قصة حقيقية: امرأة تتفوق على صناع السوق

[BROKENHEARTED]

بما ان بكرة اخر يوم تداول وبعدها اجازة ابي اقولكم هذي القصة في عالم الاسهم وهي قصة حقيقية :
لي حوالي سنتين اشتغل في الاسهم وكسبت حوالي 25% الحمد لله يعني تقدر تقول عليمي في الاسهم لانه خسائري بالهبل في هذا السوق
وفي يوم شافتني ام العيال احوالي متغيره ماهي زي قبل دائم التفكير والمطامر في المنتديات وبرامج وكتب عن الاسهم واشتراك في توصيات الجوال مسوي 00 هامور00 وانا من جنبها
قالت لي : ابو هاجوس تراك هالايام مانت عاجبني علامك متبدل ومانت بالعادة فيه شيء مقلقك
قلت - اقول وش عرفك وخري عني الله يرحم والديك
قالت - علمني يارجال يمكن اقدر اساعدك
قلت - فكينا واللي يعافيك هذي اسهم وتجارة وفلوس خلك بس في شغل البيت وكثر الله خيرك
قالت - اسهم وفلوس وعساك ان شاء رابح
عاد هذيك الايام وانا في حالة يعلم بها الله صيفية العام الله لايعيدها
قالت - طيب الحريم مسموح لهم يبيعون ويشترون والا مثل سواقة السيارة
قلت - لاحول ولاقوة الا بالله هاللحين انت وخشتك هذي تبين تدخل بالاسهم وبعدين من فين لك دراهم هاه
قالت - ابيع ذهبي
قلت - اقول تراك مخبولة
قالت - الذهب يابو هاجوس هاللحين غالي وذهبي واجد وخلني ابيعه احسن من تركه بلافائدة
قلت - ياولد فكرة زينة وبالمرة اكوش على هالمبلغ السنع هذا الكلام طبعا كله قبل رمضان المهم بعنا الذهب جاب 50000 الف ريال
يوم رجعنا البيت قلت - ام هاجوس هات الفلوس وخلينا اراويك الشغل السنع وان شاء الله في ظرف سنة وفي يدك اقل شيء 10000 الاف مكسب 00 هامور00
قالت - شنو شنوشنو فلوسي وبشغلها بكيفي
افا من اولها بدينا يا ام هاجوس
قالت - اسمع انت لك مدة وانت مطامر من سهم للثاني وبصراحة الظاهر ان ما عندك سالفة
قلت - هالحين ماعندي سالفة شوفي - تعرفين ايش يعني الماكد ؟
قالت - وش ذا اكله
قلت - شفتي ابوهاجوس خبير اسهم طيب علميني - تعرفين البولنقر ؟ والظاهر اني ذيك اليوم ما نطقتها صح
قالت - اقول وخر عني هذي الخرابيط اللي ابيه تحط فلوسي في بنك البلاد
قلت - الله الله عشنا وشفنا من وين تعرفين بنك البلاد
قالت - قالت اقول حط فلوسي كلها في بنك البلاد اليوم شفته في التلفزيون ب 727
قلت - يام هاجوس هذا البنك بعد ما اشتغل وترينه عله وغثيث وله فترة راكد
قالت - اقول اركد انت واشتره بكره
المهم شرينا بالفلوس كلها بنك البلاد وشوي يفز سعر البلاد وجيت بسرعة وانا مبسوط ابي ابشرها ان السهم طلع عشرين ريال وهنا كانت المفاجاة
قالت - اقول اركد ابي اقل شيء يوصل السهم 900
بصراحة زعلت وقلت في نفسي هذي والله المخبلولة راح عليها مكسب حلو وشوي يومين واللا السهم واصل 910
قالت - هالحين بيع المهم كسبت ما شاء الله في ايام حوالي 25% وانا سنتين يادوب الحمد لله
بعدها قلت هيا هذي فلوسك صارت فوق 60000 الف هيا خليني اتصرف واحطها في سهم الاتصالات
قالت - شنو شنو شنو لا ياعيوني هذا سهم سعره عالي وما يحقق طموحي
افا وش طموحك يا لبنى العليان ؟
قالت - ابي ادبل راس مالي ومافيه غير التعمير
قلت - شوفو الخبلة التعمير نزل اعلان يقول عندنا استثمارات ونبي نطور والسهم من عقبها نزل ولا ارتفع
قالت -اقول اشتر التعمير وبالفعل شريتا ب 238 تقريبا وقالت لي - لو مهما صار ماتبيع فهمتني زين ؟ بصراحة تغيرت علي ام هاجوس ماهي مثل قبل
قلت - ابشري بسعدك وشوي والا السهم واصل 290 قلت - بسرعة بيعي
قالت - اركد تراها زينة والتسرع جهالة 00 تكفين يا خالد الفيصل
المهم شوي واللا ادارة التعمير الدايخة مطلعة اعلان نفي خبر زيادة رأس المال
جيتك عاد مسوي ابو العريف واقول لام هاجوس بيعي بسرعة اوقفي خسارتك
قالت - شنو شنو شنو اوقف خسارتي 00 ولك ماحزرت 00 باللهجة السورية
قلت - تكفين يا باسكال مشعلاني بيعي احسن ترين فلوسك بتروح وطي
المهم رفضت البيع وتمسكت بالسهم وشوي واللا ذا الاعلان من التعمير عن زيادة راس المال والا والنسب كل يوم واللا والسهم ما شاء الله مطامر
قالت - شوف يابو هاجوس اذا وصل السهم 450 بيع وفعلا بعت ودبلت راس مالها
وبعدها - قالت ادخل بسرعة في القصيم الزراعية بحوالي 350 وتقريبا هي كسبانة الى الان 30 ريال وتقول البيع على 450
بصراحة اكتشفت ان ام عيالي هامورة بصحيح وانا ياغافل لك الله دخلت التصنيع وتوطاني المضارب ب 960 والى الان خسران برغم وجود عقلية اقتصادية معي في البيت وبصراحة صرت اخذ منها توصيات واقول للربع وكلها ناجحة اخرها الشرقية الزراعية وانا الى الان ما طاوعتني نفسي اخذ بكلامها

ابو هاجوس

[نمــــــــــــر]

والله الي ميهب سهله
انت اركد بس يابوهاجوس وبتعين خير:)
قصه رائعه وهادفه فعلا شكرا لك

[sal-jubairi]

والله مطامر من سهم الى سهم وانا خوك ما شفنا الا الخساير من وقف الخساره الى التصحيح الى الماكد الى ....... واخرتها اليوم خساره ؟ لكن القصه هذي تعلم الصبر على السهم وتحدي الهدف .

قصه رائعه وهادفه فعلا شكرا لك

[عريب الجد]

ابو هاجوس

هههههههههههههههههههههههههههههههههههههههههههههههههه هههه
ههههههههههههههههههههههههههههههههههههه

سالفه رهيبه

تصدق وانا اخوك ما ينكب الواحد الى المطامر من سهم السهم

الواحد لازم يصبر على رزقه مو يشتري السهم وان كسب في يومين والا باعه بخساره وطمر في سهم ثاني

اتمنى لك التوفيق

[أسلام]

شكر لك أخي الكريم .... من الغد باذن الله سوف اصفى كامل المحفظة وأخرج من السوق !!!!

[محمد بن ابراهيم]

ههههههههههههههههه

الله يخليلك ام عيالك

ويزيدكم ان شاء الله

[BROKENHEARTED]

شكر لك أخي الكريم .... من الغد باذن الله سوف اصفى كامل المحفظة وأخرج من السوق !!!!
افا وش دعوة اخوي عساك شفت شيء كدر خاطرك

[ali_m_z]

بيني و بينك قصة روعة

لا و مدرسة للي يطامرون

[sas223]

قصه رائعه وهادفه فعلا شكرا لك

[معيده]

ههههههههههههههههههههههه

الله يرج بليسك يعني نعتبر القصيم الزراعيه توصيه !

[BROKENHEARTED]

ههههههههههههههههههههههه

الله يرج بليسك يعني نعتبر القصيم الزراعيه توصيه !

والله ياخوك مدري بس هذا كلام أم هاجوس تقول القصيم الزراعية والشرقية الزراعية وبصراحة ما اخذت من كلامها الى هالحين ولا شيء

[معيده]

والله ياخوك مدري بس هذا كلام أم هاجوس تقول القصيم الزراعية والشرقية الزراعية وبصراحة ما اخذت من كلامها الى هالحين ولا شيء

اقول جرب وطعها هالمره ترى علوم الحريم ماهي بسهله :609:

[zoff]

شريت في القصيم............واذا جاءت توصية جديدة من أم العيال علمنا اول باول.......
ترى مانبغى توصياتك..................
ههههههههههههههههههههههههههههه
zoff

[بن غنيم الجميلي]

هههههههههههههههههههههههههههههههههههههه

الله يرزقك واياها الرزق الحلال !

[معيده]

عاد هذيك الايام وانا في حالة يعلم بها الله صيفية العام الله لايعيدها

ابو هاجوس

والله إني قريتها اكثر من مره ومت من الضحك ..... اضحك الله سنك :509:

[khalid M]

الله يخليكم لبعض يارب

[saaid2002]

اخوي ابو هاجوس
بصراحه قصه رائعه واسلوب ارواع
والرائع انك نبهتنا لنقطه وهي( برغم وجود عقلية اقتصادية معي في البيت ) فهذه نقطه مهمه وهي ان مضاربة الاسهم عبر الانترنت هى افضل عمل للنساء . لاسووايق لا خرجا من البيت كل يوم الساعه كذا . بدل النوم او السواليف تفتح هل الجهاز وتبدا تططق ولديها قوة تحمل وصبر قد لا تكون لدى بعض الرجال
وكثير منهم امثال ام هاجوس حققو اضعاف راس المال خلال السنه الماضيه . ولكن سنعتبر القصيم توصيه منك وجزاك الله خير ...............

[الـقـرنـي]

ههههههههههههه

حلوه يابو هاجوس

وخل عنك المطامر

[المسافر؟؟]

قصة فطستني من الضحك باسلوبك الجميل

الله يخلي لك ام هاجوس

ونصيحة مادام هذي مكاسبها خلك معاها وانت تكسب

لك تحياتي

[فارس123]

شف لنا إذا عندها توصية الحق علينا

[samba_man]

اضحك الله سنك
بالله اكتب التوصيات وبنتابعها
طبعا مهي توصياتك انت:)

[albakrey]

هههههههههههه
قصه رائعه ابدعت في كتابتها
صدقت والله ام هاجوس بلا تحليل بلا ما كد
الصبر الصبر الصبر بس مو كل الاسهم
المشكله الى ما عنده لا ام هاجوس ولا اخت هاجوس :615:

عزابيه لنا الله :509:

[قنوع]

في اخو لأبو هاجوس يشتري عند الهاي ..ويخاف ويبيع عند الأحمر !!

[ابوأيمن]

الملاحظ على اسهم ام هاجوس انها ...نقية.. ( البلاد ..التعمير ..القصيم )

المبلغ المستثمر قيمة الذهب ولا اشك انه مبلغ نقي ومطهر بالزكاة.

واعتقد بل شبه متأكد أن الاستخارة تتم قبل الشراء والبيع.

ومن يتق الله يجعل له مخرجا ويرزقه من حيث لا يحتسب....

آمل يا اخي الكريم ان تتقبل مني نصيحة صادقة لوجه الله وهي:

((امسك عليك زوجك....وتعامل في الاسهم النقية....واستشر ثم استخر... وكلما أذنبت فتب واستغفر...وعليك بالصدقة في السر..... وإن قدر عليك خسارة فاحتسب واصبر...وكلما ربحت فإحمد الله واشكر.....)) وأبشر بالخير ثم أبشر.

وبارك الله لك في مالك وزجك ورزقني وإياك وجميع المسلمين من واسع فضله.

[tryme]

:601: :601: :601: الملاحظ على اسهم ام هاجوس انها ...نقية.. ( البلاد ..التعمير ..القصيم )

المبلغ المستثمر قيمة الذهب ولا اشك انه مبلغ نقي ومطهر بالزكاة.

واعتقد بل شبه متأكد أن الاستخارة تتم قبل الشراء والبيع.

ومن يتق الله يجعل له مخرجا ويرزقه من حيث لا يحتسب....

آمل يا اخي الكريم ان تتقبل مني نصيحة صادقة لوجه الله وهي:

((امسك عليك زوجك....وتعامل في الاسهم النقية....واستشر ثم استخر... وكلما أذنبت فتب واستغفر...وعليك بالصدقة في السر..... وإن قدر عليك خسارة فاحتسب واصبر...وكلما ربحت فإحمد الله واشكر.....)) وأبشر بالخير ثم أبشر.

وبارك الله لك في مالك وزجك ورزقني وإياك وجميع المسلمين من واسع فضله.

صدقت اخي الكريم ...اثابك الله

[mj_adwan]

الله يرزقنا بوحدة مثل أم هاجوس
على فكرة جربت اسئل ام هاجوسي مرتين وخسرت وعقبها ماعد اسئله لكن ام هاجوسك شئ

[رانيه]

بارك الله في زوجتك

ان شاء يجي اليوم اللي يطلق عليكما " الهامور وحرمه"

ولا تنسى

(( وراء كل رجل عظيم امرأه))

والدراسات اثبتت ان المرأة أذكى من الرجل ..

[mj_adwan]

بارك الله في زوجتك

ان شاء يجي اليوم اللي يطلق عليكما " الهامور وحرمه"

ولا تنسى

(( وراء كل رجل عظيم امرأه))

والدراسات اثبتت ان المرأة أذكى من الرجل ..

ومصداق كلامك (ان كيدهن عظيم)

[ابو رحاب]

الله يخليكم لبعض يارب

[doodi777]

ههههههههههههههههههههههههههههههههه الله يسعدك يارب على هالأسلوب.





أنا لو مكانك ( مادام انك ماتاخذ بتوصياتها ) أقفل على سوق الأسهم وأشتغل بتوصيات الجوال. انت خذ منها ووزع التوصيات على الجوال بإشتراك .
الله يحفظكم لبعض.

[وطني-2]

ابو هاجوس لايكون ام العيال بنت هامور وانت ماتدري.....

[ابوهاشم]

يا حليلك يا ابو هاجس انت وام هاجس

تدرون هذه قصة مماثلة زميل لي بدا في الاسهم بناهية 2003
سريع في البيع وزوجتة متعلمة ماشالله عليها تقول اركد انت في بداية طفرة مثل طفرة العقار تذكر يوم كانت الاراضي رخيصة بـ 5000 ريال تاخذ قطعة شف كما صارت اللحين في 5 سنين
والاسهم مثلها راح تشوف اسعار ما تتوقعها وكان ما يسمع لها يكسب 20 او 30 ويبيع او يخسر ويبيع بخسارة وما حقق ماكسب كبيرة غير التعب والقلق ومراقبة الشاشة يوميا

يقول اللحين كل ما شفتها وشفت الاسعار با الشاشة قلت ليتني سمعت كلامك
يقول وفورا اصدرات قرار بترقيتها من ربة منزل الى مديرة محفظة عائلية :509:

[طلال المحمادي]

الله يخليكم لبعض ولايغير عليكم ان شالله

وبالفعل المرأة عندها القدرة على الصبر اكثر من الرجل

عسى ربي يرزقكم من واسع فضله

[adra]

والله يأخى صاحب القلب المكسور أو الحزين ؟!! أم العيال عندى تشتغل طول الأسبوع على النت وتكسب وجى أنا الخميس أطير هالمكسب هههههه أشوف نطلع ونعطيهم " السكان " الدركسيون

[bosaleh]

هذي والله اخت رجال ومن نسل رجال فلا للتفريط فيها

[AL-GHAMEDI]

÷ههههههههههههههههههههههههههههههههههههههههههههههههه هههههههههههه

["المساهم"]

الله يخليكم لبعض ويرزقكم بالذرية الصالحة ولايغير عليكم

إيه بس ولو

ولاتنسى يابو هاجوس المثل اللي يقول

وراء كل إمرأة عظيمة (رجل) :509:

[المتفائل جدا]

بصراحة انت الذكى
استثمرت فى زوجة صالحة

[عرعر 2005]

الزوجة يانعمه او نقمة يابو هاجوس زوجتك نعمة لك واحمد الله بانة وفقك فيها
وانا الاحض في الاسم مثل الجميع
1/ اشتر اي شركة وضبر عليها من 2ألى4 شهور وهي ترتفع 15% الى30%
2/الحريم نشفن ارياق هوامر العقار مش عاجزات على الاسهم