للتسجيل اضغط هـنـا
أنظمة الموقع تداول في الإعلام للإعلان لديـنا راسلنا التسجيل طلب كود تنشيط العضوية   تنشيط العضوية استعادة كلمة المرور
تداول مواقع الشركات مركز البرامج
مؤشرات السوق اسعار النفط مؤشرات العالم اعلانات الشركات الاكثر نشاط تحميل
 



العودة   منتديات تداول > تداول الآداب والشعر > تداول الشعر الشعبي



إضافة رد
 
أدوات الموضوع
قديم 04-11-2012, 05:10 PM   #1
عبدالله هادي
أبو بنان
 
تاريخ التسجيل: Jan 2012
المشاركات: 19,216

 

افتراضي لا ضاق صدرك

لاضاق صدرك والليالي تحدتك .......اصبر عليها والصبر زين لوطال
لاتنحني للوقت وتروح هيبتك ....... وتموت بالحسرة ولوكنت رجال
واحذر تدور عند الأنذال حاجتك ...... لاتقضي الحاجة ولاتستر الحال
واحذر تبين لأقرب الناس شدتك ....... لو تزعله لحظة حكت فيك لأجيال
وان صرت ضيف الناس لا تطول مدتك ....... غالي تجي وتروح ياطيب الفال
وان كان همك بالزمن بس لقمتك ........ الفول بريالين والخبز بالريال



ابن جدلان
عبدالله هادي غير متواجد حالياً   رد مع اقتباس
قديم 04-11-2012, 06:54 PM   #2
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

صح لسان شاعرها وتسلم يمينك على روعة الأ ختيار أشكرك احساس صادق 00الله يعطيك العاف
الله مـن هـمٍ بروحـي سهجهـا
بخافي ضميري في كنين الحشا لاج
أحـر مـن نـارٍ توقـد وهجهـا
منها خطر روحي على سلك ديباج
وعينٍ عسى المولى يعجل فرجهـا
يفوح ناظرهـا كمـا عيـن هـداج
أسترسلت بالدمـع ممـا رهجهـا
غيضٍ يكظ عبارها مثـل الأمـواج
كم واحـدٍ لـه غايـةٍ ماهرجهـا
يكنها لـو هـو للأدنيـن محتـاج
يخاف من عوجا طـوالٍ عوجهـا
هرجة قفا يركض بها كـل هـراج
يقضب عليك المخطيه من حججها
حلوٍ نباه وقلبه اسود مـن الصـاج
والله خلق دنيـاً وسـاعٍ أفججهـا
وعن مايريب القلب لك كم منهـاج
والرجل وان شطت لياليك سجهـا
عسـى تواليهـا تبشـر بالأفـراج
أشوفه غير متواجد حالياً   رد مع اقتباس
قديم 04-11-2012, 07:40 PM   #3
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

صح لسان شاعرها وتسلم يمينك على روعة الأ ختيار أشكرك احساس صادق 00الله يعطيك العافية
أشوفه غير متواجد حالياً   رد مع اقتباس
قديم 04-11-2012, 08:11 PM   #4
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

بعض الصداقة مواسم ضحك وإيناسه
0000000000000000000تمتد فترة زمن ويـزول موسمهـا
وبعض الصداقه لها طابع وحسّاسه
000000000000000000كانك على الصّخر ناقشها وراسمها
أشوفه غير متواجد حالياً   رد مع اقتباس
قديم 04-11-2012, 08:38 PM   #5
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

/




الا ياوجودي ليت قلبي بـدون احسـاس
على شان لاجـات المحسـات ماتكويـه
اقضّي حياتي داله مثـل بعـض النـاس
واريّـح ضميـر يشكـي الهـم ويعانيـه
طوتنا الليالـي طيـة الكـف للقرطـاس
ورمتنا بسهـم لاجـرح خاطـر يدميـه
لبسنا لها بالصبر والحلـم درع وطـاس
لكن ماكتب للعبد فـي اللـوح مايخطيـه
ومهما شكينـا الهـم والا بكينـا البـاس
تراخى حبال العـزم والـراس مانرخيـه
نعيش وكرامـة روسنـا مالهـا مسّـاس
ونمـوت وخفانـا للمخاليـق مانبـديـه
ولانرخـص الوافـي ولانغلـي البـلاس
ولانتبـع الجاهـل بممشـاه ونجـاريـه
ولاما انهزع وقت الشدايـد ردي السـاس
رسينـا بعـزم قـوة الغـدر ماتثنـيـه
خذينا مع اهل الطيب واهل الوفا مرواس
ورجينا وحققنـا مـع الوقـت مانرجيـه
وعرفنا الذهب لو يحترق مايعود نحـاس
وعرفنا النحـاس الله لاعـاده وطاريـه
وبذرنا الجمايل في الرجاجيل والانجـاس
الانجـاس تفشـل والكفـو دينـه يوفّيـه
وبعض العدا حتى عداوتك لـه نومـاس
لايجحـد ولايظلـم ولايثـلـم معـاديـه
لكن خصمة اللاش انتقاص وحرج وافلاس
لاينطحك ياخذ حـق صايـب ولايعطيـه
تعـوذ منـه كمـا تعـوذ مـن الخنـاس
ولاعديت عدوانك على الناس لا تطريـه
ولـم الروابـع كانهـا للرجـل مقيـاس
هي اللي تعلّـي منزلـه فـوق وتوطيـه
لاطابت تلبسه الفخـر والجميـل لبـاس
ولاما تردت... في مهاوي الردى ترديـه
وذي حكمة الله يوم حط العبـاد اجنـاس
احد يرخصه طبعه واحد شيمتـه تغليـه
ومن راقب افعال العرب صابه الوسواس
ومن صد لايامـن سهـوم القفـا ترميـه
ولاواهني من كان قلبه بـدون احسـاس
على شان لاجـات المحسـات ماتكويـه
أشوفه غير متواجد حالياً   رد مع اقتباس
قديم 04-11-2012, 10:25 PM   #6
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

لما في هذه القصيده من نصائح وحكم وامثال ممن سبقنا وهي قصيده للشاعر/بركات الشريف ينصح فيها ابنة مالك ****


يالله ياللي كــل الامات ترجيك **** ياواحدن ماخاب حيــن ترجاك

يارب عبدن مامشى في معاصيك **** ولايمشي الافي محبتك ورضاك

يامـرقــبن بالصبح ظليت باديــك **** ماواحـدن قبلي خبرته تــعلاك

وليت ياذ الــدهر ماكثر بلاويك **** الله يزودنا السلامـه من اتلاك

يالي على العربان عمت شكاويك **** وليت يادهر الخفى ول مقواك

والـيوم هالــكون غــادن شبابـيـك **** تلعبه الارياح من كل شبــاك

يامالك اسمع جابتي يوم اوصيك **** واعرف ترى يابوك بامرك وانهاك

وصـيتـن من والدن طـامع فـيك ****تسـبق عـلى الساقه لسانه لعـلياك

اوصيك بالتقوى عسى الله يهديك **** لها وتدركها بتوفيق مولاك

احفظ دبشك اللي عن الناس مغنيك ****اللي اليا بان الخلل فيك يرفاك

اجعل دروب المرجله من معاليك **** ودراج سيسها على العز مرقاك

لاتنسدح عنها وتبغيني اعطيك **** جميع مايكفيك ماحاصلن ذاك

احذر امر ليعاتها بيك لتاليك ****ايضن وترخص عندها قدر ماواك

ادب ولدك ان كان تبغيه يشفيك **** واستسعفه من بعد مرباه بلاك

اما سمج واستسمجك عند شانيك **** ويفر من فعله صديقك وشرواك

ولابعد جهله تراهو بيوذيك **** ولو زعلت امه لاتخليه يالاك

احذر تضيع كل منهو ذخر فيك **** معروفه لاتنساه واوفه لعرفاك

ترى الصنايع بين الاجواد تشريك **** اليا طمعت بركزها لاتعــداك

واوف الرجال حقوقها قبل تعنيك **** لاتعتمد فالعفو فالحق يقفاك

وهرج النميمه والقفى لايجي فيك **** واياك عرض الغافل اياي واياك

تبدي حديث الناس وفيه تشكيك **** وتهيم عند الناس بالكذب واشراك

واذا نويت احذر تعلم بطاريك **** كم واحد ن تبغيبه العرف واغواك

واحذر شماتة صاحبن لك مصافيك ****واليا جرالك جارين قلت لولاك

لاتحسبن اللــه قطوعن يخليـك ****ولاتفرح ان الله على الخلق بداك

انشده حط الطمع في تواليك **** لو مالقيته يافتى الجود يلقاك

والضيف قدمله هلا حيــن يلفيك **** مما تنوشه يافتى الجود يمناك

اكرم اقباله ثنها من شواديك **** وابذله المجهود مادام يعناك

احذر تلقي الضيف مقرن علابيك ****خله محبنلك صديق اليا جاك

واوصيك زلات الصديق ان عثى فيك ***مازال يغطاه الشعر تحت ملاك

راعه ولو ماشفت انه يراعيك ****عساك تكسب نيته عن مــعادك

لاتامنه فطلب من الله ينجيك ****ويكفيك ربك شر ذولا وذولاك

شفني انا يابوك بامرك وانهيك**** عن التعرض بين الاثنين حذراك

اذا حضرت اطلابتن مع شرابيك***اسع لهم بالصلحووالاش يفداك

ابذل لهم بالطيب ربك ينجيك ****لاتجضع الميزان مع ذا ولا ذاك

اما الشهاده ادها ان دعو فيك ****بين عمود الدين لاعميت ارياك

بالك تماشي واحدن لك يربيك ****طالع بني جنسك وفكر بممشاك

رافق اصيلن في زمانك يشاكيك ****لاشاف خملاتك عن الناس غطاك

واحذرك عن طرد المقفي حذاريك ***عليك بالمقبل وخل اللي تعداك

ثم العن الشيطان لياه يغويك **** ترى ان تبعته لشرابيك وداك

اوصيك لاتشكي علينا بلاويك ****ان السبب طرفك عيونك بيمناك

واعرف ترى اللي قد وطى الخلق واطيك***ولنت اعز من الجماعه هذولاك

المسك ياراسي عن الذل واخطيك ****واحذر تكلم يالساني حذاراك

والطف بجارك ثم قم دون عانيك **** وافطن لما يعنيك عن ربعت اخواك

ياذيب وان جتك الغنم في مفاليك **** فكمن اليا حيث العايا تعداك

منولن ياذيب تفرس بياديك ****واليوم جا ذيبن عن الفرس عداك

ياذيب عاهدني وعاهدك مرميك **** مرميك انا ياذيب لو زان مرماك

والنفس خالف رايها قبل ترميك **** ترى لها الشيطان يرمي بلدراك

ومن بعد ذا لاتصحب النذل يعديك **** وعن صحبة الانذال حاشاك حاشاك

ترى العشير النذل يخلف طواريك **** وانا ارجي انك ماتجي دون اباك

والهقوه انك ماتجي دون اهاليك ****ولا ذكر عود الورد يثمر بتنباك

والحر مثلك يستحي يصحب الديك***وان صاحبه عاعا معاعاة الادياك

لاتستمع قول الطرف يوم يلفيك ****بالكذب يقضي حاجته كل ماجاك

من نملك نمبك ولافيه تشكيك ****واله ازرى رفيقك وازراك

عندك حكى فيني وعندي حكى فيك***واصبحت كارهنا وحنا كرهناك

مخطاك ماصابك ولو كان راميك ***واللي يصيبك لو تتقيت مخطاك

مير استمع مني عسى الله يهديك****النصح يامالك لك الله مولاك

عندي مضنه ماتمثلتها فيك ****واطلب لك التوفيق عند مولاك
أشوفه غير متواجد حالياً   رد مع اقتباس
قديم 04-11-2012, 10:37 PM   #7
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

أكبرغلط سـرك للانذال تبديه

وتصاحب الخائـن قليـل المـروه


وتسوي المعروف في غير راعيـه


وتجامل الغلطـان وتقـول خـوه


وتشره على اللي مايعرف المشاريه


ويلقا على سبـك طريـق المفـوه


وتبع المقفي نقص لو كان تغليـه


تونس غلاه بسرة القلـب جـوه


واكبر خطأ راع الجهالـه تلاغيـه


بنفس الكلام اللـي تفـوه تفـوه


وتلعب على الحبلين والحق تخفيه


وعلى نضيف القلب تقـدر تمـوه


ونفس الكلام اللي تجيبـه توديـه


ولسمعـة الاجـواد تقعـد تشـوه


وتعجبك قوة سلطة الجـاه وتيـه


وتقول انا اللي منزلي فـي علـوه


أعلم تراك انسان وضعيف ياهيـه


ماغير قـوة خالـق الكـون قـوه


هذي نصيحة من تحكمـه مباديـه


من المجتمع ماراق بالـه وجـوه


ولاقول كل المجتمع ماذكّـر فيـه


الناس فيهم مـن براسـه حمـوه


خصيت فيها اللي عريبه مجانيـه


ومن باب حبي له وبـاب الأخـوه


أنت استلمت رسالة الؤد قول أيـه


الله يجنبـك المنـافـق وســوه


إذا إتعضت أشكرك هذا اللي ابيـه


وإذا جهلت اللـي يناسبـك سـوه


ولاني وكيل أدم على أخطأ ذراريه


حبيت أحذر عن بعضهـا وأنـوه









--
أشوفه غير متواجد حالياً   رد مع اقتباس
قديم 04-11-2012, 10:42 PM   #8
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

أشوفه غير متواجد حالياً   رد مع اقتباس
قديم 05-11-2012, 03:10 AM   #9
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

رحـب لـيـا جـاتـك وجـيـه المسايـيـر ====== وفل الحجاج ودن مـن الكـف فنجـال

فـنـجـال خــــولان وصــبــه بـتـقـديـر ====== لهـل الوجيـه الفالـحـه عــز وجــلال

وظهـر علـى وجهـك جميـل التعابيـر ====== ورحب بضيفك واسمعه زيـن لقـوال

وقـدم لـه الميسـور دون المعاسـيـر ====== من ماحـواه الـدار فـي كـل الاحـوال

فالظيـف لـه حــق وحشـمـه وتقـديـر ====== ولــه مـنـزل مايشـبـه لـكــل مـنــزال

والضيف ضيف الله وفي مقدمه خير ====== يفر حبـه اللـي مجلـسـه دوم مـدهـال

رجـل علـى شوفـه يسـوق التباشيـر ====== لـو كـان جيبـه مايحصـل بــه اريــال

فيـاوجـد حـالـي يالـرجـال المناعـيـر ====== للـي لـهـم بيـبـان مــا تـعـرف اقـفـال
أشوفه غير متواجد حالياً   رد مع اقتباس
قديم 05-11-2012, 03:23 AM   #10
أشوفه
متداول نشيط
 
تاريخ التسجيل: May 2011
المشاركات: 1,472

 
افتراضي

اوصيك ياوليدي وصاة تضمها
الى عاد مالي من مدى العمر زايد
وصية عود ثالث رجيله العصا
وقصرت خطاه الي من اول بعايد
لاتاخذ الهزلا علشان مالها
ولاتقتبس من نارها بالوكايد
لاتاخذ الا بنت قوم حميده
عسى ولدها يجيب الحمايد
يجزى عمل راعي الحساني بمثلها
ويجزى عمل راعي النكد بالنكايد
ولاتتقي في خصلة مالها ذرا
ولاتنزل الا عند راعي الوكايد
ولاتسفه المنيوب لاجاك عاني
اياك ياولدي ومطل الوعايد
وياطول ماوسدت راسي كداده
من خوفتي يعتاد لين الوسايد
فمن عود العين الرقاد تعودت
ومن عود العين المساري تعاود
ومن عود الصبيان من زاد بيته
عادوه في عسر الليال الشداد
ومن عود الصبيان ضرب بالقنا
نخوه نهار الكون يابا العوايد
ومن تابع المشراق والكن والذرا
يموت ماحاشت يديه فوايد
الايام مابقى بها كثر مامضى
والأعمار ما اللي بقى منهابعايد
نعد الليالي والليالي تعدنا
والأعمار تفنى والليالي بزايد
الى دقت الوسطى بالأبهام تذكرت
زمان مضىماهو لمثلي بعايد
فلابد ماسحم الضواري تحوفني
بليل ولالي عن لقاهن بزايد
ومن سرته الأيام ينقاد حبله
وينقض في حبل اللذيماتساعد
قولوا لبيت الفقر لايامن الغنا
وبيت الغنى لايامن الفقر عايد
ولايامن المضهود قوم تعزه
ولايامن الجمع العزيز الضهايد
وواد جرى لابد يجري من الحيا
ان ماجرى عامه جرى عام عايد
وصلوا على خير البرايا محمد
ماناح ورق فوق حدب الجرايد
أشوفه غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:08 PM. حسب توقيت مدينه الرياض

Powered by vBulletin® Version 3.8.3
Copyright ©2000 - 2024, Jelsoft Enterprises Ltd.