تسجيل الدخول

مشاهدة النسخة كاملة : تصدقون امس كملتني امس بنت مبليه وسكرانه؟؟

ابوراكان
10-07-2003, 07:13 AM
البارحه كلمتني بنت مبليه ومعاملتها معي صراحه تعبانه

قالت كيف الحال قلت اهلين يابنيه قالت بغيت البنات قلت غلطانه

قالت تغشمر قلت احكي بجديه انا رجل والرجال ملزوم بلسانه

قالت بلادلع رح ناد بدريه وان كانت نايمه صوت لسلطانه

قلت ترا حنايابنت عزوبيه والكل منا يابنت الناس في شانه

قالت ابي اسولف معك لو تسمح شويه تراني قبل اتصلبك كنت طفشانه

قلت اهرجي زين وصفي النيه وانا بكلمك بنفس رضيانه

قالت ابي اسالك وش بعد بلاد سوريه والهند اذا كنت ذكي وش كثر سكانه

قالت تحب قلت احب اللي حواليه احب ربي ثم الكنق واخوانه

احب اهلي واحب اهل السعوديه محبه ماعطاها الخل لخلانه

قالت بضحكه وش في اخلاقك تجاريه تراني يوم اكلمك انا خسرانه

انت بدوي ماتعلمت الرومنسيه أنت بدوي حياتك مالها خانه

قلت اسمعي زين كانك طبيعيه لكن اظنك يابنت الناس سكرانه

حنا بدوا بدوا لاثارت الهيه نثبت لاعارض البارود دخانه

حنابدوا لاانكشف ستر السنافيه يفرحبنا اللي وخذت ذوده وحيرانه

حنابدوا لاكوينا ننضج الكيه يفرحبنا اللي يشوف الظيم باعيانه

حنا بدوا واقول يابنيه الاصل حنا وعز البيت سيسانه
abu faisal
10-07-2003, 07:36 AM
أبو راكان السنافيه الي كتبتها هذا منتج جديد من الدوائيه للحريم :D:D:D

ومشكور علي القصيده:)
عادل الثبيتي
10-07-2003, 09:17 AM
قصيدة جميله مشكور أخي الكريم
ابوفهد
10-07-2003, 03:26 PM
مشكور ابو راكان
المتوازي
10-07-2003, 04:07 PM
العنوان يخوووووووووووووف ومثير ((( كأنه عناوين قناة الجزيرة)))

بس رائعة أبو راكان
[[[[[احب اهلي واحب اهل السعوديه محبه ماعطاها الخل لخلانه
]]]]
ابوراكان
13-07-2003, 05:52 AM
الله يسلمك يارب.
ابوراكان
13-07-2003, 05:53 AM
لا شكر على واجب وشكرا على هذاء التواصل.
ابوراكان
13-07-2003, 05:55 AM
ههههههههههههههههههههههه

قناة الجزيرة

ههههههههههههههههههههههه

يعطيك العافيه حبيبي وعلى هذاه الوطنيه الفياضه

والله يسلم الوطن الغالي من كل سواء او مكروه.