ضاري الشمري
31-03-2005, 11:45 PM
بسم الله الرحمن الرحيم
أخواني اعضاء المنتدى المحترمين
بعد الاستخارة والسؤال عن الموسى ومساهماته اقترضت مبلغ 150 الف ريال عن طريق بنك الاستثمار واضفت لها 150 الف ريال هي كل ما وفرتها من وظيفتي خلال 9 سنوات
المهم سمعت عن مساهمة للموسى فسالت عنه والله مدحوه الكثير ،استخرت وتوكلت على الله
اتصلت بهم حددوا لي موقعهم ، يممت لمكتب الموسى بطريق الأمير عبدالله ودخلت المكتب وخذلك سلام وتهليل ما قصروا وشربت القهوه والشاهي
سالت عن مساهمتهم الجديده قال في المنطقة الجنوبية بابها واسمها (المنسك)
قلت : عاد وين انا وابها أبي شي قريب بالرياض . قالوا: فيه بس شوي متاخره ما قررناها الحين
لكن والله مساهمة ابها اربح لك واحسن ومدتها ما تزيد عن سنة وارباحها كبيره لانها داخله عليهم بتراب الفلوس. قلت : تكفون كم ممكن ربحها؟ قالوا: ممكن 80% ولكن نؤكد لك ما تنقص عن 55%
بيني وبينكم ما ارتحت كثير . قررت اخرج واستخير وارجع لهم
خرجت لسيارتي كل موظف قابلني سالته قال توكل على الله المساهمة حيز التطوير وممكن تكمل في 6 شهور المهم ما أطول عليكم .................................
خرجت لسيارتي وابليس (لعنة الله عليه) اغواني
رجعت ووقعت العقد وكلي ثقة في الله ثم في الموسى ومساهمته وكل ثقه ان وطني وحكومتي ما ترضى بان يلعب التجار بهالمساهمين المساكين
عطيتهم 300 الف عشان حسبتها صح على الارباح الاقل
قلت في خلال سنة ان شاء الله بتجيني ارباح 165 الف ازودهم على 300الف تصير 465 الف ادور لي على بيت يلمني وهلي واطفالي او ادخل مساهمه ثانية عند الموسى الطيبين وتزيد فلوسي بعد سنة اخرى واشتري بيت حليو على قد فلوسي لاني ما اقدر اقترض فالبنك ياخذ من راتبي 4735 ريال شهريا.
المهم يا اخوان
الى الان لي معاهم سنتين وسبعة شهور ماشفت لا ابيض ولا اسود
واكتشفت ان المساهمة مهيب للموسى الختيار
المساهمة لاولاده سلطان وموسى عبدالعزيز الموسى ( الله لايسامحهم ولا يحللهم ولا يبيحهم)
وكل يوم يقولون بكره بعده لين مليت والله مليت
والله ظلم ظلم ظلم ظلم
اشتكيتهم للي ما تنام عينه الواحد الاحد
سؤالي احبتي:
هل القانون معي ام معهم
هل اقدر اخذ حقي منهم ام اريح نفسي واكتفي بدعائي عليهم في السحر
تكفون دلوني
اخوكم منتف من جد ما أملك الا ما عطيتهم اياه وراتبي يستقطعون منه قريب النصف
يا اخوان لو شكيتهم للحقوق ـ الشرطه ـ حتى لو الجوازات بلقي حقي
الله يرحم والديكم دلوني
أخواني اعضاء المنتدى المحترمين
بعد الاستخارة والسؤال عن الموسى ومساهماته اقترضت مبلغ 150 الف ريال عن طريق بنك الاستثمار واضفت لها 150 الف ريال هي كل ما وفرتها من وظيفتي خلال 9 سنوات
المهم سمعت عن مساهمة للموسى فسالت عنه والله مدحوه الكثير ،استخرت وتوكلت على الله
اتصلت بهم حددوا لي موقعهم ، يممت لمكتب الموسى بطريق الأمير عبدالله ودخلت المكتب وخذلك سلام وتهليل ما قصروا وشربت القهوه والشاهي
سالت عن مساهمتهم الجديده قال في المنطقة الجنوبية بابها واسمها (المنسك)
قلت : عاد وين انا وابها أبي شي قريب بالرياض . قالوا: فيه بس شوي متاخره ما قررناها الحين
لكن والله مساهمة ابها اربح لك واحسن ومدتها ما تزيد عن سنة وارباحها كبيره لانها داخله عليهم بتراب الفلوس. قلت : تكفون كم ممكن ربحها؟ قالوا: ممكن 80% ولكن نؤكد لك ما تنقص عن 55%
بيني وبينكم ما ارتحت كثير . قررت اخرج واستخير وارجع لهم
خرجت لسيارتي كل موظف قابلني سالته قال توكل على الله المساهمة حيز التطوير وممكن تكمل في 6 شهور المهم ما أطول عليكم .................................
خرجت لسيارتي وابليس (لعنة الله عليه) اغواني
رجعت ووقعت العقد وكلي ثقة في الله ثم في الموسى ومساهمته وكل ثقه ان وطني وحكومتي ما ترضى بان يلعب التجار بهالمساهمين المساكين
عطيتهم 300 الف عشان حسبتها صح على الارباح الاقل
قلت في خلال سنة ان شاء الله بتجيني ارباح 165 الف ازودهم على 300الف تصير 465 الف ادور لي على بيت يلمني وهلي واطفالي او ادخل مساهمه ثانية عند الموسى الطيبين وتزيد فلوسي بعد سنة اخرى واشتري بيت حليو على قد فلوسي لاني ما اقدر اقترض فالبنك ياخذ من راتبي 4735 ريال شهريا.
المهم يا اخوان
الى الان لي معاهم سنتين وسبعة شهور ماشفت لا ابيض ولا اسود
واكتشفت ان المساهمة مهيب للموسى الختيار
المساهمة لاولاده سلطان وموسى عبدالعزيز الموسى ( الله لايسامحهم ولا يحللهم ولا يبيحهم)
وكل يوم يقولون بكره بعده لين مليت والله مليت
والله ظلم ظلم ظلم ظلم
اشتكيتهم للي ما تنام عينه الواحد الاحد
سؤالي احبتي:
هل القانون معي ام معهم
هل اقدر اخذ حقي منهم ام اريح نفسي واكتفي بدعائي عليهم في السحر
تكفون دلوني
اخوكم منتف من جد ما أملك الا ما عطيتهم اياه وراتبي يستقطعون منه قريب النصف
يا اخوان لو شكيتهم للحقوق ـ الشرطه ـ حتى لو الجوازات بلقي حقي
الله يرحم والديكم دلوني