بعد الهدوء .. تعالو نرى ردة فعل كل واحد فينا اثناء الهبوط وانا اولكم (مواقف فكاهية!!)

[الصـالح]

السلام عليكم

اتمنى كل شخص يصف لنا وضعة وما قام به أثناء النزول (ولا يستحي عادي)


بالنسبة لي في بداية النزول حسيت بثقل في الرأس وحرارة وكان هذا في البداية اول 10 دقائق يعني من الساعة 11:15 الى 11:25 وبعدها كني خفيت شوي,,
تدرون ليه خفيت ,, لأني شاري في سافكو ونزل من نسبة فوق 712.5 الى نسبة تحت 583 وارتحت لأنه مافيه أمل ينزل أكثر (ياحظي)

وما زاد الطين بله هو محاولتي الدخول الى اكثر من خمس منتديات ولم اتمكن بسبب الضغط على سيرفراتها

بعد الساعة 11:30 بديت استوعب الموضوع و رجع مخي يشتغل وصرت كل شوي اقوم من الكمبيوتر واخذ لفه في غرفتي لا شعوريا وبعدها ارجع اجلس قدام الشاشة ,,



في وحده من اللفات لبست شماغي بدون شعور ما أدري ليه مع اني ما لبست الثوب !!


يمكن المخ وقف شوي بسبب أني داخل والله بكامل رأس المال وفي سافكو فقط لكن الحمد لله على كل حال

هذا تحليل لشخصيتي اثناء (الإنهيار الصغير العابر) ,, ولكن بعد اقفال السوق وتأدية صلاة الظهر قمت بمراجعة الصفقات ونظرت بشكل عام على السوق فوجدت أن معدل صفقات البيع كان صغير جدا وبحدود 40 -200 سهم لكل صفقة وهذا يعني أن من باع هم الصغار ومن اشترى هم الكبار ,,

وإلا من قام بشراء 140 الف سهم من المجموعة على النسبة تحت !!
ومن قام بشراء 48 الف سهم من التصنيع على النسبة تحت
ومن قام ببلع 65 الف سهم في سابك على اقصى نزول لها !!
أما النكته سافكو فهي حكاية لوحدها !! فقط هبطت من نسبة فوق الى نسبة تحت وتم التهام العروض على النسبة الدنيا بواقع 15 الف سهم وانتفضت في ثواني وارتدت من نسبة تحت الى ما يقارب النسبة فوق ,, ثم هبطت مرة اخرى وكان ملاحظ عليها أن الطلبات والعروض قليلة لدرجة أن السعر كان يقفز من 20 الى 60 ريال بين طلب واخر !!!

أما المصافي فقد حطمت اكثر من رقم قياسي اليوم ,, حيث ان تذبذبها اليوم كان 309 ريال ,, وقد كان الفرق بين عرض و اخر 99 ريال

ايضا رقم جديد تم تسجيلة اليوم حيث تم تداول 10.5 مليار ريال في فترة واحدة !!

امامنا نزول صغير يوم في بداية يوم السبت يعقبه بإذن الله الوان خضراء زاهية

[مساهمين]

" :609: "

" الله يعوضك اخوي ،، لكن ياخوفي لاقدر الله موب تلبس الشماغ بس الا وتدق السياره سلف وانت بالفنيله العلاقي وتروح تسير على أحد :609: ،، وهذا اذا تكرر السيناريو يوم السبت "

[Mathematician]

والله ياخوي انا يوم الخميس يوم مقدس عندي
:D

مستحيل اقوم من النوم والله لو وشو ...

ما يهنى لي بال الا اذا صرفته نوم ...

حتى احيانا الجامعة يحطون محاضرات استثنائية يوم الخميس ... ومعصي احضرها :D

فا مادري شلون اوصف لك بس يوم قمت من النوم حطيت سي ان بي سي وشفت شريط الاسعار وشفت اول شي المصافي نسبة تحت قلت ايه عادي لها كم من يوم نسبة فا ماتفرق تحت ولا فوق ... يوم جت المجموعة نسبة تحت قلت بس الظاهر الربع راحوا فيها
:D

الله يرزق الجميع يارب

[مايهاب]

:509:



في وحده من اللفات لبست شماغي بدون شعور ما أدري ليه مع اني ما لبست الثوب !!

ههههههههههه ههههههههههه هههه ههه هه

مادام انت فتحت الموضوع
انا حاولت اكتب مشاركة تنبيه واستفسار مع نزول المصافي وقبل ان تنزل سابك كثير
كل مرة يقول (اذا اتبعت رابط خاطئ....مدري ايش ) واحاول دون فائدة
مره من المرات ضبطت معي وكتبت المشاركة وكل شي تمام
بس طلع اني كاتبها في منتدى .... قسم برامج الحماية المشكلة نفس الألون بالمنتديين
وجلست لين ماقفل السوق وانا احاول ان احذف المشاركة عن طريق المشرف عشان لانتورط مع الشباب !!!
توقعت يقفل السوق 500 نقطة تحت يوم شفة حركة سابك :rolleyes:

على العموم تصحيح صحي
وهناك شركات وقطاعات باكملها لم تتئثر تأثير قوي بهذا التصحيح
و لن يتجاوز هذا التصحيح في هزاته الإرتدادية ال 500 نقطة باذن الله ولن يستمر اكثر من يوم السبت . وربما الاحد الفتره المسائية سوف يبدأ الخضار ظهور البراعم الخضراء بكل مكان باذن الله ويبدأ فصل الربيع
كثرت الثرثره :509: كأني محلل icond ههههههههه
:609:

[hgfdsafree]

الساعه 11 تعبت من محاولة الدخول على الراجي وانا اللي انعس تركت الجهاز والسوق وحطيت راسي
صحيت مع الصلاه صليت ورجعت قالت ام العيال الاولى كن السوق محمر قلت اذكري الله قالت الثانيه الا صحيح حينها صدقت لانهم ما يتفقون الا على الكوارث
والله فتحت الجهاز وراجعت السوق والحمدلله على كل حال وابشرك رحت العصر حضرت مهرجان انا والعيال الكبار وفي الليل كشته مع الزملاء ولاكن شي حصل
مع اني داخل السوق بكل السيوله ما عدا 30000 تاركها للحاجه
معي قليل في القصيم الزراعيه والكثير من المحفضه في س ينبع

[tiger123]

يوم خميس وتبيني اصحى الصباح !!

والله ما قمت الا مع اذان الظهر وقبل اغسل شغلت التليفزيون على cnbc واشوف شريط الاسعار وابتسمت قليلاً وطلعت من البيت وضيعت المسجد ما حصلته الا مع الاقامة !!

[الجوهرة]

الحمدلله على السراء والضراء

[صياد الأسهم]

أخي الكريم

صدقني لقد كنت نائماً صباح اليوم ولم أكن متابعاً لما جرى
رغم احساسي بان هناك شيء مفاجىء سوف يحدث

وعندما استيقظت فوراً فتحت قناة CNBCالعربية
لأتابع ماجرى في السوق
وفوجئت بالهبوط الكبير فوضعت يدي على قلبي وطرت مسرعاً نحو جهاز الكمبيوتر لأرى التفاصيل
وعندما بدأت أدقق لاحظت أن معظم التصحيح
قد طال تلك الشركات التي تصاعدت بنسب%%%% مجنونه طوال الفترة الماضيه
بينما قطاعات مختلفة وشركات مختلفة تفاعلت قليلاً مع التصحيح وسرعان ماأرتدت لقواعدها سالمه
وبعضها أقفل بأنخفاض بسيط للغاية
وهو ماجعلني أبتسم وأرتاح فقد كنت متوقعاً حدوث شيء مشابه لذلك
فالقطاعات الأخرى والشركات الأخرى صححت بما فيه الكفاية
ولم تاخذ حقها من الأرتفاع رغم محفزاتها الإيجابية
وتماسكها اليوم هو خير دليل على توجه السيولة من قطاع البنوك والصناعه نحو قطاعي الخدمات والزراعه
يليهما قطاعي الأسمنت والكهرباء


بأختصار:

(( أي تصحيح أو نزول يوم السبت يجب استغلاله بشكل دقيق
والتركيز على الشركات النائمه والتي تمتلك محفزات, والقيام بوضع أوامر شراء أسفل اغلاقها اليوم
فربما تقتنصوها باسعار لم تكونوا تحلموا بها أبداً وتبدأو معها مشوار الصعود الجميل))
هذا مالدي

والله ولي التوفيق

وتقبلوا تحيتي وتقديري

أخوكم صياد الأسهم‌‌‌‌‍‍

[mam4552]

بالنسبه لي
قمت الصبح الساعه 9 ماادري ليش
كني حاس ان فيه شئ
فالعاده مااقوم لو عندي شئ
المهم فتح السوق وهبل راعي سافكو يما رفعاها ويما نزلها
الين قفلت اخلاقي نسبه فوووق
ومار اشري على النسبه
اثري غفيت شوي
ودقيت على واحد من الزملاء وكان يواعدني وكنت اكلم وانا اشوف الشاشه وانا عيوني على المؤشر اشوفه 320
ماصدقت سويت ابديت مانفع
واشوف سافكو نسبه فوق نسبه تحت
+28
-88
-8
+88
انواع اللحسه
ما صدقت
اشوف المصافي ذا يستهبل
المهم طلعت من البيت على طول
رجعت الظهر للبيت وقعدت اقرا المواضيع اللي بالمنتدى
وبس
والحمد لله على كل حال

[مسادم1386]

الله يعين عملاء بنك الرياض هذا اليوم
فقد كانوا في وادي والمؤشر في وادي اخر
تخيلوا الاسعار هذا اليوم متاخره تقريبا 25 دقيقه والنظام يتوقف والمؤشر اخضر
وياتيك اتصال ويقول المؤشر نازل 250 نقطه
لقد حدثت اغماءات بسبب هذا البنك وانتشرت حبوب البنادول اكسترا وكثرت الهستيريا
المهم حاولت الشراء ولا اعلم كم الاسعار الان
قلت خلني اشري في بعض الشركات المتوسطه مادام القياديات نسب تحت اكيد الاخرى نسب
وطلبت على النسبه ولم ينفذ اي طلب ولله الحمد

[شرقان]

لا عاد انا مترزز من الساعه 8.30 تقول شايب جالس اطالع التوصيات في المنتدي واقعد احسب واجمع واشوف الصناعيات فوق ومن قراده حظي طبيت في المجموعه بـ1050علي بالي اني بعرض نسبة فوق مادريت الا وهي نسبة تحت
عاد قاعد اطالع اشوف يوم نزل السوق احس مثل الحلم في ثواني نزول يروع اول مره اشوف اللون الوردي في مباشر برو المشكله قاعد العب علي نفسي اقول يمكن فيه خلل ما يمكن فيه خراب في الكمبيوتر شلون سهم يقارب علي النسبة العليا يغلق علي النسبه الدنيا
قبل شوي جلست اطالع المتابعه اليوميه اللي اليوم الصباح اضحك علي البعض يوصي الحقو علي السهم الفلاني عب محفظتك قلت والله لويدري ويش بصير في لسوق ماكان نطق بشي
http://www.tdwl.net/vb/showthread.php?t=102210

[greeb]

الله لا يعاقبني بصراحه انا انبسطت
فيه اسهم مفضله عندي اشتريتها
باسعار ما كنت احلم فيها
لانني واثق باذن الله ان السوق
بخير وهذه الهزات تعودت عليها
ولو ما حصل ارتداد الاسبوع القادم
مافيه مشكله انسى الاسهم على الاقل
اسبوعين وانشاء الله كل شي يرجع
زي ماكان

[alwadei]

الحمد لله على كل حال



والله أنا ضربت شوط


كنت ناوي بعد التداول أنام


لكن ما دريت إلا وانا


مشغل السيارة وطقيتها مشوار من الرياض للشرقية

ورجعت بعد المغرب:509:


الله يقسم لنا خير

[بيزوس]

هذا الله يسلمكم سالفتي سالفه :509:
انا موظف بنك (( ماراح اقول لكم إسمه :509: )) واداوم الخميس
كنت اخدم عميل و صار غلط ونقص معلومات في قسيمته قلت له روح عدل الغلط والنقص وارجع لي على طول
قلت على مايخلص العميل اخذ لي نظره سريعه على السوق
طالعت في السوق وياليتني ماطالعت
شفت العجب العجاب (( أذكرها في قصة الف ليلة وليله )) :508:
انصدمت من اللي شفته :602:
المؤشر بعد ماكان +90 صار 380-
واطالع في ارباح اسهمي من 20 الف الى 1900
قلت يمكن رقم واحد متخبي جنب ال 1900 وماشفته
وأدور ومالقيت شي
مالقيت غير 1900 :609:
اختبصت الدنيا معاي وحسيت ان الدم تجمع في الراس وعروق الجبهه تنتفخ والعيون بغت تطيح خخخخخخخخخخخ
رجع لي العميل وهو مبسوط وقال هذي القسيمه جاهزه
طالعت فيه وقلت " اي قسيمه ،، اخوي انت جاي برقم ولا متجاوز السرا "
من الخبصه نسيت العميل كان عندي
مشيت العميل و هو طالب انه يسحب 30 ألف فمن اللخبطه عطيته 50 ألف :509:
ولد الاجواد ردها لي وقال معطيني 20 ألف زياده
بعدها اتصل فيني عمي وقال انا في الصاله وفي زحمه وابيك تمشيني من دون سرا
قلت له " الله لايهينك خذ لك رقم وانتظر دورك " :509:

مانقول غير الحمدلله على كل حال :)

[صمت الوداع]

الحمد لله بعت يوم الأربعاء ......
وإن شاء الله نقتنص الفرصة يوم السبت بالمسائية أو يوم الأحد .....

الموقف إن أصدقاي حاولوا يصحوني بالجوال وبالرسايل ....

لكن أخوكم داعس البنص عالآخر .....

[الادهم]

اما انا فحالتي خاصه فعندما رايت السوق في هذا الحال قفلت الشاشه وصحيت العيال وطلعنا نشوي برا طبعا في الغدا ورجعت العصر واجهز الطلعه للعشاء برضوه طلعنا نشوي والله انها لحقيقه اني اليوم مشوي غدا وعشاء حتي العيال يقولون ايش فيك بس انا مادري ليش
اليوم كافشه علي الشوي وابشركم ان العيال يقولي احسن مشوي تسويه في حياتك

وانا اشوف ان اليوم كله شوي صباح وظهر وليل
الله يستر ماتكفش على اشوي يوم السبت ؟؟؟؟؟؟؟؟؟؟؟؟؟؟؟؟؟؟؟؟؟؟

[شرقان]

موضوع رائع يرفع للمزيد من المشاركات

[ناسي نفسه]

تصدقون كنت جالس بالبيت

على جهاز الكمبيوتر عن طريق مباشر الراجحي

( مشترك عشان المباشر لا اكثر ولا اقل )

طبعا صحيت بدري وشف السوق طيب وعروضه طيبه

بس اللي لفت انتباهي ان الهيئة موقفه المصاافي

هنا شكيت بالوضع قعد بالبيت على مباشر الراجحي

الين الساعة يمكن 10:55 وبعدين مشيت قلت اروح للبنك

اتابع افضل ( البنك بجنب البيت ولله الحمد ) مايحتاج سيارة

رحت واخذت فطور وافطرت ولله الحمد بس ماوصلت الا الصجة بالصالة

بيع لي مادري ايه طالعت بالشاشة الا المؤشر نازل 300 نقطة

بعدين قلت ما امداني اللا صار كذا

قلت الله يعين

طبعا اشتريت باللجين عشان اعدل وان شاء الله اعدل

والا ابيع بخسارة ( متعود على الخساير ) :)

بس هذا اللي عندي تحياااااااتي

[الكاغد]

بالنسبة لي
كنت عارض الاتحاد بـ 505 ونفذ لي والمجموعه معي وسعرها مرتفع ومرتاح منها جدا
المهم قلت ليه ما ازرق البنك واطلب الاتحاد بـ 490 شغلت السياره ودخلت البنك الااشوف المؤشر -38 دخلت على المخفظه لقيت المجموعه عرض بدون طلب ما صدقت ابد لاني طالع من البيت وهي طالعه فوق 1065 معقول والمصافي والاسمده و .... وش صار
قمت بدون شعور بعرض الاسهم بسعر السوق وطلعت على طول للبيت الا اشوف المجموعه ارتدت فوق الـ 960 قلت والله قهر ما لي نصيب
لكن اللي مكتوب على الجبين تشوفه العين
مع الضغط على االسيرفر ما دخل الامر لامني كنت مستعجل ما انتظرت رقم تداول والظاهر ان الامر لم يمرر وبقيت مجموعتي معي الله يبارك لي فيها

قولو آمين

[المتخربط]

ياليت السالفه بس في وقت النزول
السالفه من اسبوعين بالضبط
شريت الاحساء 179.25
وانتضرتها فتره ويوم وصل 185.5
بعتها وكانت بالعاده تنزل الى 175
بس ذاك اليوم غير
ومباشره لفت انتباهي الباحه ودخلتها 94
وكانت عليها شغل وحاولت امسك والا الاحساء ظل ثابت واحيانا
يرتفع متذبب واستغربته وقلت ابيع الباحه وبعت96.25
وابي اطلب الا حساء والا السعر 188 قلت تنزل وتقب للنسبه
وابي الحق على الباحه الا هي نسبه
قلت ياولد لحق سيسكو واشيلها 113.5 وسكر السوق
المهم من بكره شفت طلبات كثيره الاحساء للنسبه
واشوف سيسكو وابيع مع افتتاح السوق 117.25
والا السهم قب نسبه
واطب في انابيب 202.75 واتعلق مع كراعيني
ونزل وجاء يوم الخميس وقلت ماابيع الا 220 والا ماابيع 170
المهم السبت شفته وسبحان الله بعت بدايت السوق 186.75
ويشلع نسبه على طول تقول ينتظرني السوق
ووصل ثاني 217.75
وهالكلام خلال اربع او خمس ايام ورا بعض
والحين عندي مناعه لو ينزل نسب
ماهمني
والحمدلله على كل حال