لغزز لاهل الالغاز

[sltan200002]

يقول الشاعر:
أنشدك عن بنت عسيرة ولادي...........ما تالد لين الموت يفني جسدها
معروفة للناس حضر وبوادي.......... أنا اشهد ان الطيب ناله ولدهــا



لعل وعسى ما مر على احد منكم أبي العقول النيره والجهابذة بالمنتدى تتفتق أذهانهم ليأتو بالحل

[متنوع]

اعتقد والله اعلم انها التمره او التمر او الرطب او البلح.
لعلها رمعة موفقه

[مايهاب]

رمعه اولى

العوده او الطيب

لايظهر الا بعد حرقه

[sltan200002]

الأخ متنوع
الأخ ما يهاب

شكرا على مروركم

مالكم لوا

[ابوجبل]

الرصاصه...ولدها ..البارود

[sltan200002]

الرصاصه...ولدها ..البارود

هلا فيك ابو جبل
شكرا على المحاوله ومالك لوا
لا تنسى يقول في البيت الأخير: أنا اشهد ان الطيب وناله ولدها
والبارود اللهم عافنا فيه الموت الحمر

[ابوجبل]

يقول الشاعر:
أنشدك عن بنت عسيرة ولادي...........ما تالد لين الموت يفني جسدها
معروفة للناس حضر وبوادي.......... أنا اشهد ان الطيب ناله ولدهــا



لعل وعسى ما مر على احد منكم أبي العقول النيره والجهابذة بالمنتدى تتفتق أذهانهم ليأتو بالحل البيضــــه&&ولدها الفرخ

[الـنـشـمـي]

الرمعه :-

القهوووووووه ,,,,

[sltan200002]

مالك لوا يابو جبل ... لاحظ أن البيضه أصلها ميت وأخرجت كائن حي
لكن هذي حيه وخرج أولادها بموتها
حط عشر خطوط تحت أولادها .. يعني مهوب واحد


مالك لوا يا النشمي بس تصدق ... يخلق من الشبه أربعين اذا انت ذكي بتفهم قصدي

[الـنـشـمـي]

وش رايك ,,, في ورق الشاهي ,,, :)

[deef]

تحياتي للجميع ابي ارمع معكم ما هي حبة الهيل ..

[ابوجبل]

حبـــــــــــــةالقمح****اوحبـــــــــــة الشعير

[sltan200002]

وش رايك ,,, في ورق الشاهي ,,, :)
اكياس او تلقيمه... شكلك راعي قواهي... هذي الله يسلمك من اختصاص ابو جبل :509: :509:

تحياتي للجميع ابي ارمع معكم ما هي حبة الهيل ..
شكرا على المحاولة ومالك لوا

حبـــــــــــــةالقمح****اوحبـــــــــــة الشعير
آآآآخ يا بو جبل رمعتك ذي قوية أحاول اقول اصبت لكن عجزت حورف في رمعتك
عشان تصيب الرمعة في الصميم :509: :509:
بالشكل هذا اسمح لي اقول وبقوة لم تصب iconb iconb

ليش قلت كذا يا ابو جبل.. قبل انسى تصدق كل مره اقرا اسمك اذكر الشاهي بالتلقيمه لان طعمه ما ينسي من حلاوته خاصة شاهي ابو جبل ....

ارجع لمحور حديثي انت لو تفكر في الحبه ما تنطبق عليها الابيات لان البنت تالد بعد ما تموت والحبه تالد وهي حيه لانها لو ميته ما اثمرت

يا ويلكم لو جا احد بعد ردي هذا ولا أصاب تراكم على المحك

[ابوجبل]

اخي وعزيزي sltan200002(سلتان)شكرا على مشاعرك تجاهي انا واخي النشمي
فقد وصفت احدنا بصاحب قهاوي والاخر بشاهي لذيذالطعم
ولكن سوألي هو؟ماذا يعني معرفك(سلــــــتان) وماذا يعني بالغه العربيه
شكـــــــــــــــرا..

[ابوجبل]

الرمعه الاخيره **الحبحب او البطيخ

[الـنـشـمـي]

الرمعه الاخيره **الحبحب او البطيخ

شكلك جبتهاااا ياوبوجبل ,,,,,:)

[الـنـشـمـي]

الجمر ,,, الرماد ,,, الزقاره :D

[متنوع]

ياسلطان
حل اللغز تراه
القهــــــــــــــــــــــــــــــــــــــــــــــ ــــــــــــــــوه
والا انا غلطان
يمكن ابو جبل
مر من جنبه ونسى

[sltan200002]

اخي وعزيزي sltan200002(سلتان)شكرا على مشاعرك تجاهي انا واخي النشمي
فقد وصفت احدنا بصاحب قهاوي والاخر بشاهي لذيذالطعم
ولكن سوألي هو؟ماذا يعني معرفك(سلــــــتان) وماذا يعني بالغه العربيه
شكـــــــــــــــرا..

اشكرك بعنف على مبادلتك للمشاعر الجياشة
وبالنسبة لاسمي سلتان يعني سلتين سلة حلى للقهوة وسلة موالح للشاهي

ترا الانجليزي ما فيه طاااء عشان كذا أبدلت الطاءوو تاء(ن) وادغمت فيه

[sltan200002]

الرمعه الاخيره **الحبحب او البطيخ

يعنبو بليسك ليتك جنبي كان اشوتك .. ألحين اقول انك شطفت من عندها وتقول حبحب
الظاهر انك شطفت وانت مسرع ما ردك الا جدار محل خضار

ورمعتك ما يبي لها حتسي ما هيب لم سنع

اسف على التحطيم بس وش اسوي قهرتني

[sltan200002]

الجمر ,,, الرماد ,,, الزقاره :D

هذي شكلها خلطة تطويل الشعر

ياسلطان
حل اللغز تراه
القهــــــــــــــــــــــــــــــــــــــــــــــ ــــــــــــــــوه
والا انا غلطان
يمكن ابو جبل
مر من جنبه ونسى

انت روح لم مشاركة ابو جبل رقم 12 وفحط فيه ولا تعدها لين تعرف الحل.. على فكره الرمعة اذا عرفتها بتقولها وانت متأكد انها هي لانها تنطبق انطباق كامل على الابيات

[ابوجبل]

يعنبو بليسك ليتك جنبي كان اشوتك .. ألحين اقول انك شطفت من عندها وتقول حبحب
الظاهر انك شطفت وانت مسرع ما ردك الا جدار محل خضار

ورمعتك ما يبي لها حتسي ما هيب لم سنع

اسف على التحطيم بس وش اسوي قهرتني
يااخوك اناوش اسوي تصدق يجي آخر الليل وان افكر في لغزك

[sltan200002]

يااخوك اناوش اسوي تصدق يجي آخر الليل وان افكر في لغزك

هذا الي ابي.. ابي ادوخك ولا تذوق للنوم طعم iconb
. وهذا دواك يوم اني المح لك واقول انك شطفته خل عنك النوم ورح لمشاركتك 12 وحس فيها
.
.
. :509: :509: :509:

[ابوجبل]

خذها الرمعه ياسلطان(المحار في البحر وحبة الؤلؤ)

[الـنـشـمـي]

صبااااحكم الله بالخير ,,,,

وش رايك اخوووي سلطان بـــ عجمه التمر ,,,, :)

[sltan200002]

خذها الرمعه ياسلطان(المحار في البحر وحبة الؤلؤ)
اكيد انك جبت رمعتك ذي عقب ما تتفخت عيونك من السهر.. والدليل انك رحت اعماق البحار بدل ما تروح مشاركتك 12
رح للمشاركة المذكورة آنفا ودر حولها تراها مهيب بعيده عنها قرييييييييييييييبه لها بس حورف شوي في الرمعه وتصيبها وخل عنك الغوص والسباحه

صبااااحكم الله بالخير ,,,,

وش رايك اخوووي سلطان بـــ عجمه التمر ,,,, :)

تصدق يا النشمي كنت اتوقع انك انت الي بتجيب الرمعه اللي تجمد على الشارب لكن للاسف خيبت ظني
ليتك تروح مشاركة ابو جبل رقم 12 وتحاول تغير فيها تراها مهيب بعيده عنها

[الـنـشـمـي]

تصدق يا النشمي كنت اتوقع انك انت الي بتجيب الرمعه اللي تجمد على الشارب لكن للاسف خيبت ظني
ليتك تروح مشاركة ابو جبل رقم 12 وتحاول تغير فيها تراها مهيب بعيده عنها

والله ياخوووووووووووك هذا لغز من ذيب ,,,

زييين وش رايك في الذره ,,,

او المسمار الي يحط مع القهوه ,,,,

تحيتي ,,,,,,,,,

[sltan200002]

والله ياخوووووووووووك هذا لغز من ذيب ,,,

زييين وش رايك في الذره ,,,

او المسمار الي يحط مع القهوه ,,,,

تحيتي ,,,,,,,,,
انت بديت تقرب حولها.... لكن المسمار بعيد واللبيب بالإشارة يفهم (و)

[الـنـشـمـي]

الزعفران ,,,,,,,,,,,,,, ؟؟؟؟؟؟؟؟؟

[ابوجبل]

اخــــي سلطان

صباحك خير **سؤال اخير هل هي جماد

[sltan200002]

تدرون وش قاعد اسوي انا الحين... اكيد ما تدرون...
انا قاعد اشقق هدوووومي
ليش اشقق هدومي
.
.

الزعفران ,,,,,,,,,,,,,, ؟؟؟؟؟؟؟؟؟
. عشان انا قربت لك ومع ذلك تروح للزعفران بالله عليك وش جاب طاري الزعفران
.

اخــــي سلطان

صباحك خير **سؤال اخير هل هي جماد
يا بو جبل كم مره قلت راجع مشاركتك رقم 12 حورف فيها شوي مهيب بعيييده
.
.
.
يا طر جيبي طراااه

[sltan200002]

تدرون وش قاعد اسوي انا الحين... اكيد ما تدرون...
انا قاعد اشقق هدوووومي
ليش اشقق هدومي
.
.

الزعفران ,,,,,,,,,,,,,, ؟؟؟؟؟؟؟؟؟
. عشان انا قربت لك ومع ذلك تروح للزعفران بالله عليك وش جاب طاري الزعفران
.

اخــــي سلطان

صباحك خير **سؤال اخير هل هي جماد
يا بو جبل كم مره قلت راجع مشاركتك رقم 12 حورف فيها شوي مهيب بعيييده
.
.
.
يا طر جيبي طراااه

[ابوجبل]

طرررر الله جيبك عجزت عنك انت وهااللغز كل شي جبته لك
وش رايك بحبة الخال **او حب الشباب

[الـنـشـمـي]

طرررر الله جيبك عجزت عنك انت وهااللغز كل شي جبته لك


انا سيم سيم :D:D
الهيل ,,,,,,,,,,,,,,,,,,,,,

هذا كل الي يحطووونه مع القهوووووووووووه :D:D

[sltan200002]

حبـــــــــــــةالقمح****اوحبـــــــــــة الشعير

هذي مشاركة ابو جبل رقم 12

وش جاب القهوه والهيل والزعفران لها
ووش جاب حبة الخال وحبة الشباب حبحبة عيون العدو

[ابوجبل]

حــــــــــــبة الرز ياسلطان

[الـنـشـمـي]

حــــــــــــبة بنادول ياسلطان :D

[sel_roqy]

مهوب الشجر والحطب اظنها رمعة جيده واذا كان العكس لاتهاوشني تكفى

الرمعه الثانيه التبن ( في وجه العدو) ما تحصله الا بعد موت النبات

[sltan200002]

مهوب الشجر والحطب اظنها رمعة جيده واذا كان العكس لاتهاوشني تكفى

الرمعه الثانيه التبن ( في وجه العدو) ما تحصله الا بعد موت النبات


ودي اقول صح ومن كل قلبي تدري ليش لأن مشاركتك هذي هي اول مشاركة تستفتح بها مشاركاتك بالمنتدى المبارك
حتى انت بديت تحوم حولها

آآآخ وين اهل العقول الجباره والجبابره اصحاب العقول الفتاقة الي تفتق قواطي الصلصه

[sltan200002]

حــــــــــــبة بنادول ياسلطان :D

حــــــــــــبة الرز ياسلطان


شكل البطون بدت تقرقر.. تغدو اول ثمن تعالو كملو رمعاتكم بعض الناس اذا جاع معد يفكر تزغلل عيونه وتفكيره يتعطل :509:

شوفو المشاركة الي أشرت إليها سابقاً بحلقو فيها انشالله لين تحول عيونكم لان فيها خيط متيييين يوصل للرمعه الله يرنع عدوكم

ولا تنسون قول الشاعر
اذا جاك لغز صعب حاول ثم حاول لين تحله

[الـنـشـمـي]

اذا جاك لغز صعب حاول ثم حاول لين تحله هههههههههههههههههههه :D:D

صح لساااااااااااااانك :)

وش الغداء اليوووووووووم ياسلطان :)

[sltan200002]

اذا جاك لغز صعب حاول ثم حاول لين تحله هههههههههههههههههههه :D:D

صح لساااااااااااااانك :)

وش الغداء اليوووووووووم ياسلطان :)

الغدا سلمك الله مربوعة .....
.
.

مربوعة = مثلوثة + مكرونة

ما سمعت الشاعر يقول : كل مثلوثة يضاف لها رابع تصير مربوعه :615:

[ابوجبل]

بعد عنا طويل جبنالك الحل **
ياسلطـــــــــــــان**

الســـــــــــــــــــنبله***ولدها الحب

[sltan200002]

بعد عنا طويل جبنالك الحل **
ياسلطـــــــــــــان**

الســـــــــــــــــــنبله***ولدها الحب



مبروووووووك
وهدف ذهبي في الوقت الضائع

وابصم لك بالعشرة مهوب من عندك الحل

[ابوجبل]

وقسم لك بالله انه من عندي ولم يشاركني به احد

ولكن انك دوختني بهالغز
لغزك هذا مسلسل ابو ليلى المهلهل
وسلامتك ياابو السلاطين

[sltan200002]

وقسم لك بالله انه من عندي ولم يشاركني به احد

ولكن انك دوختني بهالغز
لغزك هذا مسلسل ابو ليلى المهلهل
وسلامتك ياابو السلاطين
.
.
طيب ليش ما قلت جعلي جغ وجغ


اصلا مصدقك بدون حلف

بعدين انا قايل لك من أول اذا عرفت الحل بتجي وانت واثق انه صحيح بعكس رمعاتكم الاوله كل تقولونها بدون ثقة والدليل رمعتك ذي قلته وانت مليان منها

[الـنـشـمـي]

صح لسااااااااااااانك يابوجبل .... :)

=====
وانا اقوووووووول شاهي ,,, صدق ماعندي ماعند جدتي :D:D

=====

اخووووووووي صدق مشكوووووووور على هاللغز الي وسع صدورناااااااااااا :)

تحيتي

[sltan200002]

صح لسااااااااااااانك يابوجبل .... :)

=====
وانا اقوووووووول شاهي ,,, صدق ماعندي ماعند جدتي :D:D

=====

اخووووووووي صدق مشكوووووووور على هاللغز الي وسع صدورناااااااااااا :)

تحيتي


واكثر من كذا عرفنا على الوجيه الطيبة
:cool: :cool: :cool: :cool:

[ابوجبل]

صح لسااااااااااااانك يابوجبل .... :)

=====
وانا اقوووووووول شاهي ,,, صدق ماعندي ماعند جدتي :D:D

=====

اخووووووووي صدق مشكوووووووور على هاللغز الي وسع صدورناااااااااااا :)

تحيتيالله لايهينك يابومحمد انت والاخ الغالي سلطـــــــــــــــــــــــان
ومن شارك معنا في الردودعلى حل هذا اللغز
اكرر تحيتي لكم بخالص الحب والوفاء*
اخوكم**ابوجبل**

[sltan200002]

الله لايهينك يابومحمد انت والاخ الغالي سلطـــــــــــــــــــــــان
ومن شارك معنا في الردودعلى حل هذا اللغز
اكرر تحيتي لكم بخالص الحب والوفاء*
اخوكم**ابوجبل**


اشكرك على شعورك الطيب ولك مني تحيتي ودعواتي بالتوفيق