزان يرفعنا نسب ونزين . . . . . ويضيع من الحذر لا نبه الجفري على شانه

دخلنا سوق الاسهم والخزينه نصف حلم ودين . . . . وتعلقنا مثل حلم الغريق بشوفة اخوانه

على هامش جنون النسبة اللي نبه السالين. . . . .دخان البورصة خلا الفقير يبيع دكانه

تراك عن العلوم القشر يا نادين ما تدرين. . . . .ابا علمك وانتي وسط سوق المال فهمانه

بلشنا بالبنوك اللي كما المنشار فالحالين . . . . بتعليق الاوامر وابتزاز الناس فنانه

ولمسنا بالغلط سستم تدال بين زين وشين . . . . على تبرير ساما كل تاجر يربط حصانه

وورطنا بالهوامير ومثل شوفة غراب البين . . . . .سواد قلوبهم باسلوبهم فالسوق له خانه

وتغررنا بسيل التوصيات الله عليه يعين . . . . . .وصارت روسنا من كل هرج ومرج مليانه

وتوهقنا واعز اصحابنا في ضرف غمضة عين . . . . رمانا بالقطيعه ثم جفى رقمه وعنوانه

ونسينا وصل الاحباب وتعذرنا من الغالين. . . . .لأن الوقت مثل السيف والميدان ميدانه

الا يالله ياللي تنصر المسلم بيوم الدين . . . . .تقدينا على الدرب السليم بعدل ميزانه


واعذرونا على القصور