أبن البلد
02-04-2005, 04:17 PM
سوق هوامير الأسهم
لــ: فهد بن عقيل الطويان
أمس العصر مريت سوق الهوامير
اللي لهم من زايد المال قيمه
في سوق الأسهم دون ورد أو مصادير
سعر السهم مثل لهم برق غيمه
لي حاجة ما صرت منهم ولا آصير
مادام كفي باللوازم كريمه
عكر حضوري جو الأجواد تعكير
قلت النوايا يالنشاما سليمة
والحارس المعذور محتاج تبرير
قلت العذر لا هنت مرة يتيمة
جمهور ما فيهم صفات الجماهير
همس الحيا وقلوب خوف وحميمه
واحد نظر لي قلت محتاج تفسير
وش تنصحون اللي حواله هليمه
قالوا لنا يحتاج حرص أو محاذير
ولا هوب يصلح للرجال الغشيمه
تصبر على ما جاك لا شفت تقرير
وقالوا لك الأسعار طاحت ونيمه
وما تسمعه من علم يحتاج تشفير
واللي نشد قله إعلوم قديمه
حنا بهذا طلعة الشمس واعصير
كأنك قوي اضلوع ذيب أو صتيمه
كم واحد هلفاه في جمة البير
هفة امقيط اللي غدر به نديمه
وكم طامع ما شاف من مطمعه خير
إلا المرض واعلوم تسمع أليمه
واللي دخل للسوق تقليد للغير
ما غيره بنفسه مسوي جريمه
إلى خسر يرجع على البيت وايزير
ويحط حيله بالعيال أو حريمه
هذا الذي شفته بمجلس هوامير
أنصح بها ما قلت سب أو نميمه
لــ: فهد بن عقيل الطويان
أمس العصر مريت سوق الهوامير
اللي لهم من زايد المال قيمه
في سوق الأسهم دون ورد أو مصادير
سعر السهم مثل لهم برق غيمه
لي حاجة ما صرت منهم ولا آصير
مادام كفي باللوازم كريمه
عكر حضوري جو الأجواد تعكير
قلت النوايا يالنشاما سليمة
والحارس المعذور محتاج تبرير
قلت العذر لا هنت مرة يتيمة
جمهور ما فيهم صفات الجماهير
همس الحيا وقلوب خوف وحميمه
واحد نظر لي قلت محتاج تفسير
وش تنصحون اللي حواله هليمه
قالوا لنا يحتاج حرص أو محاذير
ولا هوب يصلح للرجال الغشيمه
تصبر على ما جاك لا شفت تقرير
وقالوا لك الأسعار طاحت ونيمه
وما تسمعه من علم يحتاج تشفير
واللي نشد قله إعلوم قديمه
حنا بهذا طلعة الشمس واعصير
كأنك قوي اضلوع ذيب أو صتيمه
كم واحد هلفاه في جمة البير
هفة امقيط اللي غدر به نديمه
وكم طامع ما شاف من مطمعه خير
إلا المرض واعلوم تسمع أليمه
واللي دخل للسوق تقليد للغير
ما غيره بنفسه مسوي جريمه
إلى خسر يرجع على البيت وايزير
ويحط حيله بالعيال أو حريمه
هذا الذي شفته بمجلس هوامير
أنصح بها ما قلت سب أو نميمه